اولا انا من متابعى موقع مشاكل وحلول باستمرار واوقات بشارك برايى كتير بحكم تخصصى له علاقة بحل المشاكل وللاسف رغم تخصصى دة كان عندى مشكلة ومش عارفة احلها .ياريت تفدونى لانى تقريبا مدمرة ومافيش اى حد معايا لا صحاب ولا قرايب واهلى مش باحكى لهم كل حاجة فيدونى هل تفكيرى صح ولا غلط لانى تقريبا تفكيرى مشوش …انا بنت فى بداية العشرينات ارتبطت بشاب 5 سنين هو كان اكبر منى بفرق بسيط جدا الشخص دة كان كل حاجة فى حياتى هو بطبعه عصبى وشكاك كان بينا مشاكل زى اى اتنين لحد من سنتين ونص عرفت انو بيخونى مع بنت اصغر منى وبيحبها وكان متفق معاها على الجواز ونفس الا كان بيقولهولى وقتها كان بيقولو لها اتصدمت لانى كنت قايدة لة صوابعى العشر شمع كل حاجة يقولى عليها اقوله حاضر عشان كنت بحبه وبعد الموضوع دة بعدت عنه ومكنش راضى يسيبنى وكنت اول مرة اشوفه يبكى بصراحة قلبى وقتها مكنش قادر يسامحه وبعدت عنه وبعدها بكام شهر حصل نصيب اننا نرجع تانى لانى قولت ممكن يكون اتغيرواديه فرصه لانى لسة بحبه وفعلا ف الاول حسسنى انو اتغير لكن الا اكتشفته انو لسة ع علاقة بيها بيسالو على بعض من وقت لتانى كمان ساعات بينزل حاجات على مواقع التواصل تبين انو لسة بيحبها اوى وكمان كذا مرة بقى يحكى عنها قدامى ع حاجات كانت بتحصل بينهم ومشاكل كان بيقولى د مجرد فضفضة بس مكنش بيحس بحرقة قلبى وقتها وبسبب خيانته ليا دى كنت بشك فى باستمرار وفعلا شكى طلع فى محله وحصلت مشكلة من فترة قريبة اوووووى لانى برده لاقيت حاجات منزلها بتعود عليها هى وقتها عرفتو اننا مش هنفع لبعض وسبته بس للاسف انا اخد القرار دة متاخر اووى المشكله بقى انى خايفة اوووى تكون الرجالة كلها كدة وخايفة اكتر من الوحدة وخايفة مش انساه وخايفة ماعرفش احب حد زى ماكنت بحبه .انا عارفة انهم مارجعوش لبعض بس لسة على اتصال وبيعرفو اخبار بعض ودى حاجة فعلا عمرى ما استحملها والمشكلة ان فى تجاوب منه اتجاها انا تعبت فعلا حسيت انى اتعقدت وقلت ثقتى بنفسى انا كنت بقف جنبه فى اى مشكلة ماديا ومعنويا المفروض كنا هنتخطب الفترة دى ومتفق مع اهله على كدة بس للاسف ربنا دايما بيظهرلى اى حاجة غلط بيعملها من ورايا انا عارفة انهم هيرجعو مدام سبته الفكرة دى تعبانى اوى حاسة انها انتصرت عليا بكدة قدرت تاخده منى بس هو فى الاول والاخر اكيد مش صغير وعارف هو بيعمل اى وكمان نسيت اوضحلكم انو مش بيصلى وطريقته فى المعاملة باهله او لو فى مشكله بتكون طريقة مش كويسة ابدا اانا خايفة اوى قولولى ازاى انساه واعيش حياتى انا بيتقدملى ناس محترمة جدااااا ومستويات عالية بس خايفة اوى لواتخطبت مش احب خطيبى حاسة انى فى غيبوبة فيدونى بالله عليكم
اهلا بك اختي
اولا انا استغرب كثيرا انك اوردت عبارة “انو مش بيصلى ” في اخر الرسالة مع انها من اهم المعطيات التي ان ثبت لك عدم التزام هذا الشخص بها فانه لا خير فيه وايضا عن تعامله مع اهله وهذا من صلة الرحم شديدة الوجوب ومن يعامل اهله بطريقة سيئة ماذا تنتظرين منه وكما انه يخونك الان فسيخونك مستقبلا وعبارة “خايفة اوى لواتخطبت مش احب خطيبى” هذه خاطئة تماما فانك اصلا يجب ان تحبي الخاطب بمقدار التزامه وحبه لله تعالى واما هذا الشخص فليس جدير بالحب ولا يجوز الابتسام في وجه تارك الصلاة فكيف بحبه
اما اذا تقدم لك شخص مصلي فهذا هو نصيبك صاحب الدين والاخلاق انت تستحقين هذا ولا يستحقك تارك الصلاة يا اختي فاتق الله وتوكلي عليه ولا حول ولا قوة الا بالله.
اختي العزيزة الحب مثل مايقولوااعمى وانت للاسف انخدعت في الشخص التافه والحقير ده واعطيته اكثرممايستحق من الحب والمشاعروالعواطف الخ —- وكلده غلط مليون مرة البنت المحترمةوالمتربية ماتعملش الغلط وتستمر فيه عليك اولا- تقطع كل العلاقة بهذالسافل المخادع نهاية وللابد وتنسيه خالص ولاتفكري فيه اطلاقا لوباقي عندك شئ من الكرامةوعزةالنفس وثانيا -تاكدي انه عمره ماحبك ولاقادريصونك اويسعدك نهايئا شخص بتاع بنات وخاين ولاامان له وكمان فاسدفي دينه وخلقه لايصلي ولايعرف للاهل حق اواحترام وتقدير ثالثا-الرجالة مش كلهم سوا مثل ماتتصورين نشاءالله هتلاقي ابن الحلال الصالح اللي يستاهلك بجد وقادريسعدك في الحياة ومسالة انك خايفة من الوحدة لاتقلقي ابدا انت شابةفي عزشبابك اخرجي مع صحابتك وزملايك وعيشي حياتك مثل كل البنات بمايرضي الله عزوجل وبالامكان شغل اوقاتك حتى في البيت باداءالصلوات والمحافظةعليها وحفظ القران والاحاديث الشريفة واعمال البيت من طبخ وتنظيف اوترتيب ومساعدة الماما في شؤؤن البيت اوانك تشتغلي في عمل مناسب لك ان كنتي خلصتي دراسة في الجامعة وان كان لا مكملتيش جامعة واصلي الدراسة ومستقبلك اهم من كل حاجة وصدقينى ان كلهذا في مصلحتك وفيه الخيروالصلاح لك في حياتك كلها ونشاءالله ربناعزوجل بيكرمك وتلاقي كل الخيروالسعادةفي حياتك وفقكي الله وسترعليكي