انا عندي مشكلة مضايقاني اوي اني مش بحب اتصور و بخاف اتصور مع اني جميلة علي الحقيقة بس دايما الصور بتطلع شكلي غريب, قليل اوي لما بيتطلع شكلي حلو في الصور و كمان اختي الصغيرة لما كنت بصور نفس في الموبايل لما كانت بتشوف صوري كانت بتفضل تتريق علي كل حاجة في الصورة فا من ساعتها وعدت نفسي اني مش هتصور تاني عشان مش عاوزة اسمع كلام يضايقني لاني لما بسمع كلام بيضايقني عن شكلي بزات بفضل افكر فيه كتير اوي و بتعب نفسيا و انا الموضوع دة ماثر عليا جامد اوي لاني دايما صحابي بيكونوا عاوزين يتصوروا معايا و انا مش بوافق اتصور مع اني ببقي من جوايا نفسي اتصور و اطلع معاهم في الصورة بس بخاف يطلع شكلي وحش و اسمع كلام ميعجبنيش. فانا مش عارفة اعمل ايه و خايفة في المستقبل لما ولادي يكونوا عاوزين يشوفوا صوري و انا في سن الشباب ميلاقوش ولا صورة . انا تعبت اوي من المشكلة دي و كمان مش عارفة الناس و اهلي بيقولوا عليا ايه لما بيلاقوني بهرب من الصور زبليز ساعدوني و قولولي اعمل ايه. كمان لما بكون رايحة اتصور عند المصور ببقس خايفة اوي و متوترة كاني رايحة امتحان . حد يقولي لو سمحتم اعمل ايه علشان حرام اللي انا فيه.
ومين سمعك يا حبيبتي انا كنت اكتر منك بكتير بس بصراحه لقيت ناس كتير ما ينفعش أصلا يتشافوا على الطبيعة بيتصوروا وتشوفيهم يحسسوكي أنهم نجوم.عارفه الناس دي ربنا بيحبها عشان بتحب شكلها في اي وضع.اتصوري واوعي تضيعي اي لحظه حلوه من حياتك عشان ما تندميش كبري دماغك وعيشي حياتك وما تركزيش عشان ما تتعبيش وكل لما اللي حواليكي يعرفوا إنك مش بتحبي الصور هيبتدوا يضايقوا فيكي ومع الايام هتبقى تريقه وفي نفس الوقت ضغط عليكي.كبري دماغك وغظيهم وصوري نفسك دلوقتي واللي مش عاجبه صورتك يضرب دماغه في الحيطه.. وربنا يوفقك.