السلام عليكم
انا مشكلتى انى فى يوم من الايام اتعرفت على بنت على النت بالصدفة
هى ماكنتشى بتكلم شباب خالص و انا كونت اول واحد تكلمو (دة على حسب كلمها)
المهم فترة ولاقيت نفسى بحبها و قولتلها انى بحبها و هى ردت و قالتلى انها بتحبنى
بعد مدة انا حصلت عندى ظروف ماكونتش بقدر اقعد على النت خالص على شان اكلمها
بعدها لما الظروف دى خلصت رجعت اطمن عليها و اكلمها لاقيتها كلمت واحد اكبر منى و منها ب كتير
وقالتلى انها ماحبتشو خالص و حتى انا كمان لما كلمتو لاقيتو بيقولى انها كلمتو عنى كتير
انا على شان بحبها اوى سمحتها
و بعدها لاقيتها بتكلم ولاد اعممها هوا دة حاجة عادى بس انا طبعى مش بحب كدة على شان بغار عليها
المهم انا خلتها تبطل تكلمهم خالص و هى وافقت على كدة
المهم كان فى واحد هى كانت بتشتكيلى منو هوا ابن خالتها كانت بتقولى انو بيعاكسها و بيقول عليها كلام مش حلو
انا فضلت اقولها فى حلول و بعدها الموضوع بتاع ابن خالتها دة راح لحالو
فترة و بعدها النت فصل عندها حوالى 5 ايام تقريبا
هى اجت بعتتلى رسالة على الموبايل بالغلط ليا و كان مكتوب فيها اسم ابن خالتها و اسمى و انها بقت تكرهنى انا و هوا
قولتلها اية الرسالة دة قالتلى مش ليك دة الكلام دة لبابا و اخويا (انا ماصدقتش الكلام و عملت خناقة معاها )
بعدها لاقيتها سابتنى و خالت اوحدة صاحبتها تكلمنى و تقولى اننا مش ننفع لبعض
و انى انا غلطان فى حقها و ظالمها
انا حالتى ادهورت خالص ماكونتش بشرب سجاير ولا باطيق ريحتها بقيت بشرب سجاير و خد مخدرات و برشام و خمرا و دة كلو بسبب الشطان
المهم فترة و انا بعتلها رسالة و قولتلها على حالتى لاقتها لتصلت بيا على الموبايل و قالتلى انها بقت تكلم ابن خالتها اللى كان بيشتمها و بيعاكسها و بيقول عليها كلام و بعد الكلام دة قالتلى انها لسة بتحبنى و عاوزة ترجعلى تانى
و رجعتلى و بعد شهرين حصل نفس الكلام و سابتنى و رجعت تكلم ابن خالتها تانى و انا دة كلو بدامر بذيادة و بيبقى نفسى ترجع تكلمنى تانى
المهم فطرة و لاقيتها بتكلمنى و رجعت تكلمنى تانى و( المشكلة انى بحبها )و بعدها هى فضلت تتلكك على حاجاة بسيطة على شان تعمل خناقة معايا و سابتنى للمرة التالتة
و اخر مرة رجعتلى فيها بالظبط كونا فى رمضان السنة اللى فاتت و هى فضلت تحلف بالله انها مش هالتسبنى تانى و انها بطلت تكلم ابن خالتها دة
المهم فى يوم قبل الفطار كونت بفتح ايميلها لاقيت موجود ايميل ابن خالتها دة
انا كونت هاموت من الزعل لدرجة انى اغم عليا لمدة 10 دقائق تقريبا
و بعدها هى فتحت و كلمتها قولتلها انتى خاينة و فضلت اقل فى ادبى
و من ساعتها و انا مش قادر انساها و لسة بحبها
حتى لدرجة انى كلمت بنات تانين كتير بس مش عارف احب ولا واحدة فيهم و حاس ان البنات كلهم خاينين
و المشكلة كلها انى لسة بحبها و بتمنى انها ترجعلى
ياريت حد يقولى دة انا كدة مريض نفسى
ولا انا اية ولا لية يحصل معايا كدة مع انى للعلم انى لما كونت بكلمها فى الفترة دة كلها عمرى ما خونتها ولا كلمت اى بنت ولا بصيت لاى بنت
و لية هى تعمل كدة
و هل فى واحدة تحب واحد كان بيقول عليها كلام واحش و انا اللى كونت بحبها من كل قلبى تكرهنى كدة
انا اسف على شان طولت عليكم
بس والله والله انا تعبان بجد و عاوز حل للمشكلة دى
يابني انت عبيط ولاايه حكايتك افهم ياذكي البنت بتسرح بيك كل مرة ومش بتحبك اطلاقا قلبها مع بن خالتها عرف كيف يشنكلهاويخليهاتحبو غصب عنها اتركها وربنا يكرمك بخير منها
الي يبيعك بالشكل دا دوس عليه برجليك .. انت مش هتفرض نفسك على حد .. وبكرة هي هتندم لانها سبتك بجد..وسوري يعني البنت دي شكلها كدابة منين ابن خالتها مطلع عليها كلام وحش ومنين بتحبه..هي شكلها كانت بتغيظه بيك ..وعوزاه يغير ؟؟ وبعدين البنات الي بتبيع بالشكل دا اسهل حاجة نعملها اننا ننساهم لانهم مش يستهلو اكتر من كدا ..وانت ربنا انقذك من البنت دي بدال مكنت تدخل في حوارات اكتر من كدا وبعدين حب النت ايه دا الي انتو بتصدقوه ..فوق من الوهم دا ودي شكلها بنت مش كويسة والله
الصراحه هيه متستهلش وى انت لى تدمر نفسك علشان وحده مش تستاهل انت هتنسه فى يوم وى هتحب غيره
بصراحة البنت دي ماتستاهلش حاجة …وبصراحة أكثر و من غير ما تزعل يعني انت ترضى تسامح واحدة خاينة…يعني مثلا لو أنا حصل لي مثل وقفك و رب الكعبة ما أسامح و أنا البنت يعني ازاي و انت الراجل ترضى بواحدة خانتك …و بصراحة حتى لوكان شو ما كان و اذا كنت ذايبة فيه مش حسامحه لأن الي بيبيعني بالفول أبيعه بقشر الفول …و انسى انسى و خليك قوي ومتماسك و يا ريت نتعلم من أخطاءنا بقى يعني نتعلم ما نسلمش قلبنا الا الي يستاهل و تحت الكلمة دي ثلاث خطوط.
بص يااخي هي اكيد مش بتحبك او اظن كده عشان انا بنت وبصراحه البنات لما تحب اكيد مش بتعمل كده وبعدين ازاي تحب حد تاني كان بيشتمها او مش بيقدرها وانت الي كنت بتموت فيها طبعا مستحيل اي بنت تعمل كده وبص حاول تنساها وتشوف غيرها وحاول تشوف حاجه تشغل وقتك بيها واكيد هي مش تستهلك واكيد ربنا هيبعت لك بنت تحبك وتقدرك اختك عاشقه اتمنى لك التوفيق ومتخفش هتنساها عشان ربنا انعم علينا بنعمة النسيان
انا نسيت شئ معلش انا برجع تانى وبقولك حاجة موفيدة حب اللى يحبك وصون اللى يصونك وكرح اللى يكرهك وصدقنى ان النت مش بتحبك لو بتحبك كان معملت هيك من الاول يعنى انت انسها وقول يارب وتقرب الى الله وان شاء الله بتنسهااااااا
يا اخى ولا يهمك بديل اوحدة مليون اللى تحبك وتحبهااااا بس والله والله البنت دى متستهل دمعة من عينك علشانهاا دى سباتك اكتر من مرة يعنى بتشتغلك بعربى يعنى اقولك شئ انا زاى اخ ومقدرك على كل شئ انت عملتو بس مش هدرجة تعمل فى نفسك هيك علشانها بديل الوحد مليون بقولها تانى مرة اللى تحبك وتحبها يعنى انسهاهاااااا احسن قبل يفوت المعاااادوشوف حياتك وان شاء الله ربنا بيقدرك وتحب واحد احسن منهاااا بس انت انسها الاول وشوف دانيتاك يا لب قلبك فديتك انا ويارب يكون انا سعدتك
كل الاقدر اقوله الك ان مش حتنساها ومش حتقدر تعمل كدا لاان انا سارت معي تقريبا نفس القضة وسار الي دلوقتي 3 سنين ومش قاد انسي
بحد انت انسان طيب ومحترم جدا بس هى الى متستهلكش انت هتلاقى بنات احسن منها وتحبك وتحبها دى كانت متعمدة تعمل كدة علشان انت تعرف وتسيبها مع ان هى عارف انا لو ليها مزاج ترجعلك تانى سورى يعنى انت هتوافق علشان انت بتحبها وهى عارفا كدة كويس بس دى انسانة مش كويسسة خالص انت اكيد لاازم تنساها وتعيش حياتك والى انت فية دة مش حالة نفسية لا دة انت بس اتصدمت فيها وممكن لو انا كلامة دة ريحك او هز اى حاجة فيك تبطل انك تشرب علشان واحدة زى دى انا بجد حاسة بيك جدا لانى مريت بحاجة زى كدة وبجد انت انسان كويس وتسامح وهتلاقى بنت تصونك وتصونها وفى بنات كتير احسن منها
صدقنى البنت دى مش تستاهلك خالص انت تستاهل واحده مخلصه ومحترمه بجد لانك انسان بتخلص للى بتحبه بجد والبنت دى سلوكها وحش جدا ومتزعلش بس انت غلطت لما كنت بتوافق ترجعلها ربنا يوفقك وحاول تنساها وصدقنى فى بنات كتير كويسه جدا جدا واكيد هتقابل اللى تكون مخلصه وبتحبك بجد اكيد
شكرا ليكو كلكم يا جماعة
و اسف على شان تعبتكم معايا
و بالنسبة لكلام الاخ فارس الظلام
كلامك على عينى و على راسى
بس احب اوضحلك نقطة واحدة
انى انا مش زاى ما انت فاهم كدة انى ماليش شخصية او انى ضعيف
انا الموضوع كلو انى حبيت الانسانة دى و انى مصدق كل كلمها
و لما هى كانت بتقولى انها خلاص رجعتلى و انها مش هاتسبنى تانى و لما كانت تكلمنى الاقيها بتعيط
كونت بسمحها
اذا كان ربنا بيسامح يبقا
انا مش هاسامح اللى بحبها
و فى الاخر شكرا لاهتمامك بالمشكلة و الرد عليها
و شكر لجميع الناس اللى ردت
لو كنت بتحبها اتزوجها مش بتمشي القصة كلها حب وخيانة الافضل انك تنساها لانها قصة فاشلة من النهاية
انا هتكلم و قولك الحال بس ببساطه معظم البنات عندها حالت استهتار دى و انت وقعت اوى و بزياده فى حبها خلتها عملت ده فيك بقيت معبود هندها مش لله يعنى باشاره ترجع باشاره تجى وده مش حال راجل ابدا انا ما اقصدش التجريح بس قلوها ان لكيدهنا عظيما كل واحد وليه جروحه مفيش حد ملهوش جروح حتى لو اول حب فضل معنا لزم جروح عشان ده حياه لزم فرح ولزم حزن بس الايام دى الحزن اكتر من الفرح اقولك انا حاجه احسن فكر فى حياتك و نفسك الناس الى بتحبك بجد ضرو بالحال الى انت فيه يضهم انك توصل لكده الحب الى بيروح بيجى الى احسن منه و افضل منه و اجمل منه خد الى يحبك ما تخدش الى تحبها لو هيا بتحبك هتعمل المستحيل عشان ضرضيك مش هتستنا على غلطه عشان تعملها مشكله بس صدقنى اكذب عاليك لو قولت فى حب بجد دلوقتى كلمت بحبك دى بقت كلمه مش مشاعر و احسيس الكلام ده اول مره يطلع منى على فكره بس تقدر تقول عشت معناتك
ما تخليش الحب هوا حياتك انت حياتك مشيه متوقفها عشان مشاعر و كلام فاضى عيش حياتك و امشى و اعملك نفسك و حقق زاتك وموت قلبك ولو لحد ما تكون جاهز للحياه من جديد كون راجل خاليى الناس تعرفك و يعملو ليك حساب و اسمك و شخصيتك و حقق زاتك و ابنى نفسك من جديد و لما تكون قادر على الزواج فى لحظه حب عشان الى تحبها تجوزها مش تفضل تحب بلا فائده الحب اخره طرقين يا جرح يا جواز و فرح و مات حب بيتولد الف من الحب الانسان مش هيموت عشان حب ولا يوقف حياته عشان حب ملوش اى لزه فى حياته جرب الى قولت عاليه
وسعتها هتكون حياتك افضل حب وقد ما تكون مستعد عشان ما تجرحش تانى
بغض النظر عن السن وعن تفكيرك وعن حبها لك وحبك لها احب اقول لك ان الحب عمره ماكان بلطريقه دى ولا بلاسلوب ده وانها تبعتلك رساله ع موبايلك دى متعمده انها تبعتها لك ومتعمده انها تشتغلك سورى ع اللفظ لكن هى دى الحقيقه لانها من الا خر عرفت اخرك وعرفت اد ايه انت متعلق بيها وما تقدر تستغنى عنها وما دام حضرتك وصلتها انها تعرف اخرك يبقى خلاص جيم اوفر يا مان وبعدين السجاير والمخدرات مش طريقه للنسيان بل طريقه لتضخيم المشكله انسى والحب الحقيقى يا صديقى العزيز عمره مكان كدا اصدق حب فى الحياه حب زوجتك التى تعيش معك تحت سقف واحد وتعيش حقيقتك بحلوها ومرها هى الوحيده التى تستحق كلمه بحبك وعموما انا هقولك شى لو خانت البنت رجل فليس العيب منها بل من الرجل لانه لم يستطيع ان يكون لها كل الحياه واتمنالك التوفيق والثقه الزائده بنفسك ورجولتك يا اخى الفاضل
ببساطة البنت دى كانت كدابة من الاول ومكنتش صادقة معاك من البداية واكيد كل كلمة كانت بتقولهالك كدب ويقلها كمان كانت بتكدب عليك لما كانت بتقولك ان ابن خالتها مش كويس لمجرد انك تغير عليها وكل اللى بتعملة دة بتدور على فرصة وخلاص او هى بنت مريضة بتحب تحس انها مرغوبة وخلاص يا ريت تتقرب من ربنا وتنساها لانها اصلا متستهلش انك مجرد انك تفكر فيها
أنامعاك انك مش قادر تنساها بس البنت اللي مش بتحبك ومش بتقدر حبك ليها ماتستحقش دمعة من عينيك تنزل علشانها وأكيد ان شاء الله ربنا يرزقك ببنت تحس بيك وبماشعرك انت لازم تنساها وتنسي اي حاجة ممكن تفكرك بيها أي حاجة ممكن تسامح عليها الا الخياتة وهي اصلا مش بتحبك واللي ميبكيش عليك عمرك ماتبكي علية ربنا يوفقك
اولا انت عندك كام سنه…… وواضح انك معندكش خبره ولا درايه بالحياه خالص..ماتزعلش من كلامي الحقيقه بتبقى مره معظم الوقت لاننا عوزين الخيال زي اللي انت فيه…. انت راجل لما تحب تحب البنت المناسبه ليك الصح في الوقت الصح بالطريقه الصح ….هيا ممكن تكون بتحبك لانك بالنسبه ليها فيلم جميل بس لما يكتر ممل واكيد هيا مش فاهمه كده لانها بتتعامل باحسها واللي عاوزها بغض النظر صح ولا غلط المهم الخيال الجميل…… دايما بقول المخدرات جميله واحسساسها عالي وممتع لكن مدمر…. اكيد فهمتني
اولا فتره 4 سنين تعرفك الشخصيه الي قدامك كانت صادقه او كذابه وبعدين بطريقتها دي بتلعب بيك هي كده خليتك زي الاعب الاحتياطي حاول تنساهل ودور هتلاقي احسن منها وربنا يرزقك ببنت الحلال وتكون زوجه صالحه ليك
الحل هو انك مش مريض ولا حاجة حتى ولا حبتها يمكن اتعلقت بيها اوى وسلمت نفسك عليها لا مش ممكن يكون في حب من علي النت ودى يمكن تكون حبت فعلا ابن خالتها لكن انت لا علي فكرة البنات اللي من النوع دة بتكون عاوزة تكلم اي حد واي عدد ومش فارق عندها حاجة وعاوزة اقولك حاجة البنت دى عمرها ما حبتك بس هي كانت بتتسلي علي النت دة اكيد غير الولاد اللي في المدرسة والشارع والكلام دة وانا نصيحتي لك انك تحاول علي قد ما تقدر انك تحاول تنساها بحب جديد وشريف ومش من النت وعلي فكرة مش كل البنات كدة بالعكس دة في ناس مبيحبوش غير بجد وملهمش في اللعب دة خالص وحاول انك تشغل وقتك باى شى حتى لو مش حب انت حر وحاول انك متضيعش نفسك بسبب حد ميستهلش صحتك اهم حاجة مش بنت خاينة هتدخلك النار وتخليك تضيع نفسك وتضيع مستقبلك انساها واوعي انك تفكر ترجعلها لان صدقنى دة مش حب وحتى لو هى عاوزة ترجعلك اوعي توافق خلي عندك كرامة وعزة نفس
انا شايفة انك متدمر جدا وعشان ايه كل ده عشان واحدة متستهلكش انا حبيت واحد برضه ع النت وكنت مخلصة جدا كان اول واحد في حياتي وفي الاخر اتغير معايا كدة وفجأة لقيته بيقولي انا خنتك ونمت مع بنات وبيكلمني على اني واحدة رخيصة واكيد ممكن تكون حانته متتصورش دي كانت صدمة قد ايه بالنسبالي لكن الصدمة اللي مش بتموت بتقويك دي مش النهاية ومش هي دي اللي تعمل في نفسك كل ده عشانها انت حبيت وده طبيعي انك تنهار بس كفاية لغاية كدة لان دي مش اخر الدنيا انت لو عمرك ما اذيتها وكنت متقي ربنا معاها ربنا هيعوضك خير حتى لو فكرت ترجعلك انت اللي المفروض تقول لاء بتمنالك التوفيق في حياتك حاول تبعد عن السجاير والمخدرات والخمرة وقرب من ربنا وقرب من صحابك الكويسين ومع الوقت هتنساها متحاولش يكون عندك وقت فراغ طويل لان الفراع يعني الضياع من الاخر اشغل نفسك بحجات مفيدة ويارب اقدر اكون ساعدتك