لو سمحتو حد يساعدنى ف المشكلة دى انا حالتى النفسية تعبانة اوى بسبب الموضوع دة مش عايزة اطول عليكو بس الموضوع محتاج شوية تفصيل عشان يتفهم
انا مخطوبة لابن خالتى وبنحب بعض جدا وزى اسمن ع العسل المشكلة ان انا قبل الخطوبة غلطت غلطة عمرى وعملت زى م كل البنات بتعمل وكلمت شاب بس مكالمات خفيفة المشلكلة انة مش شاب عادى دة اقرب صاحب لخطيبى وخطيبى لغاية دلوقتى ميعرفش حاجة عن الموضوع دة انا مخبية علية بس مش قادرة اخبى اكتر ضميرى بيأنبنى اوى ونفسيتى تعبانة جدا وحاسة انى بخدعة وبضحك علية مع ان الكلام دة كان قبل م نتخطب بكتير بس هو من حقة يعرف كل حاجة عنى وهو يختار اذا كان يكمل ولا لا بس انا خايفة اوى ل يسيبنى هتعب اوى لان انا بحبة جدا. وخايفة علية بردو لما يعرف هيتصدم فيا وممكن ميسامحنيش ومنرجعش نحب بعض زى دلوقتى حتى لو اختار اننا نكمل بس احنا قربنا نكتب كتابنا وانا عايزة اقولة قبل كتب الكتاب واحنا لسة ع البر وكمان خايفة من حتتة لو سبنا بعض اهلى و
واهلو اكيد هيعرفو السبب وهبقى كبرت الموضوع وابويا ممكن يروح فيها خاصة ان انا من صعيد مصر وعيلتى عندهم دى جريمة كبيرة اوى
وخايفة اكتر من انة يسبنى مش هعرف اكمل حياتى لانى بحبة اوى مش عارفة اعمل اية تعبت من كتر التفكير وغالبا مبنامش الليل
ارجوكم ساعدونى واسفة ع الاطالة
مشاكل الحب والزواج
اخاف فقدان خطيبي ولكن يجب ان يعرف الحقيقة
اضيف بتاريخ: Monday, June 13th, 2016 في 20:16
كلمات مشاكل وحلول: الحب, الخطوبة, بنت, شاب
السلام عليكم ورحمة الله الاول مبروك على الخطوبة وربنا ويتمملك على خير نصيحتى ليكى متقوليلوش حاجة وخصوصا ان الموضوع كان مجرد كلام متطورش لخروح او اى شي اكبر من كده اما السبب لانك متقوليلوش لان الراجل الشرقى شكاك بطبعه هيشك فيكى ان الموضوع مكنش بس كلام وحتى لو مشكش وكمل فالموضوع فصورتك هتتهز فعينه وهيضيق عليكى الخناق بعد للجواز وممكن يعايرك بالموضوع ده
اختي العزيزة دام انك اتخطبتي من ابن خالتك وعلاقتكم زي السمن على العسل كماتقولي فليس من المفروض انك تصارحيه بماضيك وعلاقتك مع الشاب اللي كنت تتكلم معه في الماضي لانو شي انتهي وراح لحال سبيله وربنا امر بالستر على عباده فلاتجي وتفضح سترالله عليك وماحدش عارف ايه ممكن يحصل قد يفسخ خطيبك تلك الخطوبة ويقدح في شرفك واخلاقك وفي تربية الاهل لك وتضعي اهلك في موقف صعب امام الناس اعقلي وبطلي تفكير في مثل هالامور التي قد تجلب لك ولااهلك العاروالفضائح واحمدي الله انها كانت نزوة شيطان وراحت لحالها وانت الان مخطوبة لشخص قريب لك ويحبك وانت تحبيه واختارك عن قناعة ورضا والله يتمم لكمابالخير ويسعدكما وعقبال الفرحة الكبيرة نشاء الله