مشاكل الازواج

عايشة في سجن و جوزى بيهددنى

انا سيده متزوجه من سنتين ابلغ من العمر 25 سنه وزوجى عنده 39 يعنى اكبر منى بــ 14 سنه اتخطبنا قبل الجواز 3شهور فقط ثم تم الجواز اتعرفت عليه فى شغلى انا حاصله على بكالوريوس تجارة كنت مجتهده جدا وبحب الحياة والشغل خلانى بعد الخطوبه سبت شغلى وبعد الجوارز بشهر ابتدا النكد خلانى غييرت لبسي بقا كله فساتين لدرجه انى بقيت انزل اشترى القماش وافصله انا علشان مش بيعجبنى الجاهز وكل ده علشان اكون مطيعه ليه بيجبرنى انى اروح عند ابوه وامه اغسلهم وارتبلهم البيت ولو معملتش كده بنفضل نتخانق وبينكد عليا معان ده مش فرض عليا انا لانهم عندهم بنات بمصر اخواته يعنى بقيت بقبل منعنا للمشاكل دى حاجه الحاجه التانيه غيرته زياده لدرجه انه لو لاقنى تليفونى بيرن حد من اخواتى بيكلمنى بيفضل يقولى عيزين ايه ومين بيكلمك , اكتر من مره واحنا بنتخانق مد ايده عليا وكان بيجى بعدها بيعتذرلة وانا بسمحه علشان مطلبش الطلاق وانا فى السن ده بس لما لقيت انى بجد من جوايا مش قدرة استحمل ومش هقدر اكمل معاه طلبت الطلاق هددنى انه هيأذى عيلتى اخواتى يعنى لان اخوه ظابط فى المخابرات وهو كان ظابط بس ساب شغله قبل ما يعرفنى ودلوقتى عنده شكة انا تعبت ومش عارفه اعمل ايه احنا معندناش اطفال المشكله من عنده وانا عرفت بس مردتش اقوله علشاان مجرحش مشاعره ده غير كدبه المستمر ايام الخطوبه قالى انه كان متجوز بس طلق بنت عمه بعد الجواز عرفت من امه ان بنت عمه دى لسه على ذمته واجهته بالكلام انكر وقال ان كلام امه مش مظبوط صدقت وقلت لنفسي اصبر كمان شويه بس انا مش قدره اتحمل اكتر من كده ومش عارفه اعمل ايهطلبت منه انه يسبنى فى حالى ويطلقنى وانى هبريه ومش هطلب مؤخر بس يطلقنى رفض وهددنى فكرت انى اهرب واسيبله البيت واروح اعيش فى اى محافظة بس مهنش عليا اسيب امى وابعد عنها او اسببلها اى الام ارجوكم فيدونى اتصرف اذاى انا محتارة وحسه عمرى بيضيع منى ومش عايزه اتفاجأ انى بقا عندى 30 ولا 40 سنه فى العذاب ده دا انا لو فكرت انزل اجيب حاجه من تحت البيت بيرفض بقيت حسه نفسي فى سجن انا مش عارفه اتصرف

مشاكل وحلول ذات صلة

اضيف بتاريخ: Monday, August 14th, 2017 في 06:10

كلمات مشاكل وحلول: , , , ,

ردود to “عايشة في سجن و جوزى بيهددنى”

  1. ابوالبتول
    14/08/2017 at 13:28

    عزيزتي الواضح من مشكلتك انك تسرعت في القبول بالزواج من هذا الشخص واتخدعتي فيه تماما لست بمجبورة ان تخدمي اهله امه اوابوه دام انو في معه اخواته موجودات بالقرب من اهله وثانيا كذب عليك انه غير متزوج واتضح انه متزوج من بنت عمه ولاتزال على ذمته باعتراف امه لك بهذا وكونه يرفض ان يطلقك ويهددك بايذاء اخوتك لان اخوه ضابط في المخابرات اضافة الى انه يعتدي عليك بالضرب وانه لايخلف والمشكلة عنده وليس منك كل هذة تجعلك تطلبين الطلاق منه وفورا وحتى لوتطلب الامر الخلع عن طريق المحكمة ولافي قانون يخليه يرفض ان يطلقك من الافضل انك تلجا لمحامي وتشرحي له القضية بتاعنك وان شاء الله يجدك الحل للخلاص من هالزوج الغير محترم والذي لايستحق الحياة الزوجية ولايقدرها ولانصحك بالهروب من البيت لانك تبقى ناشز وممكن يطلبك في بيت الطاعة ويزيد من معاملته وتعنته معك ويعقد المشكلة اكثر وكمان لاتنسى امك لوسمعت بانك هربت من بيت زوجك ممكن ايه يحصل لها هتلاقي الفرج من عند ربنا عزوجل وبيخلصك منه على خير ان شاء الله وتستعيدي كرامتك وتعيش في سعادة وراحة بال حتى يكرمك الله بخيرمنه في حياتك

اترك رداً أو حلاً لهذه المشكلة