امي رافضة حبيبي وعايزة تجوزني غصب

حبيبي كان مقصر معايا شويه اخر سنه كان معايا فيها بس غصب عنه كان عنده شويه مشاكل
من ضمنهم ان امي مش موافقه عليه اتقدملى وماما رفضت ساعتها كانت بتجهز اخواتي البنات وكانت مضغوطه جدا وبابا متوفي وهي شايله حمل البيت كله بس انا مع ذلك فضلت اضغط عليها عشان توافق بحبيبي مكانتش راضيه برضو بعدها اتقدملي اخو جوز اختي بس انا مرضتش قولتلها لا مش عايزاه انا عايزه حبيبي فضلت تطلع فيه القطط الفاطسه عشان تقنعني انه مينفعنيش بس انا فضلت مصره على موقفي قولتلها مش انتو اللي هتعيشو معاه انا اللي هعيش معاه كل اللى بحلم بيه لقيته فيه مستحيل افرط فيه بالسهوله دي كانت بتضربني وبتعاملني معامله وحشه عشان عايزاه المهم بعدها موضوع العريس ده خلاص اترفض بس انا فضلت اكلم خلاتي واخوالى واعمامي وعماتي وكلهم عشان يخلوها توافق باللى انا بحبه مكانتش راضيه برضو وكانت هتتبرا مني وراحت لعمامي عشان ياخدوني بس المرسال اللي كان حبيبي باعته عشان يشوف راي امي ايه فى انه يخطبني المرسال ده كان خالي انا قولتله رد عليه وقوله يستنى بعد فرح البنات بس حبيبي كان بيكلمني وكنت بحكيله على كل حاجه وكان عارف ان ماما مش موافقه بس اهله عارفين انها موافقه بس يتاخرو شويه لبعد الفرح المهم كنت بحكيله على كل حاجه تحصل عشان يقويني ويقولي اعمل ايه او اتصرف ازاي بس بعدها دلوقتي انا خلاص امي لقت الدنيا بحالها موافقه على حبيبي انه يكون ليا فوافقت وقالتلي خليه يجي فكلمت حبيبي قالي .. امي مش راضيه عشان مامتك رفضتنا قولتله ماهو المرسال قالكم استنو لبعد الفرح ..الكلام ده كان بعد الفرح باسبوع .. قالي امي مش راضيه وقالتلي لو عايزها روحلها لوحدك مش هبقى معاك لا في خطوبه ولا ف جواز وانسى ان ليك ام اتخانقنا سوا وقتها قبلها كان كل مافتح معاه موضوع الجواز يتخانق ويقولي قفلي ع الموضوع ده ومش تفتحيه تاني انا زي عادتي بقوله ماشي حاضر قالي موضوع جوازنا ده منتهي مش هنبقى لبعض بس سبيها بظروفها قولتله ماشي بما اني مش قادره على فراقه بنحب بعض بقالنا سنتين بس النصيب فرقنا .. فضلنا ع الحال ده لحد النهارده اهل جوز اختي بيلمحو لماما عليا عايزني لاخو جوز اختي بس انا وعدت حبيبي وعد اني مش هتجوزه لو اخر واحد فى الدنيا مش عشان شخصه لكن عشان امي يعتبر رفضت حبيبي عشانه وانا حبيبي دلوقت مش راضي يجيلي تاني عشان الناس كلامهم زاد عليه وعلى اهله بسبب رفض امي ليه .. وعشان اختي وامي كانو رافضين جدا وكانو بيطلعو فيه القطط الفاطسه عشان اصرف نظر عنه غلطتي اني كنت بحكيله كل حاجه بتحصل بس كنت بحكيله عشان يقولي اتصرف ازاي لاني لوحدي مكنش في حد حوليا غيره هو اللي كان بيشجعني وبيصبرني بس ده طلع السبب فى انه ميجيش تاني بس انا قولت لخالتي تكلم مامته وكلمتها فعلا ومامته خلاص وافقت جيت قولتله لقيته برضو مش راضي قولتله ممكن تقولي السبب الحقيقي اللي مش مخليك تجيلي تاني ?..قالي انا مش عايز اهلك اللي رفضوني وطلعو فيا القطط الفاطسه ! مكنتش عارفه اعمل ايه اتصدمت من كلامه بس تعبت معاه من كتر منا بحاول اقنعه يكلم ماما بس مهوش راضي يكلمها فسبنا بعض لمدة اسبوع جيت انا بعتله رساله وقولتله هضيع منك بجد هتجوز واحد تاني قعد يقولي مين هو قولتله مش لازم تعرف . بس كان موافق يعني كان قبلها قايلي لو اتقدملك عريس كويس متفكريش فيا ووافقى وانا لو لاقيت عروسه حلوه زيك هوافق بس مش هرتاح مع غيرك انا طبعا مانعت كتير بس هو كان بيروح لعرايس وانا قلبي كان قايد نار المهم قعد يسالني ع العريس مكنتش راضيه اقوله فقالي هو اخو جوز اختك قولتله ايوه قالي انتي مش وعدتيني انك مش هتتجوزيه لو اخر واحد فى الدنيا قولتله هما لسه متكلموش دول بيلمحو بس وخايفه يحصل زي اللي حصل قبل كدا وماما تضربني وتغصب عليا بس المره دي مش هيبقى عندي سبب فهيجوزوني غصب عني قولتلك المره دي عشان نشوف حل ***انا دلوقت مش عارفه اتصرف انا تعبت واعصابي تعبت والمشكله انه بيحبني جدا بس جارح نفسه وجارحني معاه انا مش عارفه اعمل ايه ياريت تلاقولي حل عشان حياتي متوقفه على اللحظه دي ** وشكرا

مشاكل وحلول ذات صلة

• استناه يتخرج و لا ابعد عنه
• ساعدوني كيف اقنع امي بخطوبتي
• خيبة بعد الزواج واشمئزاز من زوجي
• عاوزة ربنا يباركلنا و نتجوز كده اكون غلطانة
• بحب بنت عمي المتجوزة وهى ممكن تطلق علشان اتجوزها
• بنت خالة خطيبي دمرت حياتي
• عنف اسري وتعذيب