اولا انا عندي 16 سنه بس بجد انا تعبانه قوي في حياتي وبجد الحب دا نقطه ضعفي وبجد مش عارفه اعمل ايه انا كنت بحب ابن عمي قووووووي وساعات كان بيحسسني انوا كمان بيحبني وساعات بحس انوا عادي زي اخته ولما جه يتجوز بجد نفسيتي تعبت قوي صحيح كان اكبر مني بس بجد كنت بحبه قوي وبجد اتصدمت جامد وبعديه قعدت بقي علي النت والشات وكنت بس عايزه انسي وعرفت ناس كتيره قوي من الفيس بوك وياهو تاجد وساعات كنت بكلمهم علي الموبايل وكان فيه واحد كدا كنا بنتكلم علي اننا صحاب وبس ولقيته فأجاه قالي بجد انا بحبك قوي ومش عارف اعمل ايه وبصراحه مش داخله دماغي حكايه صحاب دي هو صحيح كنت حسا انو بيحبني ومش بيحب غيري بس مهما كان دا حب نت وتسليه لانه كمان مكنشي من بلدي فقلتله علفكرا انت عارف ان احنا عمرنا مهنشوف بعض فنسيب بعض احسن منتعلق ببعض اكتر من كدا فطبعا حسيت انوا زعل قوي مع اني والله بجد كان عشان مش اظلمه وبعد كدا في واحد كان عند صحبتي في الشارع وكدا وكان بقي عمال يعاكسني ويهزر ولما مكنتش بعبره كان بيزعل قوي مش عارفه حسيت انوا صعب عليا وانا زي مقلت انا نقطه ضعفي الحب فطبعا بقي كلمته وكلام حب وكدا وانوا هيجي يخطبني وكدا وشويه بشويه حسيت اني كنت بلعب او عشان كان صعبان عليا بس بجد كمان كنت خايفه منه بس سبته ورجعت تاني بقي للنت وقلي كنت عرفاه برضه قعد يقولي علفكرا انا لسا بحبك وهفضل احبك حتي لوانتي مش بتحبيني قولتله بجد مش هينفع بجد لما كنا اصحاب كنا حلويين قوي فطبعا قالي خلاص اوك نرجع صحاب زي الاول وبعد كدا واحد قريبي كنت بكلمه علي النت وكدا وبعدين شويه بشويه قالي بحبك مع اني كنت معجبه بيه من الاول وانا بجد دلوقتي بحبه قوي وربنا يخليه ليا بس بجد خايفه قوي انو يكون بيلعب بيا لاننا كلنا عارفين انوا بيلعب بالبنات ويكلمهم عشان يعرفهم بس انهم مش محترمين بس بجد انا حسا معاه اني سعيده بس خايفه قوي وتعبانه قوي قوي اعمل ايه ياجماعه واعرف ازاي انو بيحبني زي مانا بحبه
كل الذي تعمليه غلط وتصرفات غيراخلاقية ماتعملهاش البنت المتربيةالمحترمة صدقينى الحب الحقيقي يكون للزوج فقط وليس لحد غيره وكل اللي تكلمي معاهم كدابين ومخادعين احذري منهم واقطع اي علاقة بهم نهاية وللابد وماتجني على نفسك واهلك وتجلب لهم العاروالفضائح ربي يسترعليكي ويهديكي ويصلحك
اولا مش عيب انك تحب وا تتحب بس لازم يكون اولا الحب يكون صادق ولو هيوصل لى الجرح بلاش منه
مرسي ياجماعه علي الردود بس بجد انا كنت بسألكم علي اني عايزه اعرف انوا بيلعب بيا ولا لا واعرف ازاي بس ومرسي بجد ياحلي ناس واللله
يا بنتى كل دى مشاعر مراهقة انتى لسا صغنونة اوى سيبك من الحاجات دى دلوقتى وركزى فى دراستك
ونصيحتى ليكى بلاش تتكلمى مع الشبان كتير وتعملى علاقات كتير حاولى تحافظى على مشاعرك للانسان اللى هيملكها فيما بعد
بجد انتى لسا صغيرة اووووووووووى
ايه ده كله ان اتلخبطت
فعلا كل دى مشاعر مش حقيقيه لسه بدرى انتى لسه صغيره متستعجلبش
دى كلها احاسيس مراهقة مش حقيقية ومتستعجليش بكرة تقابلى الحب الحقيقى
اللى تحسى فيه بالامان وانصحك تاجلى الموضوع دة شوية لغاية ماعواطفك تستقر
وربنا يوفقك
صدقينى الحب الحقيقى بتحسيه بجد أن اللى بيحبك بجد بيكتم مشاعره جوا قلبه وبيبقى هاين عليه يحطك جوه عنيه وبتحسى أنك طايره من السعاده بجد لو جالك الحب ده أوعى تفرطى فيه