انا كنت بحب واحد 7 سنين هو الى ربانى من اعدادي كان هو كل حاجة فى حياتى بس انا كنت بشك فية على طول لانو كسر الثقة من ناحيتى من كتر ماهو خاين واستحملت ضرب واهانات وشاتيام عشان اكمل حياتى واتجوزة هو خلص جامعة واشتغل وانا كنت لسة فى 3 جامعة المهم فى هذة السنة بعد عنى 10 ايام لوحدة فاكتشفت انو بيخونى فى الشقة الى مامتو جابتهالو عشان نتجوز فيها واحد صحبة كلمنى وقالى روحت وشوفتو يعنيا وبعدين بعدنا عن بعض بقالى سنة قابلت واحد تانى شخصية محترمة جدا محامى اتقدملى واحنا معع بعض الان بس مش حاسة من ناحيتو بالحب ومعنديش ثقة فية مش عارفة اعمل اية؟؟؟؟؟
مشاكل البنات مع الشباب
حب 7 سنين وضاع
اضيف بتاريخ: Thursday, November 25th, 2010 في 18:57
كلمات مشاكل وحلول: الحب, الشباب, مشاكل البنات, مشاكل الحب
بصى يا قمر الى بتكلمك دى حبت وعاشت احسن قصه حب فى الدنيا ومدتها 14 وكانت من اعدادى زيك لكن مكملتش المهم متتسرعيش فى خطوه الارتباط فكرى كويس ومتخديش قرار سريع مش لازم تكون فى حب لكن انتى مستريحالوا اصل هوه مش واحد صحبك شويه وهتسبيه فكرى كويس انتى لسه قدامك العمر مش كل اللافضل هو المناسب لكن كل المناسب هو الافضل من فضلك طمنينى عليكى (ن-م-ل)
ملحوظة هامة جداجدا الرجل الخائن بيفقر انى الناس كلها خاينه نفسه يعنى حتى لو تزوجتيه هى يسبب مشاكل كتير معكى لانه فى النهايه انه خاين لوشاف اى حرك كده اوكده هايتخيل انك بتخونية دى حاجة معروفة والحمد الله انك لسة متزوجتى منةوربنا يكرمك بانسان ابن حلال افضل منة الف مرةوالحب ييجى مع العشره الانسان الكويس يتحب بسرعة وتحياتى لك بالتوفيق
يا سيدتي الفاضلة كلنا مرينا بحالات حب كتيرة لكن الحب الحقيقي فعلا يأتي بعد الزواج اذا كان خطيبك هذا على خلق ومحترم فتوكلي ع الله وتغلبي على عادة الشك لكي لا تدمرك لانها عادة سيئة وتدمر صاحبها ومن حولها اعقدي النية ولا يخيب الله ظنك….
بصى الواحد مننا مش بيحس بالنعمه الا لما تروح منه
وربنا كشفلك الحقيقه
احمدى ربنا
وقربى من خطيبك المحامى
وربنا يوفقك
من من الافضل تحاولى تحبى خطيبك والى مش عجبك فيه غيريه بس متبعديش ممكن ده يكون نصيبك وانت مش داريه انتى ممكن تتعبى لو بعتى هتعدى تفكرى فيه وهو والله ميستاهلك خالص حاولى تحبيه هتلقيه احسن من كتير وربنا يوفقك
نصيحه منى ابعدى عن الانسان الخاين ده لان الخيانه فى دمه وحاولى تتقربى من خطيبك المحامى المحترم وربنا يوفقك
بصي انا بنت زيى زيك وانا برضو كنت بحب واحد وكان بيخني لدرجه انو كان بيتصل بيا يقولي انا في شقه مع واحده اهو شفتي البجاحه بتوصل لايه بس المهم انتي عايزه تكملي مع خطيبك دا ولا لاء بس احسلك خليكي معاه عشان الانسان مابيحسش بالنعمه غير لمه بتروح من ايده وممكن تندامي عليه اوى وتقولي ياريتني خليكي معاه طب بصي خليه يبعد عنك اسبوع وشوفي انتي هاتحسي بايه شوفي شوقك هيوصلك لايه ولا انتي هاتبقي عادى
احمدي ربك انك شفتي خيانته بعنيكي قبل الزواج احسن ماكنت ارتبطي بيه احمدي ربك وبالنسبه لللمحامي فكري واعدي معاه مره واتنين وتلاته وافهمي طبعه وخدي اللي بيحبك وبيقدرك وسيبك من الخائن لانه اللي في دمع الخيانه واستات عمره مابيتغير