مشاكل البنات مع الشباب

حبيبي بعد الخطوبة بيوم سابني واتجوز

انا مديقه اوى انا حبيت انسان اوى واستنيتو 4 سنين كان بيحسيسنى انو بيحبنى اوى ولما كنت ببعد ثانيه كان بيكلمنى وكنت بحب الحياه علشان هو فيها المهم عشنا قصة حب كبيره واهلو كانو بيحبو جدا واهلى بيحبوه  والموضوع كان ماشى جميل ومامتو وباباه جم هنا واتكلمو عليا وحددو ميعاد للخطوبه بعد اسبوع و وهو كان فرحان اوى وانا كنت فرحانه جدا بعدها حسيت انو متغير وكلامو معايا بقى قليل اوى انا قولتلو مالك قالى مفيش مضايق شويه قولت يمكن مشاكل فى العائله عادى وفضل على كدة لحد يوم الخطوبة لقيتو يوم الخطوبه جاى يخدنى من الكوافير لوحدة هى واصحابو وبنت عمو بس بنت عمو دى صحبتى الانتيم المهم سالت على مامتو قالى ماما تعبانه شويه وبابا اعد معاها قولتلو اوكى المهم الخطوبه اتعملت وهو كان متغير بردو ومش فرحان اوى حسيت انو بيرسى الابتسامه وقولت اعديها يمكن احساسى غلط وهو بيلبسنى الدبله الدبله وقت من ايده سعتها انا قلبى انكسر بصراحه حولت ادارى الموقف وعملتها هزار انا واصحابى قالى معلش غصب عنى قولتلو ماشى المهم بعد الفرح اعدنا مع بعض واتكلمنا وقالى انا فرحان بيكى يا حبيبتى وكلام حب المهم مشى من عندنا وكدة وتانى يوم قولت لماما نروح نزور مامتو التعبانه روحت لقيت مامتو اعدة وفى الشارع عندهم فى فراشه فرح وكدة انا قولت فى حد هيتجوز فى العماره المهم لقيت مامتو اعدة ومشغلين اغانى شعبى رقص وكدة انا قولت بيحتفلو بالخطوبة بتعتنا بسال عليه قلولى بيجيب حاجه المهم انا وماما اعدنا شويه وحسيت ان مامتو عاوزانا نمشى فا مشينا المهم جاى مكلمه الساعه 7 ونص وحدة قالتلى خطيبك بيتجوز وقفلت علطول روحت انا ومامتى لقيتو اعد فى الكوشه هو ووحدة جمبو لبسه ابيض طلعت على الكوشه سلمت عليه وسلمت على مراتو ورميتلو الدبله فى وشو وكنت منهاره واغمى عليا وبعدها بيقولى اتجوزت غصب عنى ال ايه علشان يكون معايا فلوس حسبىالله ونعم الوكييل دة يستحق انى اتجوزو ارجعلو تانى ؟؟؟؟؟؟؟ اة انا لسه بموت فيه وبتعذب اوى لكن الموت اهون عليا من انى اتجوزو دة فضحنى جدا اسفه انى طولت عليكم

مشاكل وحلول ذات صلة

اضيف بتاريخ: Thursday, March 24th, 2011 في 09:07

كلمات مشاكل وحلول: , , , , , ,

19 رد to “حبيبي بعد الخطوبة بيوم سابني واتجوز”

  1. المعذبه
    10/10/2013 at 22:25

    ما تزعليش ورينا يعوضك خير يارب باحسن منه مليون مره—احنا وكل البنات متعذبين فى علاقات حب مؤلمه—الحمد لله على كل شىء اصبرى واحتسبى مش اول ولا اخر واحد خاين –يااما هنشوف– خليكى جامده وقويه وطمنينا عليكى

  2. adel troy
    23/11/2012 at 10:23

    بصى
    الى حصل دة كان مترتب من الاول
    1 – مش معقول يعرفها مبين يوم و ليلة
    2 – تجهيز الفرح بياخد ايام و ممكن اسبوع و سعات شهور
    3 – ممكن يكون ضغوط علية من اهلة علشان يتجوزها و لما ضغط عليهم حبو يريحوة و راح يخطبك
    اقولك من الاخر
    (الى بيحب بيعمل المستحيل علشان حبة مش بيروح يتجوز و يقولك علشان فلوس هو لو بيحب فعلاا كان عرف ان بحبة دة هتعرفو تتحدو الدنيا كلها و ولو موفقتوش فى الدنيا هتبقو احسن من الى معاة ملايين)
    ميستحقيش و لو انتى مش قادرة تنسية سيبى قلبك و هتلاقى الى جاي يخطفة

  3. طمطم
    22/06/2011 at 03:41

    بصى يا حبيبه قلبى الجواز مشبيجى فى يوم وليله هو كان مرتب لكل اللى حصل فا انتى قولى الحمد لله واشكرى ربك لانه نجاكى منه وهو بقى ربنا هيبتليه باللى تطلع عينه كما تدين تدان

  4. حسام
    02/04/2011 at 00:14

    عادى جدا طبعا الموضوع ده والف مبروك ليه هو وهارد لك ليكى انتى

    وموقف نبيل منك انك تطلعى على الكوشه تسلمى عليه

    اما بقى انك عايزه ترجعيله ارجعليه بس قبل ما ترجعى ترمى كرامتك تحت رجلك لآنك انتى وبنات كتير يستهلوا كده

    حلوه اوى سابنى بعد الخطوبه واتجوز …. دى حركة !!

    عموما ربنا يوفقك فكرى كويس وربنا يوفقك

    والله المستعان

  5. الشرقاوى
    01/04/2011 at 21:02

    السلام عليكم انتى متعرافيش خطيبك ظروفه ايه ممكن يكون دارد مش مقنع بس المهم اتاكدى ان ممكن يكون السبب اقوى من حبك وحبه لكى ودا نفس الحصل معايا مع خطبتى وكنت ظلمتها بس لم اتاكدة سمحتها لانها مش كانت غلطنه واهلها غصبو عليها واهم شى الاستخاره بالله وحده والتوجيه من الله ولا من العبد

  6. احمد
    30/03/2011 at 22:25

    حاجه تجن يا خوالنا الواحده سوري تضرب بالشوز وترجع تقلك بحبو وبموت فيه فين كرامتك فين كيانك فين عزة نفسك فين وفين وفين ….. فوقوا بقا فوقي لنفسك ده خصاره انك تدخلي شات وتعرضي مشكلتك لاني مفيش مشكله اصلا ربنا نجاكي وشوشفي حالك .

  7. نونااه
    28/03/2011 at 18:37

    حسبي الله ونعم الوكيل فالناس اللي من النوع ده.حاولي تنسي كل ماتفتكريه قولي لالالاوافتكري اللي عمله فيكي ده مش بني ادم ده انسان ظالم.اشغلي نفسك باي حاجه بس اوي تنسيه بغيره انتي لسه خارجه من جرح كبير.الله يعينك

  8. نادين
    28/03/2011 at 01:13

    ماعلهش انت هاتخدى وئت شويا عما تنسية بس ان شاء الله يعوضك باحسن منه وكويس انه ظهر على حققيقته من دلوئتى ماتزعليش نفسك وربنا معاكى سلام

  9. الحقيقة
    27/03/2011 at 21:08

    اكيد كدة احسن انتى عرفتية انة مش كويس ومش بيحبك بجد هو غشاش لازم تنسية اكيد هتخدى وقت بس لازم ولازم تحاولى يكون عندك طموح بدراسة او بوظيفة ربنا يريد دائما الخير

  10. الامل
    26/03/2011 at 09:26

    اختي الله يعينك علي دي صدمه ولا يحكم علي حد ابدا انه يشوفهايارب
    هقولك شئ والله ربي هيرزقك باحسن منه وتبقي غلطانه لو فكرت فيه مايستاهل منك دمعه ولاتفكير خالص ولاتنسي قول الله تعالي عسي ان تحبوا شئ وهو شر لكم والله يعلم وانتم لاتعلمون اخوكي في الله

  11. صحيحة
    25/03/2011 at 09:58

    ربنا بيحبك ان كشفه قبل ما تقعي فيه

  12. امنبة
    24/03/2011 at 23:47

    متزعليش لان ربنا بيحبك لان الشخص دة مش كويس لانة كزاب وغدار واعرفى ان ربنا عدل وميرضاش بالظلم وانشاء اللة هيعوضك بشخص كويس جدا وحسبنا اللة ونعم الوكيل

  13. الجبل
    24/03/2011 at 18:00

    لا اله الا الله فى حد بالمنظر ده دا لا يستحق كلمه حبيبى لا تنطقيها مره اخرى عديم شخصيه ضعيف انانى نصاب لانه مش فى يوم وليله حصل موضوع جوازه دا يعنى كان بيخدعك وانتى عايشه فى وهم الحب والخطوبه دوسى عليه وعلى قلبك بالجزمه انا اسف للفظ بس بجد ان حسيت بجسامة الموقف اللى انتى كنتى فيه وربنا هيعوضك ادعيه انه سميع قريب مجيب

  14. هند
    24/03/2011 at 17:18

    حسبنا الله ونعم الوكيل ده ميستحقش حبك وأنك استنتيه المده ديه كلها وأعرفى أن ربنا هيعوضك خير منه باذن الله بس نصيحة صلى وصومى وأقرأى فى القرآ ن كثير ومتكلميش حد تانى ولا تعلقى نفسك بحد ولما يجيلك نصيبك هتتجوزى ان شاء الله

  15. ساره
    24/03/2011 at 17:17

    لا اله الا الله محمد رسول الله وحسبي الله ونعم الوكيل والله يا حبيبتي على اد ما انا اتضايقت من القصه دي والموقف اللي حصل على اد ما ربنا بيحبك الحمد لله انك عرفتيه قبل ما يتجوزك وعسى ان تكرهو شيئا وهو خير لكم بس ايه المخلوق ده يخطب النهارده ويتجوز وحده تانيه تاني يوم هيا الناس جرالها ايه ولا تزعلي نفسك يا قمر ربنا هيعوضك بانسان يستاهلك مش ده اللي مش عارفه ان كان بشر ولا كان شيطان من شياطين الانس

  16. بنوته مصريه
    24/03/2011 at 17:14

    انا حاسه اني بقرا سيناريو فيلم عربي درامي يعني هو خطبها وقت ايه وجهز نفسه وقت ايه وخطبك وهو خاطب ازاي ومحدش قالك عن الخطوبه دي ازاي اقولك علي حاجه انا مش مصدقه اي حاجه

  17. مايوى
    24/03/2011 at 17:00

    لاء طبعا مترجعلوش تانى واضح انهم ااشخاص غير طبيعيين يبيعوا نفسهم علشان خاطر الفلوس وده يابنتى لو رجعتيلوا هيتعبك اوى انا عارفة ان الكلام ده صعب عليكى لانى جربت قبلك لكن اقولك عذاب ساعة ولا عذاب كل ساعة ربنا يبعتلك اللى احسن منه

  18. ا/نهله طلعت
    24/03/2011 at 16:50

    نعم انتى بتتكلمى بجد على العموم فوتى امرك لله وربنا هيكرمك يارب

  19. nona
    24/03/2011 at 11:23

    معلهش حاولى تنسي الموضوع دا الانسان ميستهلشي حبك ولا يستاهل منك حتى انك تفتكريه لانه خدعك وظلمك وانتى متديش فرصة لنفسك انك تفكري فيه وانشاء الله ربنا هيكرمك باحسن منه لانك لو كنتى هتتجوزيه اكيد كان هيكون الخداع اكبر من كده ربنا يوفقك للى فيه الخير ليكى

اترك رداً أو حلاً لهذه المشكلة