اعمل بشركة الكهرباء .. متزوج واعول .. تزوجت زواجا تقليديا .. كنت اتمنى اللى اتجوزها اعيش معاها حلم حياتى اعيش معاها اول قصة حب .. كنت اتمنها تكون بنت الجيران اللى اسهر الليل بطوله وانا بحلم انها تبص بس من ورا الشيش وانا سهران اعد النجوم واحسب الساعات .. الا ان ولا حاجه من دى حصلت اتجوزت بطريقه تقليديه جدا خطبتها واتجوزتها في فتره لا تتعدى الثلاث شهور جلست معها خلال تلك الفتره مرتين او ثلاثه .. مرت ايام وسنين وانجبت احلى بنوته ( أ ) بعدها العكروت ( م ) حاولت اتاقلم مع زوجتى وتعاملت معاها بشتى الطرق اللى اتقربنا من بعض اللى اننى كل محاولاتى بائت بالفشل … وفي يوم من الايام حضرت زميله منقوله من بلد آخر أرمله وتعول طفله احسست ناحيتها بحب جارف كنت اذا رايتها رقص قلبي على نغمة خطواتها .. حاولت احادثها لكنها كانت في منتهي الادب … الادب اللى يخلى اي حد يفكر 1000 مره قبل ما يقلها صباح الخير … فكرت ابعت لها وسيط بس خفت انها ترفص ودا يرجع لان مؤهلى اقل من مؤهلها ترددت كثيرا .. وفوجئت باعلان في الشركه يعلن عقد قرانها على زميل آخر … كانت بمثابة المصيبه اللى وقعت على راسى وخصوصا ان الزميل ده متجوز ويعول وان مؤهله اقل من مؤهلى انا … المشكله الان انها تزوجت وانا حياتى اللى انقلبت … ماذا افعل ؟؟؟ انا لاقادر انساها ولا قادر انظم حياتى ……. اعمل ايه ؟؟ برجاء ارجوا الرد
مشاكل الحب والزواج
الحلم الجميل
اضيف بتاريخ: Wednesday, November 10th, 2010 في 05:35
كلمات مشاكل وحلول: الحب, الزواج, الزواج التقليدي, زوجة, قصة حب, مشاكل الحب, مشاكل الزواج
للاسف انت رجل غير محترم ولاعندك شيئا من الاخلاق والرجولة اي وحده حلوه وجميله تعشقهاايه الحقارةوالوساخةالا انت فيها قول الحمدلله انك متزوج ومعك زوجة واولاد اتقي الله فيهم وبلاش الاوهام والافكار الشيطانية اللي تدمرحياتك وتقضي عليك بص لزوجتك واولادك دول اهم نعمةربناعطاك اياهم واهتم فيهم ربنايهديك ويصلحك
من كتر ماتشوف افلام انت تتخيل ان اللي تشوفه هوالواقع في الحياة ياابني فوق بقاوابعد عن التخيلات والاوهام دي التي بدمرحياتك وارضى بالقسمةوالنصيب حرام عليك اللي تعمله دا مراتك ذنبهاايه اتقي الله في نفسك وفي اهل بيتك وفقك الله
صباح الخير/ اقول للك ان الجواز ده قسمة ونصيب وكما قال اللة سبحانه وتعالى عسى ان تكروه شيئا وهو خير لكم وعسى ان تحبون شيئا وهو شرا لكم اما حياتك فسلم امرك الى اللة اللى فى الغيب عجبة وماحدش عارف الدنيا بكره فيها ايه
ومادمت نفسك تعيش قصة حب اية اللي خلاك تتزوج بالشكل التقليدي
ولو كنت تزوجت بقصة حب وعشت قصص حب كنت هتلاقي برضه مبرر لك انك تحب بعد الزواج
زوجتك ملهاش ذنب انها تزوجتك
لذلك تخلى عن اوهام المراهقة لانك اب
ولا تلقي باللوم على زوجتك لايجاد مبرر لقصة حبك
كان الله في عون زوجتك والهمها الصبر عليك وجزاها الله خيرا على عيشيتها معاك
شوف انت مزيج من واقع وخيال بتحب تاخد كل حاجه لنفسك لانك انانى وكمان بتناقض نفسك اولا ولا واحده من الجيران رضيتك حتى تبصلك وجها لوجها مش من ورا الشباك وبس انتى بتعيش فى وهم بيتجسد فى تكوينك العقلى والجسمانى وحتى الارمله الى قلبت كان بيعزف عليهلى خطواتها لحن الخلود مقدرتش تكلمها فى الزواج انا لفت انتباهى حاجه اشمعنى خطواتها بالذات هيه عرجه ؟ المهم حافظ على قدرك ليجيلك الى اققرد منو انت ايه ادراك ان خطواتها الى كنت بتعزف عليها الحان بيتهوفن مش هيكون فيها بعد الزواج حذاء يخرق طبله ودنك استحى يا اخى وحافظ على الاموره الصغيرونه وخلى بالك من ابنك ومراتك ملاك والله العظيم الى مستحمله واحد زيك وشكرا متزعلش احياننا بنفتقر للحقيقه مع انها بتكون قاسيه وانا قصدت اعملك بالقسوه الى انت حبيت تعامل بيها اولادك ومراتك بعد الزواج من السنيوره بس نفسى اسئلك وتجاوب بصراحه انتو اصلا عندو شباك ؟؟؟ انا حاسس انو مكانش فيه شباك تبص منو على بنت الجيران لان الحلم ده متحققش يلا بقى ربنا يحققلك امنيتك وتشترى شباك بس انا واثق انك هتشوف منو ابو بنت الجيران وشكرا اخى فى امان الله
تعرف انت مشكلتك ايه انك نفسك تعيش قصه حب هو ده هدفك وبس لكن لو فكرت بعقلك حتلاقى كل النساء واحد يمكن زوجتك احسن منها الف مرة بس ما تملكه الايد تزهده النفس كفايه ان زوجتك ام اولادك احلى واجمل زهرتين فى حياتك وبعدين انت فكرك ان زميلك اللى اتجوزها هيكون سعيدج قوى بالجوازه دى وهو كمان متزوج وعنده ولاد بعد ما يتجوزها حيشوفها مثل زوجته الاولانيه وحطلبه بمصروف البيت والاكل واللبس وحيقول انا كنت قاعد مرتاح انا الللاى جبته لنفسى صدقنى الجواز اللى عن حب مبيبقاش ناجح دايما ولو مش مصدقنى اقرا القصص اللى فى الموقع ده وحتعرف ان كل قصص الحب فاشله اما بسبب الحبيب او الحبيبه انت بس رومانسى حبتين ده ربنا بيحبك انها اتجوزت واحد ثانى
يعنى ان انت دلوقت مصدوم عاطفيا 🙂 كل ده و انت متجوز امال لو كنت شاب مراهق كان حصل ايه,يا استاذى الراجل او الست طالما كان ليهم شريك فى الحياة فلا يحل لهم الحب الا فى حدود هذا الشريك ,انما لو عايز تحب بقى فتقدر تسيب زوجتك او تستأذنها فيما ترغب وتبحث عنه,تقلها انك عايز تتجوز لكن تطعنها فى ضهرها,وتبقى قاعد تحب فى الشغل و هى قائمة على شئونك فى البيت ,ده اسمه غش
وحقيقى مش عارفة اي الرومانسية اللى نزلت عالرجالة فجأة فى عصر كل يوم بنسمع فيه عن جرايم تهز جبال!
اتقى الله وحافظ على اللى مستحملاك ومستحملة بلاويك
وربى عيالك تربية كويسة وارجع لربنا هتلاقى انك متجوز ملاك
امضاء
واحد غلطت نفس غلتطتك بس ربنا تاب عليه
يا اخى احمد الله على زوجتك واولادك واتقى الله فيهم انت بتقول احلى بنوتة لبنتك اعتنى بيها وبدل ماتقول عكروت قول الدكتور ربنا يحفظك وابعد عن الاوهام لانك بجد عشت فى وهم انت صانعه / معزرة لا اقلل من مشاعرك
اهتم بشغلك وببيتك وتقرب الى الله ونحن الان فى العشر من زى الحجه ادعى الله يستجاب لك الدعاء
وفقك الله لما فيه الخير