انا**** بنت، انا عندي 17 سنه .. في تانيه ثانوي. انا ممثله في فريق مسرح من و انا طفله و ابتدت المشكله بأني دخلت فرقة مسرح جديده و لما سألوني عن سني قولت تانيه ثانوي و بعدها بفتره جالي مرض كبير و اتضريت اني اقعد من المدرسه سنه كامله و بعدها دخلت تاني و طبعا عدت السنه تاني و مقولتش لحد كان عندي ايه كنت خايفه او اتكسفت او محبتش حد يشوفني مريضه مش عارفه ليه مش عايزه اقول و المشكله ان كلهم فاهمين اني دلوقتي رايحه جامعه خلاص و انا لما بيسألوني رايحه جامعة ايه بهرب من الموضوع و مش عارفه استمر علي كده لأن نفسيتي بقت وحشه اوي اني مخبيه و ان في شباب بتتطل انها تتقدملي و انا بهرب حتي لو حاسه انه شاب كويس و خايفه اخترع اي سبب تاني يقولوا اني كدبت او ياخدوا فكره وحشه بس انا مش عايزه د يعرف اني مريضه بمرض زي ده و التمثيل هو العلاج الوحيد اللي يخليني اخف عشان بيخللي نفسيتي احسن بس مش عارفه اقولهم سبب غيرالمرض بس يكون مقنع و لو سبت الفرقه ده مش حل عشان هما بقوا صحابي و قربوا مني اوي .
ياريت حد يقولي اعمل ايه .
مشاكل البنات النفسية
كذبت عشان محدش يعرف اني مريضه
اضيف بتاريخ: Friday, August 7th, 2015 في 02:11
كلمات مشاكل وحلول: بنت
احيانا كتير بنفتكر ان الكذب هو الحل ولكن حل اى مشكله بيكون فالصراحه
مشاكل كتير كانت بتقابلنى وبفكر اكذب بس برجع واقول لنفسى انا هقول الصراحه
واللى يحصل يحصل ولما بقول الصراحه سبحان الله بلاقى الطرف التانى بيتقبلها
بصى من الاخر الصراحه بتنجى وبتشيل عنك الهم اللى حطاه فوق كتافك مرضك ابتلاء انت
مش سبب فيه بالعكس انت لو قلتى الصراحه وسط اصحابك هتعرفى مين بيحبك بجد ومين كان بيمثل عليكى الحب