انا بنت عمرى 21 سنة وبدرس فى كلية اتقدملى واحد اقل منى فى التعليم وكان كويس واهلى وافقوا عليه وكان صالونات طبعا ومخطوبين من شهرين ونص بس بصراحة مش بحبه ومش قادرة احبه هو بالنسبة ليا شخص عادى كويس بس عمرى ما قولتله كلمة حب ولا بيوحشنى ولا اى حاجة لا ن مفيش مشاعر خالص طبعا بسب اننا صالونات وفيه مشلكة انا ايام ثانوى كان فى زميلى معايا فى الدروس بصراحة عمرى ما كلمته ولا هو كلمنى بس انا اول ما عينى وقعت عليه مرة وهو بيجاوب فى حصة من الحصص غصب عنى والله اعجبت بيه واتعلقت بيه وهو كمان كان بيبص عليا واول ما عينى بتيجى فى عينه كان بيبص فى الارض وهو ساكن معانا فى نفس الشارع المشكلة ان الموضوع ده من 5 سنين وانا مش قادرة اشيله من دماغى حتى اما كان بيتقدملى حد بشوف فيه مواصفات الولد اللى كان معايا فى الدرس واللى مستغرباه انى بقيت 21 سنة ولسه بحبه ومتعلقة بيه ومش شايفة خطيبى خالص قدامى وغصب عنى والله المشاعر دى مش بايدى اتحكم فيها قولولى اعمل ايه بالله عليكم ؟!!
اولا- الف مبروك على خطوبتك ياقمر ثانيا- عايزك تعرفي ان الحب الحقيقي ياتي بعد الجواز وهتلاقي نفسك حبيته وتعلقت به اكثر ثالثا- مسالة تفكيرك في الولد زميلك في الدراسة ده كان اعجاب فقط وليس هو حب كماتظني وهذا كان في الماضي ومن 5سنوات وانتهى مش عاوزك تظل تفكري فيه انسيه تماما واهتمي بخطيبك وبادليه المشاعر والعواطف وربنا يؤفقكم ويتمم لكم بالخير ويسعدكم ان شاء الله