الحب الاول

صديت حبيبي وتجاهلته بعد اعترافه بالحب

السلام عليكم ورحنه الله وبركاته

عندي 18 سنه
انا عمري ماحبيت ولا اعجبت بحد خالص بس انا اعجبت بزميلي معايا في الفصل اعجبت بيه اوي وحبيته اوي بس كنت بحبه بيني وبين نفسي ولا اي حد من زميالي يعرف و هو كمان كان ميعرفيش اني انا معجبه بيه
وجه في يوم طلب مني رقم تليفوني علشان كان اخر يوم في الامتحانات ومش هنشوف بعض تاني وقالي علشان اتصل اسلم عليكي
وكلميني تلات مرات وكنا بنتكلم فيهم كلام عادي خالص بيسلم عليه وانا مااتصلتيش بيه ولا مره وبعد تالت مكالمه اتكلم معايا فيها لقيته بعتالي رساله علي تليفوني بيقولي فيها انـا بحبـــك وعايز اخطبك السنه الجايه ولو موافقه رني عليه
انا طبعا فرحت اوووووي بس في نفس الوقت خفت اوي لاني انا عمري ماحبيت ولا جربت ايه هو الحب ده
ومرطتيش ارن عليه زي ماقال في الرساله لقيته اتصل بيه بعد الرساله انا رفض افتح عليه ورحت اقفلت التليفون خالص علشان لما افتح اكلمه مش عارفه اقول ايه ولما يسالني موافقه مش هقدر اقوله ايوه انا موافقه علشان كنت شايفه انها حاجه صعبه اوي
لقيته بعدها بيومين بعت رساله تاني بيقول فيها خلاص انسي الرساله اللي انا بعتهالك واحنا هنفضل صحاب واخوات كمان ومتزعليش مني انا اسف ولو مش عايزني اتصل اطمن عليكي مش هتصل
هو شكله فهم غلط اني انا مش عايزه علشان كده بعت الرساله ديه وبيتاسف فيها لكن بالعكس انا عايزه وبحبه ومش عارفه اقوله ازي علشان انا عمري ماجربت الحب
وماتصليش بيه بعد الرساله ديه وبقالنا كده حوالي شهر وانا مش اقدره اتصل بيه ومش عارفه اقوله ايه
ياريت تقولولي اعمل ايه انا محتاره اووووووي

مشاكل وحلول ذات صلة

اضيف بتاريخ: Wednesday, July 6th, 2011 في 04:23

كلمات مشاكل وحلول: ,

15 رد to “صديت حبيبي وتجاهلته بعد اعترافه بالحب”

  1. اسامه توحيد
    11/07/2012 at 08:40

    علي فكره انتي اتصرفتي صح جدا لحد دلوقتي …. اوعي تعترفي له بالحب وتقولي له بحبك ولا اي شئ من الكلام ده … بس خليكي علي تواصل بيه من بعيد ولو ضغط عليكي تاني بالموضوع ده قولي له لو عاوزني تعالي للبيت واخطبني … ومتخفيش هو مزعلش ولا حاجه بالعكس تصرفك ده كويس جدا واكيد هو مبسوط منه كتير لانك مش اتجوبتي معاه …. ولو كنت اتجوبتي معاه باي شكل كان قال عليكي دي بنت سهله وكان ممكن يفكر فيكي حاجه وحشه …. خليكي علي موقفك وعززي من نفسك دايما وخلي بالك من نفسك اوعي تقبلي مقابللات ولا اي شئ … احنا الشباب كده نحب اللي تعذبنا اوي ونموت في في تراب رجلها ……… ربنا يوفقك ان شاء الله

  2. د.احمد جميل
    09/09/2011 at 05:43

    حبيبي حان الوداع…….كان لنا قصة حب …..لكن اليوم الحب ضاع……كان قارب الحب يسير وكان للقارب شراع…..فراقك هد حيلي وملاني حبك اوجاع……ارجوك تتركني….خلني وخل اخر الكلمة وداااااااااااااع

  3. احمد
    25/08/2011 at 00:50

    لو بعتيله وقولتيلو انك بتحبيه هيلعب بيكى خدى بالك من النقطه دى
    لازم تعزيزى نفسك

  4. احمد
    25/08/2011 at 00:46

    انا رأى انه لو هو عايزك صحيح هيرجعلك لوحده وهيحاول يكلمك لان قفلت التليفون وعدم الرد عليه زى ماكان هو عايز ده صح
    انك عملت كده لانك كده هيقول عليكى انك محترمه ما بتتسليش ده اولا
    ثانيا معنى انك تقفلى التليفون وما ترديش عليه معنى كده ان الكلام ده مايتقالش فى التليفون يعنى المفروض يدور عليكى ويرجعلك تانى ويقولك انه عايزك ممكن تقوليلى حضرتك
    يعنى ايه انا دلوقتلى بحب واحده وهى عارفه وكل ماتشوفنى تبص عليا من تحت لتحت وتخجل وابعتلها رسائل على ايميلها فتقفلى الرسائل هل معنى كده انها مش عايزانى وبتصدنى؟؟

  5. اختك فى اللة
    03/08/2011 at 02:20

    انتى دلوقتى لازم تتاكدى من حبك انتى لية وبعد كدة ولا تكلميةولا اى حاجة ومن الواضح انك لسة مش هتتخطبى دلوقتى (يعنى لسة قدامك مشوار طويل)….انا على فكرة نفس سنك يعنى انا فهماكى …..وانتى بالتصرف دة هتكبرى فى نظرة اوى وهيحبك اكتر (والفترة دى هتبين حاجات كتيرة فى شخصيتة وهتبين اذا كان بيحبك او لا يعنى هتبقى مفيدة ليكى من كل الجوانب واذا كان بيحبك بجد هيتقدملك وتتخطبوا فى النور )لاحظى كمان ان الولاد بيحبو البنت المحترمة اللى مكلمتش ولاد قبل الخطوبة …..صلى وقربى من ربنا وهتلاقى نفسك احسن

  6. lمى
    28/07/2011 at 20:53

    بصى ياقمر بعيد عن انك كلامك معاه غلط وحرام وانك مينفعش تعملى كده عارفة احلى احساس اللى انتىى حساه دلوقتى بتحبى ونفسى تتخطبى لحبيبك وتبقى معاه انما لوكلمتيه هتبدا المشاكل وخناقات بنكو المعظم بيحصل معاه كده وعلى فكرة انتى فى مرحلة المراهقة ممكن فجأة تحسى انك مش بتحبيه او تعجبى بحد تانى هيبقا الحل ايه وقتها كده احسن صدقينى ابعدى حافظى على شرفك ودينك ولو كان بيحبك بجد هيجى يخطبك السنادى مش السنة اللى جاية لان مش معنى انك مش رديتى انك مش تحبيه وبعدين ياقمر مفيش حاجة اسمها صداقة بين ولد وبنت انتى كده بتدى نفسك مبرر انك تكلميه

  7. ahlam el ftyat
    27/07/2011 at 17:56

    sa3b tlay 7ad yhebk we y7trem krarek lw anty wska anw keda klmeeh we awly el sraha we ashrahy sbab adm radek aleeh ana athtet fe nfs el mokef we amalt keda we msh laya had fe eldonya yhebny adoh we atadmly bs amy rfdet bsbab elzerof el madya7 bs ana we hwa lsa andana aml kebeer rbna mwgood

  8. روما
    16/07/2011 at 14:08

    انا من وجهة نظرى ان لو هو عايز انك تكونى شريكة حياتة كان دخل البيت من بابه
    انما مفيش حاجه اسمها نتكلم والسنه الجاية اجى اخطبك ده كده عايزك تمشى معاة زية زى اى حد
    حاولى تحافظى على نفسك منه ومن اى واحد زيه وخلى دايما اول حاجه تفكرى فيها هو ربنا وما تعمليش حاجه تغضب ربك وانشلء الله ربنا هايوفقك بابن الحلال اللى يستهلك وتستاهلية وخليكى زي مانتي ماتعرفيش حاجه عن الحب ربنا معاكى

  9. محمود محسن محمد
    11/07/2011 at 14:54

    انا عاوز اعرف حجه وحده بس ليه البنات يكونو هايموتو على الولاد ولما ييجو يكلموهم يصدوهم طيب ما بلاهى حب خالص

  10. فريد
    10/07/2011 at 20:51

    يا أختي الحب يكون جميلا لما تكون المشاعر متبادلة ويكون متين لما تكون الثقة والاحترام المتبادل ومن خلا ل كلامك أنت أنا فهمت أنك بتحبيه ومعجبة بيه وهو كمان بحبك بجد لأنه عايز يخطبك لان الرجل اذا أحب بنت أول ما يفكر فيه هو أن يخطبها ويتزوجها يعني نيته صافية من جهتك وطبيعي جدا أنك تتحيرين في اتخاذ القرار لأنك مش عارفة نيته خاصة أنك بتعرفي هدا بشكلك ابهام من نحيته أما فيما يخص انه تأسف وطلب منك أن تكون صديقة أو أخت دليل على أنه بحبك وقدرك ومش عايز يخسرك وفي نفس الوقت هو يشعر بالاهانة لأنك ما جاوبتيه على طلبه لأنه فاكر أنك ما بتحبيه وفهمتيه غلط لذا انا أنصحك أن لا تخسر ي من يحبك وتحبينه وضع نيتك فيه مثلما وضع نيته فيك هو صارحك واقر بحبه دون أن يعلم أنك بتحبيه فلماذا أنت لم تصارحيه وأنت تعرفين أنه بحبك حاولي أن تصححي الغلط وصارحيه أرسل له رسالة مكتوب فيها (أنا كمان بحبك وأتمنى أن أكون لك زوجة ما صارحتك من بدري حتى تأكدت أن قلبي بحبك كتير وأنا آسفة على ذلك واذا كنت حقا تحبني وستحبني لأبد وتقبلني حبيبتك رن علي )وان كان يحبك حتما سيهتف لك وما عليك الا أن تنصت لقلبك وتكلميه لأنك لن تجد فرصة كي تصارحيه بمشاعرك نحوه من هذه الفرصة ما لازم تخاف من شخص يحبك ويقدرك كما يجب أن يبنى الحب بينكما على الصراحة والثقة ولاحترام كأنكم انسان واحد وركزوا على موضوع الخطوبة والزواج وإنشاء الهن يكون كل شيء بينتكم خير الله يجمعكم في المحبة والخير

  11. WITHOUT LOVE
    10/07/2011 at 11:53

    ايه الجنان ده يعنى انتى كنتى حتموتى عليه وعايزه نوصليله باى تمن ولما هو جالك لحد عندك رفضيه وطنشتى ……..جنان بنات حنقول ايه

  12. محمد
    07/07/2011 at 05:11

    ما تخلي قلبك يصرف وهو هيتصل ويقوله انا بحبك مش هيبعت رسالة لا هيكلمه

  13. reneo
    07/07/2011 at 01:47

    انا بنصحك تكتبيلة رسالة تقوليلة فيها انك بتحبية بس مش بتعرفى تعملى علاقة ومجربتيش الحب قبل كدة وقوليلة انة لو بيحبك ييجى يتقدملك وصرحية بكل حاجة وابقى قوليلى بعدين هيحصل اية

  14. ريري
    06/07/2011 at 17:44

    حبي انا من رأيي تبعثيله رساله وتكتبيله اني اسفه لان مرديت عليك بس مدام انت تحبني تعال من الباب مش من الشباك ولو صدك تحبني اخطبني ودق الباب على اهلي مش عليه واني مااكدر اعملك اي حاجه لان مستحيل اغضب ربنا واغضب اهلي واخون ثقتهم وطبعا دأتكلملك عن تجربه حصلت مثل قصتك فنصيحه هيك قوليله والله يفرجهه عليكي اختك من العراق

  15. FiGo شبح السلام
    06/07/2011 at 08:34

    بوصى يا انسه نصحتى ليكى تكلمى مع حد عنده خبره وقريبك منيك وبتحبيه وبتسمعى كلامه و لو الشاب دا محترم وانتى بتحبيه حوالى تفهميه كدا بس بطريق غير مباشر تحد ما تستشيرى حد والله المستعان

اترك رداً أو حلاً لهذه المشكلة