السلام عليكم ورحمة الله وبركاته انا فتاه سعوديه عمري 12 سنه صحيح اني صغيره وبرره في نظركم لاكن ما يهم المهم انا كنت احب وحده من صديقاتي واعتبرها احسن وافضل صديقه وكتومه لاسراري وكنت اقلها كل شي بحياتي وكل اسراري واستمرت صداقتنا تقريباً 5 سنوات طبعاً هي كانت تكــــــــــذب اقلكم كيف عرفت لاني سمعت كل اسراري عند صف الأول متوسط (انا في الصف السادس) قلت لهم شدراكم عن اسراري قالوا فلانه قالت لنا انا انصدمت قلت معقوله تسويها بعدين رحت للبنت قلت اني قلتي لأول متوسط كذا وكذا قالت ايـــــــــــــه انا انصدمت مررره وقلت طيب ليش قالت ببساطه لأني كنت العب عليك انا تمنيت اني بحلم مو حقيقه الا انه هذي الحقيقه واعطيتها رسالتين فيها اني كنت احبها بشكل مو طبيعي وشعوري تجاهها وعطيتها هدايا على امل ترجع الصداقه لاكن الامر طلع العكس تماما بس اعتبرت انها تحبني ولو شوي وسالتها مره انتي تعتبريني صديقتك الصدوقه هي سكتت ولا كانها سمعتني او ما كني كلمتها ابد المهم ابي ارجع صداقتنا ولاحد يقلي دوري على غيرها لاني جربت وما لقيت احسن منها لاني تعلقت فيها كثير ارجوكم افيدوني جزاكم الله خيرا ..
عمرك 12 سنة كبيرة ولست صغيرة يعني اصبحت تميزي الصح من الغلط اولا صديقتك ما تكرهك هي تعاني من مشكلة وكل تصرفاتها غلط في غلط وانتي ايضا تتحملي المسئولية امامك الحياة بالطولل والعرض فيها شخصيات وناس مختلفة ممكن هذا درس لك الا تعطي اسرارك ابدا لأحد حتى لاقرب الاقربين لك وراح ترجع صداقتكم مع بعض انتي فقط ابتعدي ولا تلحي عليها لابد ان تعرف غلطها وتفكر فيه انتي ركزي على نفسك الان اعملي لك برنامج نشاطات اسلوب حياة جديد اولا علاقتك بالله جل وعلا صلي الصلاة بوقتها وحافظي على اذكار الصباح والمساء وانتي في سجودك في الصلاة ادعي الله تعالى من كل قلبك ان يهديك ويصلحك ويوفقك لكل ما يحب ويرضى ثم ركزي على تعلم مهارات تنمية الشخصية وتقويتها تعلمي مهارات الكلام الجيد والتواصل مع الناس اقرأي كتب تطوير وتنمية الشخصية في اوقات الفراغ تعلمي مهارات المنزلية وبالنسبة لصديقتك هي اخطأت بحقك وحق نفسها انتي راح تسامحيها ولكن لو فعلت هذا الخطأ مع الناس ماراح يسامحوها وراح تعاني لابد ان تعرف خطأها .. الوفاء والاخلاق الحميدة مطلوبة من الصديق قبل كل شيء .. اسأل الله ان يحفظك