انا بنت عندى 19 سنة انا بصلى ومقربة من ربنا الحمد لله انا بحب صحبتى جدا لانها طيبة و صحبة بجد وهى كمان بتصلى ومقربة من ربنا بس المشكلة انا لبسى محتشم يعنى بلبس طويل وواسع وهى بتلبس ضيق اوى وهى بشعرها وبتحط مكياج انا شكلى مقبول وهى كمان شكلها مقبول بس بالمكياج الى بتحطة بيبئى شكلها حلو فالناس بتفرق بينى وبينها فى المعاملة على الاساس دة ان شكلها احلى منى انا بحاول اتجاهل الموضوع بس بجد دايما مش بقدر هى بتمشى تراقب الناس بيبصوا لمين فينا وتقولى ان دة بصلها ودة عكسها وكدة انا بقيت بحط الموضوع دة فى دماغى وبقيت بدايق لما تقولى ان دة بيبصلها وكدة وببين ان مفيش حاجة بس مش بقدر بجد حتى ان ممكن حد يعجب بيا والكلام دة وانا لوحدى يعنى هيا مش معايا بس هو مش بيقولى انة معجب بيا وبعدين يشفنا بعد كدة انا وهى يعض يبصلها هيا حتى الى كنت بحبة هو كان بيشتغل قريب من بيتى بس عمرنا ما اتكلمنا فى حاجة لانى مليش فى جو الصحبية دى وكلام الموبيل وكدة فكان يعوض يبص لجسمها وانا مش واخدة بالى ولما ابصلة يدور وشة وكأنة مكنش بيتفرج عليها فوت حجات كتير اوى وكلام جارح منها ومن غرها بس بجد تعبت ودعيت ربنا انة يريحنى وكونت بعض اقول ان ربنا هيعوضنى عن كل دة ولسا عندى امل كبير بكدة بس بعد ما ننزل الشارع وتقولى على الى بيبصلها والى بيعكسها وكدة بزعل اوى لان بحس ان مفيش حد هيعجب بيا خالص لانة كلة بيدور على الشكل وكل ما اقول المهم الجوهر اتأكد اكتر ان الشكل كل حاجة انا تعبت اوي و بجد بكرة الغيرة دى انا متأكدة ان الى فيا دة غيرة وبدعى ربنا انى اخرج من قلبى الغيرة دى لان متأكدة ان ربنا غضبان عليا بسببها عشان هى بتاخد من الحسنات انا بحاول بكل جهدى انى اخرج الغيرة دى من قلبى و بتخرج بجد بس للاسف بتبئى اسبوع وبترجع تانى وبيبئى احلا اسبوع حتى هيا لما نبقى مشين مع بعض لما تلاقى واحد بصلى تبصلى وتبئى مستغربة اوى انا مش ببص لحد عشان بحاول اغض بصري بس بجد انا نفسى تسعدونى وتخلونى اطلع الغيرة دى من قلبى انا عمرى ما فكرت انى ائذيها بغرتى بالعكس انا دايما بدعلها ومش بدعى لنفسى دعوى الا واكون دعيلها ذيها بس انا سعات بحس انى بكرها عشان كدة واستعيذ بالله من الشيطان فا ارجع احبها تانى انا نفسى آخد الموضوع عادى بس هى الى خلتنى افكر فى الموضوع كدة عشان مرة وحدة صحبتنا قالتلى انى احلا منها والكلام كان ادمها قالتلها اسئليها الراجل الى كان ماشى بص لمين فينا وانا سعتها اعدت اقول لصحبتنا لا هى احلا منى واى حد بيقولى انى احلا منها بقولة لا هى احلا منى انا نفسى ارجع زي الاول كونت مش بحط الحاجات دى فى دماغى نفسى سعدونى ارجوكم سعدونى والله بعض اقولها على الحجاب وكدة تقولى مش دلوقتى لما اتجوز انا بجد نفسى اطلع الغيرة دى من قلبى عشان مغضبش ربنا لانى مش عايزة ربنا يزعل منى فى حاجة سعدونى ارجوكم ارجوكم بجد محتاجة مسعدتكم واسفة على الاطالة
مشاكل الاصدقاء
بحس انى بغير من صديقتى
اضيف بتاريخ: Sunday, February 24th, 2013 في 16:54
كلمات مشاكل وحلول: شاب, فتاة, مشاكل البنات
ابتعدي عنها
لاداعي لكل هذه الحيرة فانت احلى منها بكثير بحشمتك والتزامك واحترام الناس لك لكن هي سوف تأخذ كثير من الذنوب بسبب فتنتها لكل من ينظر اليها حاولي أن تنصحيعا بالالتزام باللبس المحتشم ياللين وبالهدوء والموعظة الحسنةوكوني كما أنت باحتشامك وألتزامك فهي الخاسرة وأنت الفائزة وأعلمي أن جمالها جمال مصطنع وغير طبيعي أما أنت الاجمل عند الله فجمالها جمل مزيف لاتنظري لها ولا تهتمي بنظرات الشباب اليها كلها نظرات شهوانية مليئة بالرغبة والغريزة ونؤخذ عليها وربنا يوفقك
بسم الله الرحمن الرحيم
اختي في الله
في الغالب لما حد بيقولي انه متضايق من نفسه بسبب حاجة هو شايفها غلط عملها مش بقوله يبطل الاحساس بالذنب .. لان تأنيب الضمير بيخفف من الذنوب
لكن في قصتك اللي حكتيها انا مش شايفة انك غلطانة .. بالعكس انتي شخصية نقية جدا ما شاء الله عليكي
المشكلة اللي بتحكيها في نظري مشكلة مركبة .. مشكلتين في بعض …
أول مشكلة اهتزاز ثقتك في نفسك ناحية لبسك الواسع
طبيعي انك كبنوتة تحبي تحسي بإنك جميلة و تشعري بالإعجاب .. ده إحساس فطري طبيعي جدا طالما مخرجش برة قلبك بفعل ميرضيش ربنا
فمتحسيش بالذنب لانك نفسك تحسي بانك جميلة او تشعري بالاهتمام
لكن اوعي تفرطي في نعمة ربنا أنعمها عليكي انه رزقك بالحجاب الشرعي الواسع
و صدقا العيون الرخيصة بس هي اللي تبص لبنت لبسها مش كويس
الرجال المحترمين بيغضو بصرهم و مش بيرضو الا بفتاة صالحة لبسها محتشم
فاوعي تحسي انك بحجابك ده حتبعدي الرجال عنك او محدش حيعجب بيكي او يحبك و حيبصو للبنات اللي بتلبس ضيق و ستيلش على انهم اجمل
الراجل الحقيقي اول حاجة حيحبها في الانثى هي روحها و اخلاقها .. لان ده اساس الجمال .. روح الانسان هي اللي بتضيف الجمال على شكله انما العيون الشهوانية مش حتشوف الجمال الروحي و حتلتفت للمفاتن و انتي في غنى عن اعجاب من رجالة زي دي
بلبسك ده حبيبتي انتي بتصوني نفسك عن أشباه الرجال .. و ربنا عز و جل حيرزقك بزوج صالح يحفظك و يصونك و يحبك و يراعيكي
بس اوعي تتضايقي من حجابك لانها حاجة جميلة جدا انك بنوتة في السن ده و جاهدتي نفسك و لبستي كويس في زمن كل البنات فيه بتلبس وحش عشان تنال نظرات الاعجاب
انا حنصحك نصيحة بخصوص ضيقك من لبسك
بصي لنفسك في المراية و انتي بحجابك .. و حسي بالفخر من نفسك لانك جاهدتي نفسك و صونتيها عن النظرات الحرام
و لاحظي نظرات الرجالة للبنات اللي مش ملتزمات بالحجاب و تعليقاتهم عليهم .. نظرات حقيرة و كلمات احقر
الانثى الحقيقية هي اللي تتحلى بالحياء و تصون نفسها و متفرحش بكلمات مبتذلة او نظرات مش حلوة ليها
حجابك ده تاجك خليكي فخورة دايما بنفسك
و انتبهي لان ده ابتلاء من ربنا سبحانه و تعالى بيختبر صدق نيتك .. فاتعبي شوية و جاهدي نفسك و خلي عندك يقين انك صح و كل البنات اللي مش ملتزمين غلط تماما
خليكي قوية في الابتلاء و حترتاحي بعد كدة و حتحسب بالفخر من نفسك
و ربنا حيرزقك الزوج الصالح اللي يحبك و يحترمك و يقدرك مش راجل يرضى بواحدة متبرجة و يتباهى بمفاتن مراته ادام الناس .. ده مش راجل
المهم خلي بالك ان ده ابتلاء من ربنا و خليكي قوية فيه
تاني مشكلة صاحبتك ..
في رأيي صاحبتك دي فتنة بالنسبة لك و نصيحتي ابعدي عنها بقدر المستطاع
لان شرها مش عليها بس لكن كمان بتأثر عليكي و تفتنك
مش بتحاول لانها تكون افضل لكن بتحاول تجر رجلك لانك تكوني زيها
و في رأيي هي اللي بتغير منك مش انتي اللي بتغيري منها
البنت اللي بتلتزم بالحجاب الشرعي بتكون جميلة جدا بيه .. الحشمة جمال العين النقية تشوفه
البنت الملتزمة بحجابها و حيائها و اخلاقها صدقيني بتكون اجمل بكتير جدا
فهي بتغير منك بتعمل كل اللي شايفاه انه يخليها جميلة و مع ذلك بتحس انك انتي الاجمل
فتحاول تقنع نفسها و تقنعك انها الاجمل من الكلام اللي بتقولهولك ده بصلها و ده عاكسها
حاولي تتجنبيها بقدر الإمكان
ملحوظة بس قبل م اختم كلامي لاني طولت
الشاب اللي انتي كنتي حاسة انه معجب بيكي لكن بيبص لصاحبتك
اعتقد ان دي رسالة كافية ليكي تقولك متفكريش فيه
لانه شخص مش بيغض بصره و لا بيصون بنات الناس من عنيه
الراجل المحترم ميلفتش نظره البنت اللي لبسها مش كويس و يعجب بيها
هو طبيعي يتشدلك انتي لانك محترمة في اخلاقك و لبسك و حيائك يقدر يثق فيكي بسهولة .. بس الجمال الرخيص بيجذبه يبقى رجل قلبه مريض .. فده تبعدي عنه لانك تستحقي احسن منه بكتير
و اسفة للاطالة
ربنا يثبتك و يثبتنا و يحميكي من شر نفسك و من شرور الناس اللهم امين
سلام عليكم
بصي يابنت الناس يظهر ان صحبتك ديه اصلا مش بتحبلك الخير و بتغير منك اصلا بدليل انها بتقعد تقوليك لا ده بيبصلي انالا ده بيعاكسني انا …..فا ان شاء الله لو حد اعجب بيكي و ارتبطوه دي تفتكري ممكن تعمل ايه !!! فا انصحك تبعدي عنها خالص هي مش اخر صاحبة يعني اكيد في احسن منها كتير …و بعدين لما الناس يشوفه لبسها و اسلوبها هايقوله عليها كلام مش كويس و سيرتك انتي اللي هاتيجي في النص لان في مثل بيقول الطيور علي اشكالها تقع ….فا ربنا يعوضك بصاحبة تفهمك و تكون زيك 🙂
أنا مش عارف أبدأ منين في الكلام
لكن واضح إنك شخصية جميلة جدا جدا في زمن ندرت فيه الشخصيات دي.
أولا كده عشان نكون على نور، ربنا مش هيحاسبك على غيرتك منها أو حقدك عليها طالما مخرجش من قلبك في شكل أقوال أو أفعال.
ثانيا بقى انت بتقولي إنها بتصلي وقريبة من ربنا، لكن مظنش إنها قريبة من ربنا، لأن الحجاب فرض عين على كل مسلمة وأهم من الصلاة نفسها لأنه بيعمل فتنة لو مش موجود، هي كده مش قريبة من ربنا ولا حاجة.
ثالثا اياك ثم اياك تتنازلي عن لبسك الواسع المحتشم لأن هو سر جمالك الحقيقي مش جمال مزيف زيها، الراجل المحترم العاقل لما يجي يتجوز مش هيختار واحدة زيها، أبدا والله هيختار اللي زيك بس، أما اللي زيها فممكن أغلب الشباب يبصلها وهي ماشية، لكن مش أي حد هيفكر يخطبها، لازم يبقى شخص ديوث مش بيغير عليها، وللعلم الغيرة من أجمل الأحاسيس اللي بتحسها المرأة من زوجها، اللي زوجها مش بيغير عليها تعتبر من متزوجة أصلا.
هي بتقول لما تتجوز هتلتزم في اللبس، وده مش هيحصل غالبا لأنها هتتجوز واحد فخور إن مراته بتلبس ضيق وبتحط مكياج، فمش هيطلب منها ده وهي هتحب تفضل محط أنظار الشباب لأنها اتعودت.
البنت الملتزمة لما شاب يكلمها هيكلم عقلها أما اللي زي دي مفيش شاب هيفكر إن عندها عقل لأنه هيبصلها بنظرة غريزية.
من الآخر يعني الشاب ممكن يصاحب البنت دي أو يمشي معاها أو يكلمها ويمثل عليها، لكن لما يجي يتجوز هيدور على اللي زيك.
أما أنا كشاب شايف إن البنت الملتزمة أجمل بكتير من اللي بتلبس ضيق ومكياج، لأنها دايما بتحس بالنقص في عقلها فتعوضه بإظهار ما حرمه الله من جسدها.
لو عملتي زيها هتخسري دنياك ودينك
أما إذا فضلت زي ما انت هتكسبي دينك ونيتك والله.
كلامي ده قولته كشاب مش جايبه من شيوخ وعلماء دين، يعني دي فطرة الشباب المحترم مش الديوث.
ربنا يعينك، ولو عايزة تقطعي معاها علاقة يبقى أحسن لأنها شخصية مش جميلة وكمان شبهة للي يمشي معاها، أنا شخصيا مقدرش أمشي جنب واحدة كده أبدا.
ربنا يكرمك باللي يقدرك ويقدر جمالك الوحي الحقيقي.