احب زوجى وهو يحبنى طب فين المشكله المشكله ان زوجي لا يصلي زوجي انسان طيب جدا وحنين ولكنه كاى شاب فى المراهقة فعل اشياء كثيرة مثل المشى مع البنات ولكن بعد زواجنا لا يفعل ذلك بس لما بيشوف اى بنت بيعلق عليها حتى لوشافها فى التليفزيون وبطبيعه شغله بيرى بنات كثيره وكذا واحده بتجر معاه فى الكلام بييجى يقولى انا مش بشك فيه بس بغير جدا وبعدين ديما يلمح انه نفسى وزنى ينزل بعد ما ولدت وبيقعد يقولى نا بحبك ذى مانتى بس لو وزنك نزل دة لمصلحتك عشان متتعبيش وتلبسى كويس انا بحاول جسمى ينزل بس معرفش ليه كل ما افتكر كلامه ابطل رجيم واكتئب نفسى جوزي يصلي بس مش عارفه اخليه يصلي اذاى متعودش على الصلاة هله معودهوش عليها كل ما اقوله يقولى ان شاء الله انا بحبه قوى وبحس انه بيحبنى قوى لانه ديما بيحسسنى بكده انى اهم حاجه فى حياته انا وولاده بس معرفش ليه فى لحظات كتير بحس ان الدنيا مقفله وبكتئب معرفش ليه حد ممكن يكون عارف اويدلنى اعمل ايه مع نفسى واذاى اخلى جوزى يصلى مع العلم انه عارف ان كده غلط
مشاكل الازواج
احب زوجي وهو يحبني كثيرا ولكن دائما مكتئبة
اضيف بتاريخ: Thursday, January 20th, 2011 في 02:44
كلمات مشاكل وحلول: البنات, التليفزيون, الصلاة, المراهقة, بنات, زواج, شاب, مشاكل الازواج, مشاكل زوجية, مشاكل زوجية
ياناس ياعالم انتو تقولوا اي كلام للزوجة المسكينة دي الللي ابتليت بزوج لايعرف الله عزوجل ولايودي حقوقه واولها الصلاة التي هي عمادالدين وسنامه ومن اقامها فقد اقام الدين ومن تركها فقد هدم الدين وفكركم انو مش عارف انها واجبة وركن من اركان الاسلام وفريضة اوجبها الله عزوجل وحذر من التهاون فيها كلدا الراجل عارف ومع ذلك مستمر في تركه للصلاة ولايعترف بها والزوجة تقول عنه انه طيب وحنين ومحترم جدا وهي مخدوعة فيه زي حضراتكم اللي مايصلي ياهانم ولايودي حقوق الله عليه ولايتقي الله عزوجل كل شئ منه متوقع الزنا والقتل والكدب والخداع والسرقة والنصب والاحتيال وشرب الخمور والفجور والاخلاق السئية
لاازيد على ماقال الاخ -m- لك فهو عين الصواب ومستندا من كتاب الله وسنة نبيه عليه الصلاة والسلام وقد افتى كثيرا من العلماء ورجال الدين ان الرجل الذي يترك الصلاة متعمدا كافر وخارج عن الملة وعليه فلايجوز لك البقاء والعيشة مع شخص كافر بوجوب الصلاة
ردالاخ m فيه الكفاية مستمدمن كتاب الله وسنةنبيه الكريم افضل حل لمشكلتك مع زوجك
اختي بارك الله فيك لاخيروالله في زوج لايصلي ولايتقبل الله منه صرفاولاعدل ويوم القيامة يحشره الله مع فرعون وهامان واميةابن خلف ولابدمن التفريق بينكم لانو كافر الذي لايقربوجوب الصلاةاوينكرها فهوفي الشرع كافر وعليه يجب الطلاق منه ولايجوزلك التهاون اوالتسامح في امورالدين وربك بيكرمك بالزوج الصالح اللي يودي حقوق الله ويستاهلك ويقدريسعدك
ربنا يهدي لك زوجك يا رب حاولي معاه وذكريه بالله وادعي له ربي يهديه اما عن الوزن حاولي اولن ان تهداي نفسين لانه كل ما زاد الاكتاب زاد الوزن وانشاء الله انك بتنحفي مافيش حاجه مستحيله انا كنت مثلك وحاسه فيكي بس الحمد لله دعيت ربي وربنا كريم ما يرد العبد خاب
اسال الله ان يهديه ويهديني ويهدي المسلمين وان يوفقك في اقناعه بالصلاه واصبري عليه وفكريه بالله وموضوع وزنك حاولي انك تنزلي وزنك لمصلحتك قبل ما صلحته خليكي اجمل من كل الي يشوفهم وحفاظي على حبه وبيتك
زوجك انسان بيحبك جداااااااا وطريقته معك طريقة محترمة انصحك بالصبر عليه ولا تملى من ترغيبه بشتى الطرق ومثلما هو يحب وزنك ينزل انت تحبى ا ن يصلى وذلك لمصلحته ومصلحتك ومصلحة اولاده والاهم من ذلك ان يرضى ربه عنكم ويخرج الاولاد يشوفوا ابوهم محافظ على صلاته وانصحك ابنتى ان تواظبى على نظام غذائى متوازن يحقق الهدف المرجو منه وهو نقصان وزنك وتمتعك بصحة ممتازة احرصى على ثلاث وجبات نقلل منهم النشويات قدر الامكان المهم ان لا تسقط اى وجبة من الوجبات الثلاث واذا استطعتى ان تجعليهم خمس وجبات قليلة الكمية والسلطات عنصر اساسى يكون افضل للرجيم والصحة ويوجد نظام امريكى ارى انه الافضل على الاطلاق وهو عبارة عن ستة ا يام حرمان نهائى من النشويات والدهون و السكريات واليوم السابع مبالغة فى تناول النشويات والدهون والسكريات ويعمل هذا النظام على اعاقة عمل ذاكرة الخلية وهذا البرنامج لمدة ثلاثة اشهر وسوف تجدى نتيجة رائعة وعن تجربة عملية مع ا شخاص فى مثل حالتك او ا كثر بدانة بكثير والله يوفقك ويرعاك
اااااااااااااه دى مشكلتى انا كمان
جوزى فيه حاجات كتييييييير حلوة وبحبه جدا وبيحبنى برده بس مابينتظمش فى الصلاه او مش من اولوياته ومابيفتكرهاش دايماولازم ان افكره بيها وجربت كل الطرق ومافيش فايده ودلوقتى بقيت بتفرج من بعيد لان الكلام ماعدش بيجيب نتيجه بس انا الموضوع ده مضايقنى جدا لدرجه انه بقى بيقصر فى حبى ليه مابقاش قدامى غير انى استمر فى دعائى ليه بالهدايه للصلاه فى اوقاتها واملى فى ربنا كبير ربنا يهدينا كلنا ااااااااااامين
انا مليش رد بعد رد المشتركة (هوان الحب) لان مع احترامي لكل الموجودين هو ده احسن رد الي قالتلو
و ربنا يهدي جوزيك ان شاء الله لاكن الي بيخطوب خط دينية مش بيحل الموقف لان ربنا ديما بيفضل العالم الديني عن الشيخ الديني لان العالم يعني صاحب العلم المتدين فاهم دينيو مش حافز دينو و في فرق كبير و لو كل واحد فينا فهم وبؤلها تاني فهم دينو هيعرف يحل اي مشكلة و فعلا الاخت (هوان الحب ) قالت المفيد ليكي انيك تقوليلي و في ساعة صفي و يكون فايق كدا و تهزري معا تقوليلي تعالا صلي معايا جامعة و تقوليهلو برقة لو جت منك صح و الله لربنا هيكرمو و يصلي علي ايديك و تبقي كسبتي حاجتين ثواب و ان جوزيك بقيبي بيصلي و ربنا معاكي و مها و مع امة المسلمين جميعا ان شاء الله
عارفه لو ربنا هداه واثرتى عليه وصلى اولا ربنا هيجازيكى خير كتير وبعدين عارفه مش هيبص لاى بنت وحترتاحى اكبر راحه لانه هيعرف ربنا كويس وهيخلصلك اكتر والبركه هتزيد فى البيت وبعدين موضوع الصلاة دا موضوع مش سهل لان زى مانتى عارفه دى عماد الدين يعنى صلب حياة المسلم وربنا يهديه بس انتى متكتابيش انا دايما بقول لمراتى وزن زاد وبقعد اهزر معاها وبزات بعد الولاده فعلا بس بنهزر وبناخك الكلام بهزار وانا لو عاف انها هتزعل مش هقوله لانها حياتى وام اولادى هوا اكيد بيهزر معاكى وعايزك تكونى اجمل ست فى النيا وبعدين كل دا هيصب فى حياة ويزودها حب وهيشوفك اجمل ست فى الدنا وربنا يهديه ويوفقكم فى حياتكم بس لحى عليه فى موضوع الصلاه وربنا يهدينا جميعا
بصى براحة وبهدوء خلية يصلى قوليلة تعالى نصلى سوا كل ادان قومية يصلى معاكى واقوليلة عشان ربنا يباركلنا فى حياتنا وفى ولادنا واحدة واحدة انشا اللة يصلى
كلمات تجعل من لا يصلي ‘ يصلــي ‘ بإذن الله….
* هل تعلم أن المولى تبارك وتعالى يتبرأ من تارك الصلاة ؟
قال رسول الله صلى الله وسلم : (لا تترك الصلاة متعمدا ، فإنه من ترك الصلاة متعمدا فقد برئت منه ذمة الله ورسوله ) أ
ي ليس له عهد ولا أمان.
* هل تعلم أن النبي صلى الله عليه وسلم وصف تارك الصلاة بالكفر ؟
قال رسول الله صلى الله عليه وسلم : (بين الرجل وبين الكفر ترك الصلاة )
* هل تعلم أن الذي لا يصلي إذا مات لا يدفن في مقابر المسلمين!!
* هل تعلم كيف يعذب تارك الصلاة في قبره ؟
قال رسول الله صلى الله عليه وسلم : (أتينا على رجل مضطجع ، وإذا آخر قائم عليه بصخرة ، وإذا هو يهوي بالصخرة لرأسه فيثلغ رأسه – أي يشدخه – فيتدهده الحجر – أي يتدحرج – فيأخذه فلا يرجع إليه حتى يصبح رأسه كما كان ، ثم يعود عليه فيفعل به مثل ما فعل المرة الأولى ، فقلت : سبحان الله ! ما هذان ؟ فقال جبريل عليه السلام
(إنه الرجل ينام عن الصلاة المكتوبة )
* هل تعلم أن أول ما تحاسب عليه الصلاة ؟
قال رسول الله صلى الله عليه وسلم : ( أول ما يحاسب به العبد يوم القيامة عن الصلاة ، فإن صلحت ، صلح سائر عمله ، وإن فسدت ، فسد سائر عمله )
* هل تعلم أن تارك الصلاة يحشر يوم القيامة مع فرعون ؟
قال رسول الله صلى الله عليه وسلم : ( من حافظ عليها – أي الصلاة كانت له نورا وبرهانا يوم القيامة ، ومن لم يحافظ عليها لم يكن له نور ولا برهان ، ولا نجاة ، وكان يوم القيامة مع قارون وفرعون وهامان وأبي بن خلف )
* هل تعلم أن تارك الصلاة مع المجرمين في جهنم ؟
قال تعالى : {كل نفس بما كسبت رهينة إلا أصحاب اليمين في جنات يتساءلون عن المجرمين ،ما سلككم في سقر. قالوا لم نكن من المصلين }.
* هل تعلم أن الله عز وجل يأمرك بالصلاة ؟
قال تعالى : {حافظوا على الصلوات والصلاة الوسطى وقوموا لله قانتين}
* هل تعلم أن الصلاة وصية النبي صلى الله عليه وسلم عند خروجه من الدنيا !
قال رسول الله صلى عليه وسلم وهو يلفظ أنفاسه الأخيرة :
(الصلاة ، الصلاة وما ملكت أيمانكم ).
* هل تعلم أن الصلاة مفتاح كل خير ؟
قال ابن القيم الجوزي رحم
ه الله : (الصلاة : جلبة للرزق . حافظة للصحة دافعة للأذى ، طاردة للأدواء ، مقوية للقلب ، مبيضة للوجه ، مفرحة للنفس ، مذهبة للكسل ، منشطة للجوارح ، ممدة للقوى ،شارحة للصدر، مغذية للروح ، منورة للقلب ، حافظة للنعمة ، دافعة للنقمة ، جالبة للبركة, مبعدة من الشيطان. )
قولى هذا الدعاء دايما
{رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء }إبراهيم40
على فكرة انا كمان جوزى كان الاول مش بيصلى وواحدة واحدة ابدأى بالراحة مش بخطب دينية وعقوبة اللى مش بيصلى والكلام ده لا مثلا جاء وقت الاذان اتوضى وقوليله نفسى نصلى جماعة مع بعض وان رفض اتحايلى عليه كانك بتعلمى ابنك الصغير مرة على مرة ممكن ربنا يهديه وخصوصا لو شاف اولاده بيصلو اكيد هايتكسف اما حكاية انك تكتئبى دى لا كفاية تبصى فى وجه اولادك ودائما حطى فى راسك لن يصيبنا الا ما كتب الله لنا انا حاسه انك بداخلك شك انه مادام مش بيصلى يبقى سهل يقع فى الغلط يا ستى انت اعملى اللى عليك وما تقصري معاه فى حاجة وكونى مفرفشة واحتويه واهتمى بنفسك ووزنك دا مش عيب دا جوزك ولازم ترضيه وتكونى حلوة فى عينيه وخبى غيرتك وان شاء الله لايحدث اى شئ من شكوكك
السلام عليكم)اولا يابنتى جوزك بيحبك واختارك انتى من بين كل الناس برغم ان طبيعه شغله بتخليه يشوف بنات كتير وبعدين حكايه انه بيطلب تنزلى وزنك ده نص رجاله العالم بيطلبو كده مش عشان هو مدايق منك لكن عشان دايما عاوزك اجمل واحده تشوفها عينهلانه بيحبك انتى وانتى بالنسباله كل البنات والستات بالنسبه لحكايه الصلاه اولا الدعاء ادعيلو يا حبيبتى فى السجود وكلميه واصبرى عليه الحكايه متجيش بالالحاح لكن تيجى بالتفاهم يعنى لما يشوفك بتصلى وتقرى قران وتقوليلو اصلى خايفه اقابل ربنا ده اكبر ذنب تارك الصلاه بس مش تعملى محاضرات دينيه بئه لاء تكلميه وتتفاهمو وتنغزيه كل شويه بقولك ايه مش حتقوم تصلى بئه المغرب اذن مثلا يعنخليه يتكسف انه مبيصليش ومتخفيش انتى بس مكتئبه من حكايه انك حاسه انك مش ماليه عنيه وعاوزك تخسى وانا بقولك هو ميقصدش غير انه يشوف مراته وحبيبه قلبه اجمل واحده فى الدنيا ربنا يسعدكم ويهديهولك يارب
اختى الفاضله بلاش تفضلى تقولى لجوزك صلى بسى انتى لازم تصلى امامه وتتقصدى انك تصلى امامه وتدعيله كثير ولو حد فى المنطقه او الاقارب لقدر الله اتاته المنيه وتوفى بالليل تبقى اقعدى معاه فى هدوء واشربى معاه الشاى والاولاد نائمين وقوليله يا حبيبى انا عارفه انت بتحبنى وبتحب الاولاد وانت انسان كويس واجدع واشهم راجل عنيه شفته فى الدنيا بسى عيبك حاجه واحده بس ان ربنا زعلان منك وانت شايف فلان او فلانه اللى توفى دلوقتى دفنوه لوحده فى القبر دلوقتى واول حاجه بيتحاسب عليها الانسان فى قبره الصلاه كلميه بالراحه خالص واوعى تعلى صوتك عليه وقوليله انا نفسى انت تأمنى فى الصلاه وخليه يصلى بيكى صلاه الجهر اللى هى الفجر والمغرب والعشاء وانتى ان شاء الله ربنا حيبارك فيكى وفى اولادك وقليله ربنا غفور رحيم يعنى خليكى معاه واحده واحده اما انتى بقا يا اختى يا سلام لو نزلتى وزنك شويه علشان تبقى جميله فى عيونه زى مانتى وربنا يكرمك يارب