انا شاب متزوج من سنه ونص ربنا رزقنى بطفل جميل المشكله ان مراتى مخها صغير اوى هى عندها 20 سنه وانا 26 لكن كل خناقه تافه بتحصل بنا تقولى انا عايزه اطلق طبعا انا بحكم خبرتى بطنش لكلامها ده على اساس انها مش عارف الكلام اللى بتقوله وكل ما تغضب برضه من اتفه اتفه الاسباب تطلب تسيب البيت وتروح عند اهلها طبعا انا من محافظه واهلها من محافظه تانيه وكل شوية تقولى انا عايزه اعيش جنب اهلى وطبعا انا من يوم ما اتقدمت ليها قولت انى هعيش فى محافظتى ووافقه على كده لكن الامر اتغير معاها وهى دالواقتى بقالها 3 اسابيع عند اهلها سايبه البيت طبعا انا فى الفتره دى تعبت بجد نفسيا وبصراحه ومحدش يلمنى انا اتعرف فيها على بنت طبعا مش هتصدقو خلال الفتره دى حبينا بعض اوى اوى ازاى معرفشى لكن حصل كده ومش قادر اقول ليكم هى عامله ازاى معايا اقسم بالله بتعمل معايا حاجات مراتى مش بتعملها كفايه عليا الكلمه الحلوه طبعا انا حكيت ليها ظروفى وهى كمان طبعا هى ظروفها ان باباها ومامته مطلقين وهى كان مكتوب كتابها بس محصلشى نصيب هى لسه بنت غير ان عمرها اكبر منى ب 3 سنوات هى 30 وانا 27 بس انا بفكر بجد اتجوزها ومش عارف انا صح ولا غلط ارجوكم افيدونى اعمل اية بالظبط
مشاكل الحب والزواج
انا بتعذب بجد وعايز حد يقولى الحقيقه ازاى
اضيف بتاريخ: Wednesday, November 3rd, 2010 في 12:32
كلمات مشاكل وحلول: الحب, الزواج, زوجة, مشاكل الحب, مشاكل الحب والزواج, مشاكل الزواج
اخي صاحب المشكلة قرات معاناتك مع زوجتك واقدر كل ماتعاني منه وتشعر به لكن اقولك فكر في ابنك الصغير ماذنبه اذا تطلقتما هومحتاج لكما انتماالاثنان فلا تجني عليه حكم عقلك قبل عواطفك ومصالحك الخاصة تكلم مع زوجتك وتقرب منهااكثر وحاول تقنعهابالعيش معك في مدينتك واصبرعليهاحتى اذالم يجدى معهاالكلام اشرك احدمن اهلها اواهلك في الموضوع كي يقنعوهابالرجوع اليك والعيشة معك لاجل خاطر ابنكم الصغير وهددهاان لم ترضى بالعيش معك بانك سوف تتزوج عليها باامراة اخرى وصدقنى مافي ست ترضى ان يتزوج عليهازوجها اما مسالة انك تعرف امراة وتريدالزواج منها فلا تتعجل في الارتباط بها حتى تتاكدمن دينهاواخلاقها وانهاصادقة في مشاعرها معك وان كنت لاترغب فيها ماتعلقهابك سبهافي حالها وارجع لزوجتك وام ابنك وربي يصلح حالكما ويسعدكمافي الحياة
الي (زوجته ان شاء الله )اتقي الله ومتخربيش بيته دا انتي كاتبه اسمك تحدي وهو زي معرفك عليها حيعرف غيرك عليكي لانه حيفكر في يوم انك اكبر منه ولو بيوم وللأسف هو عرفك في ظروف ضعفه وانتي ظروفك الاوسريه وحشه
اخي العزيز زوجتك مش صغيرة ولاقاصر عشان نعذرهادي ام وست بيت المفروض منها تقدرك وماتخربش بيتهابنفسها كل مرة تتخانقو تطلب الطلاق انامن رايي انهادام خرجت من البيت بنفسهاوماحدزعلها ترجع هي بنفسهاوداهو الصح واذالم ترجع واهلهامقدروش يقنعوهابالعودة طلقهاولاتسال فيها وتزوج من البنت اللي تقدرك وتسعدمعاها
لا طبعا عشان فرق السن ثانيا ان سن مراتك صغير جدا وهى شابة عايزة ان حد يتحكم فيها اكتر من الازم انت حسيت الاحساس دا مع التانية عشان هى اكبر منك يمكن تكون حسيت باحساس الامومة معاها متقارنشى دى بى مراتك عشان ابنك ميترباش بعيد عن ابوة ودا احساس وحش اوى لو حاسوة ابنك فيما بعد ممكن انت بتجاربك السابقة ممكن تقدر تحل المشكلة انا عندى 20 سنة نفس عمر مراتك وانا بحس انى لسة طفلة فى بيت اهلى وكمان برفض اى حد يتقدملى وانا فى السن دا عشان انا لسة مخدتش فى تحمل المسؤلية كبر عقلك بماانك اختارت الطرف الاول من الاول لازم تتحمل مسؤلية والطرف التانى ممكن تشوفها حاجة تانية خالص بعيد عن الزواج
يا عم طلقها اللي تقدر تجيب عيال لازم دماغ ويا بختها لاقية حد كويس طلق واتجوز حبيبتك وياحياااااااااااااااااا الحب باي ظروف
اخى الفاضل انا هكلمك كلام بمنتهى العقا بعيد عن العاطفه فكر فى مستقبل ابنك الصغير تقبل انه يكون ليه مرات اب حياته عامله ازاى حاول ترجع لمراتك وتكلمها بكل هدوء وتصارحها وتقولها لو متغيرتيش معايا هتجوز عليكى والله ساعتها هتلاقيها اتغيريت وبقيت كويسه راعى سنها وانها لسه معندهاش خبره حسسها انك مش زوج ليها انك طفلها رقم 2 محتاج لحنان وحب وتفاهم ابدا معاها بالحنان والحب كانك بتعامل الانسانه رقم2 اليى انت عايز تتزوجها اى ست هتلاقى جوزها معاها بمنتهى الرقه والحنان هتتغير مهما كانت انا دكتوره وعندى خبره فى الطب النفسى اسمع كلامى ده ولو اى سؤال انا تحت امرك بس متتسرعش خليك مع مراتك والله مرت عليا نفس المشكله بالظبط وبالكلام وتطبيق الكلام ده قدر الزوج انه يرجع لمراته الاولنيه ويلغى فكره الجواز التانى جرب مش هتخسر حاجه وابعد عن التانيه مهما كان التمن انت وابنك اليى هتكسبوا مره تانيه ده كلام من دكتوره عندها خبره نفسيه فكر شويه بعقللك
hاخى الفاضل اختى الفاضله ( انا زوجته ان شاء الله ) اقسم لكم بالله انى اعلم قصه نسخه طبق الاصل من قصتكم ولكن مع الفارق فى السن وفعلا مع الاختلاف بين الزوجين لجأ الزوج الى الزواج من واحده تانيه دخلت حياته فى وقت كان فيه محتاج لكل كلمه حلو او صد حنون يعوضه عن المشاكل مع زوجته ولكن ما النتيجه النتيجه هو ندم الزوجه الجديده بعد فتره ؟؟؟ لماذا ؟؟؟ لانه بعد ما رجع لزوجته شعر بانها نزوه وبالرغم من حبه لزوجته الجديده الا انه شعر بانه تسرع جدا فى هذا الزواج ولو رجع به الزمن للوراء لن يفعلها ليس لعيب فى الزوجه الجديده وانما لاستقراره العائلى الذلى لا يستطيع ان يشعر به وهو مقسم ما بين زوجتين اذا فعلا بتشعرى بحب له حقيقى اتركيه فهذا ليس نصيبك
الاخت الكريمة ((انا زوجته ان شاء الله))
لا تستغلي ازمة يمر بها الاخ لتخربي بيته
لو انت صادقة في حبك فعلا اتركيه لزوجته ولابنه
من الصعب ان نقيم سعادتنا على تعاسة الاخرين
وخاصة اذا كان هناك طفل
اتقي الله وسيبدلك الله خيرا ان شاء الله
وان استمريتي في علاقتك معاه صدقيني سيجيء يوم لتقفي نفس موقف زوجته وابنه
بلاش مشاعرك تدفعك انك تكوني انانية ووجودك في حياته كان له الاثر الاكبر في الخلافات مع زوجته حب الحياة الزوجية غير حب الانترنت
فلا تزللي له العثرات حتى تظهري بمظهر ملائكي وتظهري زوجته بمظهر الزوجة الغير مخلصه في حبها له
وانت اخي الشاب اتق الله في زوجتك وابنك ولا يغرنك معسول الكلام ولا تكن طوق نجاة لاحد على حساب اسرتك وابنك
خطيبتك مخلصة كلية ايه
او انتا بتشتغل ايه ؟؟؟؟
عشان خاطر النبي ما تحزفهوش
انت عليك تعمل الي بيملي عليك دينك امام ابنك لازم تجرب كل الأساليب مع زوجتك ولازم تتفهما لحتى يكبر ابنك ومايحس انو ابوه ظلموا لان مارح يقلك غير انوا فكرت بسعادتك ع حساب ابنك وعيلتك ورح تلتام انت مو امو وصدقني وقت رح يكبر ابنك رح تنسى كل هالايام اما اذا اطريت فابغض الحلال الى الله الطلاق
بسم الله الرحمن الرحيم والسلام عليكم ورحمة الله وبركاته من غير زعل انا يا ابني في سن والدتك لما قريت حكايتك اولا حسيت ان البنت دي مدلعه ده فيه بنات اصغر منها شايلين مسئولية بيت وزوج واولاد وواضح ان انت مدلعها كمان لازم تاخد موقف معاها انا نفسي اسأل سؤال لما هي عايزه اهلها اتجوزت ليه انا عندي بنت واحده جوزتها من 8 سنين مفيش مره خرجت من بيتها غضبانه ولما كانت تتصل بي وتقول انا حسيب البيت وامشي كنت ببهدلها واقولها انتي ملكيش غير بيتك وزوجك وعيالك مفيش حاجه اسمها تسيبي البيت رغم ان جوزها ليه غلطات كتير ونصيخه لك اتركها خالص متتصلش بيها ولا تروح لها لو هي عايزاك وباقيه عليك وبتحبك اولا مش حتسيبك وثانيا ترجع هي زي ما خرجت اما بالنسبه للبنت اللي انت عرفتها اسأل نفسك اذا كنت حبتها بجد حرام عليك متظلمهاش يا ترتبط بها يا تكلمها بصراحه وتسبها وانت مش اول واحد ولا اخر واحد يتجوز علي مراته وخاصة انها مش مريحاك
بلاش تخرب بيتك بايدك لو ما كانش عشانك يبقي علشان ابنك
جميل تعليقك((انا زوجته ان شاء الله))…تفتكرى لو ارتبطى بيه هتكونى سعيده؟
تفتكرى ان اللى بيحصل دلوقتى مع زوجته مش هيحصل معاكى بعدين؟
احساسك ايه لو حس بالندم فى يوم من الايام وحب يكون لزوجته وابنه فقط؟
انا من رايى متنتظريش منه الجواب انك تبعدى او لا..لو انتى بتحبيه زى ما بتقولى
لازم تبعدى عشان يقدر يراجع نفسه وحياته وصدقينى لو عملتى كده ربنا هيكرمك وهيعوضك
بالاحسن….بلااااااااش خراب البيوت تحت اسم الحب ومش قادرين نبعد عن بعض
وانت حاول تقعد مع زوجتك وتتكلم معاها وتحلوا مشاكلكم بلاش تكبرواالموضوع بالشكل ده
وبالنسبه لحبك الجديد جه فى وقت انت مضايق ومحتاج للكلمه الحلوة….
كل بيت له مشاكله ولو كل واحد عمل زيك يبقى الدنيا خربت..
ومش معقول زوجتك دايما بتغضب لاتفه الاسباب كده لوحدها اكيد برده انت بيصدر منك شئ
بيضايقها فتحملها وراعى انها لسه صغيره..
بدل ما ترتبط بواحده تانيه قرب من زوجتك واحتويهاوماتنسى ابنك اللى ربنا رزقك
بيه…حاول ترجع زوجتك وتتفاهم معاها وتفتحوا صفحه جديده مع بعض وبلاش الظلم
وربنا يهديك للخير ويهديلك زوجتك ويهدينا جميعا ياااااارب
انا اللي بيتكلم عنها الشاب ده انتم كلكم ظالمين انا والله العظيم بحبه بجد من كل قلبي وربنا يعلم انا بقول له ايه علشان ميسبش مراته لكن متجوش علينا احنا فعلا بنحب بعض هي دي الحقيقه وفعلا مش قادرين نبعد الحب ده مش بأيدينا ولعلمكم انا لو مش في حياته كان زمانه سابها لكن وجودي جمبه مصبره عليها انتم ايديكم في المايه البارده لو حد فيكم في ظروفنا مكنش هيقول الكلام ده وانا بقوله دلوقتي اذا طلب مني ابعد هبعد علشان تستمر حياته الزوجيه والله العظيم هدوس علي قلبي علشان خاطره
انتا كدا بتعمل الصح …….بس لازم تكون قد المسؤولية انك تفتح بيتين وربنا يوفقك
كن رجلا ولا تقبل إلا ان تكون رجلا
وذلك من وجهة نظري كالتالي:-
1- حاول مناقشة نقاط الخلاف بينك وبينها بأسلوب المصارحة في حصرها وكيفية حلها وانصحك ان تساعدها على ان تقول ما في نفسها دون غضب او تذمر
2- الخروج وحدكما فقط لأي مشوار او مكان نقي وهاديء للعشاء او حتى لتناول تسالى معا
3- من الذكاء تجديد المشاعر فيجب على الاقل في سنوات الزواج الأولى كل اسبوع او اسبوعين اطلب منها تزور اهلها ففي الزيارة عدة فوائد تجديد المشاعر + الممنوع مرغوب فبعد فترة هي من ترفض خاصة بعد انشغالها بالاولاد او قلة المال + مع قليل من الصبر وفي ظل ضغوط الحياة أهلها لن يتحملوها هي والاولاد كل شوية فتبدأ هي بالتحجج لعدم زيارتهم
4- حاول تكوين علاقات اجتماعية مع عائلات محترمة خلقيا وقيما بحيث يكونوا اصدقاء مخلصين فلا تدعها وحيدة فترة طويلة الا اذا كانت العلاقات الاجتماعية تعود بالضرر عليك
5- اذا لم تتوصل لحل يرضيكما معا فصارحها بنيتك بانك ستتزوج ولا تخاف وبكل هدوء ثم اخطب ولا تتسرع بالزواج فقط كنوع من التهديد لعلها تعيد لرشدها
6- راعي صغر سنها وقلة خبرتها بالحياة وخير ما يعينك على ذلك ان تقربها بالالتزام الديني
7- اما زميلتك فهي تطلب حق شرعي لها في الزواج وتراك تعاني فماذا تنتظر منها الا ان تعطيك صورة ما تتمنى 0000
9- لا تكون تصرفاتك رد فعل بل ارمي مشاكلك عند زوجتك واطلب منها تقترح الحلول ثم اختار انت وقرر لانها ربما تشعر بالاهمال منك
اخيرا تمنياتي لك بالتوفيق و صلاح الحال بينكما والا فالزواج حل لانه لا يفل الحديد الا الحديد ولا يصلح المرأة إلا المرأة
8-لكن تذكر ان وقت الخلاف او الاختلاف تعرف اخلاق الناس وليس وقت الرضا
انت الكبير وهي سوري في الكلمه عيله صغيره وناقصة عقل يعني انت اللي المفروض تحتويها وماتضايقهاش واذا في مشكله حلها عشان انت اعقل وانت الراجل وانت القيم وبعدين اكيد انتوا بتحبوا بعض وهي بكره تعقل وتكبر وتهدى رجع مراتك وابنك فحضنك لان ابنك مالوش غيرك ماتظلموش
السلام عليكم ورحمة الله وبركاته
اخى الفاضل ان الذى تفعله زوجتك امر طبيعى لانها تحبك وهذا دلع منها لمعرفه مقدار حبها عندك وايضا لانها صغيره فى السن ارجو منك ان تحاول المسايسه معها وهى مع الوقت سوف تعرف مصلحتها ومصلحت بيتها اما الاخت التى تعرفت عليها وتعلقت بها فهى حاله مؤقته بسبب المشاكل التى حدثت حاول ان تبعد عنها وتنظر الى مصلحت ابنك وبيتك وان تحافظ عليه بقدر الامكان وهذه نصيحتى لك
والله يهدى الجميع
السلام عليكم
المعذرة لجميع الاعضاء
انتم مش ملاحظين انكم بتلومو الراجل انه فعلا عايز يعيش مستقر نفسيا
الزوجه كل شويه تقوله طلاق طلاق
واهلها للاسف مش قادرين يعقلو بنتهم حتى مافكروش يتصلو بيه ويقولوة فى ايه وواضح انه كل حاجات اعوذ بالله انتشرت فى مجتمعنا ان الاهل بيرجعو فى كلامهم قبل الزواج بلحظات او بعد الزواج ويقولو لا تيجى تعيش جمبنا امال اللى مسافر بقة يعمل ايه هوة وزوجته يقولو لا سيب اكل عيشك بقة وانزل تعيش جمبنا والمشكله الاخطر حكايه البنات اللى بيتكتب كتابهم ويتطلقو بكر نسبتهم بقت نسبه عاليه جدا فوق الوصف
الرجاء ياجماعه تشوفو الموضوع من ناحيه استقرار وانه فعلا عايز يعيش حياة مستقرة سواء اللى هوة حبها او غيرها لكن عيشه مع زوجه باالشكل دة الله يرحمنا الموت اهون بكتير دة لو الاخ فعلا صادق فى كلامه
اقولك على حاجه اعطى لنفسك فرصه انك فعلا تشوف الانسانه ديه بتحبك ولا لا ولو فعلا بتحبك ماتترددشى انك تتزوجها اما عن زوجتك طالما وصل بيها الامر انها قدرت تفارق زوجها يوم صدقنى هتعيش فى جحيم بعد كدة وهتفضل تقولك اهلى وهروح اقعد عند اهلى وتقولك بردة طلاق وهتغضب تانى وتالت ورابع طول مافى تشجيع من اهلها
اما عن الطفل صدقنى انه ان شاء الله سواء معاك او معاها فى رب مش بينسى حد والحذر لايمنع القدر ياما الاف الاطفال عاشو ايتما ربنا يديك العمر وياما اطفال عاشو واهلهم مطلقين وربنا انجاهم من كل سوء مش قاعدة موضوع الاطفال بين الازواج دة اسمه تخريف اكون او لا اكون وصدقنى لو اتنازلت مرة واتنين هتجر تنازلات كتير
المعذرة للاطاله والاختلاق قى الراى لايفسد للود قضيه
انت بتقول مراتك عندها 20 سنة وصغيرة او مخها صغير دى مش مشكلة انت ناسى انها بقيت مسؤلة عن بيت وعن طفل خد بالك طفل يعنى لو صغيرة مكنتش جابت اللى يقولك يابابا انما بقى حتت الطلاق دى انت الوحيد اللى تقدر تكرر بس متكررش على حساب بيتك احسب لعقل ووبلمنطق وابعد الحب الجديد عن دماغك هتلقى ان انت كبرت المموضوع اتمنالك حياة سعيدة مع اللى تسعدك وربنا يتولها ويسعدها
ليه محدش يلومك يعنى؟؟انت مش لسة متجوز ولا طلقت مراتك؟يعنى اللى عملته ده خيانة للميثاق الغليظ اللى بينكو
انت ليك حق تزهق و تضايق بس مش تروح تعرف واحدة؟؟!!
نصيحة حلوا مشاكلكم جوا البيت و بلاش تطاوعها فى موضوع سيابنها البيت ده
انت مش ملاحظ ان عندك طفل صغير
فكر كويس مش حرام يتربى بعيد عن ابوه او عن امه
علشان كده روح لمراتك واتفاهم معاها ومع اهلها
انت لسه في بداية حياتك مش من او عثرة تبحث عن اخرى بديلة
وزي ما انت بتقول مراتك صغيرة لذلك شكلها على ايديك
والامر ده مش هيكون بفرض الرأي او بالخناق بيكون بالحب والصبر والهدوء
لذلك ابتعد عن الفتاة اللي عرفتها وروح لمراتك هاتها من عند اهلها
وقولها ان ظروفك يصعب انك تعيش في بلدة اهلها
وانها ممكن تروح تزور اهلها كل اسبوع او كل اسبوعين تقعد يومين
وحاول تفهمها انك بتحبها ولا تبحث لنفسك عن حجة حتى تتزوج من اخرى
لانك كما تفعل مع الاولى ستفعل مع الثانية و ستفعل مع الثالثة …
لاحول ولا قوة الا بالله .
اخى الفاضل استتغفر ربك علاقة ايه اللى بأسبوعين حبيتوا بعض دى؟؟؟
دا بس هروب من اللى انت فيه لاقيت حد حنين عليك فعشان كده انت جريت عليها عشان هى مريحاك بس .صدقنى هى نزوه وهتزول رغبتك منها اولا هى اكبر منك مش بعيب فكده السن مش مشكله بس انت اب ولسه يادوب حتى ماكملتش سنتين جواز ترضى انت مراتك تكون شافت حد غيرك فالفتره اللى بعدتوا فيها ؟؟؟؟؟بالطبع لأ لأن عرق الرجوله هينقح على حضرتك نصيحتى لك ااخى الفاضل
ابعد قبل فوات الأوان ايه ذنبه ابنك رجع مراتك لبيتك وكفايه بعد عنها كده وروح لأهلها واشتكى لهم خليهم يعقلوها وانت كمان كلمها باللين وبالرحه واكيد ان شاء الله هتفهم وقرب من ربنا وخليها تصلى وانت كمان صلى الأيام دى أيام مفترجهوان شاء الله ربنا يصلحلك الأحوال ويهديك ويهديها.الحق نفسك صدقنى مجرد نزوه تفوق منها دلوقتى احسن ماتفوق ع كابوس هيتعبك اكتر.
يا راجل ازاى يعنى بتقول خبرتك …. وعايز توقع نفسك فى المهالك … اصبر وتراجع عما انت فيه وكمل دورك امام الله مع زوجتك بالنصيحة والمحاولات وتدخل اهل الخبرة من اهلك واهلها وراجع نفسك والا سوف تلقى الندم الشديد وانظر الى ظروف حبيبتك الجديدة … هل هذه علامات زواج ناجح ؟ اتق الله