السلام عليكم ورحمة الله وبركاتة انا بنت عندى 16 سنة انا اتقدملى واحد جارنا بس هو حب يقولى الاول انة بيحبنى وانى يعرف انة بحبة علشان يتقدملى بس انا معرفشى عنة حاجة يعنى هو لسا جاى من قريب فى السكن اللى فى وشنا وهو كبير يعنى حوالى 25 سنة او اكتر هو حاول انة يكلمنى بكل الطرق حاول انة يتقرب من اهلى وانا طبعا كل لما اشوفة بدخل من البلكونة ولما ميبقاش واقف ويشوفنى طلعت هو بيطلع وبيقعد يكلمنى وانا مش برد وبيحلفلى انة بيحبنى واحنا بقالنا اكتر من شهرين على الحال دة وهو قالى انا عايز اخطبك والله بس انا اللى بعاملة وحش وكل لما اشوفة بدخل وبشد ستارة البلكونة فى وشة بس انا لسا قدامى مستقبلى ومش عايزة اكبر الموضوع واقول لماما او لاخويا لانى بقول انة هينسى وهيبعد بس انا مش عايزاة وعايزاة يبعد من غير مشاكل وهو طلب منى رقم موبيلى كذا مرة بس انا طبعا معتطلهوش حاجة
وانا كمان بحب واحد من على النت هو عندة 20 سنة بس انا بحبة اوى وهو كمان بيحبنى جدا بس هو فضلة ثلث سنين و هيخلص وهو بيحاول يعمل كل حاجة علشان يجى يتقدملى يعنى بس انا قلتلة لازم يخلص الاول ويكون معاة شغل علشان اهلى يوافقوا بس بردو انا اللى مش عايزة دلوقت وقلتلة لسا قدامى 7 سنين علشان اخلص كليتى واحقق اللى انا عايزاة بس هو قالى انا هستناكى بس نتخطب حتى فى الكلية وانا بثق ية جدا واتكلمنا مع بعض كتير على النت وعرفنا كل حاجة عن بعض وهو بيكلمنى بكل ثقة لانة انسان محترم اوى وبيحبنى ومش مقتنعة ان مفيش حب من على النت لانى بحبة اوى وهو كمان مستعد يجى يخطبنى بس انا اللى رافضة دة علشان مفيش حاجة تعطلنى عن دراستى ومستقبلى وبجد انا عايزة حد يساعدنى اعمل اية مع جارنا وانا مبقتشى ادخل البلكونة لانة كل لما يشفنى يقولى والله ببحبك وعايز اخطبك وانا مش برد وبدخل بس انا زهقت منة خلاص وخايفة يكون حد فى الجيران بيسمعة او بيشوفة وهو بيتكلم يفتكرنى انى بكمة وانا عمرى ما كلمت ولد كدا لانى بتكسف ابصلة حتى ومش عارفة اقول لماما اية ؟ وكمان موضوع النت اية بجد بحبة اوى وحاولت ابعد عنة مقدردش بليز حد يساعدنى وشكرا
مشاكل البنات مع الشباب
مستعد يجى يخطبنى بس انا اللى رافضة
اضيف بتاريخ: Thursday, May 31st, 2018 في 10:12
كلمات مشاكل وحلول: الحب, النت, بنت, حب
حرام عليك تعمل كلدا في نفسك وفي سمعة اهلك وكرامتهم عيب اوي البنت المحترمة والمتربية ماتعملش كدا ابدا مسالة الشاب جارك ده معجب بك فقط وعاوز يعمل معاك علاقة باي طريقة ويتسلى بك علشان يوقغك في طريقو اوعي تتجاوب معو او تعيريه اهتمام خالص والافضل تخبري امك او احد من اخواتك انه بيعاكسك دائما في البلكونة ويلاحقك بالنظرات حتى يوقفوه عند حدوده ويتركك في حالك اما موضوع الشاب زميلك اللي تعرفيه من خلال النت فلو كان فعلا محترم وجاد في الارتباط بك يطرق الباب حسب الاصول وقولك انك عاوزه انو ينتظرك 7سنوات علشان تخلصي دراستك وتحقق طموحك فدي فترة طويلة جدا ولافي عاقل يقبل بها على الاقل يكون 3سنوات مقبولة واياك والكلام معو بدون رابط رسمي كالخطوبة فهذا حرام وفيه اساءة لسمعتك وسمعة اهلك وكرامتهم ابتعدي عن تلك السلوكيات المحرمة والغير اخلاقية واهتمي بدراستك ومستقبلك ونصيبك سوف تلاقيه مع ابن الحلال اللي يكرمك الله به ويكون من نصيبك وتلاقي معو الخير والسعادة طوال عمرك ربنا يهديك ويصلح حالك ويسترعليك