انا فى 3 ثانوية مش عرفة انظم وقتى فى المذاكرة وبذهب لمدرسة كل يوم علشان الغايب فيوم يبدا باذهب الى المدرسة وبخرج الساعة واحدة ثم اذهب للدروس ورجع الساعة 8
مشاكل الثانوية العامة
انا خايفة من الثانوية العامة السنة دية
اضيف بتاريخ: Thursday, October 28th, 2010 في 17:22
كلمات مشاكل وحلول: الثانوية العامة, المذاكرة, دروس, مدرسة
ربنا معكوا بس ركزى وسيبى الباقى على الله
السنة دى صعبة على الكل بسسب الوزير نفسى يتغر والله وربنا معانا كلنا مع الجميع وربنا يستر
والله انا زيك بالظبط ونفسي اذاااااااااااااااااااكر ياريت حل لينا بسرعه
اولا مفيش داعي للخوف , انت تعمل اللى عليك وتسيب النتيجة دى على الله وربنا مش بيضيع تعب حد.
اهم شىء انك تنظم وقتك جيدا ما بين صلاتك ومدرستك ومذكرتك ودروسك
لا تضيع الوقت امام التلفزيون والنت .
انصحك ان تذاكر 50 دقيقة ثم راحة لمدة عشر دقائق.
وان تجعل لكل مادة ساعتين حسب دروسك و ذلك من خلال عمل جدول للمذاكرة.
حاولى تكتبى اللى بتاخديه وحاولى تحضرى الدروس قبل ما تروحى المدرسة واسمعى موسيقى ولو لخمس دقايق قبل المذاكرة لانها بتصفى الذهن وحاولى تعملى لكل مادة عدد معين من الساعات لمذاكرتها فيها وده طبعا على حسب احتياج كل مادة منك
النظام وجدولت الوقت هو الحل السحرى
مشكلتي زيك بالزبط بس انا بسعف نفسي في الوقت الي انا عايزو بس انا في ثانية ثانوي
بين الحين والآخر غيبي يوم الخميس أو االسبت واعملي معسكر مذاكرة يومي الجمعة والسبت أو الخميس و تلمي فيه كل المواد
ونصيحة ان تعتادي طريقة المذاكرة بالورقة والقلم لانك ستعرفين كم استفدتي بعد كل فقرة ذاكرتيها
اولا لازم تعملى تنسيق بين الدروس والمذاكرة لو حاسة ان فيه درس مش بتفهمى منه سبيه وحاولى تذاكرى وعلى النت فيه شرح لدروس كتير جدا فى المرحلة الثانويه لكل مادة وشرح وافى على فكرة انا ايام ما كنت فى الثانويه كنت علمى علوم كنت هضيع فى تانيه ثانوى علشان الموضوع ده برضه سبت كل الدروس ما عدا الاحياء والحمد لله بعد ما كنت ضايع بين الدروس ارتحت وجبت 98.7فى الميه
وفى نفس المنهاج اتبعته فى 3 ثانوى والحمد لله جبت 99.2ودخلت كلية طب جامعة الزقازيق واتخرجت بتقدير جيد جدا فلازم اولا والاهم من الدروس انك تلاقى نفسك الاول وبعدها تعيدى ترتبى اوراقك وان شاء الرحمن ربنا الموفق
اقولكم علي حاجه المفروض وقت النوم من6-8 ساعات ولازم اما تروحوا المدرسه تستفادوا من كل دقيقه يعني حاولوا اي حاجه مش فاهمنها الاستاز المدرسه يشرحلكوا المواد اللي درجاتها عليا ركزوا عليها حلوا امتحانات كتير واغلطوا واعرفوا غلطكم ده في المدرسه من الاستازه ومن زميلكم تعالوا ناموا ساعه واصحوا روخوا الدروص وتعالةا وكرو اللي اخدوه وشويه فت القديم والطبيعي اللي انتو تنسوا اللي بتخدوه طبعا مفيش نت افهمو كل حاجه قبل شهر 2 وتكون مزاكر كل المنهج عشان تكون جاهز للمراجعه ازاي معرفشي وبعدين ده سر النجاح اللي يفرق بين طالب واخر اه متسبوش حاجه تقولوا في المراحعه نفهمها اوعوا وبعدين ازاي بتحدو دروس 7 ساعات يوميا وركزوا في المهم مش تيجو علي التافه وتزكروااللي بيجي سهل اما الصعب زكروا اوي
انا زيك بظبط بس فى تانية وبحاول على قد مقدر انظم وقتى وربنا يوفقنا جميعا
انا مش هتكلم عن نفسى انا هتكلم عن اختى اللى دخلت هندسه كانت بتروح المدرسه كل يوم وبتروح الدروس بس كان درس واحد فى كل ماده وكانت بتعمل شغل البيت على الرغم من كده كانت بتذاكر وربنا كرمها ودخلت هندسه فمافيش داعى للخوف وعلى الرغم من انها خلصت هندسه بتقدير جيد جدا مع مرتبة الشرف الا انها مشتغلتش فعادى يعنى خلوا 3 ثانوى زى اى سنه او ممكن تهتموا بيها زياده شويهبس مش لدرجة الخوف والتعقيد الحياه حلوه
أحسن طريقه تنظيم الوقت فالمدرسة مهمة وكذلك الدروس مهمة فيجب عليك ان تنظم وقتك ولا تذاكر وانت متعب جسديا او ذهنيا نصيحة لوجه الله تعالى الا تذاكر وانت تعبان ذاكر وحاول ان تكتب كل ما تذاكرة فى ورقة وان تحفظ على الورق وان تبيض الذى ذاكرته على ورق خارجى وتذاكر الدرس الذى سوف تاخذه فى المدرسة او الدرس قبل ان تذهب ولو حتى بنسبة ضئيلة
مع تحياتى
زى ما كنتى بتزاكرى فى سنه تانيه زاكرى فى تالته
وربنا يوفقك
(سيد العاطفى)
مصر—بنى سويف
انا فى ثانوية عامة بس الثانويه عاوزة مذاكرة جدا وكل وقتى فى الدروس والمدارس ومفيش وقت اقعد فيه لانها اخر سنة وخايف موووت انا علمى علوم