انا بنت عندي 18 سنه من فترة كبيرة كده كنت زهأانه اووي وعندي مشاكل لدرجه اني جالي تعب جامد وكان هيوصل لشلل واتكلمت مع واحد من على النت استحملني واتكلم معايا وخرجني من كل اللي انا فيه وحللي مشاكلي كلها واستريحت معاه اووي وبعد كام شهر كلام قاللي بحبك وانا كنت رافضه المواضيع دي اساسا والحب والكلام ده وكمان من على النت كان مستحيل بس كنت بستريحله اوي وانا رفضت في الاول بس بعد كده طلب رقم الموبايل وانا ادتهوله غصب عني لقيت نفسي بديهوله وهو بيكلمني وانا مش عارفه ارد عليه اقوله ايه انا بحبه بس مش عارفه ده صح ولا غلط ومش مطمنه لكلامه بس انا اتعلقت بيه اووي قولولي من فضلكم ده صح اني اكمل معاه ولا غلط
والله يا اختى مافيش حاجة اسمها حب انا بندما انى حبيت كلة بيضيع وقت وخلاص خسرة اهلى عشانو وبعت كلة حاجة عشانو وهو الى بعنى فى الاخر نصيح من اختك لية اى حد ياريت محدش يحب اوى عشان مينجرحش اوى ومش تثقى فى اى واحد فى الدنيا دى مهما كان ومهما اقالك اية فكرى ما عقلك قبل قلبك
انا كرهت حاجة اسمها حب
ياجماعه ياريت نفكر كويس قبل ما نعمل حاجه علي النت بتعود علينا بالضرر وياريت تسمعي كلام الاخوه والاخوات اللي ردوا قبلي
الاخت المعذبة أن من رايى تسمعى كلام الجماعة المجربين و تنسى هذا الشخص …. أو طالما أخذ رقم تليفونك كلميه و خليه يطلب ايدك بشكل رسمى و ان رفض او تلاعب فى الكلام اعرفى ان نيته يلعب بيكى و يتسلى و انسيه و احرقى شريحة التليفون و غيرى ايميلك ال بتعملى شات منه مع هذا السراب و ربنا يسهلك الامور و نسمع منك اخبار حلوة
الحل كله يلخص فى كلمتين ( الخطوبة والتعارف عن قرب ) وساعتها هيبان ان كان كداب ولا صادق ويبان كمان ان كنتم بتحبو بعض ولا لا بس مش كل قصص حب النت فاشلة على فكرة انا اعر فناس متجوزين دلوقتى من على النت بس احب اضيف معلومة ان القصة دية كلها حرام من الاول وياريت ترتبطوا شرعيا فى اسرع وقت ممكن لان ده الحل الوحيد والناس اللى بتقول انسيه يا جماعة هو القلوب دية شارع اللى يدخله يقدر يطلع من اخره
سبحانك اللهم وبحمدك اشهد ان لا اله الا انت استغفرك واتوب اليك
ارى ان الجميع يتحدثوا عن الحب على النت انا هوقلك حاجة بصراحة اى شاب بيدخل على النت بيدور على اى بنت والسلام عشان يوقعها فى شباكه وبعدين ده مش اسمه الحب يا جماعة انتو فاهمين الحب غلط الحب ده علاقة بين اتنين شافو بعض ممكن اى واحد منهم يقدم حياته علشان يرضى التانى يعنى انتى مثلا اطلبى منه انه ينساكى وامسحى الاميل بتاعك واقطعى اى اتصال به والله هو اسبوع واحد وهو هينسه وانتى كمان (الحب الحب الحب لله )
اختى فى الله هذه ظاهرة هذا العصر و لكن هذه العلاقات 99% منه لا تتم على خير بل تعود بالضرر على صاحبها فأنصحك فى الله ان تتركى هذا الأمر ولا تهتمى وتحاولى ان تخرجيه من تفكيرك وان أتصل بكى لا تجاوبيه واتركيه ومع مرور الوقت ستنسيه ولا تنسى انك كنتى مهمومة واتخذتى هذه الطريقة للتفريج عن همك وانتى لا تدركين نتيجتها وها قد ادركت مدى خطورتها لذا انصحك ان تتركى هذا هذا الامر
اخيك فى الله احمد
المشكله انه هو في محافظه وانا في محافظه تانيه خالص يعني مينفعش اشوفه طبعا ولا انزل معاه بس هو قاللي هيجي يكمل دراسته هنا وقاللي انه عايز يجي يتقدملي وكل شويه يفتحني في موضوع انه يتقدم وكده بس انا خايفه جدا حاسه اني بعمل حاجه غلط وفي نفس الوقت مش قادرة ابعد عنه بجد حاسه اني اعلقت بيه جداااا
طيب حتي لو استحملت وسيبته اسيبه ازاي اقوله ايييه ولما يكلمني ع التليفون اعمل اييه انا مش عارفه افكر بجد
أختى منذ ايام وضعت تساؤل يقرب كل القرب من سؤالك وجائنى رد من شخص مقنع يتكلم بمنطقيه
فالحب الحقيقى لابد من توافر اركان وشروط رئيسية فيه ..اما حب النت ما هو الا وهم وضياع حب بلا قصة فنحن كنا نسمع عن قصص الحب التى نعيش عليها حاليا مثها سيد الخلق محمد عليه السلام وخديجة وقيص وليلى ..وعنتر وعبله ..وغيرها كثير كان حب يبنا على القاء انما اين القاء فى حب النت لقاء بعد التعارف هذا صعب جدا اختى وان كان يحدث بالفعل بنسب ضئيلة فأنه غير مستمر .
هو يعرفك عشان يعيش قصه حب
هو زي ماالكل بيقولك بيشتغلك لو مكنتيش انتي تعرفيه واودامك وتشوفي تصرفاتك وعارفه اهله وهو مين وابن مين وتعرفي شخصيته من قريب وتدرسيه يبقي كلها حوار فاكس
انصحك ابعدي بجد لانك هتتجرحي منه وانتي حره
هو مش بيكلمك على الموبايل خدى الرقم واستعلمى عنة وهاتى عنوانة وطلبى منة انة يتقدملك رسمى ويطلبك للزواج وان تهرب منك وقطع اتصلة بيكى اعرفى انه بيتسلة بس هو يشكر لانه ساعدك فانك تتخلصى من مشكلتك السابقة وممكن تكونو اصحاب فقط بدون حب
أختي الافاضلة اولا السلام عليكم ؟؟ الحب من النت شيء غريب ولا يصلح للزواج بل يدل على التسلية وإضاعة الوقت دون الكلل والممل
ثانيا حضرتك قلتي انك كنتِ زهأاانة اوي وكان عندك مشاكل بس قلتي كمان انه حلها ازاي يعني انتي لاحظتي ازاي وهو فعلا حلها كل ما اطلبه من الانسة ان تعيد نفسها وتفكر فيما قالت تماما وليس الاختيار في الكلام المرغوب أسال الله سبحانه وتعالى أن يهدينا جميعا إلى طريق الخير والله ولي التوفيق أخوكي هشام من سوريا
أختى أنا هقوللك حاجة انتى نسياها غير انكم فسن مراهقة وده اكيد تفتكرى هو ماعملش كدا مع غيرك ؟ اكيد قال بحبك دى لمليونواحدة قبلك واتعرف علها بتفس الطريقة ويباة كداب لو قالك العكس صدقينى كلهم ع النت بيقضوا وقت فى واحدة صحبتى اتعرفت على واحد من النت وحبيته جدا وبعد ماحددت معاه ميعاد انه يجى يقابل اهلها الافلام العربى القديمة اشتغلت وقالها انا مريض مرض مميت ولازم نبعد عن بعض والدكاترة قالوا أدامى بالكتير شهرين البنت كانت هتموت نفسها وفالاخر وبعد فترة طويلة جدا ربنا كشفه على حقيقته وعرفت انه كان بيحور وحوارات من دى كتيررر أياكى تصدقى حوارات النت كلها كدب فكدب وشباب مش لاقى شغلانة يعملها فبيشتغل البنات الى زى حضرتك كدا الى محتاجين حد جمبهم صدقينى نار المشاكل الى انتى فيها والى اكيد هتتحل بعدين ولا جنة اى شخصية من ع النت هتجيبلك المشاكل بعدين وعلى ما اعتقد انتى مش ناقصة نصيحتى انك تبعدى نفسك عنه تماما وتقطعى اى اتصال بينكم لان الحوار فاااشل صدقينى وانتى مش حمل صدمات ماتجيبيش لنفسك وجع القلب وابعدى احسن وربنا شايلك نصيبك
هو مفيش مشكله انكوا تحبوا بعض بس لازم تشفيه ويشوفك عشان تقدرو تحبوا بعض لكن لو الحب جه من خلال النت بس كده اعتقد انوا صعب الحب كده
حبيبتي انا بنت زيك وحاسه بيكي المشكله ان الحب بيجي فجأه سواء النت اوغيره بس لو هو اخره حلال وجواز يبقي مش غلط المهم الصدق بس انتي بتقولي مش مطمنه لكلامه ممكن اعرف ازاي ياريت تردي علياوربنا يوفقك للصح
انا مجربه الموضوع دا 3 مرات و 3 طلعوا كدابين انصحك تكبرى دماغك مهما قالك انا اتجرحت جرح كبييييييييير اوى عشان برده كنت بحب واحد بس الحمد لله كل حاجه بانت والله كله كدب ف كدب