مشاكل البنات مع الشباب

معجبة بيه اقرب منه ولا ابعد

انا طول عمري اهلي علموني اني لازم اكون محترمة و لازم اتقل علي الولد و ابقي زي الجوهرة اللي محدش يقدر يلمسها . فانا عاوزة افهم لو انا في شاب معجب بي اوي و انا كمان معجبة بيه لازم اتقل عليه و مبصلوش و الكلام دة عشان ميبنش اني سهلة و رخيصة ولا لازم ابتسمله ز ابصلو عشان يفهم اني انا كمان معجبة بيه و ميزهاش مني و يطفش . صحبتي بتقول انه البنت الخايبة هي اللي بتسيب اللي هي معجبة بيه للبنات التانية تخطفه و امن انا لازم مضيعش الفرصة لو واحد عجبني بس انا مش عايزة اكون سهلة و رخيصة عشان انا مقتنعة ان الزواج دة نصيب . انا بس متلخبطة عشنان انا كان فيه واحد معجب بية اوي بقاله سنين و انا كمان كنت معجبة بيه بس هو عمره ما حاول يكلمني كان بيفضا يبصلي بس و يروح المكان اللي انا فيه و كدة و كان لينا صحاب مشتركين بس انا عمري ما حاولت ابصلوه و لا ضحكتله و لا اي حاجة و اعدنا سنين منشفش بعض بعدسن صاحب واحدة لكن هو لسة بيبص علية و هو معاها. فانا عاوزة اعرف هل دة غلطي اني محسستوش ان اما كمان معجبة بيه و بصتله او ابتسمتله فزههيء مني و راح صاحب ولا انا كدة صح و افضل زيي منا معبرش الولاد و نصيبي هيجيلي لحد عندي, انا كمان خجولة علفكرة و في ناس كتير بيفتكروني مغرورة بس معروفة اني مودبة و سمعتس حلوة.

مشاكل وحلول ذات صلة

اضيف بتاريخ: Tuesday, August 8th, 2017 في 05:46

كلمات مشاكل وحلول: اعجاب, الزواج, بنات, بنت, شاب

2 رد to “معجبة بيه اقرب منه ولا ابعد”

ابوالبتول

09/08/2017 at 09:46

ابنتي العزيزة السلام عليكم عاوزك تعرفي ان الاعجاب ليس دليل الحب بين الشاب والفتاة وانت فتاة محترمة ومتربية ماينفعش انك تظل معجبة بالشاب وتبادليه النظرات وتلاحقيه خليك واثقة من نفسك ومن اخلاقك وتربيتك ولوكان الشاب يحبك لصارحك بمشاعره فلاانصحك بان تتكلم معه او تصارحيه بشي حتى لوكان محترم وشايفه انه ابن حلال فلا يحق لك مصاحته بمشاعرك نحوه وانك معجبة به الحياء من الايمان وهوصفة حميدة في البنت المحترمة والمتربية ربي يسترعليك ويصلح حالك
العقرب

08/08/2017 at 18:54

بصى اقولك على حاجه لانى زى اخوكى على فكره الحياء مطلوب فى البنات ومينفعش انك تروحيله وتقوليله انك معجبه بيه لان ميصحش ده يحصل ومش هقولك استنى هوه الى يبداء الاول ويقولك انه عاوز يتقدملك ولا يقولك انه معجب بيكى لان للاسف ممكن يكون خجول والخجل فى الشباب اقوى من الحياء عند البنات فلو من نوع الخجول يبقى انسى انه فى يوم انه يصارحك بحقيقه مشاعره وهيفضل كاتم فى قلبه لغايه لما يموت فنصيحتى لو انتى شايفه انه محترم وابن حلال حاول تقربى منه بكل أدب واحترام واكسرى الخجل الى فيه علشان يصارحك بمشاعره وافضل طريقه انك تطلبى مساعتدته فى أى شىء وده هيفتح مجال بينكم للحديث ويقربكم من بعض ياريت متضيعوش من ايديكى لانك مش هتلاقى زيه
لان للاسف انا من النوع ده ومستنى البنت الى تبتدى معايا الاول يامسهل