السلام عليكم..
اخوتى فى الله عندى مشكله قد تكون متشابهه لبعض ما قيل ولكن ارجو من حضراتكم ان تفيدونى …
تعرفت على فتاة عمرها 17 سنه… تحدثنا مثل اى اتنين اتعرفوا على بعض فى الشات .. هيه من النوع الصريح جدا جدا وطيبة لاقصى درجة..ورمانسية..انا اتكلمت معاها كتير وهيه ارتحتلى عشان كنت بكلمها دايما على مصلحتها .. وكتير كنت بنصحها .. وللاسف كل ده جه فوق دماغى وندمان انى عملت كده.. هتسالونى ليه ؟؟؟ هقلكم لانها اتعلقت بيه بدرجة جنونيه ….عارفين الحب الهستيرى .. هو ده المهم البنت دى بتحاول تكلمنى فى اليوم اكثر من مره فى اليوم الواحد.. البنت دى اول متعرفت عليها كانت منهاره جدا جدا .. واحده واحده كنت بحس انها بتتحسن وبتقولى انا مش عارفه من غيرك كنت عملت ايه وبتقولى مقدرش اعيش من غيرك وحجات كتير انا مش قادر استحملها … لو اى شاب سمع الكلام ده هيضعف.. المهم بعد فتره عرفت انها عنده االضغط .. وانها كل يوم بتروح للدكتور عشان تقيس الضغط.. وفى يوم كانت تعبانه وراحت للدكتور واكتشفت ان عندها السكر… اى حاجه بتحصل معاها كانت بتحكيلى عليها .. انا عايز اسيبها وابعد عنها لانها بتتعلق بيه كل يوم اكتر واكتر .. هيه حته فاتحه الميل دلوقتى وبتكلمنى وانا اوف لين عنها .. انا خايف اقولها انى مش هكلمها تانى .. يحصلها حاجه واكون انا السبب لو حصلها حاجه وفى نفس الوقت مينفعش اتجوزها لانى اكبر منها بحوالى 12 سنه .. صدقونى انا خايف عليها جدا .. ارجوكم عايز حل اقتنع بيه ارجوكم ساعدونى … حياة هذه الفتاة بين ايديكم .. لانها اول ما بتحس انى بكلمها باسلوب بتحس فيه انى ناوى اسبها بتفضل تعيط.. وكمان بتقلى ساعات بيغمى عليها .. وطبعا الضغط بيعلى عليها .. اعمل ايه ارجوكم اعمل ايه.. انا عمرى معشمتها وعمرى موعتها بحاجه .. وكل مقلهااحنا اخوات تسكت كتير ومتتكلمش اعرف علطول انها بتعيط . فانا اطر اغير الموضوع اتكلم فى حجات تانيه .. ولما بقلها لو متكلمتيش انا هقفل علطول تنسى نفسها ودموعها وتكلمنى كأنى مقلتش حاجه .. تخيلوا انسانه زى دى لو حد مكانى يعمل ايه بذمتكم مش ينهار من طيبة قلبها .. انا بجد تعبان وحاسس بالذنب انى كنت قريب منها فى يوم من الايام وكنت بنصحها … لدرجة انى لو ربنا كرمنى وخرجنى من المشكله دى انا مش هدخل شات تانى ولا حتى فى حياتى هفكر اكلم حد باسلوب كويس .. انا زعلان من نفسى اوى .. ارجوكم ساعدونى
بطريقة كلامك معاها اكيد حثت انك بتحبها من المفروض لو انت مش عايزها حاول تفهمها ان اللى بينكم صداقة مش حب لان مفيش حب بالطريقة دى وتنصحها انها تهتم بمستقبلها لان حياتها لسة قدمهاواكيدهتقابل الشخص المناسب ليها وقولهاانك هتفضل جنبهاوانها لازم تفكر من جديد وبجد فى الموضوع وان محدش بياخد اكتر من نصيبة وانك تحبها كصديقة ولن تسمح لقلبك ان يحتويها بعشق مزيف ولزلك انت صارحتها لانك بجد بتخاف عليها واللة ولي التوفيق
خليك معاها و ما تسبها ابدا ابدا و احمد الله و اشكرو و ادعو الله يعافيها ويشافيها في ناس صحتها مليحه و ما بتستاهل انو الواحد يعبرها اهتم بيها مو عشان تعبانه و خايف عليها لا لا عشان هي انسانه مليحه و قلبا طيب بس : و حطها مكان اختك او بنتك و شوف
ايه ياجماعة اللى انتو بتقولو ده عشان البنت تعبانة تشجعو انه يبعد عنها ايه ده هى الدنيا حصل فيها استر علينا يارب
طب ليه كدة انت تعرف ان انسانة زى دى هى الل تقدر تخاف عليك وتحميك وتحافظ عليك بس عايز اعرفك حاجة لو انت كنت حسسها فى الاول ولما عرفت انها تعبانة احساسك قل من نحيتها يبقى متزعلش منى انت كدة مش تمام انت المفروض تكون اكتر واحد جنبها ومتحسسهاش انها لوحدها واحمد ربنا ان عندها سكر وربنا يشفيها يارب لكن متوصلش انك عايز تتهرب منها عشان اكتشفت بس انها تعبانة لا يا ريس الرجولة مش كدة خالص وربنا يشفيها يااااااااااارب
السلام عليكم * شوف ياأخى اذا انت تحس بحب او انجذاب الى ناحيتها وانت تعلم انها تحبك بهاذا الشكل ياأخى لا تترك البنت والله العظيم صعب الان تجد بنت تحبك بصدق وتجد بنت الحلال* وهية صغيرة يعنى نقول تربيها على يدك ماشافت احد غيرك * وفرق السن 12 سنة ولا شئ والله هاذا افضل عمر يعنى عمرك مناسب لأن الرجل هو قائد السفينة ولازم يكون عنده خبرة بالحياة * اما مشكلة الظغط والسكر صدقنى يتعالج وهية لسا صغيرة تقدر تتخلص من هاذا الأمر بمساعدتك انت مثل النظام فى الأكل ولعب شوية رياضة تساعد على اختفاء هاذا السكر وسنها مناسب جدا للتخلص من هاذا الامر * وبالله التوفيق * الا هاذا اذا انت لا تريدها !!! اللهم استر علينا وعلى بناتنا وبنات كل المسلمين وبنات الناس الطيبين فى جميع العالم واللهم اشفيها واشفى مرضى جميع المسلمين والناس الطيبين بالعالم ** اللهم آمين آمين آمين يارب العالمين **تقبلوا تحياتى ** والسلام على من اتبع الهدى **
السلام عليكم
اولا : قبل اى شئ انا بشكر مشاعرك العاليه جدا انا حسيت بيك مش عيب انك حبيتها
ثانيا : انت عايز تخلص من المشكله انت ممكن تبعد عن البنت تدريجيا مصلا بدل ما بتتكلم كل يوم تلات مرات كلمها مرتين بعدين مره وهكذا بعدين انت من حقك انك تبعد عنها البنت مريضه بالسكر
الغلط منك انت من البداية كان المفروض تحط حدود للعلاقة دى مكنش لازم تتضعف من الاول حاول تحبها او حاول تكرها فيك او ابعد باسلوب شيك وحط فدماغك انك كما تدين تدان وهى تعبانة برضة فاستحملها
حبيبي انت اللي علقتها بك وكنت تعرف ان الامور يمكن ان تصل الي هذا الحد لكنك استمريت في هذا الموضوع – والان تقول انك لم نعشمها بشئ – كثرة الحوارات معها ماذا تريد ان تفهم منها هذه الفتاة المسكينة- -قل لها انك مسافر الي اي مكان ااعمل ولا تتصل بها ان اردت الابتعاد عنها حتي لا تجرح شعورها
المشكله ان سنك ف قمة التضج وهى لسه ف مرحلة المراهقه ده مسبب فجوه كبيره بينكو برضو انت ف مرحله عمريه وهى ف مرحله عمريه تانيه
دى نقطه مهمه جدا برضو
بس بصراحه انا مش عارفه اقول غير انها فعلا صعبانه عليا جدا ومش عارفه المشكله فيها انها فهمتك غلط ولا انت المشكله عندك لانك من غير ما تحس ادتها اهميه وطزء من حياتك وصلها شعور معين
السلام عليكم..
اولا احب ان اشكركم جميعا على تفهمك الامر واهتمامك بالرد على مشكلتى ومشاركتى فى حل المشكله والتفكير معى فيها ….. فهذه هيه عادة المسلمين والمصريين كما تعودنا… اولا اشكر العضو صوت الرعد على رسالتة التى احسست من خلالها انه او انها متفهمه… وانها استوعبت ما اقصده تمام … واشكركم جزيل الشكر .. وهذا لا يقلل من شان كل من قاموا بالرد على شكوتى …. وردهم يحترم … ولكن يا اخوتى الكرام انا كتبت فى شكوتى انى لم اعشمها بالزواج او لم اقل لا مطلاقا انى احبها واريد الارتباط بها.. فكل ما قمت به اننى اردت مساعدتها بعد ان وجدتها منهارة انتم لاتتخيلون شكلها اول مره كلمتنى فيها…. وانا قلت فى رسالتى اننى ندمان انى كنت طيب وحنين معاها .. ربما وجدت فيه الحنان والطيبه التى تبحث عنهم ووجدت بى الاهتمام بها ومشاركتها جميع مشكلاتها.. ارجو من حضرات الاخوه الذين يتهموننى بانى ظالم وان بنات الناس لعبه .. ان يتفهموا انى لم اعشمها ولكن الغلطه الوحيده اللى عملتها انى كنت اعاملها بحنيه وطيبه وكنت دائما بجوارها …لان فى هذه الحاله لو بنت حصلها كدا ووقعت فى ايد شخص لا يعرف الله ربما قد يستغلها اسوء استغلال .. ارجوكم اعزورونى انا كان نيتى خير.. انا لو مش نيتى خير مكنتش حاولت اعرف من حضراتكم حل لمشكلتى … واريد ان يفهم البعض شيئ مهم جدا انى لم اكن احبها وعشمتها بالزاوج وبعد ما اكتشفت انها مريضه فكرت ان اتركها .. ارجو تعرفوا هذا جيدا . انا لم افعل ذلك … وفى النهاية اشكركم على اهتمامك .. جزاكم الله كل الخير عاجلا وغير اجل
انا محتارة بجد ومش عارفة اقولك ايه بس انا رايى ادى نفسك فرصة تحبها وتتقرب منها وانت زى مابتقول هى انسانة كويسة وطيبة القلب وانت عمرك ماحتلاقى زيها خالص يبقى اللى زى دى نادرة فى الزمن ده اللى البنات فيه زى التعابين بص يمكن ربنا حطها فى طريقك مش بس علشان انت تطلعها من اللى هى فيه يمكن علشانك كمان لانك طيب ونيتك كانت خير والطيبون للطيبات فكر كويس وبطريقة ايجابية ولو قررت تسبها متجرحهاش وواخيرا صلى صلاة استخارة وربنا يهديك للطريق الصح هو اعلم بالغيب
مش عارف اقولك ايه بصراحه اقولك انت ظالم وحرام عليكى ولا اقولك انى انت انسان طيب وكانت نيتك خير ومكنتش تقصد تعشمها بحب وجواز بس المشكله دلوقتى موش فيك المشكله فى المسكينه دى وعلى العموم مرض السكر مش خطير اوى يعنى ده نص الشعب الممصرى بيعانى من السكر والضغط المشكله بس انى بنت فى السن ده ممكن الصدمه تأثر عليها بشكل سالبى وحتفضل انت طووووووول عمرك عايش وحاسس بالذنب بص يا صاحبى افتى قلبك وشوف يمكن يجعل ربنا نصيب بينك وبنها ولو مكنش فأبعد خااالص عنها وعن حيتها غير الرقم والميل وكل سكه ممكن توصلكم لبعض وربنا يستر
طالما أها متعلقة بك بهذا الشكل ، فحاول أن تستغل هذا التعلق وتوجهها بشكل إيجابي ، فهي أمامها طريق طويل عليها أن تسير به .. يمكنك أن تتكلم معها وتخبرها أنك تريد مصلحتها فوق أي اعتبار وان عليها ن تخفف من ساعات تواجدها على النت وأن عليها أن تلتفت لدراستها ، وأنك أنهيت الاجازة وعليك أن تلتفت لعملك وأن للحياة منطق ومتطلبات .. ولا تغب عنها بل تكلم معها من فترة لأخرى .. وبعد سنوات سوف ترى الأمور تتغير باتجاه آخر ..
أما مشكلة العمر ، فالفارق بينكما مناسب للزواج بل يكاد يكون مثالياً .. ولا يشكل هذا الفارق مشكلة ..
حاول أن تكون إيجابياً معها ، فهي بحاجة لوجودك وتوجيهك في هذه الفترة ..
ليه كده هى مشاعر الناس سهلة اوى كده لما انت الموضوع بالنسبة ليك عادى ما قولتيش للبنت ليه انكم زى الاخوات حرام عليك سابتها تتعلق بيك لحد ماهتوجع قلبها انا مش عارفة احنا فى دنيا ولا فى غابة زى ماعلقتها بيك فكر فى مكيدة واكذب عليها وهى هتصدق واقفل تليفونك وايميلك ومادرتيش عليها وهى هتفهم مع الايام انك مش بتحبها وبلاش العب بالناس عشان دى قلوب وماتزعليش من كلامى
بجد حرام عليك لية عملت فيها كدة مش مهم فرق السن لو بتحبها اخطبها والمرض دة بتاع ربنا افرض كان عندك انت وبعدين دة مش مرض خطير دة عادي ومبيئاثرش علي اي حاجة ارجوك متسبهاش صعب انك تلاقي حد يحبك كدة
بص هى بجد ربنا يشفيها من اى مرض ويشفى جميع المسلمين حاول تقولها على الحقيقه حتى لو كانت لها مصدمه بس هى لما تعرف انك بتعمل كدا لمصلحتها صدقنى هتبعد هى عنك وانتم كل الى مابينكم كلام يا على الشات او الايميل او الموبيل تقريبا عمرك ماهاتول الى الحد ده او ممكن بالبعيد اوى شفتها اتقبلتم صورتها اقولها وقولها كمان انك مش بايدك تعملها حاجه بس ارجوك لو قولتها من الافضل انك متكلمهاش تانى ولا على شات ولا ايميل ومن الافضل انك تغير اميلك وتروح شات تانى بعيد عنها وان حصلت مره انكم اتقبلتم فى شات او مثلا فى شارع حاول مش تبصلها او متكلمهاش وقولها انا مش بحبك او عندى حل تانى مش عارفه هينفع ولا لاء انك تغير اسلوبك حاسسها انك انسان مش كويس مثلا مش الى فى دماغها قولها مثلا انا بشرب سجاير مش محترم على اساس انها هى الى تكره متجيش منك انت وربنا يوقك