مشاكل التعليم الجامعي

سنة فاشلة في كلية الحقوق كيف اعوضها

السلام عليكم ..انا حياتي اصبحت سوداء يعد فشلي الدريع في سنتي الاولى في كلية الحقوق في المغرب .. في الدورة الاولى لم انجح سوى في مادة واحدة من اصل 4 و في الدورة الثانية لن اجتاز الاختبارات لاني متاكدة من الاخفاق الكلي ..ما اريده منكم هو كيف اعوض كل هدا في السنة المقبلة و كيف ابدا الدراسة بنفس جديد وانجح في 3 مواد التي لا زالت علي من الدورة الاولى و انجح في مواد الدورة الثانية ارجوووووكم معنوياتي في الحضيض
ساعدوني لا اريد ان اكوون فاشلة فكيف استطيع النجاح و الخلاص علما ان امي تريدني ان احصل على شهادة و انا لا اريد ان اخيب ظنها بانتظاركم و اسفة على الاطالة

مشاكل وحلول ذات صلة

اضيف بتاريخ: Sunday, May 22nd, 2011 في 22:20

كلمات مشاكل وحلول: , , ,

11 رد to “سنة فاشلة في كلية الحقوق كيف اعوضها”

  1. khaoula kook
    02/12/2016 at 15:45

    الله يوفقك انا الآن بنفس مرحلتكـ 🙁

  2. اسراء
    18/10/2013 at 18:18

    اناا في سنة اولي حقوق اسكندرية وانا سقطت مع اني حالة كويس وعملت تظلم بفلوس ومانفعش في الكلية دي الي مافيش فيها حاجة عدلة المهم اني هعيد السنة تاني بس انا خايفة لاسقطت تاني اعمل اية وازاكر ازي انا مكتئبة خالص لاني اول مرة اسقط ومش عارفة اعيش حياتي حاسة ان حياتي ادمرت خالص مافيش حاجة بتفرحني نهائيا ولو في بقول كويس ومش بفرح كان نفسي انجح وماعرفتش اعمل اية

  3. رمضان
    29/10/2011 at 23:29

    اج اجعلي من الفشل وقود للنجاح وليس الاستسلام للامر الواقع واخيرا استعيني بالله

  4. لولو
    13/09/2011 at 01:18

    انا طالبه فى الفرقه الرابعه كليه حقوقق جامعه اسكندريه وانا فى معاناه كبيره جدا جالى اكتئاب واحباط عيدت سنتين فى الكليه بسبب الظلم مفيش عدل فى التصحيح ولا الدرجات وانا على الرغم من ان التنسيق جابلى الكليه ديه وعلى غير رغبتى نهائيا وكليه صعبه جدا وفيها ظلم لا يتحمله بشر انا دخلت الكليه لان اهلى مرضوش يودونى محافظات وارتضيت بيها وبعمل اللى عليه وحتى ان عيدت سنتين بسبب الظلم قولت يمكن قصرت وحاولت ابذل مجهود اكتر ده غير القلق والتوتر والضغط العصبى بسبب الدكاتره وشكل الامتحان والاسئله والنتيجه فى الاخر ناس متحلش حاجه وتنجح وناس تحل وتموت نفسها فى المذاكره وتسقط ولما وصلت لسنه رابعه قولت خلاص اخر سنه واعمل كل اللى فى جهدى عشان اتخرج واخد شهادتى وارتاح طلعت النتيجه ومطلعنى 6 مواد من اصل 9 مواد منجحنى فى 3 مواد بس وده مستحيل مطلعنى بمواد لايمكن تكون درجاتى ولا اجابتى انا نفسيا مدمره وذهبت للكليه عشان بيقدموا تظلمات فى النتيجه دى وانا قدمت بس اى كانت النتيجه والكليه محدش بيعرف يعمل اى حاجه فيها انا على امل ان يعدلوا الدرجات المواد دى بس لو محصلش كدا انا مستحيل اقعد تانى فى الكليه لان خلاص نفسيا لا احتمل انى اعيد سنه من عمرى تانى عشان الظلم انا محتاجه حد يساعدنى على ان اكمل الكليه بس فى اى جامعه تانيه وايه النظام ولا فى حل تانى حد يقترحوا عليه علشان انا مش بقول الكلام ده غير انا فعلا لا احتمل هذا الظلم والقهر انا هموت من القهره

  5. حسن الطيار
    10/07/2011 at 02:18

    انا كمان فى كليه حقوق جامعة اسيوط فى مصر رايح سنه تالته ان شاء الله مستنى نتيجه تانيه انتى عارفه اقولك مثال حدث معاى شخصيا انا فى سنه اولى خدت الحكايه بتفاهه ومبزلتش مجهود وسقطت فى مادتين كان اول مره احس بالفشل وماليش قيمه فى الدنيا واخيرا واخير واخير ربنا اكرمنى واقدرت اجتاز هذه الفتره الصعبه جدا من حياتى وقررت ان اعمل بجد وانظم الوقت بدقه وتوكلت على الله عارفه عملت ايه الفصل الاول من نه تانيه الاربع مواد امتيازات الحمد لله شوفتى بقى ان الانسان بيفشل مش معنى كده انه خلاص ينام ويسكت ليه ما تقوليش يمكن ربنا بيعقبك لن يحث شيئا الا باراده الله سبحانه وتعالى واحب اقولك ان افضل طرق النجاح هوه مضاعفه مرات الفشل ولا ياس مع لحياة لا حياة مع الياس ابدائى بمذكره جاده وصحيحيه اهم شئ قومى بتنظم وقتك وبدقه واحرصى على ذلك لا تستسلمى ابدا للياس ويجب ن تصلى حتى يوفقك ربنا واكثرى من الدعاء الى الله وان شاء الله هيوفقك وكل امنياتى لكى بالنجاح والتميز

  6. ابراهيم عماره
    10/06/2011 at 03:17

    الحلم…نعم يجب عليكي ان تحلمي بانك ستتخرجين من الكليه باعلي تقدير وذلك لكي تكسري حاجز الخوف بداخلك……
    انتي لست اقل من احد…
    لعلمك انا زميل لكي بكلية حقوق بالقاهره……….
    وفي النهايه….سقي بالله تمام الثقه انه قادر ان يجعلكي من اوئل الكليه

  7. asdzoom
    09/06/2011 at 22:43

    السلام عليكم ورحمة الله وبركاته اختي الفاضلة انا بقي شلت مش 3 مواد بس شلت كل المواد وذلك نتيجة لمرضي في السنه الاولي من كليه الحقوف لكن كنت علي سقة انني سوف انجح لاني استحق ذلك المهم المهم المهم الصحبة الجديدة لازم تشوفي لك بنت تكون تتقي الله علشان تقدر تخليكي تذكري كويس ولازم تحطي كلام ولدتك حلقه في ودانك وتعرفي ان اهلك تعبوا كتيير جدا علشان يصرفوا عليكي ونفسهم يشفوكي حاجه كويسه ملحوظه في مذكرات بتلخص المنهج دي بتبقي مهمه جدا وانتي لازم تركز كويس جدا علشان ربنا يكرمك وربنا يوفقك

  8. سليمان عثمان محمود
    05/06/2011 at 20:06

    سلام عليكم
    اولا انا بدى ربنا يكون معاك
    ثانيا الان ليس امامك سوى
    1- حلين الاول تغير الكليه روح تجاره
    2- هو انك تبقى فى نفس الكليه بس فى جمعه تانى يعنى انا فى جامعه القاهره سقطه اكثر منك بكتير بس غيرت رحت جامعه فى محافظه طنطا الجمعه نسبه النجاح فيها 100%

  9. مفيش مستحيل
    31/05/2011 at 19:16

    اولا السلام عليكم ورحمة الله وبركاته
    ثانيا انا حابب اقولك حاجة بسيطة وهي ان انا مريت بنفس الموضوع وبردوا فى كلية الحقوق ولكن اجتازت المرحلة دي بكل سهولة والحمد لله وانا دلوقتي فى السنة الاخيرة او بمعنى اخر في اخر شهر فى الدراسة كلها والحمد لله تقديراتي كلها كويسة جدا جدا

    الحل ببساطة انك تعرفي انتى وقعتي في ايه وتحاولي تعالجيه يعني ازاي تحلي الامتحانات وده تعرفيه من الاكبر منك فى الكلية وتعرفي كل دكتور ازاي تحليله في المادة الخاصة بيه
    ثاني شيء انك تركزي وانك تحاولي بكل جهد انك تنجحي وحاولي ان تكون بداخلك ديما افكار ايجابية وليست افكار سلبية لانها بتتحول لواقع لو فكرتي فيها
    والاهم من ده كله انك تتقربي من الله عز وجل
    وانك تذاكري كويس وتخلي بالك من محاضراتك وتعرفي ازاي الي نجحوا نجحوا ازاي وحلوا ازاي وشوفي انتي ايه الي مش عملتيه واعمليه السنة دي

    انا اسف اني طولت عليكي جدا بس والله انا عملت كده وفعلا عديت المرحلة الصعبة دي الي انا حسيت بيها قبل كده ……. وبالتوفيق ان شاء الله

  10. عمرو
    30/05/2011 at 04:34

    لا يوجد شئ مستحيل
    ويجب ان تثقى اولاً إنك ستنجحى فلا نجاح بدون ثقة
    انتى ستنجحى
    المذاكره=النجاح والتفوق
    لا يوجد شئ مستحيل

  11. زائر
    29/05/2011 at 20:00

    ابنتى الطالبه لازم تغيرى طريقة الكلام السلبيه الى ايجابيه ومتخليش الشيطان يدخل اليأس جواكى . حتى لو راحت منك السنه كلها لازم تكونى متفائله وتتعودى تكونى أقوى من الظروف ولا تستسلمى أبدا توكلى على الله وخدى الموضوع تحدى بينك وبين ( نفسك ) شفتى ازاى حطيت كلمة نفسك بين قوسين علشان نفسك اللى جواكى غيرك انتى علشان كده لازم تتحديها لأن الأفكار السلبيه والنفس الضعيفه هم أعداء للانسان . يا ترى عرفتى عدوك ؟ أيوه عرفتيه وهى نفسك الضعيفه اللى جواكى خلى نفسك ايجابيه وقويه واطلبلى المساعده من ربنا أكيد هيساعدك وأعرفى أن الله يجيب دعوة الداعى اذا لجأ اليه ودعاه باخلاص. ربنا يوفقك يا عزيزتى.

اترك رداً أو حلاً لهذه المشكلة