اختار بقلبي ولا بعقلي ؟ واصارح امي ازاي

السلام عليكم
انا بنت عندي 23 سنه مخطوبه من حوالي سنه لشاب اكبر مني ب 7 سنين اي بنت تحلم بيه مستوى مادي واجتماعي وثقافي عالي بس مشكلته مبيعرفش يعبر عن مشاعره ومفيش مواضيع مشتركة بينا كتير ,اغلب الوقت ساكتين رغم انه مثقف جدا وبييعرف يتكلم في اي موضوع الا الموضوع ده , بحس اني وحيده اوي وانا معاه اشتكيت كتير وكل مره يوعدني يتغير بس زي ما هو مش حاسه اصلا اني مخطوبه واخر مره فتحت الموضوع ده اتنرفز وقالي انا كده ومش هتغير اقبليني على حالي و بس لما بفتح الموضوع يقعد يقولي والله بحبك غير كده ما بيقولش حاجه ولا في اي وقت تاني ..
المشكله الحقيقه اني بحب واحد تاني من 3 سنين شاب نفس سني مهذب جدا ومحترم جدا بيحبني وانا واثقه من كده بس للاسف هوا لسه بيدرس ولساله سنتين ويخلص ولسه سنه جيش كمان خلالها هيجهز الشقه والمفروض ان فرحي قرب بس انا لسه لحد دلوقتي مش عارفه اخد قرار استنى اللي بحبه سنتين ؟؟
انا بس خايفه من حاجه اني اتعرفت عليه عن طريق النت ومتعاملتش معاه في الواقع فخايفه لو احتكينا بالواقع حبنا يقل او ميكونش حقيقي بس احنا ع طول مع بعض ع النت واتكلمنا كذا مره ع الموبايل عشان اعرف اسلوبه وطريقته وبجد مرتحاله جدا وهوا معندوش اي اعتراض انه يكلم امي عشان تبقى على علم بالموضوع ولما يخلص نتخطب رسمي انا بثق فيه جدا لانه عمره ما كلمني غير بكل احترام وعمري ما بحس معاه اني وحيده وبقالنا 3 سنين ع الوضع ده
مش عايزه اعمل حاجه اندم عليها ومش عاوزه اظلم حد نفسي بس اكون سعيده
وللاسف مش قادره اصارح امي بالموضوع دلوقتي نفسي والله بس معنديش الجرأه لاني من النوع الكتوم جدا وعمري ما اتكلمت معاها في حاجه زي دي
ارجوكوا حد حكيم يقدر يفيدني يقولي رايه
وجزاكم الله كل خير

مشاكل وحلول ذات صلة

• خاينه وما استاهل خطيبي
• صاحبتى وحبيبى خانونى مع بعض
• مش عارفة اذا كنت بحبه هو او ابن خالي
• احبه كثيرا واخاف احكي لاهلي عنه
• قطع علاقتي معه لان الحب حرام
• خايفة تكون علاقتي بيه حرام او غلط
• خايفة خطيبي يكون بتاع امه وابوه