مش عارف أبد ا لحضراتكم منين….أنا تزوجت من حوالى 5 شهور من فتاه ذات خلق ودين وبعد الزواج بدأت تظهر عيوبها يعنى إكتشفت انها كارهه امى وبتسئ معاملتها هى مش بتغلط فيها ولا حاجه بس مش بتساعدها ومش بتهتم بيها لأن أمى ست كبيره ومريضه رغم ان أمى هى اللى رشحتها ليا عشان أتجوزها وعيوب تانيه بتتعلق بالنظافه دا غير انى إكتشفت انها مريضه بمرض جلدى وده مخلينى طول الوقت قرفان منها ومش عايز اقرب منها وفوق ده كله إنى مش بحبها وتزوجتها وعايش معاها رغما عنى ونفسى أنفصل عنها بس خايف لأن أخوها متزوج من أختى ولو طلقتها ممكن ينتقم من أختى ويطلقها دا غير إن زوجتى دى بتعاملنى معامله طيبه ومهتمه ببيتها وعايزه تعيش ومفيش حجه مقنعه اقدر أتحجج بيها وأطلقها غير موضوع عدم خدمتها لأمى المريضه والأمراض اللى فى جسمها وشكلها اللى أنا مش راضى عنه…أنا عارف إنى غلطت لما روحتلها من الأول مكنش ينفع اعمل خاطر لحد وأتزوج إمرأه لا أشعر ناحيتها بأى شئ من العاطفه بس اعمل أيه إخواتها همه اللى طلبونى بلسانهم لأنها كانت كبرت فى السن وقاعده من غير زواج خفت أخد واحده من بره إخواتها يتضايقوا وده يبقى ليه تأثير على حياة أختى الزوجيه دا غير أمى اللى كانت بتحب البنت دى وقعدت تزن على دماغى عشان اتجوزها….أنا مش عارف اعمل أيه وعايش بين نارين…هى عايشه معايا تعيسه وحاسه انى مش بحبها خايف لو سبتها على ذمتى أكون بظلمها وبظلم نفسى وخايف لو طلقتها أكون برضه بظلمها وبظلم أختى اللى ممكن تطلق بسببى واللى حاليا جوزها كل كلامه لها تهديد وتخويف عشان يلوى دراعى ويخلينى أفضل عايش مع اخته…ياريت حضراتكم تنصحونى اعمل أيه
شوف مشكلة انك تزوجتها وانت مش مقتنع هاد ذنبك ولازم تتحمل وبس لا تقصر معها بواجباتك كزوج هاد الي عليك ببس والقناعة والحب بيجي بعد الزواج هيك تقاليدنا بنتزوج وبعدين مننكشف و منكشف … المشكله الثانيه انها ما بتساعد امك المريضة ما في اشي بالشرع انو واجب ع الكنه تخدم حماتها انا ما رح اقول تساعد لان الحموات بتسلطو ع كناينهن و بتعبوهن بالشغل وبالاخر بسموها مساعدة اذا انت قادر تجيب لامك شغاله بكون واجبك مش قادر وضاقت فيك الدنيا حاول مع مرتك وطبعن هي اكيد رح توافق اذا كنت معاملها منيح او هي منها لحالها رح تخدم امك باستطاعتها ولازم تعرف انو مرتك عليها مسؤوليات ولو بعدها عروس و سواء خدمت امك او لا هي حره وما عليها اثم ان رفضت وان قبلت منيح منها [[[ وبالنسبه انها سيئة مع امك انت مش قاعد بينهم المهم هي كيف معك + غيرة الحماة اكيد سامع فيها الوحده بس تجوز ابنها بتحس انو بعد عنها وانو تغير وهاد طبيعي فهي بتصير تعوض هالاحساس في انها تكرهك في مرتك وكل الحموات هيك بتخليك تشوف كل سلبياتها مشان تنفرك منها ….. مشكله المرض الجلدي سواء كان قبل الزواج او بعدو نصابت فيه او كنت عارف ففيه قبل العقد او لا ما بحقلك تبطل مشانو بس هي لازم قالتلك اذا كان قبل الزواج بس بالاخر اكيد هي مش عاجبها المرض وكرهانيتو اكثر منك ومدامك انت مش طايقو فيك تعطيها مصاري مثل هالزلام تتداوى وانت ساعدها في علاجو لان هاد دورك … اخر مشكلة ان طلقتها ظلم ع هاي الاسباب رح تندم وحسابك عند ربك لانو تعسفي وان زوج اختك مثلك رح يطلقها بس الشغله مالها علاقه بس مدام عندك اسبابك وشايف حالك صاحب حق من شو خايف?? … اتمنى اكون افدتك اخي تقبل مروري
وعسى ان تكرهوا شيء وهو خير لكم , يمكن الخير وحسن العاقبة لك انت في تقبلها ومعاملتك لها باحسان وتوجيهها باللين وعدم تكليفها بامور تكرهها , او ربما لو تعلم الغيب تقبل قدميها , اهم شيء لا تكون سيء معها على كل حال , اما امساك بمعروف او تسريح باحسان , ودائما استخير الله لكي لا تندم في باقي حياتك
لو في استطاعتك الجواز الثاني اتجوز واحدة تانية مع مراعاة حقوق وواجبات الزوجة الاولي وان شاء الله حياتك تتغير للاحسن وحيكون فية تنافس بين الزوجتين علي خدمة الام وربنا يصلح حالك وحال جميع المسلمين
الى الحب المستحيل…أنا رديت على كلامك فى تعليق منذ عدة ايام بس مش عارف التعليق إتمسح ليه لكن هرد على كلامك مره تانيه وباختصار شديد وياريت الموقع ينشر كلامى ده وما يحذفهوش…أولا لو سمحت بلاش تحرف كلامى انا مقولتش أبدا إنى هطلقها عشان خدمة أمى رغم ان الاصول بتقول إنها تخدم حماتها الست الكبيره المريضه وخصوصا ان بنتهااللى هى اختى واللى انت بتطالبنى انى أخليها تخدم أمها ساكنه فى محافظه تانيه وعندها أولاد مينفعش تيجى كل يوم والتانى عشان تخدم أمها.
أخر حاجه بقى عايز اقولك ان حتى حاجة السوق مش بتجيبها لوالدتى وانا اللى بروح اجيبها يوم أجازتى
إلى الحب المستحيل….أنا مقلتش أبدا انى هطلقها عشان مش بتخدم أمى لكن قلت ان ده عيب فيها وبينى وبينك هى لو بتحبنى فعلا كانت هتحب أمى وتعاملها معاملة البنت لأمها مش تسيبها مريضه وما تسألش فيها…تانى حاجه انا مليش غير أخت واحده وعايشه فى محافظه تانيه هتيجى إزاى وتترك جوزها وولادهاعشان تخدم أمها المريضه!
زواج الصدق اسمة اعطيك اختي وتعطيني اختك وهذاراس براس فيهة مشاكل كثيرة وغيرناجح الا الصبروفيهاتبصط اختي ابصط اختك وانت حاول تصبرواترك الباقي على الله سبحانة
انت غلطان ياصاحب المشكلة انت هتطلقها عشان خدمة امك الدين اصلا مش فارض عليها الخدمة دى هى لو خدمتهايبقي ذوق منها هى وبرغبتها وبعدين انت ليك اخت كبيرة ومتجوزة ماتخدمها هى اولى برعاية امها من زوجتك واذا كان على النظافة انت ممكن تلفت انتباهها ليها والمرض الجلدى ان شاء الله يتعالج وبلاش تخرب بيتك وتظلم مراتك انت صفى قلبك من ناحية مراتك وشيل التفاهات من دماغك والحب هيجى مع العشرة
إلى الأخت روزى والأخ أبو البتول جزاكم الله كل خير
اخي انت تزوجت من المراة دي عشان ترضي امك وترضي اخواتها وانت عارف انك عمرك ماحبيتها ولافي مشاعر من ناحيتك لها وانت الان تدفع الثمن غالي على حساب راحة قلبك وسعادتك ظلمت روحك بالزواجة دي وظلمت المراة دي معك ومسالة انها مصابة بالمرض الجلدي فدي علاجها بسيط ممكن يزول مع العلاج لكن علاج مشكلة حبك ومشاعرك لها لايمكن علاجه الا اذا المراة دي احسنت معاملتها للست امك وانت ازاي تخليها تعامل والدتك كهذا مافيش احترام ولاتقدير من ناحيتها لامك يبقى المراة دي مالها لزمة من اصله ولاتستاهل انك تستمر معها نهايئا امك لها حقوق وواجبات فرضها الله عليك وامرك بها والزوجة تعوض يااخي لكن الام عمرها ماتتعوض ابدا وايه حكاية ان انك اذا طلقتها فان اخوها سوف يطلق اختك ده تهديد سافل وقذر منهم ولايمت بالدين بصلة ولابالاخلاق ولا القيم ابدا حتى لوفرضنا ان اخو مراتك طلق اختك زوجته فدا لسيت نهاية العالم وربنا بيكرمها بخير من هالزوج وانت كذلك ربنا بيكرمك بخير من هالزوجة نشاء الله اهم حاجة انك ترضي الخالق عزوجل وتسعى لرضا الوالدة فهذا هوالمطلوب لانو رضاها من رضا الخالق عزوجل اذا كنت مش عاوز تطلقها تزوج عليها باامراة اخرى الاسلام اباح لك التعدد في الزوجات وفقك الله واصلح حال زوجتك وفرج همومك وبارك فيكم اجمعين
انت اخطأت خطأ كبير لما اعتقدت ان الجواز بيجي بالمشورة الجماعية او عشان ارضي رغبات اهلي واسعدهم ف اظلم نفسي واظلم شريك/شريكتي معايا الا الجواز بيجي برضا الشخصي قبل اي حد واقتناعي لانو اختيار مصيري وحياة بتبنيها مع شخص لازم تكون متقبلو شخصيا اسفة على الاطالة بس من وجهة نظري انك ممكن تبدأ بانك تحاول وتسعى انك تتفهم مراتك صارحها بلي مضايقك .. المرض الجلدي دا ممكن يبقى ليه علاج ويخلص حاول عشان لما تبقى متأكد انك عاوز تنهي الامور وتتطلق انك حاولت حتة معاها مش يمكن لما تحاول تبص من زاوية تانية تمشي الدنيا ويخلص التشتت الي عايش فيه ولكن اذا حاولت مسبقا وحاسس فعلا انك مش قادر تتحمل وقد قرارك طلقها و اتعلم تعيش على الي يريحك انت مش يريح غيرك وتسمع النصيحة بس لازم تكون راضي ومقتنع ..وبالنسبة لجوز اختك بيك او من غيرك ممكن يحصل بينهم انفصال الي يعمل من مراتو وسيلة تهديد دا لا ينم عن اي اخلاق فيه ومرؤة واسفة يعني .. ربنا يصلح حالك يارب