مشاكل البنات النفسية

شخصيتي الضعيفة سببت لي فشل عاطفي

سلام عليكم

انا فتاة ابلغ من العمر 20سنة اعمل كقابلة توليد في احد المستشفبات المهم ان مشكلتي تكمن في انني على علاقة بشاب كان يحبني كثيرا في الاول و يهتم بي و لكن في الايام الاخيرة بت احس انه يتهرب مني فهو لم يعد يتصل بي الا احيانا و لايرد عاى اتصالاتي وبتحجج كثيرا ولم يعد يطلب ان يقابلني و كل هدا و انا لا ادري ماهو سبب تغيره .على الارجح انه مل و خاصة ان علاقتنا دامت سنة و لكن المشكلة لاتكمن هنا بل في كون انني اعلم انه مل مني و مازلت احاول الاتصال به و اريد استرجاعه بشتى الوسائل بحجة اني احبه و هدا يعرضني لكثير من الاهانة لاني الاحظ اني كلما اقتربت منه فانه يبتعد مشكلة تكمن في انني اعلم انه يريد تركي و لكني متمسكة به بحجة انني احاول معرفة سبب تغيره رغم ان معرفة الاسباب لن تغير من الواقع ان هدا الشاب ليس اول حب لي بل انني كنت على علاقة باخر قبل التعرف عليه و حدث معه نفس مل حدث مع الثاني فهو حاول تركي و انا تمسكت به و لكن دون جدوى فانا لم اجني من دالك سوى الاهانة

امي تقول عني اني ضعيفة الشخصية ولا استطيع التحكم بمشاعري رغم انها لا تعلم بهده القصة

احس بان مشكلة النفسية هده تنغص عليا حياتي فانا فاشلة على المستوى العاطفي و على المستوى المهني فانا اكره عملي ولااحبه لان حلمي كان ان اصير مهندسة و فعلا دخلت كلية الهندسة وكنت من الطلاب المتفوقين و لكنني وجدت هدا العمل قبل ان انهي دراسي فاصرت امي على ان اترك الدراسة بحجة ان المهندسين مش لاقيين شغل في بلادنا و انني ام اتمكن من تجهيز نفسي ادا لم اترك الدراسة و اعمل

و اخيرا شكرا لحسن الاصغاء و اعتدر ادا كنت قد اثقلت عليكم و انا في انتظار ردكم

مشاكل وحلول ذات صلة

اضيف بتاريخ: Thursday, December 30th, 2010 في 19:37

كلمات مشاكل وحلول: , , , , , ,

13 رد to “شخصيتي الضعيفة سببت لي فشل عاطفي”

  1. لولو
    24/03/2015 at 09:59

    يختي آْنَـỲǑŲـْتي مثلي بالضبططط

  2. احمد شعبان
    11/04/2011 at 22:37

    انا شايف ان مامتك ظلمتك لما خلتك تسيبي دراستك وتضيعي تفوقك ولازم تكوني ايجابية وتتركي العمل ده اللي انتي مش بتحبيه وترجعي تحققي زاتك وتواصلي نجاحك وان كان علي الشغل فكل الشباب حالهم مش ولابد والارزاق بتاعة ربنا والجواز ده نصيب والشاب ده انصحك تقطعي علاقتك بيه واكيد ربنا هيبعتلك اللي يقدرك ويفهمك وربنا يزيل همومك

  3. ناندى
    14/01/2011 at 22:10

    اختى معلش رجعتلك مره تالته بالنسبه لمووع انك ممكن تعنسى لو كملتى دراستك صدقينى يا بنتى كلنا بنشتغل وكلنا برده معنسين ومش الشغل اللى هيخليكى تتجوزى يا بنتى البلد كلها فى ازمه الشباب عاطل ومش لاقى شغل وبالتالى البنات مش بتتجوز قليلها كده يبقى هنعد نشغل نفسنا بحاجه لسه فى علم الغيب ونسيب اللى فى ايدينا وبعدين وانتى قابله توليد وممعكيش شهاده مستنيه مين اللى يجيلك معلش انا مش قصدى ابدا انى اهين شغلتك كل العمل محترم مدام شريف لكن ليه ماتكونيش فى وضع احسن وارقى مدام فى ايديكى تخيلى وانتى معاكى مؤهل عالى وفى وظيفه ارقى اكيد اللى هيجيلك هيكون احسن ومعلش احنا فى مجتمع بيبص للمظاهر ومش بيقدر او بيحترم كل شغل حتى لو كان شريف وبعدين لو لا قدر الله متجوزتيش يبقى متجوزتيش وكمان بتشتغلى شغل بتكرهيه لا انتى تاخدى شهادتك وتشتغلى شغل بتحبيه وراضيه عنه وتعيشى حياتك حتى لى متجوزتيش دى بقى حاجه بتاعه ربنا قولى لماما كده وبلاش تخسرى كل حاجه بصى لا تراجع ولا استسلام ادينى قلتلك اهو ف خدى القرار

  4. ناندى
    14/01/2011 at 21:31

    اختى انتى مش بتقولى انك ضعيفه الشخصيه اول خطوه للتخلص من كده انك تاخدى قرارحاسم لا رجعه فيه انك تسيبى شغلك اللى انتى ما بتحبيهوش وترجعى لدراستك خصوصا انك كنتى متفوقه ووالله انا صعبان عليا انك تضيعى تفوقك ده ..اتكلمى مع امك كتير .بوسى ايديها . بوسى راسها قوليلها كلام يحنن قلبها عليكى جربى كل الطرق وده بعد ما ترجعى فعلا لدراستك وزى ما قولتلك كونى صبوره وخلى نفسك طويل بس حددى اهدافك واولوياتك واعزمى على الوصول اليها وربنا معاكى

  5. ناندى
    14/01/2011 at 20:51

    بصى يا اختى انا مع الاخ صادق جدا جدا جدا لازم وحتما ولابد ترجعى لدراستك مهما كانت العواقب ومهما كانت امك بتعيشك فى جحيم انا عارفه البيت بيبقى شكله ايه لما يكون فيه صراع بين الاباء وابنائهم لكن امك بالطريقه دى بتضيع مستقبلك وهى ممكن تكون مش فاهمه اهميه دراستك وحتى لو فاهمه سامحينى سيبك منها ولا تكترثى لها او لكلامها سيبيها تقول زى ما هى عايزه وربنا ماقالش انك تضيعى مستقبلك عشان ماتبقيش عاقه لامك هى كده اللى بتظلمك وربنا ما يرضاش بالظلم وحاولى تخلى اى حد كبير وبيفهم او اى حد هى تقدره وتحترمه انه يكامها ويقنعها وحتى لو كنتى حاولتى وفشلتى برده صممى على موقفك وصدقينى الدنيا هتفرق معاكى كتير لما تاخدى شهادتك ويبقى ليكى كيان وخلى عندك حسن ظن بالله انه هيرزقك بشغل كويس وعلى فكره امك لما تلاقيكى مصممه على موقفك هتزهق من الكلام وتسكت وحتى لو خاصمتك معلش برده سيبك منها صممى على موقفك وبريها ووديها من ناحيه تانيه يعنى اضربى ولاقى وخليكى صبوره وبارده وطولى بالك معلش ممكن تتعبى كتير لكن فى الاخر هتجنى ثمار تعبك يعنى بصى حاربى عشان مستقبلك ..انا عارفه ان كلامى ده عمليا ممكن يكون صعب بس معلش حاولى ومتسلميش بسرعه والجاى لربنا بالدعاء النتواصل انه يهديلك امك ويذللك الصعب هو احن عليكى من امك وقربى منه سبحانه واكثرى من الاستغفار لانه مجلبه للرزق ومفرج للهم وعليكى دائما بالثلث الاخير من الليل ناجى ربك واشكيله همك وواصلى الدعاء ملكيش غيره سبحانه وبالنسبه لضعف شخصيتك اقرئى فى مجال التنميه البشريه او ادخلى على النت وحملى محاضرات الدكتور ابراهيم الفقى هتفيدك جدا جدا جدا وصدقينى هتبقى واحده تانيه بس اعزمى على انك تغيرى نفسك وبالنسبه للشاب ده سيبك منه واعزمى انك تتغيرى ويبقى ليكى شخصيه قويه يعجب بيها كل شاب ومفيش حاجه مستحيله كل شىء ممكن وكل شىء فى ايدينا بس فى الاول وفى الاخر اتقى الله واستعينى به سبحانه فهو خير معين وربنا يوفقك

  6. farida
    02/01/2011 at 15:15

    انا زيك كدا بالظبط بس انا حاولت معاة ورجعنا بالفعل لكن بعدها باسبوع عمل نفس الحركات وبدأ يخترع في مشاكل وخناقات لحد ماقولتلوا انا نسيب بعض وفعلا سيبتوا وحسيت بالفرق وحسيت اد اية كنت غبية لما عرفت واحد بالاخلاق دي عاوز دي شوية ودي شوية ومقضيها لعب صدقيني طاما فكريسيبك ويتمنع عليكي يبقي ميستهلكيش ودا مش ضعف منك بس حبك لية زيادة ابعدي عنو وهتحسي بالفرق والله هو دلوقتي الا عاوز يرجعلي وانا الا برفض ايعدي عنو وهتحسني انك مش ضعيفة شخصية ولا حاجة

  7. صلوا على نبيكم محمد(مسلمه
    01/01/2011 at 06:38

    ولو عملتى علاقه ثالثه هيتكرر معاكى نفس الموضوع يا اختى الشاب لما بيتعرف على بنت بيحاول يقضى وقت معاها ويتسلى لكن مبيخدش الموضوع جد يعنى بيمشى معاكى وبس وبيجيله وقت بيزهق من اللعبه اللى فى ايده وبيدور على لعبه جديده يلعب بيها للتسليه ايضا وبعد فترة هيتركها ذى ما عمل معاكى لانهم مش واخدين الموضوع جاد لان مفيش شاب بيتزوج واحده مشى معاها الا اذا كان سورى يعنى غشيم المشكله الحقيقيه فيكى انتى واستهتارك بعمل علاقه مع شاب وللاسف دى التجربه التانيه ليكى ولسه متعظتيش ولو عملتى مائه علاقه هيتكرر نفس المشكله معاكى لانك بالنسبه ليهم متزعليش منى بنت رخيصه ماشيين معاها لكن فكرة الزواج مش وارده عندهم ليكى انصحك انك متعمليش اى علاقه مع اى شاب صونى نفسك واللى شاريكى هيخبط على بابك واد ايه هتبقى غاليه عنده وعمرة ما هيمل منك ابدا لان غرضه سترك واقطعى علاقتك مع هذا الشاب فورا لان مفيش اى فايده من محاولاتك انتى بس بترخصى نفسك وكل ما بتقربى منه بتثبتى له انك فعلا بنت رخيصه

  8. ندى عبد الرحمن
    31/12/2010 at 20:07

    فيه حد عاقل يسيب كلية محترمة زى كلية الهندسة
    انت كان ممكن تكملى دراستك وتتخرجى
    وبعد ما تتخرجى كان ممكن تسافرى الى اى دولة
    خليجية. وهناك فرص عمل كتير ومحتاجين مهندسين هناك
    والمهندس هناك بيتقاضى اجر عالى جداً
    يعنى انت ضيعتى مستقبلك بايدك
    لو انت مهندسة دلوكتى, كنتى لقيتى نفسك بيتهافت
    عليكى افضل شباب الوطن العربى وزينة الشباب
    انما انت ضيعتى نفسك وضيعتك امك
    وضيعتى اجمل شئ فى حياتك ” التعليم”
    ياريت ترجعلى لدراستك لو كنتى تقدرى
    وسيبك من شغلك اللى انت مش بتحبيه
    وعيشى حياتك لان الدنيا ما هى الا متعة
    ما تحرميش نفسك من متعة الدنيا

  9. silvanaaaa
    31/12/2010 at 17:54

    ايها الاخ صادق انني اتمنى لو استطيع الرجو ع لدراستي و لكن امي تبكي كلما دكرت لها موضوع الدراسة و تصرخ في و جهي و تتهمني بالعقوق و تدكرني باهمية رضا الوالدين و تتهمني بانني سببت لها الامراض لانها تغضب كثيرا من هدا الامر صدقني ادا قلت لك انني عشت في جحيم خلال الفترة التي رفضت فيها دللك العمل فهي ترى انني اتكبر على النعمة و لا اعي ان هدا العمل نبيل و مناسب جدا للمراة عكس الهندسة التي تناسب الرجال فقط في رايها لانني في رايها ادا واصلت الدراسة ساعنس و لن اتزوج ابدا
    وشكرا

  10. صادق
    30/12/2010 at 22:23

    ارجعى لدراستك فورا ارجعى ارجعى ارجعى حرام عليكى ارجعى وسيبك من المواضيع التافهه دى ارجعى لدراستك ارجعى ارجعى ارجعى

  11. ahlam
    30/12/2010 at 20:24

    انت لسا صغيرة ولما حتكبري حتضحكي على الي بتعمليه دا اد ما هنتي نفسك
    بالعكس لازمك تتخلي عليه الحب من الخاطر مش بالسيف اد حبيتيه بجد اتركيه فحالو فكر فكرمتك وعزت نفسك اكثر ما تفكري في هوسك وحبك ليه راح يجي يوم تحبي فيه شخص ويحبك كمان لا تشغلي بالك بيك (الي بيجي بسهولة مش ممكن يجي بصعوبة ) انت بتقولي ان امك بتقول عليك ان شخصيتك ضعيفة بس انت بيني ليها على العكس ان شخصيتك قوية وتبدين لها عكس ما تعتقد بدي افكرك ان الفشل العاطفي الدي تعانيه ليس بسبب شخصيتك الضعيفة بل بسبب انه لا يساتهل حبك وانك بنت عاقلة وواعية وبنت ناس وهو ما بدو بنت بهالمواصفات
    بدي انصحك بان لا تجري وراء الصراب
    احب الشخص الدي يحبك وبتعيدي عن هدا الشخص فهو لا يستحقك
    تحياتي اختك احلام

  12. silvanaaaa
    30/12/2010 at 20:15

    شكرا يا اختي ساحاول العمل بنصيحتك

  13. sad girl
    30/12/2010 at 19:58

    اولا انتي مش ضعيفة الشخصية و لا حاجة انتي مندفعة ورا مشاعرك ودة بيخليهم يبعدوا عنك او يهملوكي اولا انتي لازم تتغيري من ناحية ان لو حد سابك تحاولي تمنعي نفسك من انك تكلمية وعلي فكرة الولاد بيفهموا دايما ان لو البنت كانت مهتمة بية بزيادة حتي لو بعد ما سابها بيعرف انها مرمية علية و بيدا يشوف نفسة جامد عليها وانت لية تضيعي كرامتك علشان حد ميستهلش لو كان بيحبك كان قدر مشاعرك وحبك لية بس هو داس عليكي بصراحة انا حسة بيكي وعارفة انك هتموتي وتعرفي هو سابك لية او لية بيحصلك كدة ولية كل ما تحبي واحد يعمل كدة العيب في اختيارك متندفعيش ورا مشاعرك علطول لو حبيتي واحد مثلا دوخية لهاية ما تقوليلة بحبك اتقلي علية صدقيني سعاتها هيتجنن وعلي فكرة حبيبك دة متاكد جدا انك هترجعي تكلمية تاني وتقوليلة انكوا ترجعوا لبعض علشان كدة افضل حاجة ممكن تضايقة وتموتة انك متعبرهوش ولا تتصلي ابدا ساعتها هيستغرب والله هيتصل بيكي وساعتها اتنكي براحتك هما الولاد كدة بيحبوا البنت اللي عندها كرامة وبتتقل وصدقيني انا جربت الحكاية دي ومش عايزة اقولك بقي هو اللي بيتصل رغم اننا سبنا بعض وبعدين لازم تفكري فش شغلك ومستقبلك فكري ازاي تبقي حاجة تعملي لنفسك قيمة اعملي اللي بتحبية و سيبك من اي حد اهم حاجة انتي عاوزة اي ؟

اترك رداً أو حلاً لهذه المشكلة