انا بنت عندى 16 سنة من فتره طويله كنت معجبه بواحد معايا فى الدرس وكنت بحب الدرس بسببه وبعدين اكتشفت ان ليا صاحبه من صغرى بتحبه وبيتكلموا فى الفون بس هو مش بيحبها هو بيكلمها زى اخته بس المهم انا كنت داريت على كل اللى حوليا وقمت اعجبت بصاحبه اللى كان دايما معاه وانا مكنتش فاهمه انى اتعلقت بده لانه معاه على طول وبعدين من فتره حوالى 6 شهور دخلت النت لاقيته بيتكلم مع صحبتى اللى بتحبه دى قمت كلمته وعرفته بنفسى وهو فرح اوى وبقينا صحاب وبعد كده قعدنا حكينا لبعض احنا حبينا قبل كده ولا لاء واتفقنا نبقى صحاب بس للاسف فى اليوم اللى حكينا لبعض عن الاعجاب اللى كان قبله والحب هو قالى بحبك وانا قولتله حبك ده لازم يبقى فى شروط زى انك تخاف عليا ومش تجبرنى على حاجه ومش تطلب نمة موبايلى ولا نتقابل احنا اخرنا نت ولو شوفتك فى الدرس انت فى حالك وانا فى حالى وهو وافق الصراحه مشينا على الكلام ده اسبوع بعدها اخد نمرة موبايلى واتكلمنا كنت حاسه انى بعمل اكبر غلط فى حياتى من ناحية انى بخون اهلى وبخون صحبتى الحمد لله العلاقة متطورتش اكتر من كده ومش قابلته غير مره واحده فى الدرس يوم عيد الحب ومره تانيه كنا بنبدل كتبنا ووالله مش كانت مقابله بمعناها ده كنت يادوبك اديله الكتب وبس عالطول عشان هو فضل خايف عليا من كلام الناس المهم اتفقنا ان فى المستقبل نبقى لبعض وانا فرحت اوى وحكيت لماما وهو حكى لمامته مكناش بنتخانق خالص بس من شهرين بدأنا نتخانق ونشد مع بعض فى الفون بعدين اخر مره شدينا قعدنا مش بنكلم بعض حوالى اسبوعين لغاية اما كنت هاموت كلمت اخته وسالتها وقالتلى هارد عليكى ومردتش وبعدين اتصل عليه مش بيرد وفى الاخر قررت ابعد وخلاص وبعدين حصل مشكله ان واحد صاحبه جه عالنت وقالى انا عارف كل حاجه وانا حبيتك مع العلم انه ميعرفش شكلى اصلا وعرفت صحبتى الموضوع وزعلت اوى واضطريت اكلمه واساله مين اللى قال لصاحبه دهواتكلمنا واكتشتفت ان الموضوع بسبب مامته انها قالتله حرام ان بنات الناس مش لعبه فى ايديه وانه هايبعد عنى بس مش بايديه وانه نفسه يسمع صوتى ويطمن عليا انا حكيت لمامتى اللى حصل وقالتلى ان الموضوع انه بيهرب بس هو حلف بالله وبكتابه ان مش بيعرف بنات تانيه ومامتى خيرتنى وقالتلى انى لوكلمته تانى هى هاتتبرى منى وانا مش هابقى بنتها تانى وهو اتصل بيا وانا ضعفت ورديت بس مقولتلهاش فى ملحوظه عايزه اقولها انه كان بيكلم واحده كان بيحبها قبل كده ومازال بيكلمها بس هى نتيجة ان اخلاقها مش تمام فهو بعد عنها لانها عرفت ولاد وهى معاه ولما بيتكلموا كان بيحكيلى انه كلمها انا دلوقتى عايزه اعرف هو بيكدب عليا ولا لاء وياترى عمره حبنى ولا لاء وياترى انا ازاى اكفر عن انى كدبت على ماما وياترى كده ماما فعلا مبقتش ماما واتبرت منى وانا نفسى ربنا يسامحنى علشان انا كنت بعضيه وبكدب كتير عشان اسمع صوته ربنا يسامحنى ويسامحه لو كان بيكدب
مشاكل الحب الفاشل
باين عليه مطلعش حب ولا ايه
اضيف بتاريخ: Thursday, June 30th, 2011 في 12:46
كلمات مشاكل وحلول: النت, بنت, مشاكل الحب, مشاكل الحب الفاشل
شوفي يابنتي اغلب الشباب لهم علاقات مع بنات كتير ومافيش بنت محترمة زيك تفكر ترتبط بشاب من الشبان دول الااذاكانت زيهم بلااخلاق ولاتربية انصحك بالابتعادعنه ولوهوصادق وشاريك بالحلال يتفدم لاهلك غير كدايبقى مرفوض وعيب في حقك وحق اهلك والبنت ماتجري وراء الشاب هوالمفروض يجري وراك
اقولك ع حاجه يا حبيبتى انتى بجد فعلا بتحبيه اوى علشان كدا اعجبتى بصاحبه الى بيمشى معاه لانه بيمشى معاه مش اكتر من كدا انا عايزة اقولك ان مفيش حد يستاهل انك تخسرى اهلك علشانه لان اكيد ف يوم هتحتاجى اهلك لانهم اقرب ليكى منوا اسمعى كلام مامتك وتعالى ع نفسك شويا انا عارف ان الواحد مش يقدر يبعد عن حبيبوا بسهوله بس ده المفروض الى انتى تعمليه ياريت يكون افتك بحاجه
كلامك حلو جدا وجميل وعايز اقولك على حاجة اصدق المشاعر فعلا هى اللى بتتقال وتتحس فى السن دة سن المراهقة يعنى بس سبحان اللة لما بنكبر شوية احنا اول ناس بنضحك على اللى كنا بنعملة واى قصة حب هتعيشيها هتحسى انها لو انتهت انتى كمان هتنتهى معاة بس الكلام دة مش صح
الحب اللى بجد هو اللى فعلا بيكون بعدة خطوبة وجواز واساسا اساسا مبدا الحب اصلا حرام بس احنا بشر ونفوسنا بتكون ضعيفة وممكن ربنا يوفقنا لو حبنا دة صادق ولو مش كدة صدقينى بيحصل مشكلة وبتبعدو عن بعض مش عايز اطول عليكى مامتك بتحبك وانتى خدى بالك من نفسك ومش هتموتى لو بعدتى عن الشخص دة وانا شايف انة اصلا مش قد المسؤلية ومش قدر حبك دة وانتى كمان اصلا مش فاهمة يعنى اية حب الحب لية معانى كتير اوى الحب يعنى مشاعر واحساس وعطاء وتضحية الحب عمرة ماكان كلمة وربنا يوفقك اخوكى احمد
تعرف الى بيحب وحدة مينفش انى يكون لى وحد تانى كلمى يا بنتى يعنى يوم لم تخرجو مع بعص صحبتو حتاحى معك ولا ايةرجل لم يحب وحد تعرفها هى بس ومعرفش حد علية خلاص اسمع كلامى ممكن نتكلم تانى اقاقوا انا عايز اشوفك علشا ن افهم وكمان ماما عندها حق اكيد خيف عليى
بصى يا حبيبتى او يا بنوتى انتى صغيرة اوى وللاسف دلوقتى الشباب بيستغلوا طهر قلوب البنات ارجو من الله انة يهديكى واسمعى كلام ماما وبردو مش تحاولى تقربى منة تانى لان دة هيكون سبب لجرح قلبك الطاهر وهقولك حاجة الدنيا كلها لسة قامك ومش تبصوا انتى وراك على حاجة مش تستاهل ابدا وبكرة تقابلى الحب الحقيى وتفتكرى كل دة وتضحكى علية لانها هتكون ذكريات فياريت انتى تخليها مجرد نكتة تضحكى عليها مش دمعة تجرحى قلبك بيها
أود ان اقول لكى يا عزيزتى ان تسمعى كلام والدتك وتنسى هذا الولد لانه من الواضح انه بيلعب بمشاعرك وعواطفك وانتى سنك صغير والمستقبل امامك كبير وهذه المرحله ما تسمى بمرحله المراهقه
أختي الرجل هذا ذكي جداً لكي يعلق قلبك المسكين…..أتركيه فوراً فهو لايحبك إطلاقاً وإنما يلعب بمشاعركي النبيله….أمك عندها حق…..
متزعليشمنىدة كلو لعب عيال هو فى حد عندو 16 سنة يبقى حب دة كلو سن مراهقة
متفريش فى كلام ممتك علشان من ورا قلبها بجد هى بتقول كدا علشان بتحبك
أه نسيت حتالو أتقدملك متقبليش أرفضى علشان هتتعبى معاه خلى قلبك يختار بس بحظر وتتأكى أنه بيحبك بجد مش كلمة تجيبك وكلمه تقتلك لا لزم يكون حب حقيقى ومفكريش فى الاحزان لانك لو فكرتى فيها مش هتخرجى منها أبدان غير بصدمة مش هتتحمليها أبدان (حبى نفسك)(علشان تتحبى ) (الحب الحقيقى)
هو لوبيحبك كان مش كلمك بس لا دا كان جالك قدام بيتكم وقلك بحبك
بس فى حاجه تانية هى زى مثل (أشترى الى يشتريكى ) و(بيعى الى مش شريكى) أما بنسبة لممتك هى قالت الكلام دهمن ورا قلبها يعنى مفيش حاجه عملتيها غلط وربنا يوفقك وتلقى (مــــلحوظـــة) (الــــحـــب لـــيـــس ببـــعيـــد بل هــــوا أمـــامـــك ولـــكـــنـــك لـــم تشاهديه.
اولا انا هقول لماما متزعليش 😀 😀 ههههه
انتى لسه العمر امامك لا تنظرى خلفك والطريقة الوحيدة ترضى والدتك وربنا انك تنسى
ولو هو بيحبك هيتقدملك والى يخاف على حد ميعرضوش لاى خطر
اولاً صرحى ممتك وقولى لها الحقيقه وهى أكيد بتحبك وهتقدر ده الحاجه التانيه الى انتى لازم تعرفيها ان الخيانه جواكى كتير خنتى امك وصحبتك والخيانه ممكن تخلى أى حد ميثقش فيكى ( لازم تصرحى ممتك) الشباب بيبقى ليهم علاقات كتيره فى السن ده وخصوصاً لو لقو اجابه من البنات انتى لازم تحفظى على نفسك اكتر من كده ولو فعلاً بتحبيه خليه يبقى راجل وقد الحب ده وألا صدقينى يبقى الحب الى بينكم مجرد حاجه انتى فزتى بيها من صحبتك وهو فاز بيها من صحبه ياعنى زى جايزة الجرى او الكرة حبى الحب مش حرام بس الحرام انك تجرحى قلبك فى السن ده اخوكى منير