مشاكل البنات النفسية

الحجاب سبب فى ازماتي النفسيه

بسم الله الرحمن الرحيم انا بنت من مصر 17 سنه انا الحمد لله مواظبه على صلاتى بس انا بجد تعبت اوى ونفسيتى تعبت انا تقريبا بقيت بكره نفسى وحياتى الموضوع ان انا لما كان عندى 13 سنه البريود(الدورة الشهرية ) جاتلى لاول مرة وراحت ماما قالتلى لازم البس الحجاب وانا كنت لسه صغيرة ومش فاهمه حاجه وسمعت كلامها مع العلم ان ليا اختين بنات اكبر منى ومالبسوش الحجاب غير لما دخلوالجامعة بس بعد فترة انا بدأت اتخنق من الحجاب والطرحه بتخلينى حرانه وكمان بقى شكلى كبير وبقبت بحس كأنى عجوزة وكبيرة فى السن حاسه انى مش عايشه سنى بجد تعبت يعنى كل ما اشوف بنت كبيرة ومش محجبه بتغاظ اوى منها بحس انها واخده حريتها اكتر منى وشكلها اصغر منى كمان وانا طلبت من ماما انى اقلع الحجاب والبسو لما انا اقرر انى البسو يعنى يكون باختيارى انا مش هيا قالتلى ماينفعش عشان الناس هتقول ايه عليكى طيب ما هيا لو.ماكنتش خلتنى البسو واجبرتنى عليه كان زمان الناس مش هيقولو حاجه مع العلم ان ماما مش بتصلى الفرض اصلا يعنى الموضوع مالوش علاقه بالتدين وكدا بجد انا بكره حياتى وبقيت بكره ماما لانها هيا السبب فى اللى انا فيه دا . وياريت ماحدش يقولى المحجبه بتبقى مميزه بحجابها لان معظم البنات محجبين اساسا بس قليل اوى اللى بيبقو بشعرهم يعنى المميزه هيا اللى بشعرها والموضوع مالوش علاقه بأخلاق لان فى بنات كتير محجبات ماعندهمش اخلاق ولا تربيه