انا اول مرة احب فلا اعلم ان كان هذا حب ام اعجاب هو ابن خالى تقدم لخطبتى كنت لااشعر بشئ من ناحيته لكن عندما تقم لخطبتى شعرت باننى موافقة انا عندى 18سنة فى ثالثة ثانوى انا اعجبت بيه لانه شاب محترم يريد ان يكون نفسه بنفسه دون مساعدة احد وبيحب اهله وبيخاف عليهم اهلى رفضوه اول مرة ثم تقدم لخطبت مرة ثانية اهلى وافقوا بشرط ان اكمل تعليمى هو وافق وبعد حوالى اسبوع اتصل بوالدى وقاله انا موافق تكمل ثالثة ثانوى فقط لكن الجامعى لا هوعمره متكلم معايا عالطول كلامه مع اهلى النا مش عارفة هو غير رايه ليه انا هموت من التفكير حد يساعدنى
الحب الاول
اول مرة احب
اضيف بتاريخ: Sunday, November 28th, 2010 في 12:02
كلمات مشاكل وحلول: ابن الخال, الحب, الحب الاول, خطبة
اتكدي الاول هو بيحبك انتي ولا هو اختارك علشان مناسبة ليه من ناحية الظروف والقرابة لو لاقيتي انه بيحبك لشخصك ممكن تتخلي عن التعليم علشان خاطرة لو انتي مقتنع بكده انما لو مش مقتنعة وعايزة تكملي تعليمك كملي تعليمك وهتلاقي كده ولاد خالات كتي في الدنيا قصدي يعني شباب يكون مناسبين لتفكيرك المهم تعملي اللي يريحك انتي بعدين
انا هقول رأييواكيد فيه ناس كتير هتعارضني بس انا بنت عندي 23 سنه متعلمه معايا ليسانس اداب فلسفه وباشتغل بس مش مهم الشغل الاهم ان فعلا البنت مالهاش غير بيتها وعلي فكرة بقي مش كل حاجه تعليم وبعدين هي هتخلص 3 ثانوي يعني برده بتعرف تقرأ وتكتب وعقلها شغال المقصود ان العقل هو ال بيميز الشخص انا مش قصدي ان التعليم مش ضروري للبنت بالعكس ضروري لكن مش مع كل البنات وبعد ما بنتعلم بنقول ليه اتعلمنا ولا اخذنا ايه من التعليم الاهم من انك تكملي ولا لأ ……….. هو انك تتقدري تفتحي بيت وعقلك متزن تقدري تشيلي المسئوليه بدري وانت في السن الصغير ولا لأ الجواز مش لعبه لو مثلا مش هيحصل جواز بعد ماتخلصي الثانويه ادخلي ولو حتي معهد سنتين وديه ممكن تكون فترة خطوبه وبعد ماتخلصي المعهد اتجوزي وبعدين لازم تحاولي تتكلمي معاه وتقرروا حياتكم بالتفاهم وكمان علشان تعرفي بالظبط هل انتم متفقين ولا لأ سيبك من الحب اهم شئ التفاهم ومدي قدرة علي المسئوليه لبيت الزوجيه وربنا يوفقك ………..ز
انتى صغيرة ولكن البنت سعادتها الحقيقية فى زوج كويس واسرة وبيت واولاد اى تبنى اسرة على طاعة الله وكدة لو انتى حاسة ان هتقدرى تعملى كدة مع خطيبك يبقا اى هو انسان كويس وهتبنوا سوا الاسرة دى يبقا اهم من التعليم وهو بيعوضك ان شاء الله
لازم تكملي تعليمك دا الاهم والجواز اي جاي ماتقلقيش يا محترمة ولازم تتكلمو معا بعض هاتحسي بالامان وهوا كزاللك مش الجواز التقليدي
بصى يا اختى
اذا كنتى حابه التعليم ومستواكى كويس يبقى لازم تكملى تعليمك احسن من الجواز دلوقت
لان دورك ومهمتك دلوقت هو استكمال تعليمك
والتعليم هيبقى سلاح فى ايدك
هيخلى صورتك تبقى كويسه فى المجتمع قدام الناس وقدام اهلك واصحابك وقدام اللى هيكون من نصيبك فى الجواز
كمان اولادك لما يطلعوا يلاقوا امهم جامعيه شوفى فرحتهم وافتخارهم بيكى قد ايه
فالتعليم بالنسبالك حاجه اساسيه تنفعك كتير خصوصآ لو احتجتى تشتغلى مثلا فى يوم من الايام ساعتها هتلاقى الموضوع سهل لانك جامعيه
وفيه حاجه تانى اهم
نفترض انك سمعتى كلامه وما كملتيش تعليم وبعد كده سبتوا بعض زى ما بيحصل لكتير من البنات فى الخطوبه او حتى بعد الجواز
ساعتها هتبقى خسرتى الاثنين الجواز والتعليم
فانتى كملى تعليمك وتبقى كسبتى حاجه حتى لو شهاده تعملك قيمه امام الناس ولو جاء الجواز مع التعليم سواء اللى متقدملك ده او غيروا يبقى كويس ولو ما جاش على الاقل تبقى كسبتى الكليه ومحدش هيلومك
اوعى تضحى بالتعليم عشان الانسان ده
وهو لو بيحبك هيضحى وهيتمنالك الخير ومش هيحرمك من التليم ولا غيرو
وانا اعرف بنات اتنازلوا عن التعليم عشان واحد متقدملهم للجواز وفى النهايه سابوا بعض والبنت هى اللى بتخسر الاتنين
وفيه ناس تانى الواحد بيتجوز البنت وبتشترط عليه تكمل تعليمها وهو عشان بيحبها وشاريها وبيتمنالها الخير بيوافق انها تكمل تعليمها بعد الجواز وهو بيساعدها ويقف جمبها
وفى الاخر كل شئ قسمه ونصيب
فانتى او ابوكى قولولوا الكلام ده ولو عايز يكمل على كده ماشى ولو مش عايز يبقى سيبيه وانتى مرتاحه وطالما اخترتى الصح ربنا هيوفقك ويسعدك
(سيد العاطفى)
مصر—بنى سويف
المفرود انك تجلسوا انتي وهو وتناقشواالموضوع بسهوله جدا
صلي صلاه الاستخاره وسبيها لله
انا راى انك تكملى تعليمك دى حاجة هتفيدك فى مستقبلك وبعدين هوة لو خايف عليكى بجد مكنش قالك كدة ورفض انك تكملى تعليمك كدة يبقى هوة لا بيحبك ولا عاوز مصلحتك واحسنلك سيبك من الموضوع دة دلوقتى وكملى تعليمك وجامعتك احسن
علي فكرة أنا كنت زيك كده ووافقت بس في الاخر حصلت مشاكل وسبته ودلوقتي بعد ما دخلت الجامعة بدأت احكم علي الناس والامور بعقلية اكتر وربنا رزقني بالشخص المناسب فعليكي انتي انك تحددي هل انتي تعليمك دا شيء اساسي عندك ولا لا لان انتي بس اللي عارفة نفسك وثانيا حاولي تعرفي هل هو متشدد في قرارته ولا لا لانه لو متشدد وقرارته لا رجعة فيها يبقي بلاش تستعجلي
هو خطا انة كل حاجة يكلم والدك المفرض يناقشك الاول علشان حتى تقربوا من بعض اكتلر بس هو غلطان علشان مش عاوزك تكملر تعليمك سلاح المراة دلوقتى شهادتها سيبك من اللى بيقولو اللى معاة شهادة حيعمل اية بيها متغلطيش الغلطة اللى انا غلطها وندمت بعد كدة كنت زيك بالضبط
هو بس ممكن يكون بيغير عليكى مش اكتر علشان كده مش عاوزك تكملى الجامعة
طبعا ما توافقيش
لازم تعرفي ان التعليم ده اهم حاجه و ان الجامعه بالذات بتخلي عقليه الواحد تكبر جدا
و لازم تفكري ان لو حصل اي مشاكل و سبتو بعض , هتبقي انتي البنت اللي ما كملتش تعليمها و معاكي ثانويه عامه و هتندمي طول حياتك
انتي لسه صغيره و ادامك عمر طويل ان شاء الله لو مش هيقدر يستنى لحد اما تخلصي جامعه , يبقى لازم تسيبيه او تقوليله انه يستناكي
و على فكره بس ملحوظه كده : غلط جدا ان كلامه يبقى مع اهلك بس , لازم الكلام ده يقوله ادامك عشان دي مش حركات رجاله اصلا
التعليم و الشهاده اهم يا اختي هتحبيه ازاي وانتي عمرك ماكلمتيه ده اسمه حب مراهقه او اعجاب الشهاده هتديلك قيمه اجتماعيه مش هتعرفي قيمتها دلوقتي بس لما تكبري و يكون ليكي اولاد هتعرفي اللي ام ده اكتوره واللي صيدلانيه والمهندسه والمعلمه وانتي ثانويه عامه هتحسي انك اقل من ناس كتير.. انا معايا شهاده جامعيه ليه زميلي في العمل اخد الثانويه بس كنت بتكلم معاه في مره وبقوله ماستفدتش منها بحاجه الشهاده لاوظيفه ولا غيرو قالي((لو ماكنتش اخدتها كنت هتحس بقيمه الورقه اللي انت مستهتر بقيمتها دي)) خلي اكمالك لتعليمك شرط وحتي لو هتكلمي في كليه نظريه انتساب بس تبقي ظلمتي نفسك واولادك لو اكتفيتي بالتعليم المتوسط دون التعليم العالي.صدقيني انا بنصحك زي اختي
يعنى هتكملى تعليمك وبعد كده ايه هتقعدى فى البيت ومش هتلاقى فرصة عمل اهم شىء انك تكونى مثقفه علشان تعرفى تربى اولادك كويس وهو لو مش هيشغلك بعد الجواز وظروفه كويسه يبقى كفايه لغاية ثانوى العقاد الكاتب الكبير مكملش تعليمه وكان اسلوبه فى الكتابه صعب على المثقفين يا بنتى محدش لاقى عريس يبقى بعد كده مفيش عريس ولا وظيفه .
انصحك انك تصلى صلاه الاستخارة قبل كل شىء وربنا ان شاء الله هيوفقك للصح
هو كده بيحبك وبيموت فيكي انا من راي اسمعي كلامه في اي حاجه يطلبها منك
اهم شء التعليم انك تكملى تعليمك, واذا طلب منك التوقف عن التعليم وعدم الاستمرار فيه, لا توافقى عليه. وانا انصحك انك تصرفى نظر عن الزواج والخطوبة دلوكتى لحد ما تخلصى دراسة خالص.
ولسه الحياة قدامك طويلة.لا تفكرى فى الزواج الا بعد الجامعة.يمكن يصادفك حد افضل منه .
لا توافقى على الخطوبة حتى لا تندمى فيما بعد.