انا اختكم تعرفت على شخص فى الماسنجر و انا عمرى ما كلمت ولد و لا اعرف التكلم معة و لا اعرف ماذا اقول لة هذة مشكلتى انى محرجة جدا هذا اول مرة اعملها و معرفش انا غلط و لا اية و هو ضافنى على الماسنجر بالغلط لكن تكلمنا و كنت بفتكرة بنت و هو كان فكرنى و لد لكن الولد ملعبش بية و لا حاجة وقلى ان هو ولد و كان كلامو محترم جدا جدا يعنى مش ولد من بتوع الايام دى و انا كمان كنت محترمة معاة جدا
لكن انا دلوقتى محتارة مش عرفة اللى انا عملتة دا كان غلط ولاعيب ولا اية اصل الموضوع جديد علية مع انى عندى ماسنجر من زمان لكن و الله عمرى مضفت و لد واحد علشان كدا انا محرجة و فى مشكلة تانية المشكلة انو طلب نمرة تليفونى و قلى احنا اخوات و لو عايز منى اى مساعدا كلمينى و ادانى نمرتة بس انا كنت بحاول اتهرب منو علشان مدهلهوش علشان انا مترددا ارجوكو شورو علية انصحونى و قلولى الحل اية و قولولى اعمل اية معاة
مشاكل البنات مع الشباب
عمري ما كلمت واتعرفت على شاب ع الماسنجر
اضيف بتاريخ: Sunday, February 13th, 2011 في 05:01
كلمات مشاكل وحلول: الماسنجر, بنت, مشاكل البنات, مشاكل البنات مع الشباب
الولد لو لقي طريق التسلية هيتسلي ولو لقي الاحترم هيحترم اللي قدامه شوفي هو عاوز ايه يمكن عاوز يتسلي ويمكن يقولك عاوز اتقدم لك ولو هو دوغري اديله عنوانك ويخش البيت من بابه لو عاوز يماطل هيقولك نتعرف لامتي هتتعرفوا قوليلة تعالي البيت ونتعرف امام اهلنا في الوضوح وفي النور
أولا السلام عليكم ثانيا حبيبتي عادي لو كلمتيه على المسنجر بس ما تعطيه رقم جوالك لو إيش ما صار انا بصراحة اشوف البنت الي تكلم ولد ما فيها شيء بس ما تتعدى عن الحدود اصلا هذا السن سن مراهقة ولازم يكون فيه حب ولو ما كان فيه حب بصراحة تكون هاذي البنت معقدة كل بنت في سن المراهقة تحس إنها تبا تسوي كل شيء حتى أنا والله أكلم ولد بس بصراحة عمره ما آساء الادب يتكلم بكل إحترام المهم يا اختي كلميه عالمسنجر عادي بس ما تعطيه رقم جوالك وشكرااااااااا
اوعى تديلهرقمك لان ايه اللى يعرفك انه كويس وانتى متعرفيش حقيقته لانه بيبقى مغي بياناته وبيحب يضحك ع البنت المحترمه اللى زيك اوعى تامنى لواحد من النت
اختي في الله انا راجل وانصحك لله اياكي ثم اياكي ان تعطيه تليفونك ولازم تقطعي اتصالك بيه اليوم قبل بكره الحكايه بتبدي كدا ثم بتطوروبعدين مش هتقدري تترجعي عشان كدا قولي الحمدلله انك مابتحكي حد علي الماسنجر وهقولك شئ ادخلي واشوفي مشاكل اخواتك البنات وكيف وصلواربي يحفظك ويحفظ كل بنات المسلمين اخوكي في الله
السلام عليكم ورحمة الله وبركاته يا اختى الحبيبة انصحك فى الله اوعى تدى رقمك لاى شاب مهما كان من النت او غيره لان مشكلتك دى فى بنات كتيرة حصلتلها وكان فى بنت صاحبة زميلتى عرفت شاب هما مع بعض فى المدرسة اكبر منها بسنتين هى بصراحة حبتوا وانا معرفش هو بيحبها ولالأ لانه كلم بنات كتيرة قبلها واحنا نصحناها وقولنالها ابعدى عن الشاب ده احسن متندمى وهى رفضت طبعا وكمان قالها انا غنى وجبت 95% فى تانية ثانوى وطبعا هو اكبر كداب هو اصلا كان طلع بالكيمياء السنه اللى فاتت وهى مصدقة كل بيقوله وكمان فى بنت ادت رقمها لولد وحبته برضه من نفس مدرستنا لكن هو طلع ندل كان بيسجل الكلام اللى بيدور بينهم على الموبايل وكان بيسمع الصوت لزملاته وكمان هى مغفلة ادتله كمان صورتها وكمان مش مكفيها انها ادته رقمها كمان رايحة برجليها لقدرها وطبعا الاخ اخد الصورة منه لله وحطها على النت وركب وشها على صور عارية وهددها بالصور دى لو منفذتش اى حاجة هو عايزها يعنى انا فعلا طولت عليكى لكن عشان تفهمى انه فى اولاد اعوذ بالله منها حرصى على نفسك واحذفيه من على الماسنجر بتاعك او غيرى الماسنجر خالص يعنى نصيحة منى ليكى اوعى تثقى فى اى حد غير لما تسألى عنه وتعرفى عنه كل حاجة مش معنى كده انك بعدها تدى رقمك لأ انا قصدى لما يكون فى ارتباط رسمى ربنا معاكى
بس هى متضمنش ان الى هى بتكلمة يبقى زيك كدة وممكن فعلا يكون بيلعب بيها وعلشان تتاكدى اذا كان بيحبك ولا بيلعب بيكى اولا هو قلك انة بيحبك ولا مالكيش لو مالكيش يبقى حلى مش هيفيدك لو قلك حولى تفتحى معاه فى مرة انة يكلم ممتة وباباة فى الموضوع دة لو كلمهم فعلا وممتة كلمة ممتك وطلبت منها انكوا تخدوا فرصة تعرفا بعض بعد كدة انشاء الله تتخطبوا واقرار فى الاخر لممتك طبعا ولو رفض بقى فمن سعتها تمسحى امالك تعملى امال تانى وريحى دماغك
بلاش تديلو رقمك يابنتى الولاد بتوع النت اغلبيتهم اندال بيعدو يسحبو البنت واحدة واحدة مرة يقولك عايز رقمك ومرة ابعتيلى صورتك ومرة عايز اقابلك وبعد كدة يوقعك فى مصيبة ويرميكى ويقولك انا ماغصبتكيش على حاجة بس مش كلهم كدة بس انتى اية اللى يضمنك انة محترم ماممكن يكون بيكدب عليكى الافضل بلاش تديلو رقمك
اخ محمود ومحمد مش كل الناس زى ما انتم متصورين فى ناس نيته صافية جدا ولعلمكم والله انا بحب وحده وبموت فيه وبنكلم بعض من سنتين وعرفتها من الشات ولحد دلوقتى مشفتهاش وبكلمها فى التليفون وبحبها وبموت فيها وهى اغلى ما فى حياتى
اقطعى علاقتك بى فورا فهذا اجنبى عنك وهذا حرام وغلط
اختى العزيزه الطيبه النيه أسأل الله لكى الثبات على الحق ولا شىء غير الحق. أما موضوع كلامك مع الشاب هذا فأمر محير يلخبط الدماغ بمعنى انك كلمتيه وكلمك وعايز رقم تليفونك وبكره يطلب عنوانك وبعده يطلب يقابلك طبعا ده تطور طبيعى لأى علاقه بين أى اثنين أنتى محترمه فحافظى على احترامك لنفسك ولأهلك وابحثى عن الحب ان كنتى مؤهله له وسنك يسمح حتى لا تقعى فى المحذور. فأنا أنصحك أن تلغى هذا الشخص من قائمتك وانسى انك كلمتيه وادعى ربنا يوفقك لشخص يحضر حتى بيت أهلك ويطلبك فى النور
اختى الغالية
انتى عندك رغبة داخلية فى خوض هذه التجربة- اعلمى ذلك جيدا … ولكن
ابعدى تماما عن هذا الشخص ولا تعطى له نمرة جوالك فأنه يتسلى بكى
تحياتى لكى على اخلاقك القومية واستمرى فى المحافظة على ذلك ارضاء لله تعالى قبل كل شئ
ما تدلوش رقمك لا كل بتاع النت دول بتوع تسالى
انا عاوز أوول شيء كمان انا متأكد اننو في أختان دلوأتي حييجو هنا و يساعدوكي الأخت توتا و الأخت حبيبة الرحمن أختان مثقفين انا طلعت يعني أهتأهم على المساعدة دي اللي بيأدموها لكل الناس و إن شاء الله كل ده بصالح أعمالهم يعني كل ما روح أشوف مشكلة بلائيهم حاطين حل ربنا يديهم الصحة و لعافية و متأكد حييجو هنا
السلام عليكم طيب أختي أسمعي انا كولد بأوللك ما تدي اي حد رقمك نصيحة و اوليلو و صارحي مش ممكن أدديك رقمي يمكن لأدام يعمل مشاكل و ده بأى قرارك انا مش حكذب عليكي يعني في صديقة بعرفها عالنت مصرية هو شاات صوتي يعني في ناس كتير أخدت رأمها و اتصلت بيها و كل يوم كنت بتصل بيها في إحداث مصر الأخيرة و عاوز أوللك ده قرارك آخر شيء أنتي تعرفي الصح من الغلط
السلام عليكم اختي العزيره كلامك حلو واضح انتي تريدين الشور مني اتركيه وقطعي صلتك معاه لان شباب الانترنت يكذبو علا البنات ويقول له كلام حلو انا زي اخوك اذا تريديم من مساعده انا حاضر وكلام معسل حتى توقع بين احضانه ويخذمنه الي يريده البنت تقول له احناء سويناء قلط شو الحل نشا الله اتزوجك وبعدين ويروح ويتركه وهو يقول في نفسه انا اتزوج بنت بعت نفسه وشرفه ممكن تبيعه ع غيري ارجوك اتركيه احسن لك قبل ماتندمي وتقولين ياريت سمعت اخوي في الله الي ارسل لي الرساله وهوا انا اسمعي كلامي لتخلي الشيطان يضحك عليك ويقول لك شاب حلو وبيتزوجك تعرفي عليه واطلعي معه لا تمشي في ماحرم الله اختي العزيزه اتركيه احسن لك ولاهلك ورضاء الله قبل كل شي
هلا و غلا
اسمحيلى بالرد عليكى
واضح انك من طائفة البنات الحوريات
زى اللألئ مقفول عليهن بصدفة
المهم
استفتسارك غريب
لأن الواحد مننا عارف الحرام و الحلال
وانك تقولى ده غلط
فأنتى على معرفة ان ده اكبر حرام
خاصة ان حكم كلامك معاه يندرج تحت طائفة الاختلاء بالاجنبية التى لا تحل لمن يتحدث معك على الماسنجر
و اذا كان محترم
فهناك من هم يملكون منظرا جذابا و كلاما محترما
ولكنهم من المنافقين و انا اعرفهم حق المعرفة
لأنى احسب نفسى احد هؤلاء المنافقين
و قول الله عز و جل ( ومن الناس من يعجبك قوله في الحياة الدنيا ويشهد الله على ما في قلبه وهو ألد الخصام )
و الاية دليل على ان الكلام ليس دليل عل ىالشخص
بأى صفة كان
كما ان الشخص فى سبيل معرفته بالاخرين يتلون بونهم
فأذا كان من امامى محترم كلمته بالاحترام
و اذا كان غير ذلك تشكل على شاكلته
فلتعلمى ان ذاك مكروه كراهة تحريم
……………………………………..
ام الامر الثانى
انه يطلب نمرة تليفونك
احسب انه كشف عن نفسه و عن سوء نيته بهذا الطلب
و اذا كان يريد المساعدة حقا فلن يتردد فى سماعدتك من خلال الحديث على الماسنجر
ما لم يكن يريد ان يصل الى امر اكبر مما لدى تخيلك بخصوص الاحترام والاخوة
لأن الاحترام والاخوة تفرض على الشخص الا يطلب رقم فتاه لا يعرفها
و لو دار بينكم كلام و مهما طال
واضح لى انك لستى اختا كريمة
بل من الفتيات العقلات الجميلات
و يتضح ذلك جليا من حيائك و ضميرك الذى يؤنبك فيما تفعلين
فأستمعى لنصيحتى من فضلك
لا يغرنك الكلام
فبالكلام فقد العديد من الفتيات احترامهن
ووقعوا فى اخطاء ما بين الجسيم و الخفيف
ولكنهم يتندمن عليها
ولا يغرنك الاحترام اختى فاعديد يجيدون تلوين مظهرهم بلون الاحترام
اقسم لكى انى قلت كلاما اوقع الناس فى حبى
و العديد من الفتيات يقولون لى انك محترم جدااااااااا
اى نعم انا محترم
ولكن لا امن نفسى
و احسب نفسى اسوأ الناس
فأبعدى عنه و بصى لمصلحتك
و خليكى مع ربنا اشكيله همك
و لن تجدى من الناس امانا
فكون مع رب العالمين
يكرمك و يغنيك عن العالمين و يحميكى و يحرسك من شر الكائدين
و دمتى بود
ادعو الله ان يوفقك لخير امرك
و يجعلك على الطريق الصح
و يبعدك عن كل خبيث
اياكي تكلميه تاني وخليكي بنقائك وطهارتك وصفائك وخليكي للي هيرتبط بيكي ؛ الولد ده معنى إنه ادلكي رقمه وعمال يجري وراكي ويقلك احنا اخوات ؛ معناها ان غرضه دنيء وناويلك على نية سودا ؛وخليكي عارفة ان واحد زيه بيعمل دور البرئ الطاهر المؤدب المحترم كويس جدا لحد ميوصل لغرضه وبعد كدة يسبلك الحسرة والندم ؛ ويكون في علمك ان الشخص ده وأمثاله بيكونوا عندهم خبرة ومتمرسين في موضوع التشات والنت وبيفهموا كويس جدا جدا جدا البنت اللي قدامهم دي خبيثة ولا بريئة وهوة طبعا بخبرته عرف انك فعلا مكلمتيش حد ولا عرفتي حد قبله ؛وعلشان كدة انتي صيد ثمين بالنسباله يشكله زي مهوة عايز ؛ وآخر نصيحة ليكي هقلهالك لو عملتيها هتشكريني طول عمرك ولو خالفتيها هتندمي طول عمرك ؛ انتي تقفلي المسينجر ده فورا وتعملي واحد تاني تضيفي عليه صحباتك اللي انتي عارفاهم لانك حتى لو حذفتيه من على ايميلك هيعمل ايميل تاني باسم بنت ويضيفك وهيفضل يطاردك لحد ميوصلك ؛ متدخليش نفسك في طريق ملوش نهاية؛سبحانك اللهم وبحمدك أشهد أن لا إله إلا أنت أستغفرك وأتوب إليك