انا بنت عندي 22 سنه كنت بحب واحد ومحصلش نصيب واهلي رفضوه اتخطبت لواحد تاني قعدت معاه 8 شهور وسيبته بعد كده لان مقدرتش احبه واتقبله في حياتي وفي شهر رمضان اتقدم لي واحد وانا اتكلمت معاه لقيته كويس بس بعدها بيومين حسيت اني مش مرتاحه عملت صلاه استخاره تاني يوم حصلت مشكله بيني وبينه وبين اخته يبقي كده علامه من ربنا انه مش خير ليه ياريت تفيدوني
مشاكل البنات قبل الزواج
عاوزه اخد رأيكم
اضيف بتاريخ: Monday, September 27th, 2010 في 00:57
كلمات مشاكل وحلول: البنات, الزواج, بنت, صلاة الاستخارة, مشاكل البنات, مشاكل البنات قبل الزواج
بسم الله الرحمن الرحيم لن اطول عليكي استعيني بل الله وصلي على الحبيب المصطفى ولا تستعجلي انتي تريدين وانا اريد والله يفعل ما يريد
في البدايه صلاة الاستخارة ليست لها علامات كما يدعي البعض وانما هي نوع من التوكل على الله في الأمر الذي نصلي الاستخاره من اجله ، بحيث انه لو تم يبارك الله فيه بإذنه سبحانه وتعالى ، ولكن قد يجوز عدم قبولك لخطيبك الثاني وخناقك مع خطيبك الثاني هو نوع من الرفض الباطني غير الصريح ، لانك مازلتي تحبين حبيبك المزعوم ، ونصيحتي لكي هو ان تحاولي نسيان من احببتيه بشتى الطرق وتعيش الواقع ولا تنغمسي بالذكريات لانها غير انها مؤلمه الا انها قد توقعك بأشياء قد تندمين عليها 0
وربنا يعوضك كل خير ياعثل
انسى حبك القديم بجد وبعدين ابدئى حياتك مع شخص تانى…اذا كان خطيبك شخص كويس اتمسكى بيه.وصالحى اخته ولازم تحبى اسرته وتحاولى ماتختلفيش معاهم عشان يحبوكى وترتاحى معاهم ومعاه…
اهم حاجه تقيمى العلاقه بينك وبينه بمعنى هل هو يحبك
الخلاف اللى حصل بينك وبينه هو عنده حق فيه والا لا
السوال الاهم هل انتى بتحبيى وتتقبليه والا لا
انتى لسه بتحبى خطيبك الاول
السلام عليكم شوفى انا من رايى انك تفضلى مع اللى انت بتحبيه مفيش حاجه اسمه اهلك رفضين حولي مره و ثنين كذا مره وخليكو مع بعض بدام انتى بتحبيه صح كده اتمنا لكم الحياة السعيده
لو هنعيش مخلدين من حقنا نختار احلى عيشة انا من راى خدى اللى حبك وبيحبك ومش مهم اى حاجة بس الاهم انو يكون عارف ربنا
انا مريت بنفس الحالة وعند قرائتى لهة الشكوى حسيت انك علياء انا هحكيلك حكاية ومنها الافادة انا حبيت واحدة وكلمت ابوها وطلبتها منو وهو معطنيش رد مقنع ساب لى خيط وحسسنى انو موافق ومرت ايام حلوة اوى معاها تدور لى على شغل وتصحينى اصلى الفجر وعمرى ما قابلتها ولا خرجت معاها وحوالى بعد سنة قالت لى امها رافضانى لانى مش مناسب ولا هقدر اعيشها فدعيت لها ان ربنا يوفقها ويرزقها الاحسن منى تعرفى اتخطبت لمين لواحد زميلى معاه معهد وانا كنت فى نفس المعهد وكملت وخلصت كلية واشتغلت فى الامن وهو اشتغل فى الامن انا بالكلية وهو بالمعهد كان ردها انها صلت استخارة ومش عارف اية بس الحقيقة الولد دة اهلو مرتاحين مديا عنى انا بنيت نفسى بنفسى وقدرت اخلص الشقة بتاعتى فى وقت وجيزبسبب الضغوط اللى كانت حولى بحبها وعايزها الا انها ريحت دماغها وقالت مش عارف اية بصى حياتنا كلها غلط من كل بيت حتى السياسة الداخلية للبلد بشكل عام وربنا يرحمنا بس صدقينى لو كل خطوة هنعملها لله كنا هنعيش احلى عيشة لكن كوننا نحلم بالدنيا وبس فياريت نعيش بس منسالش عن النكد بصى ابعدى عن كل الناس وقربى لربنا اوى لمدة معينة هتلاقى ربنا نور لك طريقك وهتلاقى الحل السليم بس اوعى تكونى سبب لفساد انسان صالح الرسول صلى الله علية وسلم قال اذا جاءكم من ترضون دينة وخلة فزوجوة وان لم تفعلو تكن فتنة وفساد عريض خلى النية لله
السلام عليكم * شوفى يااختى انتى قلتى عملتى صلاة الاستخارة طبعا صلاة الاستخارة والاعمال التى فيها خير دائما الشيطان يتبعها حتى يفسدها وانتى قلتى ان الشاب كويس وطيب * يعنى حاولى تراجعى نفسكى * وليس من اقل مشكلة بسيطة تقولى عملت صلاة استخارة وثانى يوم حصلت مشكلة بينكى وبين اخته ربما الغلط فيكى انتى او فى اخته لسا عقولكن ليست ناضجة يعنى حاولى تكونى انسانة على قد المسؤولية انتى الأن دخلتى فى مرحلة ثانية من العمر يعنى مرحلة الطفولة راحت وحاولى تكونى واقعية ** تقبلوا تحياتى * والسلام على من اتبع الهدى