انا اعمل مدرس وتزوجت من سنه من احدى قريباتى وهى حاصله على دبلوم فنى-انجبت منها طفله و كان زواجا تقليديا وليس عن حب احدى زميلاتى فى العمل تتقرب منى و تتكلم ببساطه فى كل شئ لدرجه انى اتكلمت عن الجواز وقالتلى (بس انت متجوز ) و قلتلها انى ممكن اطلق. و ردت عليا بما معناه ان الطلاق مش كويس-المهم هى تتقرب منى وتسألنى عن اى حاجه عشان تتكلم وخلاص-لدرجه انى حسيت بميل ليها
العلاقه مع زوجتى عادى ممكن تستمر -لكن زميلتى و و جودها فى حياتى خلانى احس انى غلطت لما اتجوزت جواز تقليدى فايه رايكم ؟اطلق مراتى واتجوزها ؟ ولا ابعد عنها واستمر فى حياتى؟ ارجو الرد و شكرا
اعجبت لرد لاخوات – روز- حبيبة الرحمن – واتفق معهما في كل ماذكروه للاخ صاحب المشكلة فهوالراي الصحيح اتمنى انه يستفيد منه ويطبقه في حياته والله يصلح حاله ويوفقه ويسعده في حياته الزوجية
اخي العزيز مافي بيت ولاحياة زوجية تخلو من المشاكل بين الزوجين وده شئ طبيعى بيحصل لكل الناس احمدالله انك متزوج وعندك طفلة قمورة ربنايحفظهالكم ويبارك لكم فيها تقرب من زوجتك واهتم بها وصارحها بكل ماتعاني منه من اهمال اوقصور قديحدث منها تجاهك دونما قصدمنها او بسبب اهتمامها وانشغالها بطفلتكم الصغيرة ونشاءالله زوجتك تهتم بك وتعرف انهامقصرة معك في حقك كزوج وتغييرمن حالها للاحسن اما مسالة زميلتك في العمل وكلامها معاك والتفكيرفيها فده غلط وخيانة زوجية لمراتك ام بنتك حرام عليك اتقي الله في نفسك وفي زوجتك وتاكد ان الست دي غير محترمة وبلااخلاق ولاتربية لانها سمحت لنفسها ان تكلمك وهي عارفة انك متزوج وتريد افساد حياتك وخراب بيتك اقطع علاقةبها فهي شيطانة تريد اغواك وتتظاهر بالحب والمشاعر وهي كاذبة ربي يسترعليك ويصلح احوالك ويسعدك مع زوجتك وابنتك
بلاش ياجماعه الغلط فى الناس ونقول ان زميلته مش محترمه، الغلط منك انت الست مهما كانت مخلوق ضعيف وانت قوي وكان بأيدك لما لقيت نفسك مجزوب لها كان المفروض تبعد وتسيطر على نفسك حفاظا على مراتك الطيبه ام بنتك الطلاق مش حل انت اقوي من كده ماتسيبش نفسك للشهوات لان اخرها جهنم واليعو> بالله
ياعم انت مدرس مش رجل اعمال عايز تطلق وشايف نفسك معاك فلوس تدفع موخر وتدفع مصاريف الطلاق ونفقة ابنك وتسيب الشقة لمراتك وتطلع من الجوازة من غير ولا مليم وتروح تتجوز واحدة تانية وتجبلها شقة تانية وشايف نفسك معاك فلوس توكل على الله وكمان ممكن مطلقش اتجوز اتنين واربعة كمان شكلك غنى اوى الله يسهلك يا مستر
يا اخى دا ئما الجديد حلو وله شده وبعد ذالك اكيد بتكون مثل زوجتك مع اختلاف بسيط ممكن فى الطباع ولكن مدام الحياه تستمر مشى امورك عشان اولادك
اتق الله في زوجتك في حاجات لما اتكون جنبك ماتشعر بقيمتها الا لما تفقدها يعني زميلتك هل هذي جمال منها لما تتكلم معاك وانت غريب عنها اكيد تتكلم مع غيرك حافظ على زواجك الي ربنا يبارك فيه وطفلتك
انا شايف راى تامر TAMER صح 100% ، فعلا طالما هى كويسه وراضيه بيك خلاص وياريت تسال نفسك سؤال لو انت مكان زوجتك وتعرف انها بتحب او متعلقة بشخص اخر انت موقفك هيكون ايه
دة مداخل شيطان والبنت اللى بتكلمك دة مش كويسه لانها عارفة انك متزوج…. ربنا يهديك
أنا رأيي الشخصي أنها لاتصلح لك زوجة لانها عارفة انك متزوج ومع ذلك تشاغلك ! وبعدين يارجل حافظ علي بيتك وابنتك واتق الله فيهما خاصة أنك لم تذكر شيئا مطلقا يسيئ الي زوجتك .اقنع بحياتك وابنتك وزوجتك حتي لاتندم وقت لاينفع الندم .
اخي الكريم لاحظ اول شي بعدما تطلق مراتك وتتزوجك زميلتك الي انتي مش متزوج منها وهلق بتحس معها احساس مش بتحس مع زوجتك اكيد رح تشوف الحل اذا تزوجتها بس للاسف رح تنصدم في اشياء غير معقولة فأذا ارجو من الاخ الكريم ان تبقى مع زوجتك وتسعدها وسوف تجد السعادة ان شاء الله اخوك المسلم من حلب ابو رشيد
يااخى العزيز: طبعا مش عايزة اى سؤال اكيد لازم تحافظ على بيتك ومراتك وبنتك ده الطلاق يعنى دمار وبينهزله جبال وصدقنى شعورك اتجاه زميلتك ده لمجرد انك معاها على طول وهى قدامك طول الوقت وبتتكلموا فى كل حاجة فأنت حاسس انك مايلها اى انسان بيشتغل سواء بنت او راجل اكيد بيبقى ليه حد معين قريب ليه من زايله فى الشغل ده مش معاناه انها لو كانت متجوزة او هو متجوز يبقى كل واحد يقول انا عاوز اطلق عشان اتجوز الشخص ده .يا ريت تفكر بعقلك اكتر ايه ذنب مراتك ام بنتك اللى بتراعيلك بنتك وصاينة بيتك انك تصدمها لمجرد انك اتجوزتها جواز تقليدى .دور فى مراتك كويس اكيد هتلاقى حاجات كتيرة اوى تشدك ليها او ممكن تكون انت مش عايز تشوف الحاجات دى عشان تبرر اعجابك بزميلتك ..راجع نفسك كويس وبعدين انت شخص ناضج وانشاء الله ربنا يدلك على الحل الصحيح .بالنسبة لزميلتك مش هينفع اكيد انك تقطع علاقتك بيها بحكم انكم بتشتغلو فى مكان واحد بس بشطارتك تقدر تقلل من الحديث معاها فى مواضيع برة الشغل . وقرب من بيتك ومراتك اكتر. وربنا يهديك
يعنى بعد ما اتجوزت وأنجبت إكتشفت دلوقتى إن الجواز كان تقليدى؟
يا أخى إنت عارف إنت بتعمل إيه كويس وبلاش تلف وتدور علينا إنت أصلا مش بتحب مراتك بس خلى بالك إنك لو سيبتها هتظلمها كتير والاخت الفاضله الى بتلف حواليك مش بعيد تكون بتلف على حد تانى لغاية السنارة ما تشبك مع أى حد وفى الأخر ممكن تبيعك وأصلا مش هتكون واثقه فيك وهيكون دايما فى بالها إنك زى ما سيبت مراتك ممكن تسيبها هى كمان.
أخوك إسلام المحامى
زميلتك لو انسانه محترمه ومتربيه وبنت ناس وعارفه انك راجل متزوج او غير ماتزوج من الادب والحياء انها ماتتكلم معاك اساسا وبعدين ايش ضمنك لما تخرب بيتك او تتزوج علي مراتك هاتطلع كويسه وممكن زي ماعملت معاك تعمل مع غيرك وعلي فكره بدل ماتترقب من زملتك قرب لمراتك ام بنتك هي ابده بالكلام والحوار بدل زميلتك وراعي ربك في بنتك ومراتك وعلي فكره لو ظلمت مراتك ربك والله والله هايرد ليك الظلم ظلم الوليا مش بساهل وخراب البيوت وفي اولاد مش بالساهل كما تدين تدان
بص ما تفكرش لا فمراتك ولا ف زميلتك فكر ف حاجة واحدة بس بنتك اللى اغلى ما لديك ف الدنيا دى وشوف ايه الكويس لبنتك واعمله هل انت شايف انه من مصلحتها انه باباها ومامتها يطلقو عشان زميلة بابا ف الشغل؟ ولا من مصلحتها انه يكون باباها مع مامتها ؟ شوف الكويس لبنتك ايه واعمله
ابعد عنها طبعا لانها لو انسانه محترمه وعارفه انك متزوج ومع ذالك بتشاغلك من اجل ان تسير اهتمامك بها يدل على انا غير محترمه لانها لو وضعت مفسها مكان مراتك ما كانت هتقنل ان حد ياخدك منها فارجوك حاول ان تقرب من مراتك وتحسسها بايهتمامك بيها وحاول ان تعرفها ما تحب وما تكره انت اساس المشكله مش مراتك حاول ان ترضى بما اسمه الله لك وانت تري كل شيئ تمام باذن الله
شو هالحكي يارجال
معقول في رجال بتفكر بهالطريقة وانتو الله وضع العصمة بايدكم لانو انتو رجال والطلاق مو سهل بس الظاهر للاسف ماعاد في رجال
والله شو ذنب زوجتك مع انك انت للي اخترتها انك تتركها ليش لانك اتسرعت بالزواج منها انت رجال والرجال العربي للاسف صار كل تفكيره بالجنس والحب وين عدل الرجل وعقلانيته وتفكيره اللي من المفترض يتعب عليه ليوصل لمركز اهم من زوجة افضل انت بتفكيرك هادا بعمرك مارح توصل لشي لانو بمجرد يتوفر الافضل رح تروح عليه وتترك زوجة وطفلة مالها ذنب غبر انك ما حاولت تحب امها
والله من وين الواحد بدو يركب عقول للعالم مابعرف اصحى من هالوهم اللي عايشو واشغول وقتك بزوجتك وكيف بدك تربي بنتك وشو مقومات الاسرة السعيدة وسوي لنفسك جو اسري ولا تطلع لخارج بيتك