ياريت تيفيدوني في موضوعي دا مشكلتي تبدا من اول ما ارتبطت بابن خالتي انتظرته لحد ماخلص دراسته ووقفت جنبه ورفضت عريس جاهز عشانه واتخطبتله واتجوزنا وبعد ما اتجوزنا شقتنا جنب والدته اللي هي خالتي بعد اسبوع الفرح نزلني وبقي بيجي عليا عشان امه وبقي بيسافر الجيش ومش بيحضر اى حاجة بتحصل يقوم متصل بيا يتشاكل معايا في امور هو محضرهاش ونعرف ان امه هي اللي قيلاله ومكالماه وعايزني تحت رحمتهم وحملت ومرحمونيش وبقيت بخدم فيهم لاخر لحظة في عز حملي لحد مانزل عليا دم وفي الاخر قالوا عليا بنزل على الجاهز ومش بعمل حاجة وكل همه اني ارضي امه وانا مش فارقة معاه يقولي اهم حاجة امي ومانعني ان اقعد يومين في شقتي كراحة وتغير وفي الاخر قفل الشقة ومش راضي يديني المفاتيح ومشاكل اكتر من كدا كمان لحد ما انهرت والجني وقف عن الحركة ولا همه يقولي ارضي امي الاول رغم انهياري دا ومش عاوزني اروح لاهلي الا بمزاجه دا كلامه ف انا بفكر اعزل هل من حقي ولا لا؟
حل مشكلتك دي يتطلب تدخل من اهلك عشان يضمنوا لك حقوقك الزوجية ويصونوا كرامتك الظاهر ان جوزك ضعيف الشخصية ومسلوب الإرادة امام اهله ولن يعمل لك شيء لاجل يدافع عنك وعن حقوقك وكرامتك لازم يكن لك بيت خاص مستقل عن اهله منعا لتدخلهم في حياتكم الزوجية وبكدا ترتاحوا من المشاكل والخلافات وربنا يهدي سركم ويصلح لكم الحال ويرزقكم بالذرية الصالحة في حياتكم
يااختي ليس من حق زوجك يعمل معاك كدا انت مراته وهو مسول عنك امام الله وكل الناس الموضوع يحتاج تدخل من اهلك عشان يحلوا الاشكال ده بحكم انكم اقارب روحي بيت اهلك واحكي لهم كل شئ ولاتخفي عنهم الحقيقة وهو لو فعلا يحبك وشاريك يجي ويصالحك ويتفاهم معك ومع اهلك على كل حاجة وربنا يهدي سركم ويصلح لكم الحال
لا شرع ولا قانون ولا انسانيه تسمح بده
حقك وحقك وحقك طبعا
بروح يستفتي اللي بيعمله ده وهايشوف رد الشيوخ عليه ايه
مش صح ان زوجة الابن تبقي خادمه لحماتها حقك تعزلي وتروحي مكان مستقل بذاتك وهو انشالله كل يوم يروحلها ولازم واقفه وواقفه جامده كمان معاهم كلهم وروحي لاهلك وخلي والدتك تكلم اختها وتعقلها وتقول بدل ما نخرب عليهم
وربنا يصلح ليكي الحال
لايااختي اللي يعمله معك زوجك غير جائز وليس من الانسانية انت مراته ولك حقوق وواجبات عليه لازم يقوم بها يكون لك شقة مستقله بعيد عن مشاكل مع اهله وتدخلاتهم في حياتكم الزوجية اشركي اهلك في هذا الموضوع قبل استفحال المشكلة عشان يجدوا لك حل ويتفاهموا مع زوجك على كل الامور التي تخص حياتكم الزوجية انت مش مجبروة تشتغل وتخدم اهله لازم يعرف الشئ ده وربنا يصلح حالكم ويهدي النفوس ويبعدكم عن المشاكل والخلافات ويرزقكم الذرية الصالحة ويسعدكم طوال حياتكم الزوجية