انا بحب واحد من سنه ونص تقريبا وكان بيحبنى اوى كان كل اللى يشوفه يقول ده بيموت فيها , هو لسه مش بيشتغل وهو اصغر منى بسنه بس انا مش بحس معاه بالفرق ده خالص
انا عمرى ما حبيت حد ولا اتمنيت حد غيره لكن هو اتغير كل شويه يقولى انا ماستهلكيش انتى تستهلى احسن منى حد يعرف قيمتك انا عارفه انكوا ممكنوا تقولوا انه بيتهرب بس لا هو مش بيتهرب
انا بجد حاسه انى اتجننت هو ليه تصرفات غريبه بجد مابقتش بحس معاه بالاستقرار والامان اللى كنت بحسه معاه بالرغم من انى مش بكلمه من اسبوعين تقريبا لكن لازم ادخل على المواقع اللى بيدخلها عشان اعرف هو دخل ولا لاء ولا مختفى وهو عالطول بيبقى فاتح الميل بتاعه وانا بكون فاتحه لكن مش بكلمه ولا بيكلمنى
انا فكرت جديا انى ابعد عنه خالص بس مش قادره انساه بالرغم من انى زهقت من المشاكل عالطول بينى وبينه مشاكل
اعمل ايه ؟؟؟
ده حب عن طريق النت وصدقيني مش دايما بينجح ومش دايما بيفشل وبيبقي ليه مشاكل كتير انتي لازم تتكلمي معاه وتاخدي موقف اكيد هتكملي معاه ولا لاء وتشوفي اتغير من ايه وايه السبب انا كنت زيك كده في يوم حسيت اني حبيبي اتغير ومش زي الاول ومش حاسه بحبه زي الاول وكان لازم ابعد
اكيد هو بيستخدم معاك الاسلوب ده علشان عاوز يضغط عليك ويوصل لحاجه في راسه علشان كده انصك بالابتعاد عنه ودي نصيحة من خلال تجارب الاخرين
خلاص يا بنتى ماهو مش بيكلمك عاوزة اية منة عاوزة لما يجرحك وتجيبى اخرة وترجعى تنجرحى بجد هو كدا زوق معاكى ووفرى حبك دة مع خطيبك او جوزجك فيما بعد
و على فكرة النسيان سهل كنت فاكراه صعب لاكن اما تشغلى نفسك بحاجه او حتى اما تبدأى علاقة حب جديدة مش هتفتكرى اسمه حتى
يمكن الى هوا فيه دا زهق بس بجد هوا كدا بيتهرب يعنى ايه فاتح الميل بدون كلام و بعدين الى بيحب حد ميقدرش ميكلموش يوم مش اسبوعين حاولى تفكرى فعلاقتكو تانى