مشكلتي اني معنديش اخوات ولاد وأقاربي علاقتنا مش قوية و علاقتي بالاولاد متوترة ؛ بتعامل معهم برسمية في حين ان بداخلي رغبة نكون أصدقاء
عشان كدة بفضل عدم التعامل معهم من الأساس ..
أنا عاوزة يكون فيه شاب في محيط المقربين عشان افتقر للاهتمام والحماية .. لكن في مخي ان المفروض اصبر لحد اما اتجوز ويكون ده هو كل الشباب في عيني ..
المهم ان دلوقتي فيه واحد بيتكلم معي بحظوة وبيهتم بي بس مش عارفة اذا كان ناوي يخطبني ولا لا .. ولما اسئله صراحة بيتهرب
وحصل مشكلة وقال صراحة انه بيعتبرني اخته وفقط .. وطبعا انا اتصدمت وحسيت انه غبي ومخادع واني اقترفت ذنب كبير اني كسرت مبدأي عشان واحد لا يستحق .. وتسبب لي بمشكلة دراسية كبيرة .
بس مع مرور الوقت رجع الموضوع تاني ، وانا حاسة من تصرفه انه بيحبني بس هو حذر في مشاعره ، مش عارفة ان كان ده وهم ولا حقيقة ، وحاسه اني زي المعلقة … لاني لما بعدت عنه كانت حياتي صعبة جدا وكنت مفقتداه جدا
انا عارفة اني بحبه لمجرد انه شاب دخل محيطي الخاص وعشان هو بيهتم بي و عشان هو لطيف وناجح وفيه صفات جميلة … وعارفة كمان ان دلوقتي انا معمية عشان بحبه
وبمرور الوقت لما ينفك أسر قلبي وأشوفه بعين العقل بس ؛ هاعرف انه غير مناسب واني استحق شخص افضل منه ، لانه فيه ثغرات مقلقة ..
لكن المشكلة اني بحبه مع ان وجوده خلاني اتراجع في حاجات اكتر من الحاجات الي تقدمت فيها
ولما مشي من حياتي كنت حاسة بفراغ رهيب جدا و كنت مضايقة اوي ..
اعمل ايه في نفسي ؟
وتنصحوني بايه ؟
انتي عارفه الحل اهو وبتعرفي كل شيء . هقول شيء واحد وانتي تفهمي اكتر . هو لو بيريدك كان دخل البيت من بابه