انا بنت وبحب شخص بس مش عاوزه اتجوزه لانه مش مناسب ليه خالص من حيث التعليم والبيئه بس فى نفس الوقت مش قادره ابعد عنه لانى بحس بالسعادة وانا معاه وسبته يتجوز وبعدت عنه لمدة 5 سنوات بس دلوقتى رجعلتله وبصراحه مش لقيه الحب مع غيره وهو ديما بيعرض عليه الزواج وانا برفض فهل استمر فى حبه وله اعمل ايه انا كل الى بعمله بكلمه فى التليفون وقابلته مرتين خلال 3سنوات ياريت تقولولى اعمل ايه وابعد عنه ازاى لانه متزوج
مشاكل الحب والزواج
انا بحب شخص وسبته يتجوز ومش قادرة ابعد عنه
اضيف بتاريخ: Saturday, November 13th, 2010 في 17:35
كلمات مشاكل وحلول: الحب, الزواج, مشاكل الحب, مشاكل الحب والزواج, مشاكل الزواج
اسألي نفسك التالي: مالذي بهذا الرجل يجعلك تحبيه؟ و ابحثي عمن تجدين فيه نفس المواصفات، وقد تكوني انتي من يبحث عن تلك المواصفات ولكن للأسف لم تجديها بنفسك
اتمنى لك التوفيق
ما اجمل الوعي
حرام عليك تبنى سعادتك على تعاسة الاخرين سيبيه لزوجته واقطع كل علاقتك بيه وانشاءالله ربنايكرمك برجل يحبك وتحبيه وتسعدي في حياتك
سيبك منه انتى لسه بتفكرى فيه يمكن علشان لسه مقبلتيش حد غيره وبعدين دا اتجوز وزمانوا عنده ولاد يعنى مكانش ينفع قبل حينفع بعد انتى اكيد ربنا حيرزقك بحد تانى افضل منه يحبك ويعمل المستحييل علشانك واوعى تكلمييه وحطى نفسك مكان مراته ولو ترضى واحده تكلم جوزك كاميه وربنا يوفقك
مساء الخير/هذا الشخص كان امامك قبل ان يتحمل اى مسئولية والان اصبح لديه زوجة واولاد وبيت فى اشد الاحتياج له اقول لكى اتركيه ودوسى على قلبك واكيد فى يوم من الايام هاتقبلى شخص مناسب لكى وهاتحبيه بردوه
بس بصراحة أختي الحب مافي قوي ولا ضعيف ولا غني ولا فقير بس حضرتك لمي تفضلتي وقلتي مو من مستواكي لبيئي نظريتك خاطاء وبنسبة لشب بنظري طالمي متزوج خلاص يبداء حياة جديدة مع جوزتو وبعدين مش كل اللي بنتمنا بنلقيا
انتى انسانه انانيه يعنى ايه بتحبيه ومش عايزةتتجوزيه علشان مش من مستواكى التعليمى والبيئى
خلاص الراجل اجوز سبيه يعيش حياتو وماتخربيش عليه بيته واللى خلاكى بعدتى عنه خمس سنين يبقا مكنشى حب كان تسليه بس تسليه انانية ودلوقتى راجعه تقولى بحبو هههههههههه عجبى عليكى ياحواء
لازم عليك تسيبيه فاقرب وقت ممكن ولازم عليك تفرقي بين الحلال والحرام وحيكون خير انشاء الله
حبيبتي سيبك منه وحاولي تنسيه نهائي انتي رافضتيه وهو فاضي هاتقبليه وهو متزوج ومسئول عن اسره واولاد بكره تلاقي الحب اللي بتدور عليه بس اعطي لنفسك فرصه وطالعيه من حياتك نهائي واقطعي كل صلته بيه وماتخربيش على زوجته مادام انتي تنازلت عنه من البدايه اتركيه لزوجته واولاده
سلام واعذرينى على ما ساقوله لكي انت تعرفين ان الحب مجرد كلمة لكن انت تقولين انك تحبينه وبرغم من هذا فانت لا تريدين الزواج به لما لا تتركيه بسلام كى يكون هو سعيدا ايصا مع زوجته . لآنك انت الأن سوف تكونين مجرد نزوة بالنسبة إليه وراء دالك , لأنك انت تقولين إنه ليس من المجتمع الراقى لهذا حاولي ان تبحث عن حب اخر بعيد عنه واتمنى ان تجدى كل ما تريدين من حب وإخلاص من شخص أخر.بالتوفيق
السلام عليكم بصي يا اختي بدل اجوز خلاص انسيه خالص وعيش حياتك اكيد هتلقي واحد تحبيه ويحبك وهورجع تاني ليه عوز يتسله مثلا بلاش منو خالص قليلو معلش خالينا بعيد احسن وكفيا الذكرة الحلوة اضحكي عليه وعل نفسك وابعدي وخافي عل سمعتك علشان خاطر ربنا
اولا لو اتجوزتيه هتخسريه كحبيب وبالايام هتخسريه كزوج لانو بمرور الايام هتحسى انك الزوجه الثانيه وتبتدى انانيتك تظهر على حقيقتها اكثر من دلوقتى * ثانيا انتى اتنازلتى عن كرامتك فى وقت انتى احتفظتى بيها لما تركتيه يتزوج من غيرك لانو اقل منك فى المستوى وكل شي وراجعه دلوقتى بتزلى انفاسك من جديد * ثالثا هو دلوقتى بيعرض عليكى الزواج مش لانو يحبك بل لانو هيستعيد كرامتو الى انتى بنفسك اهدرتيها فى الاول ودى اكثر حاجه يستعيد بيها الراجل كرامتو **خامسا والاهم انك تستعيدى صوابك وتتركيه مع اسرتو حتى لا تكونى الشيطانه الى بتخرب البيوت لانو هيجيلك اليوم الى هتلاقى زوجك بيتعرف على واحده لاجل قلبك يتحرق وقتها بتعرفى انو الحل الامثل تتركى هذا الشخص وتلتزمى بثقتك الغاليه الى كنتى بتتحلى بيها فى الاول لانو الحب غير الزواج الحب عاطفه وكلام اما الزواج ارتباط ومسئوليه وشكرا عزيزتى
طالما قدرتى تبعدى 5 سنين يباة تقدرى تكملى فالبعد صدقينى والى عملتيه فال5 سنين دول أعمليه فالايام الجاية ده انسان مش كويس عشان بيخون مراته وحتى لو اتجوزك هيخونك برده لانه ببساطة كدا داين تدان وانتى كمان حرام عليكى سيبيه لمراته وشوفى حياتك هو انتى ترضى أن جوزك يعمل فيكى كدا؟ انا مش هجاوب هسيبك انتى تجاوبى وعلى حسب اجابتك اتصرفى
مشكلتك سببها الفراغ والابتعاد عن الدين وعدم التنشاة الاجتماعية السليمة فالواضح ان هناك تفكك اسرى مما يجعل هناك اضطراب عاطفى فى حياتك
لو ترضي ان جوزك المستقبلي بيعرف واحدة وبيحبها كلميه وافضلي معاه وهو قالك ومان انك مش مناسبه ليه دلوقتى بعد ما اتجوز فااءة بقيتى مناسبه نصيحة ابعدى عنه تمام وال بعدك 5 سنين عنه تقدرى تبعدى تانى عنه لانة مش بيحبك لو بيحبك كان اختارك من الاول مش يتجوز ويسيبك
عايشي حياتك ده متجوز حاولي تنسي وتبعدي بعيد عنه
وان شاء الله هتلاقي انسان كويسه يحبك وتحبي
وربنا يوفقق
هذة علاقة غرريبة يجب أن لا تستمر الا من الابواب الشرعية
أنت هكذا قد تخربين زواجة
أما ترضى أن تكونى زوججة ثانية أو أبحثى عن سلواك فى أمر أخر
على فكرة انتى انانيه وطماعه وكده اكبر غلط يعنى ربنا بيسترها معاك وانتى اللى مصممه تفضحى نفسك طيب حاولى تبعدى عنه وتنسيه وابدئى حياة جديده مع حب جديد مناسب ليك وانتى هتكونى اخر سعاده وسيبيه عشان متخربيش عليه بيته وكل ده من الشيطان ولو قراتى حلى حالا ياريت تردى عليه برد يكون جميل منك بالاقتناع والا عايزانى اجاملك واضحك عليك وقولك خليك معاه وخلاص وكده كفايه عليك