انا طالبة جامعيه عمري 21 عام انا اعاني من صراع نفسي بيني وبين اخلاقي التي عهدت عليها وتربيت عليها وهو انني محافظه وليا حدودي التي ارسمها في حياتي وعندما تعرضت لفكرة الارتباط لا اقتنع بزواج الصالونات فالحياه الحقيقه لا يمكن ان ترسم من اجل 1 و2 و3 من شروط الزواج متوافره بغض النظر عن اي مشاعر ولا احاسيس ولا قصه رائعه قبل الزواج ليدوم الحب والعشم والود بين الطرفين واعندما انظر الى فكرة الحب قبل الزواج اجد انها علاقه غير شرعيه وانني بذلك اتنازل عن حدودي واخلاقي ومبادئي فهل الزواج حب او عقل وهل لا بد منم التوافق الاجتماعي والمادي ام يكفيني الاخلاق والحب الذي كما يقول البعض مراته عمياء ؟
مشاكل البنات قبل الزواج
الزواج يكون عن حب ام زواج صالونات
اضيف بتاريخ: Monday, November 22nd, 2010 في 06:09
كلمات مشاكل وحلول: الزواج, حب, زواج صالونات, طالبة, مشاكل البنات
انا شاب وبفكر بنفس تفكيرك
احب واحده الاول وبعدين ارتبط بيها ولا اتقدم جواز صالونات وارتبط وانا زيك بالظبط مش عايز اخالف مبادئ ولا دينى وعلشان كده مع الراى التانى انى هتجوز عن طريق دخولى البيوت من ابوابها لان ديننا ورسولنا الكريم امرونا بكده وقررت انى لما اتقدم لواحده وحصل قبول
باذن لله اديها كل مشاعرى وحبى وحنانى واكيد ربنا هيبعتلك شاب عايز الحلال والعفه وهو هيديكى مشاعره وحبه واهتمامه برضه
ومن يتق الله يجعل له مخرجا
بصى هقولك حاجة انا اتخطبت لواحد مكنتش اعرفة والحمدللة حبينا بعض ومستمريين يعنى مش مشكلة حكاية جواز االصالونات واقولك على حاجة تانية ولما كنت فالجامعة ارتبط بواحد وحبيتة جداا بس طلع ميستهلش حبى يعنى موضوع انك تعرفى واحد وتحبية ويجى يخطبك بقت حاجة صاعبة وقليلة فى الزمن دة واكتشفت ان احسن شئ انى ارتبط بواحد لا يعرفنى ولا اعرفة ونبدا مع بعض صفحة بيضة خالص والحمدللة على كدة عشان كدة اوعى تخافى من موضوع زواج الصالونات لانة احسن بكتير من انك تمشى مع واحد عملتى معاة حاجات كتير يجيلك بعد جواز يعيرك بالى عملتى معاة وربنا يوفقك
أختى فى الله قالى رب العزة ” ولا متخذات أخدان ”
وقصد بها البنت المسلمة فلا تصدقى الكلام النعسول الذى يتردد عن الحب قبل الزواج ولكن ادخرى مشاعرك لزوجك وإلا ستستهلكى مشاعرك مع من لا يستحقها …. وعندها لن تجدى ما تقدمية لزوجك
من مشاعر وعواطف تؤجرى عنها
وتذكرى دائما أنه ” من ترك شئ لله أبدلة الله خيرا منه ”
قل ما عند الله خير وأبقى
انا اقولك حاجه انتي تعملي اللي يرضي ربنا واتصرفي حسب دينك وحسب سنه الهادي صلي الله عليه وسلم وانشاء الله ربنا هيقدملك كل خير بأذن الله يعني نا قصدي من الكلام ادام الحب بين اتنين والقصص دي حرام سيبك منها و اهم حاجه تتقي الله وانشاء الله ربنا هيكتبلك السعاده والخير علشان ما بتعصيهوش
الزواج عن حب واذا ماعجبك اطلبي الطلاق وخذي الثاني والثالث وكل هذا حلال
اهم حاج عدم الخيانه الزوجية وتتمتعين على كيفك
مجربه بس ابعدي عن الحرام
اختك المراهقه
افضل شىء لما تكونى فى بيت اهلك معززة مكرمه ويتقدم ليكى العريس المناسب واهم حاجه فيه دينه وخلقه كما اوصانا نبينا الكريم صلى عليه وطبعا يكون فيه قبول بينك وبينه ويتم هذا عن طريق الرؤيا الشرعيه ووقتها بيتك هيتبنى على الحب والتفاهم وكمان العقل صدقينى مفيش حاجه قالها ربنا الا وكانت فى مصلحه عباده يعنى العلاقه قبل الزواج بشخص اجنبى عنك شىء حرام وعمره ما هيكون فيه خير ليكى ابدا لان ربنا نهى عن ذلك ولو مش مصدقانى اقرائى قصص الحب الفاشله فى هذا الموقع والمصايب اللى بنقراها كل يوم عن الحب وفشله اما بسبب البنت او الولد ومين قالك ان الحب مبيجيش مع زواج الصالونات يعنى كل اللى اتجوزوا وعايشين حياتهم كانوا بيحبوا قبل الزواج لا طبعا