السلام عليكم ورحمة الله وبركاته اولا انا مشكلتي غريبه هيا يمكن يكون في بنات كتير حصلت معاها بس انا اثرت فيا وتعبتني نفسيا انا حاليا عندى 20 سنه ولمه كنت 16 اتعرفت علي شب وكان يعرف اهلي عن طريق شغله كنا اصحاب وبعد كدا حبيته بجد وهو كمان قالي انو حبني واعدنا مع بعض سنتين وفي الايام الاخيره طلب مني اروح معاه شقه رفضت كذا مره لحد ماسابني وقالي انو مش بتاع جواز فانا كنت مصدومه بمشي فالشوارع اعيط من الظلم والجرح وبعدها بسنه راح خطب بعتلو رساله فيها مبروك فاتصل بيا وقالي مين معايا فقولتلو انا كذا فسلم عليا قولتلو مانت طلعت بتاع جواز اهو قالي في سر هقولك عليه دلوقت كنت محروج اقولك عليه زمان انا خفت اطلع اخطبك اترفض عشان انتو مستواكم اعلي مننا واخواتك مراتحين وعندهم عربيات وكذا وكذا فانا مصدقتهوش لانو هو اصلا مرتاح مديا عنده بدل الشقه اتنين بيشتغل شغلانه مكسبه وقالي ان خطيبتو دى ناس غلابه وعلي قد حالهم وبنت خالتو هيا اللي جبتهالو وانو مابيحبهاش فانا طلبت منه يرجعلي قالي لاء انا دخلت بيت ناس خلاص
انت عبيطة وهبلا ازاي تجري وراءه بعد ماعرفت انه شاب سافل ومنحط عاوزك تروح معه الشقة علشان يغتصبك يامغفلة الحمدالله انك ماطاوعتيه والا كانت مصيبة وقعت فيها تلاحقك العمر كله خلاص يغور في داهية يتزوج ولايحترق مالكيش دعوة به ابعدي عنه واياك والاتصال عليه او السماح له بالكلام معك كل شي راح وانتهى وحافظي على شرفكي وسمعتكي وسمعة اهلكي ربنا يصلحكي ويهديكي ويسترعليكي وتاكدي ان ربنا يكرمك باحسن منه الف مرة ماانت زي القمر وحلوة وصغيرة وتلاقي نصيبك مع ابن الحلال اللي يستاهلك ويسعدك العمر كله