مشاكل البنات قبل الزواج

عريس مناسب لكن شكله مش مقبول

بسم الله الرحمن الرحيم ,, انا طالبة عندى 20 سنة ,, ربنا كرمنى والحمد لله بوجه فى منتهى الجمال ,, والحمد لله انا على خلق ,, عائلتى مستواهم كويس والحمد لله ,, جالى عرسان كتير بس ماكانوش مناسبين ,, غير انى بفكر بعقلى ومستقبلى مع جوزى اكتر من قلبى ,, بس مش معنى كده انى مادية ابدا والله ,, المهم جالى قريب عريس هو اخو صاحبتى مناسب جدا فى كل حاجة بس فيه مشكلة ,, مش حلو خااااااالص بس انسان محترم جدا ومستواه كويس جدا ,, بس كل اللى هايشوفو معايا هايقولو ازاى ده ياخد دى ,, مش عارفة اعمل اييييييه !!! ,, محتارة جدا ,, انا والله ما باخد بالشكل بس ده مش مقبول خالص بالنسبة لعائلتى كلهم يتميزوا بالجمال !!! اتمنى المساعدة جزاك الله كل خير …

مشاكل وحلول ذات صلة

اضيف بتاريخ: Sunday, May 20th, 2018 في 17:18

كلمات مشاكل وحلول: , , ,

3 رد to “عريس مناسب لكن شكله مش مقبول”

  1. ابوالبتول
    21/05/2018 at 22:43

    يابنتي الرسول الكريم قال – من اتاكم من ترضون دينه وخلقه وامانته فزوجوه – واهم حاجة في الراجل دينه وخلقه اما الشكل فليس بذات اهمية كبرى والجمال الحقيقي هو جمال الروح وليس جمال الشكل وطالما ان الشاب اخو صاحبتك شخص محترم جدا وعلى دين وخلاق كويسة فلا ترفضيه ابدا توكلي على الله واقبل الزواج منه وعايزك تقري دي القصة فهي والله حقيقية حصلت لابنة خالي كانت على قدر كبير من الجمال وكل العرسان يتمنوا الزواج منها وكانت تشترط ان يكون العريس على قدرمن الوسامة والجمال وجاها شاب كويس جدا متدين وعلى اخلاق وعنده وظيفة كويسة ولكنه مش جميل الشكل ولكنها رفضته تماما رغم رضا اهلها وموافقتهم علي الشاب وقعدت فترة حتى جاءها العريس اللي تنتظرته وهو شاب على قدر عال من الجمال ومن اسرة ثرية جدا وافقت عليه دون تفكير وبعد الزواج صدمت فيه تماما طلع شاب بتاع بنات ويسكر ويسافر دائما للخارج مع اصحابه لاجل المتعة الحرام وكلما تكلمت معو يتشاجر معها ويضربها ويهين كرامتها حتى ذاقت ذرعا بالعيشة مع شخص كهذا وبعد مرور 3سنوات طلقها وارسلها لبيت اهلها وعرفت انها كانت غلطانة جدا في حسن اختيارها وان الرجل بدينه واخلاقه وليس بجمال شكله ووسامته وهي الان تحمل لقب مطلقة وجالسة في بيت اهلها تنتظر اي شخص يتقدم لها ويقبل بالزواج منها

  2. عبد الله
    21/05/2018 at 18:38

    السلام عليكم ورحمة والله وبركاته
    اذ كان مش ععجبك خلص كل واحد شوف نصيبه وجواز قسمه ونصيب
    وربنا يكرمك بواحد غيره
    بلا ياتي يوم دندم انك اجوزتيه وندم مش هينفعك بعد الجواز

  3. keko
    21/05/2018 at 01:32

    مممممم طيب ولو اتجوزتى واد مز كده ولقدر الله حصله حادثة شوهت جماله حتسبيه علشان كلام الناس وعلى علشان هو مبقاش حلو زى اللى عيلتكم او انتى لاقدر الله حصلك كده محدش حلو يتجوزك بقى على الغموم دى افتراضات لكن حاليا من حقك ترفضيه عادى لو مش عاجبك شكله وده حقك شرعا انك تختارى اللى يعجبك ويعفك ويصونك

اترك رداً أو حلاً لهذه المشكلة