السلام عليكم ارجو الرد على موضوعى انا دخلت على الشات وكان اول مره وعرفت واحد عليه وحبيته جدا على النت وجه فى يوم قالى انه بيحبنى وهو اكبر منى بعشر سنين وبدانا نتكلم على الموبايل تقريبا 4 مرات وبدءت احبه اكتر واكتر بس بدء ميكلمنيش وبعد عنى شويه شويه وهو مشفنيش خالص ولا انا شفته ودلوقتى معدش بيكلمنى خالص وانا حاولت كتير انساه مش عارفه وانا لسه بحبه قوى ومش عارفه انساه اعمل ايه يا ريت حد يرد عليا
الحب على النت
الحب على النت و الشات
اضيف بتاريخ: Wednesday, November 10th, 2010 في 20:45
كلمات مشاكل وحلول: الحب, الحب على النت, تعارف, مشاكل الحب
السلام عليكم انا بنت واقعه بنفس مشكلتك بس الاختلاف الفتره انا عرفتو سنتين ونص وتعلقت فيه كتير وانا بقولك انو انت ملحقتيش تحبي بس انا بفولك انو كل دة كدب بكدبحتي لو صدقتي انت بس غيرك مش حيكون زيك وربنا معاك بس انتي متضررتيش نفسايا وياريت تكوني واعيه لكلام اخوانك الي كتبو قبلي انو كل حاجه بالنت كدب بكدب مش اكتر
سلام عليكم اسف على كلامى
بس اقصم بالة على تجربة منى انا الحب على النت تسلية فقط لا غير
اما ان يكون منى او منها لما وقعنا اننا كل يوم نمارس الجنس وبس
بس وربنا مشروع فاشل بكل المقاييس
وراجعى نفسك تلااقى انك غلطانة
ودا مش اسمو حب
دا تسلية منو هوة
بس انتى اختيها حقيقة
فكرى ويا رب يقدم اللى فية الخير سلام وحيد
انا عن نفسى بيعتبر ان الحب على النت اكبر وهم ياحبيتى لانه الانسان بيستطيع انه يخدع اليه امامه بسهوله
وانه يكدب كمان
عليه
يا ماما ازى ما شفكش وبتحبيه يمكن مش يعجبك فى حد يحب حد من غير ماشوفه دى بجد حاجه غريبه
ده مش حب انتى بس أتعلقتى بيه وبكره تنسى
انا مش هقدر اقول اكتر من الي قلو انسيه هو كان بيسله وخالص يخربت النت واليو الي فكرنا فيه ندخلو ده العار نفسه والله ربنا هو المنتقم الجباررررررررررررر
التعرف والكلام علي الشات اكبر حرام واكبر غلط
واي شاب علي الشات بيضحك علي اي بنت ويقولها اني بحبك وبيكون بغرض التسليه
وانتي انسي لانك مش لحقتي تتعلقي بي ولاشوفتي
وربنا يوفقك وتنسي ويرزقك بالاحسن منه
الكلام على الشات حرام حرام حرام كلام واحد اجنبى عنك فى الموبايل حرام حرام حرام بتعملوه كده ليه فى نفسكم والاخر بتشتكوا ما انتم لو اتقيتوا الله وسمعتوا كلام ربنا مكنشى حصل لكم كل البلاوى والمشاكل دى انتم اللى بتجيبوا ده لنفسكم تستاهلوا
انتى دخلتى الشات علشان تتسلى وهو كمان دخله علشان يسلى مش عشان يحب وهو هيحبك اذاى وهو ميعرفكيش ولا يعرف حاجه عنك لكن انتى شبطى فيه وعطيطيله نمرة مبايلك ووجدك صيده سهله اوى لانك متعلرفهوش ولا تعرفى شكله وعطيطيله نمرة موبايلك بكل سهوله وكلمتيه عادى خالص وهو فاكر انك عملتى كده مع مليون واحد قبله برده من الشات يعنى اشمعنى هو اللى حتحبيه علشان كده هو مش حاسس انك حبتيه بجد وبصراحه انتى فعلا محبتوش بجد انتى بتهيالك لانك نفسك تعيشى قصه حب وخلاص وبعدين كلامك مع رجل اجنبى عنك حرام وانتى تستاهلى اللى جرالك لانك مش امينه على نفسك ولا سمعتك
انتى بتضحكى على نفسك
هو شخص تحدث معك بهدف التسلية
والحمد لله انك لا شفتيه ولا شافك علشان لا يسبب لك مشاكل
حاسبي على نفسك من النت واللي فيه
ومتكنيش ضعيفة امام اي كلمة حلوة
واعلمي ان قلبك غالي لا تعطيه الا لمن يستحقه ويخبط على الباب ويطلبك من اهلك
لا لمن يتسلل كاللصوص عبر الانترنت
السلام عليكم ورحمه الله وبركاتة يا اختى
ممكن ان نحب لاكن من الصعب النسيان انا بعزر اختى الصغيرة على حبها لايوجد مثلة فى هذا الايام مع بعض تعليق بسيط هو عارف انك بتحبية بشدة مثل لهفتك فى الكلام ولا حاولى الخروج من المحنة بالقراة عن الخداع وان تتملكى مشاعرك اتجة اى حد حتى يسبت العكس مع عدم قتل مشاعرك نحو الحب وحاولى التفكير بعقل لتخطى هذة المحنة ورجاء ان الظروف رجعتة تانى عدم التفكير فية ولاتفكرى فى اى حب اتجاة لمدة عشرة ايام وانا متاكد ان المحنة هتعد قبل هذا الموعد انشاء الله وان يكون فى قوة فى حديثك مع اى احد بقوة عن الحب لان المعنى والتعبير عن الحب بالحنية يحنن القلب المخدوع من فراق الاحباب مع الاحتفاظ بحبك الغالى فلا يوجد مثل الحب يااختى وملحوظة هامة لاتقتلى حبك فى قلبك لان قتل الحب فى القلب يوثر سلبى على حياتك العملية والنظرية وتخطى هذة المحنة بكل قوة وعدم الاهمال مرة اخرى فى حبك وكبريائك واراكى على خير بعد تخطى هذة المحنة انشاء الله والله المستعان والسلام عليكم ورحمه الله
شوفى النت بيعتبر فى الاصل شي مجهول مع انو حقيقه معلومه للجميع الا انو بيعتمد غالبا على الاوهام يمكن لو شوفتيه هتعرفى انو اكبر منك ب40 سنه مش بعشر سنين ثم انتى مقلتيش انتى عندك كام سنه حتى نعرف عمرو كام لاكن بكل الاحوال النت وهم وخيال حتى لو حدث زواج عن طريق النت فده شي نادر جدا جدا جدا وتحقيقو صعب جدا جدا جدا فنصيحتى لو انتى ما زلتى طالبه اهتمى بدروسك و حافظى كويس جدا على الشخص الى استئمنك على وجودك على النت وهو والدك لانو بلحظه من اللحظات النت ممكن ياخدك لحاجت كتير اكثر مما تتخيلي وفى النهايه انتى حبيتى شخص لاهو شافك ولا انتى شوفتيه واكبر منك بعشر سنوات واكيد متزوج وبيكذب عليكى واكيد بيكلم غيرك على النت واكيد اتعرف على واحده عندها كاميرا لانو انتى معندكيش اعتبرى النت ده حلم وانتى صحيتى منو اما يظل الحلم متعلق بذهنك او ينتهى بحلم اكبر وهو حرصك على ثقتك بنفسك وكرامتك وصيانه اهلك الى ائتمنوكى على وجودك على جهاز الكومبيوتر وشكرا
بصراحه انا بستغرب جدآ من اللى بيحب عن طريق الشات والنت
وخصوصآ انتى بتقولى انك لا شفتيه ولا هو شافك يبقى حبتيه بنأءآ على ايه؟
وطبعآ اكيد ما تعرفوش بعض كويس لا انتوا قرايب ولا من بلد وحده ولا زمايل فى الجامعه مثلا ولا اى حاجه يا دوب معرفة نت
يا اختى ده مش حب انتوا كنتوا بتتسلوا وبتضيعوا وقت بدليل انكم داخلين الشات عشان كده انكم تتسلوا وتضيعوا وقت ودلوقت مع دى وبعد شويه مع وحده تانيه وهكذا ادى النت وعلاقات الشات
اما حب فلا مش الشات اللى بيجيب الحب
انصحك انسى ولا كان حصل حاجه ودورى على الحب فى الحقيقه بدل وهم الشات
انسيه حتى لو رجعلك سيبيه وابعدى عنه
وربنا يقدملك اللى فيه الخير
(سيد العاطفى)
مصر—بنى سويف