مشاكل البنات مع الشباب

محتارة بين شاب عرفته على النت والي متقدملي

مشكلتي اني عرفت شاب علي النت وحبني حب جنوني وانا بالنسبه ليه كل حاجة وفضلنا وقت كده انا مبحبوش ومبكرهوش بحب فيه حجات وبكرة في حاجات هو عايز يتقدملي بس ده هيكون مرفوض من الاهل علشان المستوي التعليمي مع ان مستواه المادي ممتاز والتعليمي مش سئ وكمان النت هتبقي مشكلة ومتقدملي واحد تاني دكتور لكن معترضين علي مستواهم الاجتماعي مشكلتي اني عرفت الاتنين واتعلقت بالاتنين حبيت حاجات في ده وحاجات تانيه في ده ومش قادرة حتي اقرر انا مين اللي ممكن اكمل معاهمع العلم ان التاني كمان بيحبني جدا جدا اعمل ايه اختار مين

مشاكل وحلول ذات صلة

اضيف بتاريخ: Friday, December 31st, 2010 في 05:01

كلمات مشاكل وحلول: , , , ,

14 رد to “محتارة بين شاب عرفته على النت والي متقدملي”

  1. جوجو
    17/09/2011 at 18:14

    بصي يا حبيبتي انتي طبعا عارفه ان النت ده مش واقعي ومش بيكمل وصدقيني لو انتي بتحبي بتاع النت ده بجد ما كنتيش واقفتي علي حد تاني حتي لو كان رئيس دوله _فرضا_ لكن اكيد انتي بتحبي كلامه ممكن هو بيقول كلام حلو واعرفي كمان ان الرجاله عقلانيين اكتر منا فمش معقول بسهوله الشاب بمجرد انه يتعرف علي بنت من ع النت انه يحبها وكمان يتقدملها حتي لو قالها كده فهو بيضحك عليها اكيد علشان تفضل تكلمه مش اكتر وما خفي كان أعظم وبرده مش معني كلامي انك تقبلي الدكتور بس انا قلت انصحك لله
    لكن ياحبيبتي انتي لازم تعملي صلاه استخاره من 3 الي 7 مرات لحد ماربنا ينورلك بصيرتك وربنا يوفقك يا حبيبتي يارب ومبروك مقدما _ماتنسيش الساقع_

  2. marwa
    23/06/2011 at 20:00

    الله يهديك يعني انت حايرة في عمرك شغلي عقلك شوي و اختاري الطبيب لانو واقعي و احسن من الشاب التاني في النات الخيال و انت حرة

  3. ام جنى مسلمة
    02/01/2011 at 19:58

    لا طبعا اكيد الدكتور الى متقدملك لانوانتى ازاى عارفة انو الاخ بتاع النت دة صادق وبيتكلم بجد اصلا مفيش حب عن طريق النت

  4. medo
    02/01/2011 at 15:12

    يا بنتى النت والله ما بيجبش حاجة كويسة وأسألى مجرب عصفور فى اليد ولا عشرة على النت

  5. محمد عبد الستار
    02/01/2011 at 14:42

    اذا اتاكم من ترضونه دينه فزوجوه الا لم تكن تكن فتنة فى الارض وفساد كبير بلاش الحب عن طريق النت لانه مزيف ويقلل من احترامك وما هو الا مجرد نزوه صدقينى لانى ليا تجارب مثلك عن طريق النت

  6. ايمن
    02/01/2011 at 14:24

    انا لو سمحتى ركزى انا عاوز اقولك لو حاسهانك عاوز تعيشىصح اختارى الصح بمعنى الصح انك تختارى اللى جالك بطريقه طبيعيه مش نت ولو انت حاسه غير كده ده اوهام النت عباره عن كذاب كبير

  7. دينا ابوعلى
    02/01/2011 at 09:45

    صلى صلاة استخارة واللى ربنا سبحانه وتعالى رايد بيه هيكون.

  8. الشيخ طه
    01/01/2011 at 16:18

    ياست الكل لو ان قلبنا وحدة يحدد الحياة ما عرفنا الله عز وجل ولو كل بنت فكرت بجدية هى عاوزة ايه هتستريح وتعالى نفكر سوى قال المعصوم اعمار امتى مابين 60و70 فانت الان عشت ثلث عمرك بقيود محكومة فى تصرفاتك باقى امامك الاختيار اتعيشى ثلثين حياتك بهدف فحددى هدفك تريدين المال والجمال والمنصب للزوج وليس لك شأن بحاله مع الله أم تريدين الله وللعلم لو أنك أردت الله ما احترت فى اختيارك ولو اخترتية حبا فى الله لحببه الله فيك وحببك فيه نصيحتى لك اختبرى مدى تعلقهم بربهم وخيرهم مع الله لن يظلمك ان ساءت الاحوال

  9. حبيبه
    01/01/2011 at 12:54

    بصي اولا مبروك مقدما علي الخطوبه
    ثانيا انا انصحك تصلي استخاره اكتر من مره ,,بس عن نفسي انا شايفه الانسان اللي متقدملك احسن لان ده جه من البيت وشاريكي يمكن التاني يكون فع بيحبك بس زي ما قالت الاخ حكيم زمانه عاملك البحر طحينه وانت متعرفيش هو ايه حياته بالظبط
    صلي استخاره وربنا يوفقك ,,ومتنسيش اكتر حاجه تهم البنت ان الراجل يكون عاملها قيمه وكرامه وشاريها ,,واظن الحاجات دي باينه اكتر في العريس ده غير كمان انه بيحبك
    ربنا يوفقك ومبروووووووووك مقدما يا عروسه 🙂

  10. حكيم
    31/12/2010 at 21:09

    اولا بنصحك بالبعد عن شاب النت دة لانة عملك البحر طحينة وفى الحقيقة هتلاقى اختلافات كتيرة بين وواقعة وبين امكانياتة الحقيقية ويعتبر شىء غير ملمواس بالاضافة انة لو خطبك عن طريق النت هتبى صفحة سيئة فى حياتك بعد الزواج . ثانيا الاخ التانى دة واقع حقيقى وملواس ليكى وللاسرة ومستواة العلمى كويس بالاضافة ان داخل من الباب وليس من الشباك وتقدر الاسرة تقيمة بسهوالة وبالتوفيق

  11. zezo
    31/12/2010 at 19:43

    واضح انك مش قادرة تاخدى قرار ومترددة بين الاتنين بس نصيحة اللى بيعوز كل شىء بيضيع منة كل حاجة

    وهل الاخ بتاع النت دة عرفتى حاجة عن اخلاقة او كلم كام واحدة فبلك

  12. eng.abdelr7man
    31/12/2010 at 19:02

    نسيتى حاجة مهمة جدا صلى صلاة الاستخارة وشوفى اللى قريب من ربنا اكتر وبيحبك اكتر

  13. وحداوي
    31/12/2010 at 13:37

    طبعاما تتجوزيش عن طريئ النت لأن الشك ممكن يهدم بيتكم في اي لحضة

  14. إسلام
    31/12/2010 at 12:48

    انتى اكيد فيكى شئ مش مظبوط ازاى تتعلقى بشخصين فى وقت واحد
    حددى موقفك علشان ما تخسريش حد وانا من رأيي صلى استخارة ثم توكلى على الله واقبلى الدكتور لان العبرة إن شاء الله فى مستقبله مش فى وضعه الحالى.
    ربنا يوفقك

اترك رداً أو حلاً لهذه المشكلة