ياجمعه انا تقريبا عندي كسل خفيف في المبايض حسب وصف الدكتوره المعالجه وبردو تكيس في المبايض وحسب ماسمعت وقريت او حسب منا فاهمه ان ده ممكن لاقدر الله يأثر عليا بعد الزواج وانا دلوقتي مخطوبة هل أصارح خطيبي والا ده شئ مش أكيد إنه يسببلي حاجه واسكت ومش أقوله بما إن الدكتوره كمان قالتلي عادي بس تجيلي قبل الجوا بكام شهر تتظبطي هل ده شئ عادي والا انا كده ريضه أرجو الرد لأني في حيرره من أري
مشاكل البنات قبل الزواج
اصارح خطيبي باني مريضة بتكيس المبايض ولا بلاش
اضيف بتاريخ: Thursday, December 9th, 2010 في 12:13
كلمات مشاكل وحلول: الزواج, المبايض, تكيس المبايض, كسل, مخطوبة, مشاكل البنات, مشاكل البنات قبل الزواج
الي تقول كان بيني وبين شخص علاقه حميمه واخبرت خطيبي واحترمني لا يجوز المجاهره بذنب وهذا ما هو شى يحترم ربي ستر عليك استري على نفسك وتوبي ومنتي مطالبه باخباره ويجب مراقبه الله بكل امر
برأيي انك تصارحيه وتقوليلو حتى تكون حياتكن مبنية على الصدق والصراحة ومنشان تعرفي او تتعرفي عليه اكتر وتشوفي ردة فعلو ومدى تعاونو معك لحل المشكلة انا مخطوبة ومعي تسرع بالقلب وانسدال بالتاجي واضطراب نظم القلب وتخيلي اني قلتلو ومن اول يوم ومو بس هيك بحكيلو كل شي بصير معي حتى يبقى بالصورة وما يعرف من الغريب يعرف مني احسنوعلى فكرةاحيانا بيشتريلي هوالدوا
تقولى طبعا وعلي فكره مادام تكيسات بسيطه فا مافيهاش مشكله غير انك هتنظمي البريوت وهتخدي منشط قبل الجواز بس لازم يعرف عشان ممكن وانت متجوزه البريوت تبقي غير منتظمه فا هتاخدي نفس العلاج تاني
براي اختي الكريمة لازم تصارحي خطيببك سواء المشكلة كبيرة او صغيرة لانه المصارحة هي بتعبر عن راحة البال للمستقبل وبلعكس اذا هو شاريكي وبحبك راح تكون لبعض اكيد بعد ارادة ربنا والنصيب ولكن الاهم انك تصاريحه وعلى الفور حتى لا تندمي لقدام ……….
الصراحة= السعادة= راحة البال= الثقة= التفاهم= الحب والإحترام
هحكيلك على حاجة شخصية
خطيبتى عندها مشاكل صحية ادت تساقط الشعر وشوية حاجات كدة من ضمنها ان الحمل ممكن يتأجل وهى صارحتنى قبل الخطوبة اصلاً و انا احترمت ده لان مصارحتها ليا من الاساس تثبت ان روحها كويسةو انها امينة
وعارفة لو انا عرفت الكلام ده بعد الجواز وهى خبت عليا كان ممكن الحال يتبدل
عشان كده لازم تصارحيه و لو هو كويس وبيحبك اكيد هيتغاضى شوية ويشاركك فى احساسك ويقف حنبك وانتى بتدورى على حل
بصى انت مكبره الموضوع اووووووووووى
بصى انت خففى وزنك شويه لان السمنه فى منطقه البطن هى
سبب التكيس
نصيحـــــــــــــــــــــــــــــه مجربه
هاتى بردقوش +ميراميه بنفس النسب
واعمليهم ذى الشاى الكشرى واشربى اربع اكواب فى اليوم
الدوره الشهريه هاتنتظم (التكيس عباره عن خلل هرمونى)
والاعشاب هاتظبط لكى الهرمونات
هاتتخسس منطقه البطن عندك
وهاتنشط لكى التبويض المسئول عن الحمل
وماتخافيش 70% من نساء العرب عندهم تكيس
ماتخافيش واطمنى وعلاجها ساهل جدا
مش عــــــــــــــــــــاوزه اعشاب
روحى لدكتور شاطر (يعنى مايعالجش التكيس بالجراحه ) لان الجراحه اكبر غلط فى التكيس
وبتتسبب فى فقدان عمل المبيض
الدكتور الشاطر هايعطيك عقار الميدفورمين وبيكون فى شكل الادويه ال بتنتهى ب فاج
ذى **** لجلوكوفاج ***** المتفورمين وغيرهم
وهذه الادويه لعلاج السكر ولكنها تستخدم لعلاج التكيس
وحسب مايوصف لكى الطبيب خديه من هذه الادويه
بس اوعى تعملى جرحه نصيحه
بصي نصيحه من اخت ليكي لازم تصريحه وتفهميه لاني ممكن الحمل معاكي يتاخر وده الراجل بيضايق من اكده انا كنت مركبه اسنان والله قبل ماتخطب حاكيت معاه وهو قبل وبقا يجي معايا عند الدكتور علي شان اركب الاسنان لو هو شاريكي وبيحبك هايبقبل رفض الكلام اللي هاتقوليه يبقه ده استحاله فيه انك ترتبطي فيه هايبقه واطي جربي وانتي وحظك بس نصيحه تهتمي بالعلاج
المصارحة الزوجية اهم شى انامكتوب كتابى وكنت قبل كده علي علاقه استمرت خمس سنين حميمه ومع كده اخبرت عريسي رغم معارضه الكل ليا والامور مشيت طبيعي بينا واحترم صراحتى جدا وقالى لوكنت عرفت بعد كده كانت حتبقى مشكله احسن انك صارحتينى انا احترمتك
انا ليا صديقى زوجتة كان عندها نفس المشكلة وعملت عمليه عادية جدا
وخلفت عادى
لكن اللى عايز اوصلهولك حاجة واحدة بس
ان دا اختبار جميل اوى لان خطيبك بيحبك بجد او لا
لو خاف وبعد يبقى مش بيحبك وافتكر انك متحبيش انك تتجوزى واحد مش بيحبك بجد
ولو قالك مفيش مشكلة وعادى هتعرفى من رد فعلة وهو بيقولها اد اية هو بيحبك
enjoy
انتي مكبره الموضوع اوي اولا ده مش مرض ولا حاجة كل الحكاية بعد كا تجوزي تروحي للدكتورة وهي ان شاء الله هتعالجك من الموضوع ده بسهوله ان شاء الله وعموما قوليله برضه عشان تبقى مرتاحة نفسيا بس فهميه ان الموضوع ده عادي جدا وربنا يوفقك ويسعدك ويهنيكي وزيرزقك الذرية الصالحة
اولا الف سلامة عليك لكن يجب ان تعرفى ان اخفاء مثل هذا المر قد يضر بسلامة الزواج نفسه لن عدم ذكر مثل هذة المور يدخل تحت بند الغش و التدليس واعاذنا واعاذك الله منه ويجب ان نذكر قول الحبيب المصطفى (( من غشنا فليس منا)) وعلية فيجب عليك ان تصارحى خطيبك ولكن باسلوب طيب وان شاء الله سوف يشفيك الله وقد تقعين فى عينيه وقلبه فى اغلى واحسن من السابق وهكذا يكون عوض ربنا عليك اما لو غضب وانصرف عنك فعليك ان تعلمى ان هذا خيرا قدره الله لك وصرفه عنك وهذا هو المفهوم العميق لارادة الله عز وجل والمعنى الحقيقى للايمان بالقدر وفقك الله لما فيه الخير والفلاح فى الدنيا والاخرة.
قولى له لان ممكن لقدر الله بعد الزواج تحصل مشاكل ويقول انك كنت تكذبى عليه وممكن توصل للطلاق لكن الاحسن دلوقتى ولو بيحبك هيرضى او هتيله الموضوع عن طريق ان صاحبتك عندها مشكله واحكيله كانها صاحبتك وشوى هيقولك ايه
بصراحه لازم تقوليله عشان ده هيبقا شريك حياتك ف المستقبل لازم تقوليلق ان شاء الله خير وزى ماقال الدكتور ان شاء الله تجيبى 20عيال وعياله ربنا يوفقك ف حياتك
لابد من الصراحة التامة حيث انها حياة زوجية مقدسة وابدية ان شاء الله تعالى فلذلك يجب مصارحة خطيبك حتى لا تشعرى بتأنيب ضميرك وذلك مالا تسطتيعى تحمله فمن الممكن ان تتحملى ان يتركك خطيبك ولكن من الصعب جدا ان تتحملى تأنيب الضمير وعسى ان يتفهم خطيبك ان هذا من الله وتستمر العلاقة ولكن ان لم تصارحيه واكتشف ذلك هو بنفسه حين ذلك ستخصريه وتصبحين امراة مطلقة
لازم تصرحية وانشاء الله خير وهيرضى بالوضع بس عشان ما يكتشفش انك كدبتى علية او خبيتى
أختى العزيزة الموضوع بسيط ولا توجد أى مشاكل منه بعد الزواج لأن زوجتى كانت نفس حالتك وبعد الزواج تم إستئصال مبيض لها بسبب هذا التكيس وتوقعت عدم إنجابها لكن الحمد لله معنا اليوم بنتين هما كل حياتنا وتمنياتى لكما بالتوفيق والسعادة
تكيس في المبايض ليس بالمرض الخطير ويمكن معه الحمل ان شاء الله فلا داعي لأن تقلقي وتقلقيه معكي ورزقكم الله بالذرية الصالحة.
يا آنسة دي مشكلة عادية جدا وهتروح بعد الزواج بس لازم تستشيري دكتور قبل الزواج علشان المشكلة متكبرش اوك وأنا تحت امرك في اي استشارة أنا أخصائي نسا وتوليد مستشفي أحمد ماهر التعليمي بالقاهرة أوك لو أحتاجتي أي شيء ومتخافيش وإن شاء الله تتجوزي وتجيبي 20 عيل وسلميلي علي خطيبك وابقي اعزمينا علي الفرح
لازم تقوليله وماتخافيش حتى لا قدر الله لو في حاجه ولو كان بيحبك مش هيتنازل عنك ابدا
وأسأل الله أن يشيفك ويرفع عنك البلاء
صارحيه وما تبدئيش حياتك معاها بالكدب مهما كانت العواقب وربنا يشفيكة ويوفقك