انا عندى مشكلة عاوزة اعرضها عليكو انا كنت بحب واحد من وانا فى 2 ثانوي وهو كان بيحبنى اوى وكلم اهله عليا وكل حاجة بس كان فى مشكلة انه قدامه اخواته اللى اكبر منه لسة مخطبوش المهم انا كنت متعلقة بيه اوى واهلى كانو عارفين انو عاوز يتقدملى المهم انا وقتها كنت عيلة وكنت بعمل حركات عيال كنت بخلى وكل الناس عارفو اننا بنحب بعض وهو طبعا اتضايق جدا علشان مكنش عاوز حد يعرف حاجة غير لما تبقى الخطوبة رسمى وقررنا اننا نبعد عن بعض لحد ما الناس ينسو وكل دة وانا كنت معلقة نفسى بيه ومكنتش بذاكر لحد ما عرفت انه ارتبط بواحدة من على النت من الجزائر وانه بيحبها اوى وعاوز يتجوزها وقايل لكل الناس عليها وانه هيتجوزها وانا كلمت البنت دى علشان تبعد عنه علشانه كان بيحبنى انا من قبلها راحت قالتله وقالى انه بيحبها فعلا وعاوز يتجوزهاوانا دلوقتى فى 2 جامعة وبرفض اى حد يتقدملى علشانى بحبه اوى لانه اول حب فى حياتى ومش عارفة افكر فى حد غيره وانا عارفة انه نسينى حد يقولى اعل ايه انا بحبه ومش قادرة انساه علشان انا عارفة انه كان بيحبنى وانا اللى ضيعته من ايدى بحركاتى بتاعة زمان
مشاكل البنات مع الشباب
برفض اي عريس عشانه وهو بيحب بنت من النت
اضيف بتاريخ: Wednesday, December 15th, 2010 في 07:03
كلمات مشاكل وحلول: البنت, الجزائر, الخطوبة, النت, بنت, ثانوي, جامعة, مشاكل البنات, مشاكل البنات مع الشباب
اللي يبيعك بيعيه
الطيار الرايق كلامه رايق والله
سيبك منه أحسن ووافقي على أول شاب محترم يتقدملك
الحياة متستحملش إنك تضحي من أجل واحد بايعك
معلش يا حلوة فكرى يا ختى فى مستقبلك افضل وسيبك من التفكير الاهبل بتاعك واتجوزى ياختى واتلمى حب ايه وقرف اسود ايه على راسك 2 ثانوى يعنى عندك 16 سنه حب ايه ونيله ايه على راسك ودلوقت بترفضى عرسان وهوه كان بيحب جزائريه وهيخطبها الا ما خطب الا جنبو هيقدر يسافر للجزائر يخطب من هناك ههههههههههههههه مشاء الله ده بارع قوى والنصب بتاعه قوى واصل للجزائر حدثى العقل بما يعقل ده نصاااااااااااااااب وانتى هبله اتلمى وسيبك من الهبل الا انتى فيه ده وشوفى حالك ودراستك افضل واذا كان متقدملك واحد محترم ابن ناس اقبلى بيه وشوفى الصح بلا هم / المحامى
يا عزيزتى انتى ليه ربطه نفسك بيه مع ان هو نفسه مش مستعني بيكى انا اللى اعرفه الراجل اللى مايحاولش هو يكون معايا يبقى ميستهلش انى حته افكر فيه ده غير انه لو بيحبك فعلا كان استحمل منك اى حركات ده ايه لو بيحبك الواضح انه مبيحبكيش وواضح انه بتاع مصلحته واكيد ان فى مصلحه بينه وبين البنت التانيه ابعدىه عنك وعن تفكيرك لانك بالشكل ده هتتعبى نفسك على الفاضى
انا اعتقد انه كان حب من طرف واحد الي بينكم .. الدليل لما جاته فرصه يرتبط ببنت غيرك ماتردد.. المهم ماابي اطول عليك(الي قدر على فرقاك تقدر على فرقاااااااه) فكري بمستقبلك ولاترفضي من يتقدم لك .. فكري بواقعيه اكثر .. والله يوفقك ~~ تشاوو
اولا اختى الفاضله ثقى تماما انو لا هيتجوزك ولا هيتجوز البنت الى من الجزائر ده عايش فى وهم وحاسس انو فلانتينو وكل البنت بتدوب فيه هو لما قالك مش عايز حد يعرف علشان البنات التانيه الى ممكن يعمل معهم علاقات ميبعدوش عنو بحجه انو انتى حبيبتو لاكن اعرفى كويس ان حب النت وهم وهيزول وهيدحك ويخدع البنت الى من الجزائر زي مخدعك اذا كان الى قدام عينو مش عايزها فما بال الى من بلد تانيه وحتى البنت لو موافقه مين قالك ان اهلها هيوافقو من رابع المستحيلات انتى بقى عليكى ترميه فى سله الزباله ومعاه ترمى حبك وتنتبهى لدراستك وبعد الجامعه ان شاء الله هتلاقي واحد تلو الاخر بيتقدمولك وانتى الى هتختارى الى هيعجبك تعرفى وقتها هيعض اصابعو من الغيظ والندم لانو افتقد الحبيبه بحاجه اسمها وهم النت خلى ثقتك بنفسك كبيره وانسيه تماما وانتبهى لدراستك وشكرا
انا حكايتى قريبه من حكايتك بس الفرق انه خطب رسمى وعرفت عن طريق حماه اللى رد على اتصالى فاتطريت اقول له انى زميلته من الشغل وبعدين كلمته مره تانيه وتالته ورابعه مردش عليه فرحت لصاحبهوطلبت منه يتصل بيه ويجيبلى منه حاجتى فبعتلى بعضا منها واحتفظ بالباقى وبعد فتره اتخطبت لانسان ربنا كرمنى بيه لقيت الاولانى بيتصل بيه وهو اللى عايز يرجعلى واعتذرلى وكان فسخ خطوبته سمعته للاخر وبعدين قولتله انى اتخطبت وردتله ضربته لانى ساعتها بقى فى حياتى حد اهم منه مليون الف مره وصدقينى الحكايات كلها شبه بعضها متقلقيش ومتزعليش نفسك ان شاء الله ربنا هيرزقك براجل بمعنى الكلمه يحافظ عليكى ويحميكى وساعتها هتنسى الانسان دة وممكن ساعتها يتصل بيكى وترديله ضربته وتجرحيه زى ماجرحك المهم خلى بالك من نفسك وتاكدى ان ربناحاجز لكل كائن حقه المقدر له فاستعينى على الحزن بالصلاه والطاعه لله وحاولى ان تشغلى وقتك
دا كان بضحك عليكى ولما الموضوع انكشف بعد لانه مش هيقدر يعمل معاكى اى حاجه داانسان عاوز حياته فى السر ولوكان بيحبك كان اصبح اسعدانسان فى الدنيا لان الناس عرفه قصتكم لانه كان عاوز يغدر بيكى ف السر ” وبعدين حفضى على كرمت ولى يبعك ميستهلش انك تفتكريه او تتعبى نفسك وتكتبى عنه لانه ؟؟؟؟؟؟؟؟؟؟؟؟
أنصحك نصيحة من شاب .. الولد لما بيرتبط بعلاقة عاطفية ببنت .. في نوعين من الشباب النوع الأول: وده اللي موجود بنسبة 90% من الشباب المصري .. وهو أنه يتسلى بعواطفها وأغراض تانية كلنا عارفينها .. والنوع التاني : الشخص اللي مش مدمن معرفة البنات فبيكتفي ببنت واحدة .. ودي بتكون هدفه في الحياة والنسبة دي موجوده للأسف حوالي 10% ويمكن أأقل .. بس يا ريت البنات تتعلم أنها إزاي تحافظ على نفسها .. من هوس الحب .. مش كل كلمة تنطقها الشفايف المفروض إن الواحد يصدقها .. الإنسان لما بيحب حد بجد .. بيحاول يحميه مش يدمر حياته .. بيحاول يطول النجوم بأيديه علشان يجيب لحبيبه نجمه .. بيحاول يسعده علشان يرسم على شفايفه أجمل إبتسامه .. بيحاول يطمنه علشان يحلم أحلام جميلة ويعيش حياة أجمل .. بيحاول ينور الدنيا من حواليه بحبه .. بس للأسف في مصر الناس بتحب بعيونها .. ومابتحبش بقلبها .. فياريت تتعلمي من الدرس ده حاجة .. أتعلمي أنك تروحي للإنسان الصح .. الإنسان الجد .. طالما إنسان هايتقدم ليكي .. يبقى هو ده الإنسان اللي المفروض قلبك يتعلق بيه .. لأن الأنسان ده دخل من الباب .. فالإنسان اللي يدخل من الباب .. يبقى قاصده شريف .. ويبقى راجل بمعنى الكلمة .. لكن الإنسان اللي يعلق بنت .. ويدور على بنت تانية .. دا ما يبقاش راجل .. ومايستحقش ياخد جزء واحد من القلب .. فنصيحة لما يتقدم ليكي شخص مناسب .. وافقي .. وأوعي تجري ورا سراب الحب .. وتقولي ممكن بكره يرجع .. بس اليوم اللي بيعدي على الإنسان استحالة يرجع تاني .. فشوفي حياتي .. وربنا يوفقك –
اول حب مش الحب ال بناقبله اول مرة اول حب يتقال علي الحب الحقيقي ال من طرفين حب العيوب والمميزات حب الماضي والمستقبل والحاضر لكن ده مش بيحبك مش حب حقيقي ابعدي عنه وانسيه ولسه الطريق امامك طويل وماتتسرعيش وفكري بعقلك الاول وبعدين فكري بقلبك وربنا يوفقك ……
ايه يا بنتى الكلام اللى انتى بتقوليه دة لو مش انتى بنت كنت شكيت وقلت دة ولد لان دى تصرفات اولاد مش بنات يعنى بتحبى من 2 ثانوى كان عقلك فاضى للحب والكلام دة وبعدين انتى اللى عاوزة تعرفى الناس وهو اللى مش راضى طبعا دى تصرفات مش كويسة وهو سابك وراح لواحدة تانية يعنى مش بيحبك ولا عاوز يرتبط بيكى يا ريتك ما ترفضيش العرسان اللى بيتقدمولك علشان ما تندميش وما ترخصيش نفسك مادام هو خلاص مش عاوزك انسيه ولا تفكرى فية دة انتى بنت المفروض تقعدى والعرسان يجولك مش انتى اللى تجرى وراه عيب عليكى وربنا يرزقك بزوج صالح
اديكى قولتيها كان زمان خلاص ابعدى عنه وحاولى تنسى وفاكرى فى مستقبلك واللى باعك بياعى ومتجريش وراه وبكره يجى اللى يقدرك ويحبك وزى ما هو قدر ينساكى بسرعه انتى كمان هتنسى وبسرعه لو كنتى بجد عايزه تنسى (نهله طلعت)
انتي ما ضيعتيه وانتي قلتي بنفسك ان هاذا الحب كان ايام زمان انا متأكد انك تستطيعي البدء من الجديد فلا تلتفتي إليه فلو كان يحبك لما نسيكي انتي تستحقي ماهو افضل انتي غالية فلا ترضي بما هو دونك