البنات المراهقات

بحبه ولا مجرد وقت عشان مراهقة

انا بنت عندى 12 سنه حبيت واحد كان جارى في العماره اللى قدامى المهم حبيته وكان بيقول كلام غير مباشر بس كان كلام حلو اوى اوى كان لما يقف في الشارع يبص علي بلكونتى ولكن لقيت فجئه مش بيبص ولما عينى تيجى في عينه ولا كان شىء لم يكن طبعا كنت زعلانه بعد كده لقيت واحد كان صاحبه لقيته انا كنت ماشيه في الشارع لقيته متابعنى بس باستمرار حسسنى انى ليا قيمه عنده اوى اوى اوى بس انا مكنتش واخده في بالى لانى كنت بحب الاولانى بعد كده سافرت مصيف مع ماما و بابا واخواتى وكده لما رجعت قولت يمكن اوحشه موحشتوش ولا حاجه بس لقيت التانى بيبص بردو و متابعنى لحد لما اتعلقت بيه اوى اوى اوى اوى وبقيت لو عدا عليا يوم مشوفتوش بعيط و كنت لما انزل لاى سبب من الشقه يتابعنى و لو نزلت لوحدى يمشي ورايا يعرف انا رايحه فين و لما يتاكد انى خلاص راجعه البيت يمشي هو بقا و لما انزل المدرسه الصبح بيستنانى و وانا راجعه كمان بس مش دايما بس انا بحبه اوى حبيته اكتر من الاولانى بس المشكله بقا انه صايع جدا وبيشتم كتير و معرف صحابه انه معجب بيا وانى بضحكله عشان متعلقه بيه وكده بس والله مجرد ابتسامه بس والله مش اكتر بس هو شافنى ف جميع الاحوال اللى شافنى ي جميع الاحوال التانى ده شافنى و انا بعيط لظروف حاله وفاه عندى وشافنى وانا بضحط وشافنى بشعرى وبالطرحة وبلبس المدرسه واللبس الضيق الخروج واللبس الاسود والعبايات شافنى بكل وضع و بردو عجبته لما عرف حاله الوفاه مقلش بقا دى هتبقا كئيبه وكدا لاء بالعكس انا لقيته ابتدا يشغل بدل الاغانى قران علي الموبايل وبيبصلى بصات معناها انى صعبانا عليه بس بجد بحبه بس يمكن بحبه عشان هو اول واحد احس انه مهتم بيا للدرجه دى بس انا بموت فيه بس الاولانى بقا ابتدا يبص لما عرف انى اتعلقت بصاحبه و في واحد معايا في المدرسه بحبه بردو و ولد بكلمه من النت يبق انا كدا بحب الاولانى ولا التانى و اللى في المدرسه ولا اللى في النت بس اكتر واحد بحبه هو التانى بس المشكله انه صايع وناشر الموضوع لناس كتير و بيشتم بس بحبه ايه الحل من فضلكوا يا جماعه محدش يقولى اجابه مش من قلبه

مشاكل وحلول ذات صلة

اضيف بتاريخ: Monday, February 28th, 2011 في 11:36

كلمات مشاكل وحلول: , , ,

24 رد to “بحبه ولا مجرد وقت عشان مراهقة”

  1. لولو العسولة
    18/07/2012 at 17:21

    بوصى انا تقريبا كنت زيك كدة بس التانى مدام مش محترم يبقى لازم تنسيه و ديه فترة و هتعدى و الى بيحبك بجد هيتقدملك و ارضى بنصيبك

  2. Aya
    11/06/2012 at 20:36

    صدقينى أنتى مش بتحبى ولا واحد فيهم دى مشاعر مراهقة مش هقولك سنك صغير على الحب اصغر منك وممكن يلاقوا الحب الحقيقى ويفضلوا يحبوابصدق لحد ما يوصلوا لسن الجواز ويتجوزوا بس ده نادر جدآآآآآآآآآآآآآ
    انتى لو بتحبى بجد مكنتيش قولتى اولانى او تانى او تالت
    الحب الحقيقى انك تحبى واحد بس وتفضلى مخلصة لية
    انما انتى مترددة بتنجذبى بس للى بيهتم بيكى اكتر
    انتى بس كنتى مفتقدة الاهتمام ده فى حياتك فلما لاقيتى حد بيهتم بيكى انشغلتى بية مش اكتر
    وخدى بالك من نفسك
    مش تستبعدى ان الولد التانى يكون عامل عليكى رهان مع صاحبة عشان يشوف انتى هتتعلقى بية ولا لا
    والدليل على كده ان اول ما الولد الاولانى عرف انك مهتمة بصاحبة بدأ يهتم بيكى
    عشان مش عايز يحس ان صاحبة كسب الرهان وفاز بيكى
    أكيد انتى بتقولى لا الحركات اللى بيعملها بدل على انه واحد مهتم اووووووى مش معقولة يكون بيلعب او بيتسلى
    اقولك لآلآلآلآلآلآلآ الشاب لما بيكون عايز يوصل لحاجة بيوصلها لو حتى عمل إية
    ولما يحب ينفذ حاجة بينفذها
    فمش تقيسى مشاعر الولد على مشاعرك طريقة حب او اعجاب او حتى اهتمام البنت غير الولد خاااالص

  3. بورسعيدية وافتخر
    28/11/2011 at 01:43

    بصى 12 سنة ده يبقا مسموش حب دا اسمو لعب عيال وبعدين انتى بتقولى انو صايع وبيشتم وبيفضحك وسط اصحابو يا بنتى دا شكلو بلطجى وبيلعب بيكى وعاوز يشوه سمعتك وسط الناس ومتبينلوش انك مهتمة بيه يعنى لو اتلقتيه مثلا مشا وراكى لحد المدرسة او الدرس طنشيه واعتبريه حمار وبيتمشى هههههههههههههههه عموما انا بهزر معاكى بس فى الاول وفى الاخر احب اقولك انتى لسا صغيرة على الحب لما تكبرى هتحبى وتتحبى بجد لكن اللى انتى فيه دا عمرو ما بيبقا اسمو حب وهتلاقى ناس كتير تقولك الحب مالوش سن ماشى انا بوافق على رايهم بس فى نفس الوقت مينفعش تحبى واحد صايع زى دا وانتى فى السن دا ودا اكبر دليل انو بيلعب بيكى واديه بيكلم صحابو عليكى يعنى اللى المفروض تعمليه متهتميش بيه ابدا وتطنشيه وهو مرة ف مرة هيزهق وبكدا تكونى خلصتى منو وربنا يحميكى

  4. اب
    23/11/2011 at 09:30

    كلمتين وبس
    الصح مع الاغلبيه
    معني الكلام كل الناس بتقولك لسه بدري عليكي في الحب
    ركزي في الدراسه
    خافي ربنا
    واكيد كل الارء دي عن خبره وتجربه
    وانها كلها لوجه الله وربنا يوفقك

  5. ابن النيل
    10/10/2011 at 01:17

    مش معقول 12 سنة وبتحبى . طيب قدام شوية هتعملى ايه . يا بنتى دا مش حب انتى لسه صغيرة وفى سنك ده البنت بتحب الكلام الحلو لكن لما تكبرى شوية اكيد تفكيرك هيختلف . واكيد اللى بتحبيه ده اكبر منك بسنة او اتنين ومن الاخر هو كمان صغير ولا يصلح للحب . انصحك ان تركزى فى دراستك وسيبك من التهريج ده وكمان من طريقتك دى انتى عاوزة تقضيها وخلاص . يا امورة الحب ده حلقة وصل للزواج وبيكون حب راقى مش لعب عيال ومشى فى الشوارع ووقوف فى بلكونات وبطريقتك دى ممكن تحبى الف شخص فى خلال العشرة اعوام القادمة هههههههههههههه

  6. رنا
    27/08/2011 at 14:59

    انا بردو عندى 12 الحب دة شاء جميل والله يبختك ان تحبية وتتحبيةانا كمان بحب اثانين اريبى وحد تانى سكان اودمنة التين بيحبونى اووووىى انا مش عرفة اخاختر مين حد يؤلى اخاتر مين

  7. يويو
    17/08/2011 at 11:43

    ايه ي انتي بتقولي عليه ده انتي عايزة تطلع عليكي سمعه لما يجي واحد يتقداملك انتي لسه صغيرة وانا اكبر منك على فكره ب3 سنين بس انا بنصحك علشان انتي زي اختي فا لزم اخاف عليكي بس والله ده سن مراهقه وكلنا في السن ده لزم يحصل معانا الحاجات دي بس متعبريش حد لان ربنا يوم ما تكبري كتبلك نصيبك يعني زكري ومتخليش الحب يكون هو اللي مسيطر عليكي فكري بربنا لان مافيش حد هينفعك لما تكبري هاتندمي على كل ده وبعد كده تقولي ايه العبط اللي كنت بعمله ده وهتضحكي على نفسك بحصرة خديها نصيحه من اختك وربنا يعمل ما في الخير

  8. منة
    10/08/2011 at 03:38

    ده متراهن عليكي اسمعي كلامي انتي لسة صغيرة استني لما تروحي ثانوي لو لسة مشاعرك مع التاني يبقي انتي بتحبي بجد علي فكرة انا عندي 12 سنة

  9. ريمااس
    04/08/2011 at 19:03

    بردوا يمكن ردي جه متأخر بس انتي لسه صغيره لما تحبيه دلوقتي وخطبتيله3سنين وروحتي الكليه هتلاقي ده ماكنش حب وهتلاقي حد يحبك بجد فكري كويس

  10. بتاعت سراحة
    07/07/2011 at 07:52

    على فكرة انا عندى 12 وعايزة اقولك حاجة وثقى فى كلامى ليكى مش علشان بنصحك ولا حاجة بس علشان احنا فى سن بعض وبنفهم بعض و بصراحة ولا واحد منهم ينفعك ودا مش حب دا مجرد اعجاب بالشخصيات دى مثلا الاول اعجبتى بيه بس بشكله و نظراته الجميله والثانى بهتمامه بيكى واللى معاكى فى المدرسة لانكى دايما معاه الحكاية دى ذى كنت اعرف ولد فى النادى عنده 13 سنة ولما بقيت مارهش اعجابى بيه ضعف واللى بتكلمى معاه على النت مجرد بتستريحى بالكلام معاه هودابس الموضوع وحتى لو بتحبى واحد منحم نحاية الحب دا ايه دا حتى السن لسى صغير مينفعش تتجواز

  11. hoho
    20/06/2011 at 20:57

    لااولني وتاني وتالت انت لسة صغيرة انتبة لمزكرتك احسن

  12. فاطمه الزهراء
    15/06/2011 at 12:28

    على فكرة انا راى ان التانى هو اللى تحبى لان هو اللى اهتم بيكى عن الاول وعن اللى كان فى المدرسة لان التانى هو اللى حس بمشاعرك

  13. اخت معينه
    11/06/2011 at 01:58

    معلش انا ردى جه متأخر شويه هو مش شويه ده كتير بس انا رأيى ان الواد التانى ده كان بيغيظ الواد الاولانى ومش بعيد يكون متراهن وسط صابه اللى قايلهم انك ضحكتيله اوابتسمتيله زى ما قلتى وبعدين فى سنك ده اكيد بتروحى المدرسه وبتشوفى بنات فى سنك بيلعبو ويهزروا وبنات تانيه قاعدين فى مسجد المدرسه ياريت تتصحبى على البنات دى وانا افضل البنات الثانيه وصدقينى متفكريش فى الحجات دى علشان هتندمى ندم عمرك لما تتنشرى وسط ولاد الحته انك بتحبى ده وكنتى متعلقه بده وافضل انك ما تكلميش الولد اللى بتكلميه على النت ده ولا تبصى لولاد وانتى فى البلكونه وادخليها بس ما تبينيش نفسك للفشارع

  14. محمد احمد
    04/06/2011 at 13:26

    بصى الحب ملهوش سن ممكن تحبى فى اى سن لكن انتى اختارى اللى احسن واللى مش بيشتم متربى وللى حاسه انه بيهتم بيكى وشكرا ……..

  15. نونو
    14/04/2011 at 14:21

    انتى الان فى سن مراهقه ولازم انك تحافظى على نفسك لانك متعرفيش هوا بيعمل ايه من وراكى

  16. بطه
    30/03/2011 at 12:51

    بصى يا انستى ده حب مراهقه مش اكتر وانا انصحك انك تخافى على نفسك وخلى حبك للانسان اللى يحبك ويتجوزك

  17. ملك الطائرة الحزينة
    05/03/2011 at 02:31

    بصراحة ده مش حب انتي بجد لما تكبري هتضحكي بجد علي اللي كنتي بتعمليه ده انا جربت اللي انتي بتقولي عليه ده بصراحة دول مش بيعرفوا يحبوا دول يجرحوا وبس مستقبلك اهم من ي حاجة صدقيني

  18. توته الرمانسية
    04/03/2011 at 18:19

    اولا: السلام عليكم بصى كل دة مش حب ولة حتى اعجاب ولة حاجة سواء الاول او التانى او الثالث انتى مجرد عيزة حد يخاف عليكى ويهتم بيكى بس كل الى انتى بتقولية دة مش فى مصلحتك لانك لازم تخلى قلبك ابيض لحد ما يجى الانسان الى يستهلك سعتاها هو بس الى يستهل تقوليلة بحبك نصيحة ليكى لو اهتمتى بمزكرتك هتنسى كل دول وهم كمان هينسوكى بس اهتمى بجد وربنا يوفقق فى حياتك

  19. عبد الغفور
    04/03/2011 at 03:55

    والنبي خدى برائى ده لانى مريت بنفس المشكله بالظبط انتى مبتحبيش ولا واحد فيهم والله واوعى تكلمى ولاد خالص ولا عالنت ولا فالمدرسه ولا فالكليه واوعى اوعى اوعى اوعى تضحكى لحد ابدا ولا وانت حتى ماشيه فالشارع لما حد يبصلك لانهم هيقولو عليكى هبله وهيضحكوا عليكى وخليكى قريبه من ربنا ومحترمة وان شاء الله بعد كدة هيخطبك واحد محترم جدا يحبك وتحبيه وعلى فكره ولا واحد من الاربعه بيحبك واكيد بيعدوا يتريقوا عليكى

  20. حنين الندى
    03/03/2011 at 18:35

    شوفى انتى فى السنه دى عايزه حد يهتم بيك وحسسك انك حاجه مهمه بنسبه له ودى لقيتيه في شاب التانى عشان كده مش لازم تخصريه بلعكس تبقوا اصحاب و زى الاخوات ..لكن انتى ما بتحبيش لان سنك لسه صغير …

  21. بالحق اقول
    28/02/2011 at 21:22

    الاجابة اللي من القلب والصحيحة مش هتقبليها لانها مش هتبقى على هواكي خالص ليه؟ لان سنك صغير وخبرتك بالدنيا زيرو… فلازم تعرفي انك كده بتضري نفسك وكل دا خيال وممكن يطلع عليكي سمعه في مكان سكنك لان الولاد مالهمش كلام الا عن البنت دي بتقف في البلكونه تضحك لدا وبتلبس كذا واللي اوحش بكتير من كده توصل للسمعه ودا الواقع اللي بيحصل ما كل الشباب اللي معانا فاهمين الكلام دا لكن البنات المسكينه مش فاهمه انها نايمه بالبيت وبيتقال عنها افظع الالفاظ اللي لو سمعتها هتقتل اللي بتضحكله وبتبصله من البلكونة…….الحل الوحيد الصح انك تلحقي نفسك وماتبصيش من البلكونه لحد والاحسن ماتقفيش علشان الكلام عنك يقل لغاية ماينسوكي وهتلاقيهم بيبصوا لفريسه غلبانه تانيه او انسانه مش كويسه خالص وعارفه كل دا ومش مممها سمعتها

    مصطفى_حسنين
    الاسكندرية

  22. NONA
    28/02/2011 at 18:26

    لا طبعا انتى كدة فى فترة مراهقة يعنى انتى ولا بتحبى ولا واحد فيهم دة مجرد تعود بس مش اكتر

  23. توتا
    28/02/2011 at 16:23

    بصى يا عسل انتى اللى انتى بتعملية دة مش هيبقى هو اللى يتقال علية صايع الكلمة دى هتتقال عليكى انتى متزعليش منى بس انتى صغيرة اوى على اللى انتى فية دة حرام عليكى نفسك اولانى وتانى وتالت ولورابع اية يا بنتى ابعدى عن الهم دة وعادى كلنا بيتبصلنا واحنا ماشين بس عشان نتشغل بيهم لاكن هما مش بيكون فى دماغهم حب ولا حاجة دول بيسلوا نفسهم بس بينا واحنا بئة نبئى هبل ونصدقهم ابعدى ياماما عن الشباب دول اكتر حاجة بيعملوها صح بيضحكوا على البنات وفى الاخر بتندمى يا يفقدك عزريتك يا يعلقك بية ويسيبك كدة يعنى

  24. كومي
    28/02/2011 at 13:32

    السلام عليكم الأول هقولك ربنا يهديكي على نفسك لانك سنك صغير على الحب لانه سن مراهقة بس المراهقة دية جاتلك بدري اوي بصراحة أول مرة أسمع مشكلة أفضل أضحك بسبب الكلام الأخير اللى كتباه انك بتسالي انك بتحبي الاول ولا التاني اللى بتقولي صايع وبيشتم ولا الثالث اللى في المدرسة ولا اللى في النت اللي اكيد بيكلم 5000 واحدة غيرك بصراحة لو دية فزورة والله ما هعرف احلها لانها إنتبهي لنفسك شوية وقربي لربنا وحاولي متبقيش من صغرك تحبي وتتسابي وتحبي تاني صدقينى دة كله تضيع لوقتك ولحياتك اهتمي بمستقبلك وشوفي مذاكرتك والأهم تشوفي صلاتك ودينك وقربي من ربك أوي عشان ربنا يقف معاكي وصدقينى لما تكبري هتضحكي على اللى كنتى بتعملية وانتى صغيرة خدي بالك من نفسك وسيبك من كل دول ولما توصلي لسن مناسب حبي وارتبطي ونصيحة من اخ كبير ليكي حبي خطيبك اللى هيبقي جوزك يعنى حوشي الحب دة للي يستحقة وربنا يوفقك في حياتك والسلام عليكم ..

اترك رداً أو حلاً لهذه المشكلة