دلوقتى انا عايزه حل للمشكله دى ,, اعز صاحبه ليا بتحب واحد وهو كمان بيحبها هو الموضوع غريب شويه هو كان اتقدم ليها بس اهلها رفضوا عشان تكمل تعليمها وهى مكنتش لسه تعرفه ولا حبته والموضوع عدى عادى بس لما قربت منه حبته قوى لانه راجل جدا ومحبش انه يكلمها من ورا اهلها ودخل البيت من بابه ,, انا صاحبتى دلوقتى بتتعذب لان حبيبها خطب ,, وهو للأسف خطب قريبته واهله غصبوه ع كده وهو مينفعش يعصى أهله لان هو الوحيد اللى ليهم وكمان والده تعبان ,, فرحه بعد اسبوعين وحاسه ان صاحبتى بتروح منى لان حاولت الانتحار كذا مره وانا مش ببقى معاه علطول عشان امنعها ,, قولولى بس حل للمشكله دى ,, لانى تعبت ومش قادره اشوفها بتضيع كده ,, ع العلم اننا لسه 16 سنه وداخلين 2 ثانوى . يعنى لسه قدامنا كتير وياما هنقابل بس هى مش قادره تتفهم ده ,, بليز حلولى المشكله دى
مشاكل البنات النفسية
صاحبتى حاولت الانتحار بعد خطوبة حبيبها
اضيف بتاريخ: Wednesday, June 22nd, 2011 في 05:22
كلمات مشاكل وحلول: مشاكل البنات, مشاكل البنات النفسية
على فكرة لو بيحبك مكنشى يعمل كدة وكمان مش راجل عشان يسمع كلم اهله اللى بيحب ماتفرقشى مع حد هو لو صح يعرف يحول يكلم مع اهله ويقول انى بحبها ولو مااخده حبيبتى هموت اكيد اهله هيقول خلاص يا ابنى احنا موافقين اللى انت عايزة لو هو شاطر يفكر فى اى حاجة عشان يخذ اللى بيحيها لكن هو شخصية ضعيغة انسيى من بالك واكيد هيجى احسن منه ويحبك ويخاف عليكى
انا كانت نفس المشكلة وتعبت والحمدة لله قدرت ابعد وكمان لقيت انسان قدرنى وافق على مطالب اهلى علشان شرينى بجد واتخطبت وبدات احبة وانسى الفات ودلوقتى لضحك على انى كانت حموت نفسى وبحمد ربنا مش ممكن كانت موت كفرة قوليلة الزمان بينسى
لازم تقنعيها ان فعلا الايام دي صعبه وبكره تقول انا ايه ال كنت بعمله ده وكمان عشان مين عشان عبد مش عشان ربنا سعتها هتندم وتضحك فنفس الوقت لانها كانت فعلا مش بتفكر بعقل واديتله اجازه وسابت عواظفها تتحكم فيها صدقيني
فكريها دايما بربنا وان اللى بتعمله ده اكبر حرام وانها لو نجحت ف الانتحار هاتموت كافرة وتبقى فشلت ف الدنيا والاخرة
لو هو مش ناصيبها والدنيا كلها موافقة عليه وربنا مش رايد مش هيكون مهما حاولت
وانها مش اول واحده تعيش مأساه الحب وهى الفراق
وللاحتياط عرفى اقرب واحده ليها من اهلها واكيد وهتبقى هى ف البيت وانتى ف المدرسه وربنا يساعدك تخرجيها من اللى هى فيه
بصى انا هقوليك حاجه يمكن تمنعها انها تنتحر حاولى انتى انيك تعرفى اهلها وعرفيهم ان هى تعبانه نفسيه بسبب اللى هى كانت بتحبو وانتو رفضو واكيد اهلها هيقدرو دا علشان دى بنتهم وكمان علشان الحب الشريف عمرو مكان غلط وان شاء الله الموضوع يعدى على خير والايام تداوى الجرح وربنا يحميكى انتى وهى وكل بنتنا اجمعين