مشاكل الازواج

مشكلتى قسوة زوجى برغم الحب اللى بينا

انا ابلغ من العمر 26 عاما تزوجت من ثلاث سنوات تزوجت عن حب وبعد معاناة من اهلى تحملت الكثير ولكني كنت اصبر من اجلة والحق يقال هو ايضا تحمل الكثير ولبي كل طلباتهم انا متاكدة تماما من حبة لي وخوفة على ولكن انا عندي مشكلة واحدة هي القسوة بدات مشكلتى في الخطوبة بدا يستني ليا غلطة او كلمة غلط ويزعل ولكن سواء غلطانة او لا ازهب واصالحة في البداية كان يتقبل ويقبل الصلح ولكن بدا الامر يتدهور بعد الزواج ويصدني ويجرحني بالكلام واحيانا باليد وليس بالضرب مثلا يقولي هخليكي تيجي تبوسى رجلي علشان اصلحك انا هربيكي ولاسف كنت بروح واصالحة وانا بتقطع بس مشكلتي اني معرفش انام ليلة وهو مخاصمنى نفس مرة يحس بيا ويصالحني ولاحتي يراضيني احس انة بيخاف عليا علي فكره علاقتة باهلي كويسة جدا دلوقتى وبيحبوة جدا ياترى العيب مني انا ولا اية حد يقولى احل مشكلتى ازاى انا بحبة قوى

مشاكل وحلول ذات صلة

اضيف بتاريخ: Thursday, February 24th, 2011 في 15:49

كلمات مشاكل وحلول: , , , ,

22 رد to “مشكلتى قسوة زوجى برغم الحب اللى بينا”

  1. البرنس
    19/09/2019 at 08:42

    هو عايز يستعرض عضلاته وقوته عليك ده مش راجل ولاعنده ذرة من الرجولة ازاي يعامل مراته بالشكل ده ويبغاك تجي تبوسي رجله عشان يرضا عنك اين كرامتك ولامالها اعتبار عندك كل مرة تجي وتصالحيه حتى لو كان هو الغلطان لا تصرفك خاطئ يابنت الناس وده يخليه يستمر في اهاناته لك واذلالك خلي عندك كرامة واعرفي ازاي تحافظي عليها لو مانفعش معه كدا يبقى الطلاق خير لك من العيش والبقاء مع شخص كهذا لايحترم المراة ولايقدر الحياة الزوجية

  2. امل
    27/12/2014 at 22:57

    استعيني اختي بالاستغفار

  3. مروة
    07/05/2013 at 21:48

    انا زيك شوية بس المشكلة عندى انى انا اتكلمت معاة بحدة شوية وهو زعلان منى من حولىيومين ومش عارفة اصلحة ازاى وحولت بكل الطرق

  4. مدبوحة من الحب
    18/04/2013 at 08:58

    حبيبتي انا اكتر منك بكتيييير اتجوزت واحد ودي الجوازه التانيه كداب وفاشل واسلوبة قذر جدا لدرجة اني بقيت اقول نفس كلامه العشره بقا والحمدلله معاييش منه ولاد مرتين يحصل حمل ومايكملش هو شايف كل طلبات بيته واوقات حنين وجدع بس لو حصل مني موقف او كلمة تز عل اوي ممكن يضربني اودام اي حد وكتير غضبت ورجعت وانا زيك غلطانه لانه فاهم اني بموووووت فيه ودا كان في الاول دلوقت مع اي موقف افضل ادعي عليه وبتمني موته حتي المعاشره بعمل نفسي مستمتعه وانا كرهتها منه حتي شكله كرهته مش كفايه انه فاشل وعنده سرعه قذف وصابره ولسانه قذر وخايل وهزق بيحيكلي تصرفات عملها بتدل علي انه مش رااااااجل اخر موقف كان الصبح حرق دمي ورفع صغطي قبل مانزل شغلي بجد دعيت عليه من قلبي اوي ومستنيه ربنا يخلصني منه يارب واكون ارمله يارب

  5. تالامحمد
    24/03/2011 at 11:04

    يا عزيزتي زوجك عايز يعمل رجل عليك وهوليس كذلك انا بشوف أنوكتير من الرجال يلي عندهم نقص في الرجولةو شخصيتهم ضعيفة جدا” بحاولو يعوضو النقص بممارسة القوةوقول بعض الألفاظ (عايزك تبوس رجلي ) إلى الرجال : الرجولة في الشهامة وفي النخوة والقدرة على اتخاذ القرار السليم في الوقت المناسب ده مش رجال ده ولا حاجة اذا في اولاد اصبري ثم اصبري

  6. warda
    08/03/2011 at 01:38

    هى كلمة واحدة الزعل بين الاحباب سواء جة منك او منو بتبقى كلمة واحدة انا اسفة ومتزعلش منى ومش هعمل كدة تانى وهو يصالحك بعدها انما ال بتعملية دة عمالة تفرطى فى كرامتك

  7. ام احمد
    04/03/2011 at 23:47

    السلام عليكم ورحمة الله وبركاته
    اختى العزيزة انا مع كل الاخوات اللى نصحوكى وباضيف حاجه تانيه ليه انا عامله فى نفسك كده؟؟؟؟
    وعشان ايه يكووووووون غلطان واروح اصالحه لازم يعرف حدودة وواجباته تجاهك زى مانت ما بتغلطيش لازم يحترمك وما يغلطش واتقلى شويه مش كل ما يغلط تروحى تصلحيه فهميه انك انسانه لك مشاعر وقلب لازم يحترمك ويحترم مشاعرك واهم شىء لو غلط فهميه بعنيك دون كلام واتركيه لما هو يصالحك وربنا معاك ويوفقك ويهدى سرك

  8. أ م الحب
    03/03/2011 at 21:38

    مع احترامى لكل اللى انت قولتيه وانا عارف انك مظلومه بس انت قولتى انك بتحبيه واللى بيحب لازم لازم يستحمل اللى بيحبو حتى لو كان ظالمو ولازم تتكلمى معاه فى لحظه صفا وباسلوب لذيذ ومن غير تنقصى كرامتو فى شىء يعنى لازم تتبدأى الحوار بكلام معسول وتنهى الحوار برضه بكلام معسول

  9. همسه
    02/03/2011 at 05:12

    الراجل بطبيعته بيحب يبقى سى السيد بس انا بقولك بحدود لاتذلى نفسك وتهينى كرامتك اكتر من كده واكيد انتى زهقتى من الطريقة دى وبعتى شكوتك يبقى لازم ح تعملى بنصيحة كل اللى قالو لك اتركيه مادمت لم تغلطى وتعتذرى ابدا ولكن كل واجباتك نحوه افعليها الا الواجب المقدس اتركيه يطلبه هو منك ويتحايل قليلا لكى يعرف قيمتك ويعرف انك اتغيرتى بسبب اسلوبه هذا معك وربنا يوفقك

  10. همسات حب
    01/03/2011 at 07:53

    الأخت العزيزة والطيبة أنا عايز أقولك أنة للأسف أحنا كدة الرجالة فينا جزء كبير جداً جداً بيحب يعمل كدة مع الأنسانة اللي بتحبة وكل ما هو تأكد أنك أنت بتحبية راح يسوق فيها ويتقل ويعمل أكتر من كدة ودة يعتبر في حد ذاتة نقص او مرض أو تمرد او بيحاول يرضى غرورة بأنة يتعامل ويتصرف معاكي على هذا النحو صدقيني من غير ما تخسرية وتفقدية حاولي انك تكوني لة الند بالند بالذات لو انت متأكدة فعلاً أن هو بيحبك رجالة كتير أحياناً بيعملوا كدة مع زوجاتهم بالذات لما يكونوا متأكدين أنهم بيحبوهم حاولي انك تتقلي علية وتحسسية أن زعلك برضوا غالي متبقيش عفواً مدلوقة علية على طول كدة علشان كل ما هو حس انك مدلوقة راح يتقل عليكي ويزيد صدقيني كل دة من تجارب شخصية حقيقية أرجو ان تتقبلي خالص التقدير والأحترام

  11. dodo
    26/02/2011 at 23:20

    لاتياسى وخليكي ورى عقلك مش قلبك

  12. توتا
    26/02/2011 at 23:00

    انتى اللى غلطانة يعنى اية تروحى تصلحية على اى حاجة سواء انتى غلط او صح طبعا لازم لو هو غلط يحس بالغط دة ويجى يعتذرلك انتى اللى عودتية على كدة انة مهما يعمل فيكى هتروحى تجرى ورا التقل صنعة لازم تتقلى وتحسسية بامتك متبقيش ضعيفة كدة ويا ستى معلش نامى يوم واحد مخصماة مش هيجرى حاجة

  13. رودى
    26/02/2011 at 16:18

    انا عايزة اشكركم واقولكم انشاء اللة هحاول اعمل بنصايحكم بس في حاجة مخاوفاني اني لما كنت بحاول اعمل كدة ما كنش بيسال فيا بس اوعدكم اني هحاول

  14. آNONNA
    26/02/2011 at 04:18

    كل الكلام دة صح جدا المفروض تعملى لنفسك شخصية معاة لية ما بتعرفيش تنامى وهو زعلان منك لو انت مش غلطانة ما تفكريش فية وسبية هو اللى يصالحك

  15. DaRwasha درش
    25/02/2011 at 18:25

    الاول ربنا يهدي سركم ان شاء الله
    شوفي بقي يا اختي الفاضلة متتعوديش تعتذري علي شئ انتي مش غلطانة فية ولو هو زعل اتقلي عليه لو نام يوم اتنين من غير ما يكلمك اكيد هتوحشية وهو اللي هيكلمك حاولي تجمدي شوية ومتخافيش الطريقة دي مش هتهدم شئ متدوسيش علي كرامتك زي ما الاخت randa_tn قالت حاولي انتي لو غلط ازعلي واصبري لحد ما يصالحك واكيد هيصالحك وهتشوفي بنفسك بس انتي تماسكي اضغطي علي نفسك شوية بس

  16. فرى مختصر فريدة
    25/02/2011 at 15:02

    فعلا انتى اللى عاملة فى نفسك كدة انتى مش كل حاجة تصالحه لازم يبقى فى تبادل بينكوا اللى مزعل التانى قوى هو اللى يبدا الصلح مش لازم يكون انتى على طول فعلا حاجة ممله جدا بصراحة اتقلى مش لازم تكلمه فى كل مرة جربى متكلمهوش وتصالحه مرة كدة مريتن وشوفى وربنا يهدليك الحال

  17. randa_tn
    25/02/2011 at 13:59

    عندنا مثل في تونس يقال بين الزوجين
    “إذا طاح القدر وفات العيشة” يعني إذا سقطت كرامة الرجل أو المرأه من أعين الآخر تنتهي الحياة الزوجية بينهما ويصير البيت مشاكل في مشاكل
    فيا أختي من شان تحافظي على زوجك لازم تحافظي على كرامتك
    مو كل مرة تعتذري انتي ..لو غلطانة أعتذري لكن إذا لا ما تعتذري
    انتي صاحبة عقل وتقدري تقرري إذا كان الغلط منك أو منه.. وماتخافي زوجك ماراح يزعل
    وحتى لو ماجاء صالحك المرة الاولى والثانية والثالثة رغم إنه غلطان لاتتنازلي وماتزعلي في نفس الوقت لانه إنتي عودتيه عالإعتذار دايما ولازمه وقت من شان يتعود هو كمان يعتذر

    الحمد لله إنه مو من النوع إلي يمد يده ..يعني بتحسي إنه عنده عقل بس أنتي ماتنقصي من كرامتك ولازم تحاولي ترجعيها مع العلم إنه الكرامة مو بين يوم وليلة راح ترجعلك..ولازم تكسبي ثقة زوجك بشخصيتك الحلوة والقوية في نفس الوقت لانه أكثر شئ يكره الرجل في المرأة الشخصية الإنهزامية
    ربنا يوفقك ويصلح حالك

  18. منسيه دائما
    25/02/2011 at 10:25

    انا حاسه فيكي انك بتحبيه ومش قادره تقسي عليه بس ياحبيبتي لازم لازم يكون في احترام بين الزوجين مهما حصل لازم توقفي مع نفسك شويه وتحاسبيها اولا هل انتي بتعملي حاجات تغضب زوجك عشان يعاملك كده لوكان اجابتك لا اذن انتي مش غلطانه , ومعليش قوي قلبك شويه ولا تروحي تصالحيه عشان يعرف انه هو اللي غطان واجلسي معاه وكلميه واعرفي هوبيعمل كده ليه .وربنا يوفقك.

  19. رشا
    25/02/2011 at 05:44

    بس ياريت تاخذي بنصيحة زائر مع احترامي لباقي الاراء السؤال لك يا ترى راح تعملي بالنصيحة

  20. المحلله
    25/02/2011 at 04:52

    طبعا العيب فيكى من الاول لازم كنتى تحافظى على كرامتك من الاول متزعليش منى بس دى حقيقه معظم الرجال لمايلاقى اللى قدامه تنازل يحب انهاتتنازل اكتر ماتقوليش الحب حاجه والكرامه حاجه اكب غلط اللى بيحبنى لازم يحافظ على كرامتى واللى بحبه لازم احافظ على كرامته والاحترام لازم يكون متبادل بينكم انتى دالوقتى بتتغاضى عن ده عشان بتحبيه بعد كده هتكرهى نفسك قبل ماتكرهيه وولادك لازم بتربه فى جو كويس مش شيفينك بتتذللى عشان تصالحى ابوهم عشان شخصيتهم ماتتاثرش بده فوقى بسرعه لنفسك ورجعى كيانك وذاتك وقيمتك قدام نفسك قبل قدامه الراجل بيمل بسرعه خلى بالك بعد كده هيمل منك ومن اسلوبك فى المصالحه واول حد يقابله يرفض او يعامله بكبرياء يبدا يتعلق بيه انابكلمك من منطلق علم النفس مش كلام وخلاص انامش هقولك تقابليه بنفس الاسيه لكن لو انتى فعلا غلطتى وحسه انك غلطانه هى كلمه واحده اسفه متزعلش منى وانتهى وامشى بعيد علميه حتة التسامح لقيتى نفسك مغلطتيش اوعى تتاسفى مهماحصل اجتنيه شويه وقوليله انامغلطش وفهميه وجهه نظرك عشان يقتنع خلى بالك الحب عمره مايتبنى على اهانه الكرامه واذلال للشخص اللى بيحملنااجمل مشاعر لان لو بقى كده بتبقى دى نهايه الحب يعنى عشان تحفظى عليه غيرى شويه من اسلوبك معاه الموضوع مش هيجى بيوم وليله بس زى ماتعود انك ديماتروحى وتتحايلى عشان تصالحى ويذل فيكى هيتعود انك شخصيتك بقت فاهمه انك خلاص مش غلطانه يبقى مش هعتذر انابكلمك عشان عيالك هيبقوا صوره منك يبقى لازم يتربوا على شخصيه كويسه ماتتطلعش البنت ضعيفه مذلوله والولد جبروت وقاسى معلش متزعليش كلامى جامد بس صدقينى عشان تفوقى وتعرفى حقوقك قبل وجباتك وربنامعاكى

  21. صحيحة
    24/02/2011 at 23:31

    اتقـــــل حبة تزيـد محبــــــــة
    خليكي صبـــــورة شويـــة عشان الـــراجل ميحبــش الســــــــت الملحــــــــة

  22. زائر
    24/02/2011 at 22:28

    المشكله فيكى أنتى كما أرى لأنكى قولتى أنكى دائما سواء غلطانه أو مش غلطانه تصالحيه وهذا هو الخطأ . الواجب أن الذى يخطىء هو الذى يعتذر وهذا خلق كريم فلابد لكى أن تلتزمى الصمت قليلا عندما يصدر منه خطأ واتركيه يفكر حتى يعود ويعتذر فان لم يعتذر فلا تذهبى لتصالحيه فأنتى التى تعطى الفرصه للأستهتار بكى . نعم مطلوب الموده والرحمه بين الزوجين لكن مع حفظ كرامة كل منهما.

اترك رداً أو حلاً لهذه المشكلة