انا مشكلتي تتخلص في واحد حبيته اتعرفت عليه عن طريق شخص كان بيساعدني الاقي شغل بعديها تطورت العلاقة وحبيته وتركت شخص عرفته من 5 سنين وكان يحبني بجنون لكن عن طريق النت .هدا الشخص خلاني تركت صحبتي وتركت بيت عيلتي واعيش معاه على اساس انه عايز يتجوزني لاني انا في غربة وعيلتي دول كانو مقرفني عيشتي فاضطريت اسمع كلامو واخرج وسكنت معاه سنة وشوية بعديها الراجل الي كان يجري ورايا عشان ارضى اتغير وبقى يتصرف ببشاعة اتغير كليا معايا وبقيت انا مجبورة اساعده بمصاريف البيت واخد مني مستر كارت بتاعي وهو المتصرف بكل حاجة تعبت بجد ومش عارفة اروح فين وهو عارف اني مليش حد بالغربة دي بعد ماخانقت الناس عشانه دلوقتي انا مليش شغل وقاعدة في البيت وهو عارفة اتصرف اطلع من عنده ولا افضل اتبهدل واغضب ربنا يارب ساعدني وخليك جنبي انا محتاجالك داكلامي يا اخواني لي بقولوا دايما سامحني واغفرلي كنت حابة اتستر واتجوز لكن هو دت نصيبي ساعدوني بالله عليكم ولو برد بسيط محتاجة مساعدتكم شكرا
مشاكل الحب الفاشل
تركت اهلي وحبيبي وعشت معاه ولكن
اضيف بتاريخ: Sunday, May 22nd, 2011 في 20:13
كلمات مشاكل وحلول: مشاكل الحب, مشاكل الحب الفاشل
اولا انا حسيت من كلامك انك مش متدينة لانك لو كنتي كده ما كنتي رضيتي بالوضع هاد من الاساس بس هالوضع صار امر واقع
تانيا ما اظن انها لا زالت عذراء يعني لو انها لا زالت عذراء معناه انو راجل عندو مشكله يعني معقول سيكون وحده معها لمدة سنة دون ان يلمسها (كلام منطقي) ثم انها لو ما تزال عذراء فلن يسئ معاملتها لانو سيكون عايز منها شي واكبر دليل انو يسئ معاملتها (لانو بحكم العقل اخد غرضه منها) واصبح لا يحتاج اليها بشي وبهذا لا قيمة لها عنده
المهم اهم شي انها تترك البيت وما تفكر بسطحية في كلام الحب لان هذا حب غير طاهر ثم انها تتوقع منه الالتزام( باي شرع) لماذا يلزم نفسه بامرأة ليست زوجته ما فيه قانون راح يلزمه باي شئ تجاهها
كوني عاقلة يا اختي اتركي البيت وتوجهي كما اشار عليك توجهي للمسجد وكوني مع الله فلن ينقذك غيره وحاولي العثور على عمل وحاولي تجديد علاقتك باسرتك ولا احبذ فكرة الزواج منه لانه انسان سئ ولا تامني عواقب الفكرة يعني ممكن يغلبك لتطلبي الطلاق ..وما بقدر اقلك الا الله معك
حاولي تشتغلي وتشوفي سكن ان شاالله اوضه وعيشي بالحلال افضل من الحرام ربنا لا يبارك في الحرام ابدا وحاولي تخليه يتجوزك ويطلقك ولا تعيشي معاه لانه هيفضل طول العمر يذلك حتي لو تزوجك وتعيشي طول حياتك ندمانه هتتعبي في الاول لكن واثقه انك هتنسيه وهو كمان اعتقد انه زهق متزعليش خاصة ومفيش مبينكوا شئ
بنتى اتركيه فورا
وارجعى لاهلك واتركى كل شئ خلفك هم اهلك
استغفرى
وربنا معاكى يا بنتى
واضح انك هوائية بشكل غير عادى فلا اعلم كم سنك ؟
بالأول علاقة لمدة خمس سنوات مع شاب عن طريق النت.
ثانياً وجود شاب أخر لمساعدتك فالبحث عن عمل
ثالثا علاقة بشاب ثالث و عن طريق الشاب الثانى
رابعاً: علاقة سيئة بالأهل مع انى اعتقد انهم فى وادى وأنت فى وادى أخر بتعملى ما يحلو لك دون رقابه.
خامسا: المستر كارد من أين تأتى بالمال طالما انت لا تعملى فهل هذا مصروفك من العائلة؟
إذا فلماذا كل هذه البهدلة ؟؟؟؟؟
هل تطلعا لأن تتزوجى؟ فهل سمعت عن زواج بهذه الطريقة فى بلاد شرقيةوفى بلاد أمة سيدنا محمد
إذا كانت نيتك ترك ما أنت فيه فلا تترددى أفتحى الباب و أخرجى
1- أوقفى المستر كارد
2-عودى لآهلك مهما حدث منهم ومهما قيل فالأول و الأخر أنت منهم ولن تجدى خيرا منهم.
وأعتقد
اللى يخاليكى تسيبى بيتك واهلك اكيد مش بيحبك واقل كلمه بيقولها عليكى من جواه الى خالها تسيب بيت اهلها وتعيش مع راجل غريب عمره ما هايامنك على بيته عشان متسبيش بيتك وعيالك وتعيشى مع حد تانى والى مالهوش خير فى اهله مالهوش خير فى حد وربنا يوقفك؟؟؟؟؟؟؟؟؟؟
بصى يا اختى اذهبى لاى جامع فى منطقتك اى جامع وقابلى شيخ الجامع وقوليله مشكلتك واطلبى منه مساعده علشان تاجرى بيت والشيخ اكيد عارف ناس فاعله خير كثير وهيطلب منهم يساعدوكى فى السر لغايه ما تقفى على رجليكى وربنا يسهل امورك على فكرة ده مش عيب خالص ربنا بيرزق البعض من البعض وانتى فى ازمه ان شاء الله ربنا هيسهل امورك بس الاول اخرجى من بيت الشيطان
بسم الله الرحمن الرحيم ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه ان الله بالغ امره قد جعل الله لكل شىء قدرا )صدق الله العظيم يعنى دلوقتى معكيش اى مبلغ تاجرى بيه حتى غرفه تسكنى فيها والله العظيم لو سكنتى فى غرفه فوق السطوح احسن ليكى من اللى انتى فيه اخرجى علشا ربنا يفرجها عليكى ويجعلك مخرج متقوليش لما اشتغل لا اخرجى اجرى اى غرفه فى اى مكان وابحثى عن شغل اى شغل شريف اشرف من اللى انتى فيه وسيبك حبك الحب ده اللى هيدخلك جهنم وهيخسرك الدنيا والاخرة كفايه انك خسرتى كرمتك وحياتك ودنيتك ورضيتى انك تبقى رخيصه ذى اى بنت ليل متزعليش منى ايه الفرق بينك وبين بنات الليل ولا حاجه نفس اللى بيتعمل معاكى وبيتعمل معاهم انا حسيت من كلامك انك فيكى خير وبتخافى من ربنا وانك معدنك كويس علشان كده لازم تحافظى على الباقى منك متدمريش نفسك اكثر من كده كفايه اللى حصلك هو انتى اقل من اى واحده متزوجه ولها بيت خاص بها وزوج يخاف عليها ويسترها فى الحلال ويكون ليكى ولاد يتشرفوا بيكى ويملوا حياتك انتى من حقك انك تعيشى عيشه شريفه مع زوج يقدرك مش واحد بيعاملك ذى كلاب السكك
اخواني انا صاحبت المشكلة رجعت اكملكو ايه لي حاصلي اناحاولت اطلع لكن معرفتش اروح فين بيت عيلتي لي هي بنت خالتي عايشة مع زوجها واولادها لكن قررت اشتغل واجر بيت واسكن فيه لحالي انا مش متزوجاه وحاسة اني مقيدة ومليش راي ولا الي حيات من اصلو حتى احساسي بيه متل الاول راح لانه زعلني كثير وزعلو معايا خلانا ممكن تقولو قرفنا من بعض بسبب غيرتي القوية عشان بحبه خلتو معدش طايقني وشكي فيه ضايقتو زي ما بيقول اتمنى المساعدة بالله عليكم بجد مش عارفة اعمل ايه بحبو مش قادرة اسيبو بس الظاهر ضروري نترك بعضنا حاسة انه عايز يحقق طموحو لوحدو لاني انا صرت عبئ عليه وشكلو حن انه يعيش مع اصحابو عشان يقدر يشوف نفسو وانا الظاهر راحت عليا الله يعني يارب
ايه الا عملتى ده انتى مش بتفكرى معندكيش مخ مش عارف اقول ايه بس بجد انتى اصلا عايزه كده لانك
لو خايفه على نفسك كنتى على الاقل اتسترتى فى بيت كنتى طلبتى منه الزواج من الاول ده لو كان بتحبى
ولو هو كان بيحبك مكنش رضى تقعدى معاه الا بالزواج وهو راجل مش كويس وسورى وانتى كمان للاسف
المهم الا حصل حصل وانتى اكيد مش بنت دلوقتى المهم خلى يتجوزك الاول وبعدين اطلقى منه لو انتى مش
عزراء ولو عزراء اخرجى فورا وانا اشك فى انك تكونى عذراء ربنا يغفرلك والعيشه مع اهليك بالذل
احسن مع واحد حتى لو مرتاحه معاه بالحرام ربنا يوفقك
اللى يخليكى تسيبى صاحبتك وبيتك ويتصرف معاكى كده ده مش بيحبك وانتى غلطتك انك اديتيله كل حاجه لغايه ما حس انك ولا حاجه وبعد كده ازاى تسكنى مع راجل غريب .كان لازم تتصرفى بمنطقيه شويه
انتى يا اختى عايشه معاه على اساس ايه ده مش زوجك طبعا اكيد لازم يتغير معاكى ما انتى هانت عليكى نفسك ورخصتى نفسك وعشتى معاه من غير زواج عاوزاه يشتريكى بالغالى اذاى طبعا خلاص بقيتى رخيصه فى نظرة وسبك من كل ده انتى عارفه انك كده بتغضبى ربنا لا ارجعى لاهلك فورا قبل فوات الاوان ارجعى باى طريقه حتى لو شتوكى وهانوكى استحمليهم مش هيبقى اكثر من اللى انت فيه واكيد بعد فترة هيسامحوكى ارجوكى قومى اتوضى وصلى ركعتين وادعى ربنا واستغفريه وقوليله انك توبتى واتركى البيت فورا وارجعى لاهلك باى طريقه ولو عملتى كده اكيد ربنا هيساعدك لانك توبتى واستغفرتيه لكن معش انتى دلوقتى مستمريه فى المعصيه وبتتطلبى من ربنا انه يسامحك اخرجى فورا ارجوكى قبل فوات الاوان
عزيزتى السائله طيب انتى قاعده معاه فى البيت بأى صفه هل تزوجك ؟ هل انتى لا زلتى بنت ؟ أم لا كل هذه أسئله تحتاج الى توضيح حتى نستطيع أن نساعدكى على ايجاد حل مناسب . فرجائى توضيح أكثر . ربنا يوفقك وتخرجى ان شاء الله للنور .