انا بنت من اسرة محترمة والحمد لله عندي 18 سنة اتخطبت من شهرين و حبيت خطيبي جدا هو انسان محترم و ابن ناس و هوة عايش في القاهرة و انا في اسكندرية و بنشوف بعض كل فترة
ودايما بيكلمني فالتليفون وعرف وقالي اني خام جدا جدا وماما قالتلو كدا المهم هوة عايز يعودني عليه واخد عليه لاني بتكسف منو جدا جدا جدا
وهوة بيكلمني فالتليفون بيقولي ممكن احضنك ابوسك و احنا فالتليفون بيقولي علشان ما تفضليش خايفة مني كدا لحد امتى احنا هنتجوز بعد سنة
والي خلاني محتارة اني بحب ربنا اكتر من اي حد خايفة احسن يكون دا غلط بس هوة فالحقيقة اما اكون ادامو مش بيقولي الكلام دا بيقولهولي فالتليفون وبس ارجوكم ساعدوني و قولولي دا طبيعي بين المخطوبين ولة لا
والي خلاني اكتبلكم هوة خوفي من ربي اهم حاجة عندي
واسفة عالاطالة
مشاكل البنات قبل الزواج
قولولي دا طبيعي بين المخطوبين ولا لا
اضيف بتاريخ: Tuesday, September 28th, 2010 في 17:04
كلمات مشاكل وحلول: اسكندرية, البنات, القاهرة, بنات, بنت, مشاكل البنات قبل الزواج
انا كنت زيك كدا وقالي نفس الكلام وقالي من باب الثقه أنه بيتكلم كدا وأنه عايز يعودني عليه مع العلم أنه اول حب ليا واكتر واحد حبيته وبقلنا سنه دلوقتي مخطوبين بس عايزه اقولك كل حاجه بردت من ناحيته ومبقاش يقول كلام حلو ولا بحبك ولا اي حاجه تانيه وحاسه خلاص أنها نهايه العلاقه لاني مقلتش لا وموقفتوش عند حده فنصيحه مني ليكي قوليله لا وحرام عشان حتي تحافظى علي احترامك قدام نفسك
بصى يا حبيبتى والله انا بعمل زيك بالظبط بس انا حاسه انه خطيبى وعادى يعنى بس والله والله بعد لما بيقفل بحس بندم جامد لأنه حرام وبقول ايه اللى انا قولته ده بس ده بيبئا عشان وانتى معاه وانا كمان
طبعا بنكون مش مسيطرين على نفسنا وبنروح مع الكلام على طول بس صدقينى برضه خطيبك مش قصده اى حاجه خالص هو اى اتنين مخطوبين بيبئا بينهم مشاعر واحاسيس انه نفسه يحضنك ويبئا معاكى على طول والله خطيبى بيعمل معايا كده بس
fwبصى هقولك لو انتى بيحبيه اديلو اى حاجه بس ماتغضبيش ربنا
الكلام ده حرام وميتقلش الي بعد الجوز بس
انا بمر بنفس المشكله بس ده تقريبا اساسى من الشباب انا مع انك تصمدى وتحاولى تبينيله وجهه نظرك فى انه من الحرام كده وان ربنا مبيمنعناش عن حاجه الا بسبب مقنع وفى النهايه هو حفاظ عليكى عشان حتى لو محصلش نصيب فى اى وقت ولاى سبب متكونيش خسرتى احترامك لنفسك وربنا يستر على كل البات
اناشايفةانه مش غلط طالماهومش طالب منك حاجة انا خطيبى كدة وبيحبنى جداوكنت بفكر على طول انه هيسيبنى بعدكدةبس دلوقتى والحمدلله كتبناكتابنا وعادى خالص صدقينى اناكنت بخاف زيك ومش شرط انتنفذيله كل حاجة طالماهومتعداش حدوده معاكى وملمسكيش خدوعلى بعض وعيشى خطوبتك
الكلام ده حرام قوليله لما نتجوز عشان ربنا يباركلنا .انا مخطوبة لانسان بحبه جدا وهو بره مصر بس متفقين ان الكلام ده حرام بس هو اخره بحبك
بيخبرك انا كنت بعمل كده وفعلا سبت كذا بنت وحاليا متعلق بالبنت اللى قالتلى لا لان ديه اللى اكون سعيد وواثق فيها ومستأمنها على اسمى وشرفى وعائلتى من الاخر هو بيختبرك زعقيله واقفى فى وشه
اختي الفاضل اولاً خليكي على رايك وكلامك انك بتحبي ربنا اكتر ” ولا طاعة لمخلوق في معصية الخالق ” اوعي تسمعي كلامه ده مسلسل معروف واول ما تستجيبي له هيسيبك على طول خليكي على موقفك وطالما انتي بتحبي ربنا وخايفة منه ربنا مش هيسيبك يا اختي الغالية والشاب ده لازم يبطل الكلام دهويا ريت يكون بوجه واحد سواء فى التليفون او معاكي وجها لوجه كده هو بوجهين ودي حاجة مش كويسة انتي كنز لا يقدره هو يريد ان ينبش هذا الكنز فأرجو ألا تفقدي بريقك يا من تخافي الله كان الله معكي يا اختي الغالية ووفقك الله .
مش هقول اى حاجه غير اهم حاجه فى الدنيا كلها ربنا وده اختبار قبل ميكون من خطيبك فهو من ربنا حببنا كلنا اللى بيخاف عليكى وعاوز يحافظ عليك من كل حاجه وحشه
خدى بالك يا عزيزتى دة بيختبرك اول ما تستجيبى معاة هيتمادى فى طلباته ويطلب اكتر واكتر وبعدين طبعا لازم يسيبك لانة مش ممكن يتجوز واحدة تمادت معاة فى علاقة حتى لو فى التليفون
لازم تكونى حازمة وحزره دة فخ بيعملة معظم الشباب السازج متخيل انه كدة زكى وهيعرف اخلاقك على حقيقتها على فكرة الحكاية دى بقت مفقوسة قوى ويا ريت الشباب يبطل يستزكى لان اغلب البنات فهمت والبركة طبعا فى افلامنا العربى الابيض واسود شوفى يا بنتى روتانا زمان وانتى تبقى استاذة
هو انسان لايحبس وهوليس انسان يجرى وراء نزواتة هو لو بيحبك صحيح يخاف عليكى مش يصطحبك مع الشياطان اتركية وارتبطى بانسان اكرر انسان يعرف اللة وهو لو حتى كاتب عليكى ولم يدخل بيكى فلا يحق له ان ياخذ منكى شىئا لانة ممكن يفشل الزيجة فى اوقت والاخر تندمين يوم لا ينفع فيى ندم اتقى اللة واتركية فورا من حياتك لان يشجعك على الفساد وعصيان اللة
متسمحيش بالكلام دة ممكن يكون اختبار ليكي وعايز يشوف رد فعلك فانتي لازم تمنعي عن هذا الكلام
السلام عليكم * الصراحة مااظن الشاب غير محترم اظن انه محترم وابن ناس لأنه لما يكون معاكى او امامك يكون ملتزم نفسه ومحترم ولكن ممكن المشاعر العاطفية هية التى تدفعه لقول كلام من غير السيطرة على نفسه الله يخرب بيت من صنع التليفونات والانترنت ههههههههه على العموم انتى قولى له حبيبى اخاف من الله لما ادخل معاك فى هاذا الكلام واصبر حتى نكتب كتابنا قولى له صدق انكى تحبينه اكثر من نفسكى وو ولكن قولى له يصبر عليكى لان الكلام العاطفى ياثر عليكى وقولى له لو هو بيحبك يحاول يحافظ عليكى وبعد الزواج يعمل الشئ الذى يحبه ** اللهم استر علينا وعلى بناتنا وبنات كل المسلمين ** اللهم آمين آمين آمين يارب العالمين ** تقبلوا تحياتى ** والسلام على من اتبع الهدى
يا حبيتى ربنا يثبتك على طاعته ويحفظك انتى وكل بنات المسلمين من كل شر .انا عارفه ان انتى محترمه وهو زى ماانتى بتقولى محترم وانا مختلفه مع ارأى ان هو مش محترم احنا ببساطه بشر وكلنا جوانا مشاعر وشهوة بس معلش اصبرى لحد ما تكتبى الكتاب ويكون ده حلال علشان ما تندميش وبرضو علشان تحسى بطعم الحلال وبعدين مش كل اتنين بيحبوا بعض بيكملوا وانا مااقصدش اقلقك من ناحيه خطيبك بس اوقات كل حاجخ بتنتهى والراجل للاسف بيلاقى لنفسه الف عذر وقت ما بيقرر يبعد وابسطها انه يقول هى كانت فرحانه وانا بقول كده وهى مش محترمه واحسن انى سبتها وحتى ان ماحصلش انفصال هيفضل فاكر انك فى وقت غلطتى وكأن انتى عاملتى كده لوحدك زولازم تتفيقى مهاه انى يرضى ربنا فى علاقته وان الحب انو يحافظ عليكى حتى من شر نفسه زوربنا يوفقك ويقسم لك الخير ويرضيك زى مانتى بتهتمى برضاه
الخطوبه وعد غير ملزم بالجواز…….يعني الاف الخطوبات بتنتهي وكانت فيها حب شديد…لان الحب المتعارف عليه في المجتمع دا مش حب دي رغبات فقط والكلام سهل جدا….. واي راجل بيبقى عاوز الحاجات دي لكن لو ما خدهاش بيبقى مضايق لكن بتعله جدا في عينه لانها ما غلطتش لان دا حرام وغلط لان الخاطب شخص اجنبي عنك ومش وممكن يفسخ باي وقت….ولو البنت اتسهلت او هي عاوزه كده لازم يشك فيها لانها اكيد واخده ع كده وكانت عامله عليه حوار ف اول الخطوبه …. واسالي الرجال واسمعي كلمهم ماتخديش راي البنات دا لان الراجل ادرى باحساس الراجل اللي زيه والبنت صعب تفهم الكلام دا لان الكلام دا ما بيتقلش بيتحس وجوا العقل الباطن ..
نصيحه من اخ مش كبير اوي بس يمكن تفيدك خليكي علي موقفك انتي صح والله صح ولو هو اتغير من ناحيتك يبقي انتي الكسبانه يبقي هو اللي خسرك ومايستهلكيش ولو زعل منك شويه ورجع هيرجع يحبك اكتر من الاول وهتكبري في نظره اوي اوي لكن لو طاوعتيه ممكن يكون ده اختبار ويسيبك وتخسري نفسك وربنا وده اهم من اي حاجه
لان انا يوم مافكر اتجوز هدور علي البنت اللي زي كده مش اي حد تاني ود حال اي شاب
لا تقفليها اوي ولا تفتحيها اوي
انا شايف انه عاوز يعملك تمهيد بس عشان علاقتكم تنجح بعد الجواز
بصي انا زيك بس الفرق ان خطيبي برة مصر وعايزة اقولك انك في ايديك كل حاجة بمعني انك متسهلش في الكلام قوي ولا تتماسكي قوي يعني مش لازم يكون كلو كلام بوس وحضن ممكن يكون احلي من كدا بكلمات حب جميلة ممكن تعبري عن حبك بخواطر وشعر واما يجي يكلمك في الكلام مرة اقفل علي كلام مرة اقلبيها هزار مرة قولو طب اكتبلي شعر احسن من كلام دا وحاسسية برومانسيتك بس من غير ماتحسسيةانك محتاجة انك تسمع الكلام دا والله الموافق ويرزف بنات المسلمين بالزوج الصالح
بصراحة بكلامك ده ,انا شايفة انه راجل مش محترم اصلا,ده مش بيقلك كلمة غزل ,ده بيطالبك بما هو اكثر من ذلك معتبرا ان ده حقه ,هل تعتقدى ان هذا الرجل لن يكون له اى تصرفات تخالف الشرع معتبرا ان ده حقه برده كراجل ,خصوصا ان كلمة راجل دى بقت تتقال حجة لاى تصرف و مبرر لاى خطأ.
انصحك بالارتباط بمن يتقى الله فيكى قبل و بعد الزواج ,وعدم الانصراف وراء الاغراءات المادية و اعتبرها هى المواصفات القياسية ,وانتى ما شاء الله لسة صغيرة وادامك الفرصة
انا كنت زيك وابتدت بنفس الكلام ده ووقعت فى الغلط وفى الاخر سبنا بعض اوعى تعملى كدة واول ما تكتبوا الكتاب اعملى اللى انتوا عايزينه لانها بتبتدى فى التليفون وبعد كده بتبقى فى الحقيقة وربنا يو فقك ويتملك على خير
خلى بالك منه
لان الكلام ده لم تكتبوا الكتاب
لكن لغايه دلوقتى دى فتره تعارف اطلبى منه ميكررش الكلام لا لانه لسه بدرى عليه
ممكن تتكلموا على تنظيم حياتكم بعد الزواج تحاولوا تفهموا افكار وطباع بعض
اختي المسلمة انصحك نصيحة ان لا تجازفي وتنجرفي معه لانه مش حيوثق فيكي ويبقى ديما شاكك فيكي والافضل ليك انك تسكري عليه من الاول والكسوف ده حاجة طبيعية لانو هو راجل غريب حاليا ولكن بعد الزواج حيمشي الكسوف بتاعك نهائي.
اختى العزيزة الكلام دة لا يجوز بين المخطوبين لانه فى النهاية غريب عنك … والخطوبة ماهى الا وعد بالزواج مش اكتر
وممكن لاقدر الله او وافقتيه على كلامه ممكن بعد الزواج يشك فيكى وتنزلى من نظره … وخلى بالك اوى اوى من النقطة دى عشان دى بتهم كل الشباب
عارفه انتى لو رفضتى .. هو ممكن يزعل منك فى الاول بس والله العظيم هيبقى محترمك اوى اوى وهيبقى شايفك احسن واحدة فى الدنيا دى كلها
لكن لو تماديتى معاه فى الكلام ممكن يشك فيكى …انا راجل وعارف تفكير الرجالة
استنوا لبعد كتب الكتاب وابقى اعملى اللى انتى عايزاه
هههههههههههههه
عرفة بضحك ليه عشان ده اول طريق الانفصال الاول فى التليفون بعد كدة تاخدوا على بعض ويبقى فى الحقيقة بصى انا كنت بعمل كدة بس لما كانت خطيبتى بلاقيها عايزة تسمع الكلام ده كنت بقول يبقى هى عايزة كدة وكنت بزيد فيها لحد ما وصلنا ل…….؟يارب تكونى فهمتى لازم تصديه وفى الاخر سبنا بعض مع اننا كنا بنموت فى بعض عرفة ليه لان محدش بيعمل حاجة وحشة وما بياخدش عقابه من ربنا بس العقاب بيقى شديد وترجعى تقولى يا ريتنى
دة مجرد واحد وعدك بالجواز مش اكتر
لسة لما يكتب الكتاب يقوللك الكلام دة
اثبتى على موقفك
و حافظى على نفسك
و قوليله يبطل الكلام دة
سلام عليكم
اولا ماقولتيه حرام شرعا لانه سيؤدي بك الي ممارسه العاده السريه في اسناء المكالمه وكثير من الفتيات تكون هذه بدايتها في الخروج عن طاعه الله
ياحبيبتى انا كنت مخطوبة لمدة 3 سنين وكنت بموت فى خطيبى واتساهلنا مع بعض شوية فى الحاجات دى وصدقينى بتفتح واحدة واحدة وربنا ابتلانا بطول فترة الخطوبة وكنا قربنا ننفصل يمكن يكون عقابا لينا غى تساهلناوصدقينى الموضوع ده بيسبب مشاكل كتير واهمها بعدك عن ربك اوعى تتساهلى وياجماعه ياتقولو كلمةترضى ربنا ياتتقو الله وتسكتو ربنا يهدينا ياقمر وييسر لك امورك كلها اوعى تتنازلى
ومن يتقي الله يجعل لة مخرجا. طالما انك تتكسفي من شئ يبقة اكيد غلط. مع العلم انة مجرد خطيبك وممكن يتركك او تتركية في اي وقت
ياحبيبتى أنا زيك بالظبط بل إن خطيبى مسافر خارج مصر ومن خلال التليفون والكلام مع بعض خدنا على بعض جدا وحبينا بعض قوى حاولى تعودى نفسك علية مش تقفلى السكك فى وشة بس برضة كل دة مع المحافظة على دينك وخوفك من ربنا واحترامة ليكى .ربنا يسعدك يارب
ان هذا في مرحلة الخطوبة فهو حرم شرعا اما الذي كان مرحلة الخطوبة طويلة مثل سنة او اكثر فممكن ان تكتبو الكتاب وبعدها يحق لكوم ذلك اما الذي لم يحصل الي الخطوبة فكل ما يحدث بينكم حتي الكلام في التليفون فهو حرم جدا جدا
الله على الردود الحلوة المشجعه على الفساد طب افتر يا استاذ ممدوح انته والستاذ عيونى سبها ومحصلشى نصيب بينهم الوضع هيكون ايه اسمعى يا بنتى خليكى زى ما نتى خام احسن بعد الجواز اللى عايزو يعملو يعملو وقتها هتكونى حلاله انما دلوقتى انتى محرمه عليه باى حال من الاحوال وده راى وحطى بنا قدام عنيكى دايما
لا طبعا دا حرااااااااااااااااام هو بامارة اية يكلمك كلام زى دا دلوقتى لما تتجوزوا يحصل اللى يحصل
الحاجات دي بتكون قبل الجواز بشهور او مدة بسيطة علشان تاخدوا على بعض اكتر وماتخافيش لما تتجوزوا وتبقي الامور طبيعية لكن ده مش وقتها خالص
في بنات بتسمح بكدة يحصل
وفي بنات لا
لكن الكلام في الامور دي بيكون قبل الجواز بشهرين او تلاتة مش سنة
نصيحه بلاش لانه غالبا الكلام هيتطور و هيبقوا و انتم سوا و بعد كده تاخدوا على بعض اكتر و ممكن يبوسك بجد وخلي بالك ان الفتره طويله و كل يوم بتاخدوا على بعض اكتر
دة عادي جدا يا بنتي الف مبروك اتبسطي مع خطيبك دي احلي مرحلة وخودي علية دة حيبقي جوزك
المهم يكون ده فى التليفون مع مراعات ان الله شاهد عليكم