احنا مرتبطين بقالنا خمس سنين باختصار شديد هو محترم وبيعشقني وبيحترمني وبيغير عليا وعنيد وعنده عزة نفس وكبرياء رهيب بتحصل بينا مشاكل عادية وبنحلها وشغله حساس وكله ضغوط نفسيه وكان دايما يقولي مش بيحب المشاكل وبلاش تصرفات الاطفال ولا العند عشان مش يتعصب وانا وعدته الف مرة ابطل تصرفاتي الطفوليه وابطل احكي لاصحابي كل حاجه لأنهم بيوقعوا بينا بس كنت برجع اعمل كل حاجه تاني واوعده تاني وكان بيخاصمني كتير وارجع اعيط واقوله خلاص وبردو اغلط تاني لحد اخر خناقة دي عصبته ف حاجه تعتبر بسيطة وهو اتعصب وهددني نبعد فانا اخدت الموضوع عناد رهيب وعصبية وحلفت عليه وهو كان دايما يحذرني لما احلف عليه وكمان غلطت فيه وقلتله انت مش راجل واناني وبتاع مصلحتك وهو والله مش كدا خالص وكمان قلتله انت شر وهبعد عنك وانا اصلا مقدرش استغن عنه مهما حصل وهو اتصدم من كلامي وقفل ومن يومها مكلمنيش وحاولت اصالحه كتير وافكره بالعشرة وهو مش بيرد اصلا ولا كمان ع رسايلي انا عارفه اني غلطانة جدا وندمت وحسيت بغلطتي والمرة دي فعلا كبرت ومش هعمل كدا تاني لأني عرفت قيمته اوي بس انا عاوزاكم تساعدوني بطريقة فعالة وسريعة اوصله فيها كل دا ما عدا الكلام لأني قلتله كدا كتير ومش هيصدق بس هو بيحبني بجد انا تعبت من التفكير وعاوزاكم تقولولي حل بجد
خليجي ورأه اوكي تياسي وكلمي كتير وحاولي توصليلو بأي طريقة بس ماتعمليش كده تاني وازبتيلو انك مش هتعملي كدة تاني
اختي الكريمة هذه العلاقة غير شرعية فلعل الخير لك ان يبتعد عنك و اذا اردتي الحب فليكن بالزواج فهو خير و اصلاح بالأرض اما علاقات غير شرعيه فهذا فساد حتى لو حب بسيط
بصراحة حد لقي حد يحبه ويسيبه اليومين دول امسكي فيه بايدك وسنانك وبعدين لما تحبي تتدلعي علي الراجل بتاعك اعملي لنفسك حدود عشان الموضوع ميطورش كده اوي نصيحة سبيه لحد ميهداء شوية وبعد كده اعتزريله بحنية