بسم الله الرحمن الرحيم
انا عندى 18 سنه وبحب واعجبت بى بنت كنت شوفتها من حوالى سنتين وروحت قولتلها بانى معجب بيها وطبعا مسبتهاش الا لما عرفت منها رقم الموبايل واعدنا نكلم بعض حوالى شهرين فى الموبايل بس كانت ديما تكون زعلانه عشان هى حسه بالزنب تجاه اسرتها وبعد شهرين طلبت منى انى اجى واكلم ممتها طبعا عشان انا كنت حبتها اوى وكنت مدايق على انها مديقه طول الوقت وحسه بالزنب فطبعا نفزتلها طلبها وروحت كلمت ممتها بس طبعا انا كان عندى 16 سنه وممتها كانت لازم تقولى مينفعش انتو لسه صغيرين وده اللى قلتهولى ممتها بس زودت حاجه كمان وقلتلى ان ابن عمها مكلم عليها وعايز يخطبها طبعا انا اديقت اوى وزعلت بعد لما مشيت من عندهم اتصلت بيها ردت عليه فقولتلها انا عايز اسالك سوال ومش عايز اكتر من اجبته وبعد كدا مش هكلمك تانى قلتلى اه هو قولتلها انتى حبتينى زى ما انا حبيتك ردت عليه وقلتلى انا محبتش حد طبعا كانت صدمه ليه طبعا حسيت بجرح جامد جدا بس حولت انى انسى بس معرفتش بعد حوالى 6 اشهر شوفتها تانى بس كان عندى ظروف تمنعنى من انى اتكلم معاها المهم بعد 6 شهور تانى برضو شوفتها وروحت كلمتها وقلتلها انى لسه بحبها وانى عايز اكلمها تانى واعرف اه السبب اللى خلاها تقول كدا المهم رجعت كلمتها تانى فى التليفون وسعتها هى قلتلى ان كان عندها ظروف جامده جدا هى اللى خلتها تقول كدا وانا كنت عارف الظروف دى بس طبعا وقتها نستها وهى وضحتهالى اكتر فصدقتها واستمرينه حوالى 8 شهور بنكلم ونشوف بعض بس برضو كانت ديما حسه بالزنب نحيت اسرتها طبعا انا كنت زعلان على زعلها ومن كتر ما هى كانت بتكلم معايا فى الموضوع ده انا قولتلها لازم تروحى وتقولى انتى لممتك انك بتكلمينى قلتلى لو قلتلها هتحجج بالدراسه وهتقولك اصبر لما اخلص وممكن كان ترفض اصلا طبعا انا كان كل همى راحتها فطلبت منها انها لازم تقولها ومتخفش من اى حاجه فعلا كلمتنى فى نفس اليوم بالليل وقلتلى كلم ماما كلمت مامتها فى التليفون ةبعد حوار طويل وصلنا لانى استنى لحد اما امتحانات الثانويه تخلص ونبقى نشوف حل للموضوع ودلوقتى امتحانات الثانويه خلصت بس المشكله انى خلال الفتره دى اللى اعدنا منكلمش بعض فيها انا حسيت بانى مش متاثر بالفراق ده وان عادى وده طبعا معناه انى مش بحبها ولما الامتحانات خلصت بقيت مستنى منها مكالمه على نار مش عارف ازاى مكنتش حاسس باى الم فى الفرق ده ودلوقتى نفسى انها تكلمنى او اشوفها باى طريقه وبرضو مش عارف اعمل اه يعنى اكلمها ولا استنى لما هى تكلمنى ولو اعمل اه وكمان عايز اعرف ليه انا محستش بى الم واحنا بعاد عن بعض ياريت تسعدونى برايكم وتقولولى اعمل اه.
مشاكل الشباب مع البنات
هل هذا حب مراهقة او حقيقي
اضيف بتاريخ: Monday, July 4th, 2011 في 20:55
كلمات مشاكل وحلول: بنت, مشاكل الشباب, مشاكل الشباب مع البنات
يابني اهلك فين هم ماجبت سيرتهم خالص لوكنت تحبهابجد وخايف تروح منك خد اهلك واتقدم لهاخطبهارسمي بكدا تكن عملت الصح ودقيت الباب حسب الاصول غيركدايكن مضيعةللوقت لك وللبنت واحتمال احدمتكلم عليهاوانت ماتعرفش لابد من المواجهة واهلك هم اللي يتكلمو في الموضوع هذاوفي الاخر كل شي قسمةونصيب
بص يا صاحبي انت فعلا حبيتها ولما مكنتش حاسس بالفراق في الفتره اللي كنت بعيد عنها دا علشان انت كنت واثق فيها وهييجي يوم من الايام وترجعو لبعض ولما هي مكلمتكش انت حسيت انك مش هتشوفها تاني وانها ضاعت منك فحسيت بالفراق وتعبت من بعدها نجيلها هي بقي حتي لو هي كانت تحت ضغط من مامتا ايه الي يخليها تقولك انها مش بتحبك المفروض ترد عليك بصراحه لكن هي باعتك من اول مشكله انسها وفكر في نفسك ومستقبلك وبس
ياجماعه.انا.فى.نفس.المشكله.دى.بس.ابن.خالها.عاوز.يخطبها.لكن.هى.بتحبنى.جدا.وانا.كمان.بحبها.بس.مامتها.رافضانى.عشان.انا.اصغر.منها.بسنه.ارجو.الرد
بص ياصحبي نصيحه اوعي تتصل انت عليها تاني خالص ودوس علي قلبك وحافظ علي كرامتك لو هيه بتحبك زي ما انت بتحبها حتجيلك وساعتها انت اللي تقرر كان عايز تكمل معاها او لا لأنها هيه اللي بدأت وانتي اللي لازم تنهي وحبك انت ليها كان حقيقي طبعا بلا شك وأوعي تبهدل ناسك معاك الا اذا كنت مطمن خالص لانها كبيره خالص لما تترفضو وناسك معاك وماتنسي خليها هيه اللي تتصل وبالله التوفيق
رايا نة حرام تخلية تجرى ورك الانة انسانة وانتة متتحملهش فى اختك
حبك حقيقي وليس حب مراهقة لأنك تريدها زوجة وعايز تخطيها وهذه دلالة على الحب الصادق الحقيقي أولا يا أخي راح اشرح كل ما حدث بينتكم أنت غلطت غلطتين الغلطة الأولى لما كلمت أمها في موضوع الخطوبة كان يجب أن تكلم أهلك وتترك لهم المهمة حتى يخطبوها لك لأن الخطوبة تحتاج إلى قرارات صارمة يحددها الكبار خاصة أنك سنك صغير في نظر أمها ماراح تفهمك يا أخي وتتفهم حبك لابنتها أما الغلطة الثانية ما كان ينبغي أن تضغط على البنت وتقول لها (أنت حبتينى زى ما انا حبيتك ردت عليه وقلتلى انا محبتش حد )لأنها كانت تعاتي ضغط من أمها بسببك وأنت حاولت بكلامك أن تحملها المسؤولية في اتخاذ القرار لذا انفعلت وغضبت وقالت أنا ما حبش حد كرد فعل مما كانت تعانيه من الضغط من أمها ومنك أنت أما فيما يخص الفراق الذي لم تحس به أنت يا أخي كنت بتتعذب حتى تنساها لكن قنعت نفسك بأنك ما ليكش ذنب في الذي حصل لأنك فعلت ما عليك لذا لم تشعر بالألم والفراق لكن نار الحب والشوق واللهفة كانت مازالت في قلبك وهذا الذي جعلك تعود إليها من أول مرة التقيتها يا أخي أنت فعلا تحبها لذا حاول أن تضع النقاط على الحروف اتكل على الله وكلم أهلك بكل هدوء وأقنعهم حتى يخطبوها لك من أمها ولا تغلط يا أخي وتكلم أمها بنفسك بل حاول أن تقنع حبيبتك بأن تساعدك حتى تلطف الجو وتكلم أمها أنها بتحبك وبتموت فيك بس مش عايزة تسقط كلمتها لأنها رفضتك وفقك الله يا أخي إلى ما فيه الخير
شوف يابنى انت متعاملتش معاها فى الحقيقة علشان تحبها .. الحب ميجيش الا مع المعاملة .. انت بس معجب اوى بيها مش اكتر .. الاعجاب ممكن ياجى من اول نظرة الحب لأ… وانت اما كنت بعيد عنها كنت مشغول فى الدراسة و المراجعات والاشتغالات دى كلها علشان كدا محسيتش بحاجة .. اما واحد يندمج فى حاجة بينسى اى حاجة تانية .. بس أكيد طبعا كان من وقت للتانى بتفتكرها .. دا يدل على انك بتحبها .. مش ضرورى انك تحس بألم او شوقة .. لانك يا اما مريت بالحكاية دى قبل كدا .. او انك كنت مشغول اوى فى الدراسة .. او انت مش بتأثر معاك الحكاية دى .. فى كلتا الحالتين انت مش هتوصل لحاجة لان وقت الجواز مش وقته خالص .. دا انت لسه قدامك 4 او 5 كلية + 1 او 3 جيش + 2 او 3 عقبال ماتلاقى شغل و تكون نفسك يعنى فى اقل الحالات لسه قدامك 7 سنين … بجد مش قدامك وقت للكلام دا غيرك بيستفيد بوقته و يحسن من نفسه .. ركز فى مستقبلك علشان تعرف توصلها .. و الا هتشتت نفسك بيها و هتحبها و هتطلع حاجة ولا ليها اى لزمة .. ركز فى اللى انت عايزه بس .. و الباقى براحتك ..
اوعى تكلمها واستنى لما تكلمك بس حاول تنساها وتشوف حد يحبك بجد احفظ كرمتك وخليك راجل وابعد عنها لان من الواضح ان مامتها ضغطط عليها وهى لو بتحبك مش هتستغنى عنك عشان اللى بيحب يضحى عشان حبه ولو كانت بتحبك كان قالت لامها انها بتحبك ومتقدرش تعيش من غيرك انا شخصيا عاملة كده
بص يا باشا فى احتمالين دلوقتى انها تكون بتحبك او لا خلينا فى بتحبك هى لو بتحبك بجد مكنتش تسيبك كل دا قاعد اعصابك محروقه لانها المفروض انها مش عارفه انت بتفكر فيها ولا لا بس المفروض انها عارفه انك بتفكر فيها ومستنيها المفروض مشاعر اى بنت تخليها اخر يوم امتحانات تكلمك حتى لو هتطمن عليك وانها تقولك لا مش بحب حد وتسكت طب مهما كانت المشكله الى هيا فيها الى اضطرتها لكدا طب مكلمتكش تفهمك طول المده دى ليه نيجى بأه لاحتمال انها مش بتحبك وده بصراحه بحكم خبرتى مش غرور بس انا بقولك عشان تطمن انها عايزه تخليك احتياطى ياعنى بتعلقك لحد متشوف موضوع ابن عمها دا ايه نفع هتقولك انت كنت فين انا كنت مستنياك يللا دور على نفسك منفعش اهو فى واحد بيجبها نيجى ليك انت بأه بص يا باش البنت دى انت محبتهاش او ممكن زى مبتقول انو حب مراهقه او حاجه جديده فى حياتك من الجنس الاخر واتعودت عليها صدقنى الى يخليك متحسش بيها لحد متخلص امتحانات يخليك تكمل من غيرها واسمع نصيحة مجرب طلاما الموضوع مالوش لزمه ركز فى مستقبلك هو الى هينفعك وهيخليك تتفتح اكتر وتفخم الدنيا اكتر وتاخد خبره فى الحياه من الناس لحد متلاقى البنت الى ( تحبك ) مش الى تحبها وبس وصدقنى خد الى يحبك ومتاخدش الى تحبو لان الى بيحبك غصب عنك من الى بيعملو معاك هتحبو وتنسى معاه الدنيا ربنا معاك
كلامةتانى وترجعو تانى
بص يا صحبى اللى انت كنت فيه دا يمكن يكون حاله من الاعجاب الشديد بس مش حب لانك ما زعلتش او ما حستش بفراق عارف ليه ؟؟؟؟ لانك لقية حاجة تشغلك عنها وهى مستقبلك وتعرف كمان لو بقيت قريب من ربنا هيخليك تنساها خالص وهيخليك تقابل احسن منها وفى وقت مناسب وان شاء الله من هيكون قدامك اى عائق .وكمان ابعد لمصلحتها لان انت كدا سبب فى احسسها بالذنب .
بوص انت ما تجريش وراه واحده وخليها هى الى تيجى تكلمك وتقولك لانها لو بتحبك هاتجيلك وتكلمك